KEDS njofton, këto vende do të jenë pa rrymë sot

KEDS-i ka njoftuar se sot do të ketë ndërprerje të energjisë elektrike për shkak të punimeve të domosdoshme në rrjet.

Orari sipas rajoneve të Kosovës ku do të ketë ndërprerje është:

Prishtinë:

Punime të domosdoshme për siguri të sistemit

1.

Nga TS 110/35/10kV Prishtina 1 (H02) do të ndërprehet:

NS 35/10kV Badovci (H03) pa tension mbesin të gjitha daljet 10kV  prej orës 11:30  deri ne ora 15:30

Vendet: Mramor, Slivovë, Brusi, Busi, Zllashë, Viti e Marevcit, Mareci, Hajvali, Graçanica, Padalishtë, Te mbeturinat, Graçanica, Padalishta, Te mbeturinat, Ibër Lepenci dhe Lindja, Minierat Kishnicë, Minierat Kishnicë Trepça Novobërdë, Bejta komerc Kshnicë, Janjevë, Shashkovc, Akllap, Terbuvc Gushtericë e Epërme, Shushicë, Badovc i Ri, Metaliku-Janjevë, K.U.R. “PRISHTINA”, ”GC METAL” SH.P.K  Florin Imeri,

Arsyeja: Mirëmbajtje preventive, ndërrimi i releut.

Prizren

Punime të domosdoshme për siguri të sistemit

1.

Nga TS 110/35/10 kV Theranda do të ndërprehet:

Dalja 10kV Studenqani 2 (kodi: 32000024) prej orës 10:00 deri në ora 14:00

Vendet: Reshtan, Studençan, Samadrexhë dhe rr, Skënderbeu.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

2.

Nga TS 35/10 kV Dragash do të ndërprehet:

Dalja 10kV Bresana (kodi: 30036007) prej orës 10:00 deri në ora 15:00

Vendet: fshatrat: Blaq, Brodosanë, Buzez, Kuk, Kuklibeg, Zaplluxhe; afariste : N.P.T “Mulliri”  Buzez, N.T.P. Qumështorja Sharri Kuk dhe Restoran Opoja.

Arsyeja: Mirëmbajtje preventive: riparimi i ormanit, vendosja e ndërprerësit dhe ndërrimi i kabllos së furnizimit në TS Kuki I me kod: 30036007003.

Ferizaj

Punime të domosdoshme për siguri të sistemit

1.

Nga TS 35/10 KV Shtime do të ndërprehet:

Dalja 10kV Koshare (kodi: 41046005) prej orës 09:30 deri në ora 14:30

Vendet: Koshare, Magjistralja – Ferizaj-Shtime, Slivovë, Gllavicë dhe Dramjak.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

* * *

Punime nga pala e tretë

1.

Nga TS 110/35/10kV Lipjani do të ndërprehet:

Dalja 10kV Konjuh (kodi: 41000004) prej orës 10:00 deri në ora 14:00.

Vendet: Lipjan (një pjesë), Konjuh, një pjesë e Banullës, Bizneset përgjatë Magjistralja Prishtinë- Ferizaj

Arsyeja: Punimet  duhet te kryhen sipas pëlqimit elektro-energjetik dhe projektit të aprovuar.

Mitrovicë

Punime të domosdoshme për siguri të sistemit

1.

Në TS 110/10 kV Vushtrria 2

Nga dalja 10 kV Kabllat do të ndërprehet Ts-i:

TS 10/04kV TSB-Nr-4 (kodi: 73000001007) prej orës 10:30 deri në ora 15:30

Vendet: rr.Faruk Beqiri

Arsyeja: Ndërprerje për shkaqe sigurie, kyçja e kabllove PPOO (0.4kV) dhe  demontimi i shtyllës të 0.4kV.

* * *

Punime në projekte investive

1.

Nga TS 110/10(20) kV Skenderaj do të ndërprehen:

Dalja 10[kV] Qirezi (kodi: 74000004) nga ora 08:30-09:00 dhe nga ora 16:30-17:00

Vendet: Krushefc, Polac, Dashefcë, Baks, Qirez, Prellofcë, Krasaliq, Kozhicë, Krasmirofcë, Likoshan, Gradicë dhe Godancë.

