“Le të vriten edhe 20 mijë fëmijë në Gaza” – Deklarata tronditëse e aktivistes shqiptare

Një deklaratë e dhënë gjatë një lidhjeje të drejtpërdrejtë televizive nga aktivistja shqiptare që jeton në Izrael, Jeta Gani, ka tërhequr vëmendjen për shkak të përmbajtjes së saj të fortë dhe gjuhës së përdorur.

E ftuar në një emision televiziv Gani shprehu mbështetje të plotë për veprimet ushtarake të Izraelit në Rripin e Gazës. Sipas saj, ajo që po ndodh në Gaza është pasojë direkte e sulmeve të Hamasit ndaj popullsisë izraelite, shkruan Gazeta Imazhi

Deklarata e saj e plotë në lidhje me këtë çështje ishte si më poshtë:

“Hamasi u ka marrë jetën të rinjve që jetojnë në Izrael, dhe për këtë arsye po ndodhin vrasjet në Gaza. Le të vriten edhe 20 mijë fëmijë të tjerë në Gaza, ç’na duhet ne?” – tha Gani në transmetim të drejtpërdrejtë.

Jeta Gani është një qytetare shqiptare me banim në Izrael, e cila ka dalë publikisht edhe më parë me qëndrime të forta në mbështetje të shtetit izraelit. Kjo deklaratë është një nga më të drejtpërdrejtat dhe më të ashpra që ajo ka bërë deri më tani në kontekstin e konfliktit të armatosur mes Izraelit dhe Hamasit.

ZRrE-ja mban mbledhje të jashtëzakonshme, merr dy vendime të rëndësishme

Zyra e Rregullatorit të Energjisë, ka mbajtur mbledhje të jashtëzakonshme.

Në këtë mbledhje, ZRrE-ja ka marrë dy vendime që ka të bëj me liberalizimin e tregut të energjisë.

Bordi ka marrë vendim që t’i lëshohet licenca kompanisë VOLTKOS dhe t’i njihet licenca e AI EnergyX

“Në kuadër të procesit të liberalizimit të tregut të energjisë elektrike në Kosovë, Bordi i Zyrës së Rregullatorit për Energji (ZRRE) ka mbajtur sot një mbledhje të jashtëzakonshme. Në këtë mbledhje, Bordi i ZRRE-së ka vendosur të lëshojë licencën për furnizim me energji elektrike për ndërmarrjen VOLTKOS S Sh.p.k., një hap ky që kontribuon drejtpërdrejt në zgjerimin e ofertës dhe rritjen e konkurrencës në tregun e furnizimit me energji elektrike në Kosovë”, thuhet në njoftim.

“Gjithashtu, sipas parimit të reciprocitetit, Bordi ka njohur licencën e ndërmarrjes AI EnergyX – Dega në Kosovë, duke i mundësuar kësaj kompanie që të veprojë në tregun vendor në përputhje me legjislacionin në fuqi”.

Vdes në Austri i riu nga Kosova

Një aksident tragjik ka ndodhur pas përplasjes së dy veturave në rrugën L1436 në Perg të Austrisë ku la të vdekur 21 vjeçarin nga Kosova.

Pas intervenimit të emergjencës austriake përmes helikopterit, thuhet se i riu kosovar ndërroi jetë gjatë rrugës për në spitalin më të afërt.

Ndërkohë, 29 vjeçari tjetër i aksidentuar, ka marrë lëndime të lehta dhe është liruar nga spitali.

Policia austriake ende nuk ka dalë me një sqarim për shkakun e këtij aksidenti fatal dhe për mënyrën se si ndodhi.

Për këtë rast ka shkruar edhe mediumi austriak “Heute.at”.

Nenad Rashiq për incidentin në Veri: Maturantët s’ishin fajtorë, ishin të gjithë viktima

Deputeti i Kuvendit të Kosovës, Nenad Rashiq, ka folur për incidentin e fundit të ndodhur në Mitrovicë të Veriut.

Ai ka thënë se të gjithë maturantët ishin viktima atë ditë, meqë ata po festonin si për çdo vit, fundin e vitit shkollor.

Rashiq ka thënë se maturantët s’janë fajtor dhe se s’kanë qenë as nën ndikimin e Arsenijeviqit.

