Roja alarmon: Serbët hedhin tela të rrymës në Ujman, mund të vdesësh sapo futesh në ujë (VIDEO)

Lidhur me rastin tragjik të mbytjes së mërgimtarit,  Rrahim Latifi, në liqenin e Ujmanit, ka folur Kryetari i Federatës së Peshkatarëve të Kosovës, Milaim Vitija.

Ai në emisionin “Kosova Today’’ në Klan Kosova, ka ngritur shqetësime për sigurinë në këtë liqen, duke thënë se noti është i ndaluar në çdo liqen në Kosovë.

“Po të më pyeste dikush mua, asnjë njeri s’do ta lija të lahej atje. Temperatura është mbi 40 gradë jashtë dhe kur hyn menjëherë në ujë të ftohtë, trupi pëson ngerç dhe mund të mbytesh në pak sekonda”, ka thënë ai, transmeton Klankosova.tv.

Por paralajmërimi më shqetësues nga Vitija lidhet me rreziqe të tjera, të cilat potencialisht, siç thotë ai, mund të jenë vdekjeprurëse.

“Para dy javësh kemi ndërmarrë një aksion për largimin e motorëve me benzinë që i përdorin serbët atje – rreth 70 anije. Aty kam gjetur edhe tela të rrymës që vijnë nga vilat e serbëve në ujë. Në momentin që ndizet agregati i ndonjërit prej tyre, nëse je brenda në ujë, të mbyt rryma”, deklaroi ai./Klankosova.tv.

Ndiqni detajet e plota, në videon vijuese:

Ariana Musliu-Shoshi: FSK-ja nuk është e Albin Kurtit

Deputetja nga radhët e PDK-së, Ariana Musliu-Shoshi, ka reaguar pas deklarimit të djeshëm të LVV-së, me rastin e dërgimit të trupave të FSK-së në Ujman, nga ku u nxor trupi i pajetë i një 33-vjeçari.

Në një postim, Musliu-Shoshi tha se pushteti aktual i kishte ndaluar ushqimin FSK-së, e sot po tenton ta përdorë për teatër politik.

“FSK-ja nuk është e Albin Kurtit. Ajo është forcë e qytetarëve të Kosovës, e ndërtuar me përkushtim, me standarde të NATO-s dhe me respekt për shtetin dhe qytetarin”, u shpreh Musliu-Shoshi.

Ajo u ka shprehur ngushëllime familjarëve të viktimës, teksa qeverisë në detyrë i ka kërkuar të mos “turpërojë institucionet”.

Ky është postimi i plotë i saj:

Ky pushtet i ndaloi ushqimin FSK-së, ia mohoi dinjitetin, e sot tenton ta përdorë për teatër politik!

Në vend që ta mbështesë Forcën e Sigurisë së Kosovës si një shtyllë profesionale dhe apolitike të shtetit tonë, Albin Kurti po e përdor atë për qëllime të pastra propagandistike — madje edhe në momente tragjike, siç është humbja e jetës së një të riu në veri.

FSK-ja nuk është e Albin Kurtit. Ajo është forcë e qytetarëve të Kosovës, e ndërtuar me përkushtim, me standarde të NATO-s dhe me respekt për shtetin dhe qytetarin.

FSK-ja u ndërtua si simbol i sigurisë, jo si dekor për shfaqjet boshe të pushtetit!

Kur institucionet përdhosen nga dora e qeverisë për interesa personale e politike, shteti vdes pak nga pak.

Mjaft më me turpërimin e institucioneve!

Ngushëllime të thella familjes së të ndjerit. Bashkëndjej me ju!

Vdes një person në QKUK

Policia e Kosovës ka njoftuar se një aksident trafiku i ndodhur më 12 korrik 2025 në Vushtrri, ka përfunduar tragjikisht.

Viktima, një mashkull kosovar, i cili ishte duke u trajtuar në Qendrën Klinike Universitare të Kosovës (QKUK), ka ndërruar jetë më 29 korrik 2025, si pasojë e plagëve të marra në aksident.