Arsyeja:  Krijimi i kushteve të punës pa tension, largimi i urave të tensionit të mesëm.

2.

Në TS 110/10(20) kV Skenderaj

Nga dalja 10 kV Qirezi do të ndërprehen trafostacionet:

TS 10/04[kV] Baks Muçolli (kodi: 74000004013) nga ora 08:30 deri në ora 17:00

TS 10/04[kV] Baks Shaqiri (kodi: 74000004014) nga ora 08:30 deri në ora 17:00

TS 10/04[kV] Baks te Xhamija (kodi: 74000004015) nga ora 08:30 deri në ora 17:00

TS 10/04[kV] Baks Dushku (kodi: 74000004016) nga ora 08:30 deri në ora 17:00

TS 10/04[kV] Prellovcë-1 (kodi: 74000004017) nga ora 08:30 deri në ora 17:00

TS 10/04[kV] Prellovcë-2 (kodi: 74000004018) nga ora 08:30 deri në ora 17:00

TS 10/04[kV] Krasaliqë-2 (kodi: 74000004020) nga ora 08:30 deri në ora 17:00

TS 10/04[kV] Baks Jakupi (kodi: 74000004021) nga ora 08:30 deri në ora 17:00

TS 10/04[kV] Qirez Qendra (kodi: 74000004022) nga ora 08:30 deri në ora 17:00

TS 10/04[kV] Qirez Prekazët (kodi: 74000004023) nga ora 08:30 deri në ora 17:00

TS 10/04[kV] Qirez Muhaxhert (kodi: 74000004024) nga ora 08:30 deri në ora 17:00

TS 10/04[kV] Kozhicë (kodi: 74000004025) nga ora 08:30 deri në ora 17:00

TS 10/04[kV] Krasmirovcë (kodi: 74000004026) nga ora 08:30 deri në ora 17:00

TS 10/04[kV] Qirez Hyseni (kodi: 74000004027) nga ora 08:30 deri në ora 17:00

TS 10/04[kV] Kozhicë e Re (kodi: 74000004035) nga ora 08:30 deri në ora 17:00

TS 10/04[kV] Graniti Com (kodi: 74000004038) nga ora 08:30 deri në ora 17:00

TS 10/04[kV] Berat Lushtaku (kodi: 74000004039) nga ora 08:30 deri në ora 17:00

TS 10/04[kV] Qirez Qendra (kodi: 74000004043) nga ora 08:30 deri në ora 17:00

Vendet: Baks, Prellovcë, Qirez, Kozhicë, Krasaliq dhe Krasmirovcë.

Arsyeja:  Energjizimi i segmentit të ri 10 kV në LOT19.

Gjakovë

Punime të domosdoshme për siguri të sistemit

1.

Nga TS 110/35/10 kV Rahoveci do të ndërprehet:

Dalja 10kV Shkoza (kodi: 82000009) prej orës 10:30 deri në ora 15:00

Vendet: Condor  SH.P.K., ” Kosova-pack ” SH.P.K., Mulliri NPT”Vetoni”, ODS-Metal, ” Gender ” SH.P.K., N.T.SH,,PISTA”, rr.486 Xhelal Hajda-Toni, rr.497 Shkëlzen Krasniqi, rr.498 Xhevat e Alajdin Elshani.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë

Më 2 qershor, mbrojtja e ish-krerëve të UÇK-së pritet ta dorëzojë mocionin

Avokatët e Hashim Thaçit, Kadri Veselit, Jakup Krasniqit e Rexhep Selimit më 2 qershor pritet ta dorëzojnë mocionin për rrëzimin e pikave të aktakuzës.

Pas mbrojtjes, prokuroria ka një muaj kohë që t’i përgjigjet këtij mocioni.

Pak javë më parë në Kosovë qëndroi kryetarja e Dhomave të Specializuara, Ekaterina Trendafilova, e cila e anuloi konferencën që ishte thirrur për media. Ndërkohë, deklarimi i saj i djeshëm se protesta e veteranëve ishte tregues i qartë se pse procedurat gjyqësore po zhvillohen jashtë Kosovës, ka nxitur reagime në Kosovë.