 

 

“Kisha thanë që viktima janë të gjithë maturantët. Maturantët s’janë fajtor sepse po festonin fundin e vitit shkollor”, ka thënë Rashiq në Klan Kosova.

“S’ka ndodhë diçka spektakulare, kjo ndodh për çdo vit”, është shprehur Rashiq.

Aksioni në ministrinë e Bujqësisë, Haxhiu e quan plan për ta dëmtuar Pecin e Kurtin

Deputetja e LVV-së, ministre ne detyrë e Drejtësisë, tha se ka një plan për të dëmtuar ministrin në detyrë të Bujqësisë, Faton Peci dhe qeverinë në detyrë, Kurti.

Në një prononcim për mediat, ajo tha se Peci, sa ka qenë ministër “dhe sa vazhdon të jetë”, ka bërë punë të jashtëzakonshme dhe se, sipas saj, s’ka asgjë për të fshehur”, raporton Klankosova.tv.

“Jam shumë e bindur që ministri Peci e ka bërë një punë të jashtëzakonshme sa ka qenë dhe sa vazhdon të jetë në Ministri të Bujqësisë. Nuk ka asgjë për të fshehur këtu. Nuk ka pasur asnjë ndërhyrje nga ai. Ai është shumë i hapur që të bashkëpunojë me institucionet për të zbardhur gjithë këtë plan për të dëmtuar ministrin Peci dhe qeverinë Kurti. Nuk ka asgjë për të fshehur, dhe do të jetë i gatshëm kurdo që ftohet nga institucionet përgjegjëse”, deklaroi Haxhiu.

Njësia e Krimeve Ekonomike e Policisë së Kosovës, sot ka zbarkuar në Ministrinë e Bujqësisë për të zhvilluar hetime mbi kontratën e dyshimtë për fabrikën e përpunimit të mbetjeve shtazore

Lushtaku: Nuk qëndrojnë pretendimet se ka deputetë të PDK-së që e votojnë Haxhiun

Mërgim Lushtaku, Deputeti i Partisë Demokratike të Kosovës, tha se nuk qëndrojnë pretendimet se ka deputetë të kësaj partie që e votojnë Albulena Haxhiun për kryeparlamentare.

 

Para fillimit të seancës konstituive, përpjekje kjo e 22-të, Lushtaku tha se janë “kompakt në çdo qëndrim dhe vendim”.

 

“Ne sikur edhe ju, kemi dëgjuar këtu mendime por sigurisht që ne si PDK jemi kompakt sa i përket qëndrimit tonë dhe kemi të bashkë renduar çdo vendim dhe qëndrim. Sigurisht që ne diskutojmë këtu edhe në organet tona të PDK-së dhe ne me plot besim i themi që asnjë nga PDK nuk e voton një qeveri dhe një kryesues dhe kryetar të Kuvendit siç është Albulena Haxhiu, dhe Vetëvendosjen si parti në udhëheqje të qeverisë. Prandaj, tek ne kjo nuk qëndron ky pretendim dhe besoj që do të vërtetohet në Kuvendin e Kosovës”, u shpreh ai.

Deputeti i PDK-së tha se janë në komunikim me bashkëpartiakët dhe qëndrimi i tyre është i njëjtë.

 

 

“Ne vazhdimisht jemi në komunikim me të gjithë kolegët deputetë dhe me të gjitha strukturat e partisë. Dhe qëndrimi jonë është i qartë, edhe çdo deputet i PDK-së e ka bërë të qartë që nuk do të votojë Albulena Haxhiun për kryetare të Kuvendit dhe nuk ka asnjë bashkëpunim me LVV-në”, shtoi ai.

Quni: Dy deputetë të LDK-së janë target i LVV-së, i janë ofruar favore në biznese

Lidhja Demokratike e Kosovës thotë se dy deputetë të saj janë në fokusin e Lëvizjes Vetëvendosje për të votuar për zgjedhjen e Albulena Haxhiut në postin e kryeparlamentares.

Pas ndërprerjes së seancës së 22-të konstituive të Kuvendit të Kosovës, Quni tha se LDK-ja është në njohuri për bisedat e përfaqësuesve të LVV-së me këta dy deputetë.

“Dy deputetë të LDK-së janë në fokus të veçantë të autoriteteve të Vetëvendosjes. Ne i kemi njohuritë dhe informatave si dhe i kemi bisedat e këtyre dy deputetëve që janë në fokusin e LDK-së. I janë ofruar benefite të ndryshme për bizneset e tyre familjare”, tha Quni.