Sipas raportit policor, me urdhër të prokurorit, trupi i pajetë i viktimës i është liruar familjarëve për ceremoninë mortore.

Hetimet lidhur me rastin po vazhdojnë.

Arrestohet Hazir Hoxha që akuzonte Fitore Pacollin për hajni – e telefonoi deputeten disa herë

Hazir Hoxha është arrestuar nga policia. I njëjti po dyshohet se ka ngacmuar Fitore Pacollin.

Siç merr vesh Insajderi, i njëjti ka thirrur shumë herë deputeten Fitore Pacolli.

Deputetja e Vetëvendosjes, Fitore Pacolli dhe kryetari i këshillit të fshatit Bellanicë të Malishevës, Hazir Hoxha po ashtu ishin përplasur keq gjatë një emisioni drejtpërdrejt.

Pacolli kishte kërkuar nga Hoxha të tregojë se kush e ka paguar atë për të shpifur ndaj saj, ndërsa Haziri i ishte përgjigjur duke i thënë se ai është misionar dhe jo mercenar.

“Në qoftë se Hazir Hoxha e ka marrë një cent prej dikujt kurrë jeta ime mos qoftë.. e fëmijëve të mi. Unë jam misionar, nuk jam mercenar. Mosmë ofendo..”, ka thënë Hoxha në Tëvë1.

Tutje, Pacolli ka insistuar nëse kryetari i Lidhjes Demokratike të Kosovës, Lumir Abdixhiku, është personi që i ka dhënë para atij për të dalë në publik me akuza të tilla, mirëpo Hoxha ka mohuar një gjë të tillë.

“Unë nuk dalloj parti sepse krimi nuk njeh as parti, as fe, as komb. Të lutem mos e ul veten kaq poshtë”, është shprehur Hoxha.

Tërmet i fortë me magnitudë 8.8 ballë në Rusi – lëshohen paralajmërime në të gjithë Paqësorin, alarm për cunami nga Japonia në SHBA

Një tërmet i fuqishëm me magnitudë 8.8 ballë ka goditur Gadishullin Kamchatka në Lindjen e Largët të Rusisë, duke shkaktuar një cunami deri në katër metra të lartë, duke dëmtuar ndërtesat dhe duke shkaktuar alarme dhe evakuime në të gjithë Oqeanin Paqësor.

Disa persona u lënduan në rajonin e largët rus, dhe banorëve të pjesës më të madhe të bregdetit lindor të Japonisë, i cili u godit rëndë nga tërmeti dhe cunami i vitit 2011, iu urdhërua të evakuoheshin. “Tërmeti i sotëm ishte serioz dhe më i forti në dhjetë vitet e fundit”, tha guvernatori i Kamchatka në Telegram.

Ministri Rajonal i Situatave të Emergjencave Sergei Lebedev raportoi se pas tërmetit u regjistrua një cunami prej 3 deri në 4 metrash. “Të gjithë duhet të largohen nga bregu”, tha Lebedev në një video të postuar në rrjetet sociale.

Instituti Amerikan i Sizmologjisë njoftoi se tërmeti ishte në një thellësi prej 19.3 km, rreth 125 km nga Petropavlovsk, një qytet me 165,000 banorë në bregdetin e Gjirit të Avaçës.

Më shumë se 1.9 milion njerëzve u është kërkuar të evakuohen në Japoni.

Autoritetet kanë vazhduar t’u bëjnë thirrje banorëve në bregdetin lindor të Japonisë të evakuohen në vende më të larta.

Dhjetëra valë janë vërejtur në të gjithë bregdetin e Paqësorit të Japonisë. Paralajmërimet për evakuim tani shtrihen në qindra kilometra/milje përgjatë bregdetit të saj të Paqësorit – nga Hokkaido në veri deri në prefekturën Wakayama në jug.

Agjencia Meteorologjike tha se valët e cunamit mund të arrijnë deri në 3 metra lartësi.