Nënkryetari i OVL të UÇK-së, Fatmir Sopi, tha se këto aludime janë të pavërteta dhe dashakeqëse.

“Unë mendoj se nuk është e vërtetë ajo, sepse gjykime ndaj pjesëtarëve të Ushtrisë Çlirimtare të Kosovës ka pasur që nga paslufta, me gjykata të UNMIK-ut, me gjykata të EULEX-it, po ashtu edhe në gjykata vendore. Prandaj, asnjë problem nuk ka pas zhvillimi i këtyre gjykimeve brenda në Kosovë. Ajo duhet ta dijë që dikush që e quan UÇK-në ndërmarrje të përbashkët kriminale nuk do të pritet kurrë në Kosovë me lule, do të pritet gjithmonë me protesta”, ka thënë Sopi.

Avokati Ardian Bajraktari thotë se deklaratat e Trendafillovës nuk qëndrojnë, pasi Kosova ka dëshmuar disa herë sigurinë e saj.

“Për vite me radhë, përgjegjës për hetimin e veprave penale që ndërlidhen me krimet e luftës kanë qenë autoritetet ndërkombëtare dhe në rrjedha të kësaj nuk ka pas asnjë pengesë sa i përket mënyrës së punës së tyre prandaj vlerësoj që është një aludim i paqëndrueshëm”, ka thënë Bajraktari.

Ndërkohë, në mesin e personave që kanë aplikuar për statusin e viktimës në rastin ndaj Thaçit dhe të tjerëve figuron edhe një person, që ka thënë se UÇK-ja i ka bërë magji të zezë dhe e ka hipnotizuar.

Nga Prokuroria e Specializuar kanë thënë se këtij personi i janë refuzuar të gjitha aplikimet nga gjykata.

A do ta votojnë VV-në? Abdixhiku ka një porosi për deputetët e partisë së tij

Kryetari i Lidhjes Demokratike të Kosovës (LDK), Lumir Abdixhiku, ka thënë se nuk flet me deputetët e LDK-së nëse kanë presion nga LVV.

LDK-ja e ka pranuar se disa deputetë të saj janë kontaktuar nga LVV.

Por, Abdixhiku tha se çdo deputet e ka rrugën çelë të shkojë, nëse mendon që duhet të tradhtohet vota e LDK-së.

“Me asnjë deputet nuk kam folur a keni presion apo jo, as nuk do t’i bindi. Tash po ju them kushdo që mendon që duhet me kalu në shumicë rrugën çel e kanë. Nëse mendoni me tradhtu rrugën e LDK-së urdhëroni, por asnjë nuk ka shfaq një gjë të tillë. Këto janë diskutime mediatike që lindin prej studiove më tepër, ka kontakte – por asnjë nuk ka thënë po shkojë”, ka thënë Abdixhiku në T7.

Kryetari i Lidhjes Demokratike të Kosovës (LDK), Lumir Abdixhiku ka thënë se sikur LDK-ja t’i kishte 48 deputet shumë lehtë do të formonte institucionet.

Por, ai tha se edhe po të shkojë më gazë lotsjellës në Kuvend, asgjë nuk ndryshon – Kushtetuta fillimisht i jep përparësi partisë së parë.

Abdixhiku tha se LDK-ja sillet brenda rendit kushtetues.

“Duhet i pari ta bëjë shumicën, nuk ka alternativë tjetër. Qëndrimi i LDK-së mbetet i njëjtë, çështja është se dhe po reagova e shkova me gaz lotsjellë, sërish asgjë nuk bëhet pa të parin. Kushtetuta e Kosovës e determinon që i pari duhet të nis urën”, ka thënë Abdixhiku.

E dhimbshme: Vdes gjyqtari kosovar, ishte edhe tranjer fitnesi

Pas një sëmundje të rendë ka vdekur në moshë të re gjyqtari i notit, Ervin Halimi.

Pas kësaj ka reaguar Federata e Notit të Kosovës.