“Për të 22-tën herë jemi dëshmitarë të dështimit të partisë Vetëvendosje, e cila nuk po i arrin votat e mjaftueshme për votimin e kryetarit të Kuvendit. Kjo gjendje është treguese se VV-ja nuk i ka votat as për krijimin e qeverisë. Kështu që, kur një parti nuk mund t’i sigurojë votat është e pakuptimtë të vazhdohet me të njëjtën agjendë dhe të kmbëngulet pafundësisht”, tha ai.

Quni tha se “zgjidhja në këto rrethana është dakordimi për një qeverisë gjithëpërfshirëse”.

Ai u shpreh se LDK-ja gjithnjë do të insistojë “me racionalitet dhe respekt reciprok” në synimin për krijimin e institucioneve.

A do të vazhdojnë diskutimet me Fatmir Limajn, ja çfarë thotë Albulena Haxhiu

Kandidatja e Lëvizjes Vetëvendosje për kryetare të Kuvendit, Albulena Haxhiu, e cila nuk po i ka votat e mjaftueshme për këtë pozicion, është deklaruar sot para mediave pas dështimit të 22-të për konstituimin e Kuvendit, raporton GazetaDemos.

Haxhiu kritikoi deputetët e partive tjera, duke i pyetur ‘pse po vinë në Kuvend?”, pasi shprehu keqardhje që të njëjtit nuk po marrin fare pjesë në votim.

E njëjta u pyet edhe për bashkëpunimin e mundshmëm me NISMA-n, teksa theksoi se përderisa ka pasur takime, diskutimet do të vazhdojnë ende.

“Ne po ashtu kemi theksuar që [NISMA-n] e shohim si partner tanë. Për këtë ka pasur disa takime, siç ka njoftuar edhe kryeministri Kurti. Diskutimet vazhdojnë për këtë qëllim dhe urojmë që sa më parë të përmbyllen. Para Qeverisë është Kuvendi”, tha Haxhiu.

A do ta votojnë Haxhiun? Anton Çuni e pranon se dy deputetë të LDK-së…!

Deputeti i LDK-së Anton Çuni pas  dështimit për të 22 herë të konstituimit të Kuvendit të Kosovës, ka thënë se deputetët e partisë së tij po kontaktohen nga VV-ja. Ndërsa tha se deputetët të cilët më së shumti po kontaktohen nga VV janë shumë stabil dhe do t’i përmbahen qëndrimeve të LDK-së.

I pyetur se cilët deputetë po kontaktohen nga VV, ai refuzoi të flas me emra, duke pohuar se mbetet në diskrecionin e tyre që vet të deklarohen.

“Kontaktohemi nga zyrtarët e VV-së, nga ndërmjetësuesit e tyre. Êshtë fakt që dy deputetë e LDK-së janë në një fokus të veçantë të interesimit të autoriteteve të VV-së. Mbetet në diskrecionin e atyre që vet të deklarohet. Ne i kemi njohuritë, i kemi informatatat, e kemi përmbajtjen e bisedës të gjitha. Deputetët që më së shumti kontaktohen nga autoritetet e VV-së janë shumë stabil dhe do t’i përmbahen qëndrimeve të LDK-së”, tha ai.

Policia me aksion në ministrinë e Pecit, këto janë detajet e fundit

Policia e Kosovës është duke zhvilluar një aksion në Ministrinë e Bujqësisë.

Forcat policore janë duke kryer bastisje në Agjencinë për Zhvillimin e Bujqësisë, në kuadër të kësaj ministrie.

Rastin për Gazetën Sinjali e ka konfirmuar edhe Policia.

“Policia e Kosovës me njësitë e saja relevante, me kërkesë të Prokurorisë Speciale, bazuar në urdhëresën e Gjykatës kompetente ka filluar zbatimin e një urdhërkontrolli në Prishtinë, mbi dyshimet për keqpërdorim të detyrës zyrtare”.

“Pas përfundimit të operacionit policor, i cili po realizohet në bashkëpunim dhe koordinim me organet e drejtësisë, mund të bëhen publike informacione shtesë”, thuhet në konfirmimin e Policisë për Gazetën Sinjali.