Gjatë orëve të fundit, SHBA-të dhe Japonia kanë qenë ndër vendet që kanë lëshuar paralajmërime për cunami dhe urdhra evakuimi, pasi një nga tërmetet më të fuqishme në histori, me magnitudë 8.8, goditi brigjet e Rusisë.

Në SHBA, zyrtarët në Hawaii dhe Kaliforni po paralajmërojnë popullin  të qëndrojë larg plazheve dhe zonave të ulëta.

Ekspertët e Kalifornisë thonë se nuk ka gjasa të ketë viktima katastrofike në Amerikë, ndërsa guvernatori i Hawaiit i kërkon publikut të qëndrojë i qetë.

“S’po ja mban b*tha me dalë”- Muhaxheri përdor gjuhë të pistë në Kuvendin Komunal

Gazmend Muhaxheri, kryetari i Komunës së Pejës nga radhët e LDK’së, është përplasur në Kuvendin Komunal me asamblistin e Lëvizjes Vetëvendosje, Berat Ganiqi.

Muhaxheri ka pretenduar se VV’ja s’po guxon ta kandidojë Taulant Kelmendin për kryetar të Komunës së Pejës. Përgjatë përplasjes, Muhaxheri ka përdorur edhe shprehje banale.

“A din çka osht e të mira e kësaj pune, ti Berat? Se i mëshojshe gjyksit ka me të mujtë Taulanti. E s’po ja mban b*tha me dalë. Qëkjo është ajo puna që po të thom ty. As partisë tonde s’po jeni në gjendje me qit njeri. S’ka lidhje, se qitu e rrehshe gjyksin “ka me të mujtë Taulanti”. Qite Taulantin, ku e ki? Qata po du me ju thanë, që s’keni njerëz me qitë, e tash folni jo kështu jo ashtu”, deklaroi Muhaxheri në Kuvend, në një video që e ka shpërndarë mediumi lokal ‘Peja në Fokus’.

Muhaxheri do të jetë kandidati i LDK’së për Pejën.

Përleshje mes aktivistit serb dhe sigurimit të Xhelal Sveçlës

Përleshje mes aktivistit serb dhe sigurimit të Xhelal Sveçlës në veri.

Një video e publikuar nga RTV Fontana shihet aktivisti serb duke provokuar Sveçlën, që ishte duke kaluar në veri.

VIDEO:

Elshani për vdekjen e mërgimtarit në Ujman: Nuk kemi dyshim që dikush e ka shty, ai ka kërcy

Është gjendur trupi i pajetë i 33-vjeçarit në liqenin e Ujmanit, shkruan Gazeta Demos.

Në një prononcim për media, zëvendësdrejtori i policisë për veriun, Veton Elshani i ka thënë se nuk ka dyshime që e ka shtyer dikush, ndërkaq se çka e çoi tek vdekja mërgimtarin ai tha se do ta zbulojnë pas autopsisë.

”Ne nuk kemi dyshim që dikush e ka shty, ai ka kërcy. Ai ka qenë në afërsi me familjarët e vetë e gjithë të tjerët. Sidoqoftë me siguri edhe do ta shohim në bazë të autopsisë mos ka diçka të jashtëzakonshme, çka e ka sjellë deri te vdekja e tij në fakt, me rëndësi është se ai vend ka qenë aq i thyeshëm dhe kërkimi ka qenë i pamundur që policia me aparaturat e veta, me anijet që i kemi pasë ne aty me e gjetë për atë arsye me njëri-tjetrin me njësi kompetente, edhe ju e keni pa e mësu bashkë me neve që thellësia ka qenë shumë e ndryshme. Është një sukses që është gjetur trupi i tij”, ka thënë Veton Elshani.