“Me dhimbje të thellë morëm lajmin për ndarjen nga jeta të parakohshme të Ervin Halimit, më 29 maj 2025. Ai ishte një sportist i përkushtuar dhe gjyqtar noti me vlera të larta njerëzore e profesionale”, shkruan në njoftimin e kësaj Federate.

Në njoftim thuhet se kontributi i Ervinit në sportin kosovar, sidomos në zhvillimin dhe përfaqësimin e denjë në fushën e notit, do të mbetet i paharruar., raporton IndeksOnline.

Nuk është Lufti Haziri – Ky është kandidati i LDK-së për kryetar të Gjilanit

Arbër Ismajli është emëruar kandidati zyrtar i Lidhjes Demokratike të Kosovës (LDK) për kryetar të Komunës së Gjilanit në zgjedhjet lokale të ardhshme, shkruan Gazeta Sinjali.

Lajmin e bëri të ditur vetë Ismajli përmes një postimi në Facebook, duke konfirmuar mbështetjen e plotë nga kryetari i LDK-së, Lumir Abdixhiku, dhe kryetari aktual i degës në Gjilan, Lutfi Haziri.

Me këtë vendim, Haziri ka vendosur të mos garojë për një mandat të ri në krye të komunës.

Ismajli falënderoi Abdixhikun dhe Hazirin për besimin dhe mbështetjen, si dhe nëndegët e partisë në qytet. Ai e konsideron nominimin si një përgjegjësi të madhe dhe shpreh gatishmërinë për t’u përkushtuar me vendosmëri në shërbim të qytetarëve.

“Gjilani meriton më shumë dhe këtë rrugëtim do ta bëjmë së bashku,” tha Ismajli, duke bërë thirrje për bashkim dhe përkrahje nga të gjithë qytetarët, me synimin për zhvillim, dinjitet dhe përparim të qytetit.

“Reuters” shkruan për protestën e bizneseve që bllokuan sot hyrjet e Prishtinës

Agjencia e lajmeve Reuters, ka shkruar për protestën e mbajtur sot në Prishtinë nga qindra pronarë biznesesh kundrejt vendimit të daljes në tregun e lirë të energjisë elektrike.

Përderisa janë dhënë detaje për protestën që mbylli hyrjet kryesore të kryeqytetit, Reuters duke iu drejtuar Kosovës, si një nga vendet më të varfra të Evropës, shkruan se vendi prodhon mbi 90% të energjisë së saj nga dy termocentrale të vjetra me qymyr, megjithatë ende varet nga importet, duke vënë në fokus edhe blerjen e energjisë me vlerë 114 milionë euro nga tregu i hapur gjatë vitit të kaluar.

“Vendi varet shumë nga importet për të mbuluar mungesat vjetore. Vitin e kaluar, qeveria bleu energji nga tregu i hapur me vlerë 114 milionë euro për të mbuluar diferencën,” shkruan Reuters.

Tutje, shkruhet se kryeministri Albin Kurti nuk ka dhënë asnjë shenjë të tërheqjes, përkundër pakënaqësive të bizneseve, ndërsa citohet për deklaratën e tij të mbajtur para protestës ku tha se “plotësimi i kërkesës së bizneseve për më shumë kohë nuk e zgjidh problemin, por transferon kostot e energjisë në faturat shtëpiake.”

Në artikull citohet edhe Shaqir Palushi, pronar i kompanisë së pijeve “Frutex”, i cili duke folur për agjencinë ka thënë se fatura vjetore e energjisë për kompaninë e tij do të trefishohet, duke arritur rreth 1.3 milionë euro, sipas ofertave të marra nga furnizues të ndryshëm.

Kujtojmë se rregullatori i energjisë njoftoi në muajin mars se, duke nisur nga 1 qershori, të gjitha kompanitë me më shumë se 50 punonjës ose me një xhiro mbi 10 milionë euro nuk do të përfitojnë më nga subvencionet shtetërore që i bëjnë bërë faturat e energjisë në Kosovë ndër më të ulëtat në Evropë. Sipas rregullatorit, ky hap është pjesë e përkushtimit për “liberalizimin e tregut”, një kusht për anëtarësimin në Bashkimin Evropian, megjithatë, bizneset kanë protestuar duke thënë se masa do të dëmtojë rëndë bilancet e tyre financiare.

“Pak po ju bëjnë çka meritojnë” – Abdixhiku komenton protestën e bizneseve

Kryetari i Lidhjes Demokratike të Kosovës (LDK), Lumir Abdixhiku, ka thënë se qëndron në mbështetje të bizneseve.

Por, ai tha në “Presisng” të T7, se janë 171 mijë punëtorë që punojnë në sektorin e privat.

Abdixhiku tha se 42% për Lëvizjen Vetëvendosje pa punuar asgjë për katër vjet, flet shumë.

Ai theksoi se “nga zemra e plasur”, po  e citon Gazmend Muhaxherin se “pak po ju bëjnë çka e meritojnë”.

“Ndjej keqardhje që gjendemi në situatë të tillë ku bizneset kryesore të Kosovës kanë një breng që s’mund t’ia besojnë institucioneve të Kosovës, por siç thotë ndonjëherë Gaz Muhaxheri pak po iu bëjnë çka meritojnë. Po e them prej zemrës së plastë”.

“Janë 171 mijë punëtorë që punojnë sektorin privat në këto biznese që prekën direkt prej krizs energjetike”, ka thënë Abdixhiku.

Shqetësuese – Sejdiu thotë se situata është serioze: Vendi po shkon drejt bankrotit

Opinionisti Dardan Sejdiu sonte në emisionin Rubikon në Klan Kosova foli në lidhje me protestën e sotme të bizneseve, duke thënë se prej tyre 143 mijë njerëz marrin paga çdo muaj.

Ai u shpreh se situata është serioze dhe tha se vendi po shkon drejt bankrotit, përcjell Klankosova.tv.

“Këto biznese që kanë protestuar sot, i kanë 143 mijë punëtorë, 143 mijë njerëz marrin rroga muaj për muaj prej këtyre bizneseve”.

“11 miliardë euro qarkullim në vit bëjnë këto biznese, 11 miliardë euro të ekonomisë së kësaj Kosove vijnë prej këtyre bizneseve që kanë protestuar sot, që është 50 për qind e qarkullimit të përgjithshëm ekonomik të Kosovës edhe 4.5 milionë euro tatime në ditë paguajnë”.

“Ky vend është duke shkuar në bankrot. Është serioze”, u shpreh tutje Dardan Sejdiu./Klankosova.tv

Rusët e akuzuan “se i shiti për Ukrainën”, reagon Vuçiq

Aleksandar Vuçiq ka folur rreth pretendimeve të shërbimeve ruse se “Beogradi vazhdon t’i dërgojë municion Kievit përmes vendeve ndërmjetëse”.

Presidenti serb pohoi se ka biseduar posaçërisht me presidentin rus, Vladimir Putin, të cilët i ka thënë se nuk ka asgjë të vërtetë.

“Edhe në prani të disa personave nga të dy delegacionet, por edhe në bisedë kokë më kokë. Kemi formuar një grup pune, së bashku me partnerët rusë, për të përcaktuar faktet. Disa nga gjërat që janë thënë nuk janë të vërteta. Për shembull, ata thonë saktësisht se ekziston një kontratë me Çekinë. Por, nuk është dhënë leje dhe asnjë nga raketat nuk është dorëzuar”, siguron presidenti i Serbisë, shkruan N1.

Zyra e shtypit e Shërbimit të Inteligjencës së Jashtme (SVR) të Federatës Ruse njoftoi se, sipas informacioneve që mbërrijnë në SVR, ndërmarrjet mbrojtëse serbe, pavarësisht “neutralitetit” të deklaruar të Beogradit, vazhdojnë t’i dërgojnë municion Kievit.

Lexo po ashtu“Ju kemi ndihmuar në momentet më të vështira, kujtojeni Kosovën”, Rusia zemërohet me Serbinë shkaku i Ukrainës

Në njoftimin në faqen zyrtare, SVR thotë se për aktivitetet kundër Rusisë po përdoret një skemë e thjeshtë me certifikata të rreme të përdoruesit përfundimtar dhe vende ndërmjetëse.