“A ka naj trim që del i vret këta?”, invalidi i UÇK-së thirret për intervistim pasi cilësohet se kërcënoi Bashën e Ramabajën

“A ka naj trim që del i vret këta pisa në emër të popullit?”, ishte postimi i invalidit të luftës, Feim Krasniqi i cili bashkangjitur kishte fotografinë e Dimal Bashës e Sadri Ramabajes, si pasojë e të cilit ky i fundit ka njoftuar se është thirrut për intervistim nga Policia.

Ai është shprehur se të njëjtit nuk i ka kërcënuar, teksa deklaron se ky postim ishte shprehje e frustimit ndaj personave që nënçmojnë vlerat e luftës.

“E çuditshme,sot me erdhi nje ftese,qe te paraqitem neser,ne polici per intervistem,ne sektorin e krimeve te renda! Ne vned qe shteti ti mbroj me ligj vlerat e luftes dhe figurat e saj,ai ne therret neve per t’na gjykuar,pse po i mbromě figurat e çmuara,siq ẽshtẽ figura e presidenti historit z.Hashim Thaçi,i cili sě bashku me shokẽ po gjykohet padrejtsisht ne Hagẽ,duke e mbrojtu luften e shejtẽ tẽ UÇK-sẽ”.

“Sa i perket rastit ne fjalẽ,une nuk i kam kercenuar,vetem kam ber pyetje a ka noj trim qe i ndal kta,nga qe nuk kemi shtet. Une skam asgje personale me ta,as nuk i njof,por kur fyhen vlerat e lufta,me pas qenẽ babai i im,te njejtin veprim e kisha ba,une lendohem ne shpirt kur fyhet lufta dhe figurat e UÇK-sẽ,kam dhen pjesen e trupit per ket vmed,andaj nuk mund ta duroj,lloj,lloj matrapazi qe ti perdhos vlerat e luftes,pavarsisht çmimit qe do ta paguaj. Jam krenar para ketyre matrapazeve, me te kaluaren time,por kta çfar te kaluar kanẽ,perveq,sharjeve fyaerjeve,e zhvatje te shtetit. Nuk ka gjykate qe me ndal ne mbrojtejn e kauzes time per vlerat e luftes. Me vjen keq mga nje pjese e shoqerise,qe nuk po kane guxim ti shprehin qendrimet e tyr,ne raport me kta bamdita,sepse kemi nje pushtet anti vlere e UĆK-sẽ,kete me se miri e ka dẽshmu Mimoza Kusari,duke u kordinu me Radioçiqi,per vlerat e luftesẽ. Por nje gje ẽshtẽ e sigurt,se dielli do lind pẽrseri dhe do ti kthehet dinjiteti keti vendi. Me repekt:Feim Krasniqi,invalid i luftẽs sẽ UÇK-sẽ”, tha ai.

Gazetarja e RTK-së në shënjestër të pushtetit – reagon babai i saj, Shaqir Foniqi: Je ashtu siç kam ëndërruar

Pas një interviste ku i drejtoi pyetje të drejtpërdrejta një deputetes së pushtetit, Fitore Pacollit gazetarja e RTK-së Blerta Foniqi-Kabashi është bërë cak i sulmeve të koordinuara nga zyrtarë dhe përkrahës të mazhorancës.

Kritikat e organizuara ndaj saj kanë nxitur reagime në opinionin publik dhe brenda komunitetit gazetaresk.

Në mbrojtje të saj ka dalë edhe babai i saj, gazetari me përvojë shumëvjeçare Shaqir Foniqi, i cili ka shprehur publikisht krenarinë për vajzën e tij.

“Blerta ashtu siç e kam ëndërruar: Gazetare e vyrtytshme, dmth: profesioniste, dinjitoze, e guximshme, misionare dhe krenare. Mburrem me ty bijë!” – ka shkruar ai.

Asociacioni i Gazetarëve të Kosovës është shprehur i shokuar me sulmin e paprecedent, “personal dhe shumë të rrezikshëm të deputetes së partisë politike, Vetëvendosje, Fitore Pacolli kundër gazetares së RTK-së, Blerta Foniqi – Kabashi”.