“Por edhe një gjë tjetër: fabrikat tona duhet të jetojnë dhe të funksionojnë. Në industrinë ushtarake punojnë drejtpërdrejt rreth 24 mijë njerëz dhe ata varen nga ajo industri. Aktualisht, armët po i drejtojmë për furnizimin e ushtrisë sonë”, thotë Vuçiq.

Ai pretendon se ata që më parë e kanë akuzuar si spiun rus, tani po thonë se ka ndërruar anë “jo, zotërinj, ne punojmë vetëm për Serbinë”.

Ndryshe, Serbia raportohet se eksportoi 800 milionë euro (908 milionë dollarë) municion në Ukrainë nëpërmjet vendeve të treta që kur Rusia nisi pushtimin e shtetit ukrainas në vitin 2022.

Paralajmërohet shtrenjtimi i vajit, ja sa pritet të kushtoj

Pronari i kompanisë së vajit “Fluidi”, Berat Mustafa, ka thënë se të gjithë duhet ta kuptojnë se bizneset nuk janë kundër kalimit në tregun e lirë të energjisë elektrike, por se kjo të bëhet duke qenë të përfshira më shumë kompani, që sipas tij, të ketë konkurrencë mes tyre që ofrimin e çmimit të rrymës.

Në Rubikon të Klan Kosovës, ai ka pohuar se deri tani me planin që është për liberalizim të tregut energjetik për bizneset, është vetëm një kompani e cila është në shërbim të bizneseve për furnizim me energji.

“Në të gjithë botën e qytetëruar prodhuesit janë të shenjtë, apo trajtohen si të shenjtë të themi me një sy pak më ndryshe. Kurse për fat të keq, po shihemi si njerëz që duan të dëmtojnë apo nuk duam të bashkëpunojmë me institucionet tona qeveritare. Të kuptohet për të gjithë publikun apo për të gjitha institucionet e Republikës së Kosovës se prodhuesit nuk janë kundër daljes në tregun e lirë të energjisë, ka dalë i gjithë regjioni dhe e gjithë Evropa, dhe ne duhet sigurisht të ballafaqohemi”.

“Por, ne jemi kundër ofertës të cilës na ofrohet, e cila është vetëm një ofertë. Nuk e kemi ofertën  e dytë, dalja në treg të lirë së paku ishte dashtë të kishte minimum së paku pesë kompani, të cilat do të ofronin energji në treg, do të ishin në konkurrencë. Ne po dalim në treg të lirë me kërku diçka më lirë dhe jo me dalë diçka më shtrenjtë”.

“Unë si kompani si “Fluidi Group”, e kam vetëm një ofertë e cila më ofron 250 euro për megavat. Shtrohet pyetja, cili nga prodhuesit do të mund të jetë konkurrues me prodhuesit e regjionit? Kjo është e pamundur derisa ata paguajnë 100 euro apo 110 maksimumi të megavatit. Energjia tek prodhuesit është pjesë përbërëse apo element përbërës, nuk është pjesë dytësor apo e treta dorë, që nuk kalkulohet në çmim. Deri tash po supozojmë që ka marrë pjesë në 17 apo 18%, po tash po flasim me na marrë pjesë në 50 për qind në produkt. Si do të konkurrojmë në treg me këtë”, ka thënë Mustafa.

Mustafa ka shtuar se me kalimin e në tregun e lirë, bizneset detyrohen të rrisin çmimet e produkteve, ku tha se do të rrisë çmimin e litrit të vajit.

“Unë si prodhues i vajit më duhet të rrisë vajin deri në 20 apo 30 cent, do të thotë nëse në polisat tona shitet vaji 1 euro e gjysmë, unë detyrohem ta shesë në 1 euro e 80 cent. Ose importi e shet 1 e 50, tash qytetarët kur është një dallim esencial sigurisht se do të marrin produktin më të lirë, neve do të na bjerë prodhimi deri në atë masë ku ne do të detyrohemi të ndalim prodhimin”, ka thënë Mustafa. /Klankosova.tv