Macron flet pas videos virale me gruan e tij

Presidenti francez Emmanuel Macron ka thyer heshtjen mbi videon që u bë virale në rrjete sociale, ku dukej se bashkëshortja e tij, Briggite, “e godet atë në fytyrë”, ndërsa çifti ishte duke mbërritur në Vietnam, një turne në Azinë Juglindore.

Në një video, Brigitte Macron dukej duke e shtyrë burrin e saj përpara se ai të zbriste nga avioni presidencial vonë të dielën, duke e detyruar atë të tërhiqej përpara se të rikuperohej dhe t’u bënte përshëndetje kamerave në pistën poshtë.

Megjithatë, kjo video e cila po bën tituj në media, është komentuar nga presidenti francez i cili tha për gazetarët se, “isha duke u ngacmuar, ose më saktë duke bërë shaka me gruan time, nuk është asgjë”.

Ai më tej ka thënë se kjo nuk është hera e parë në javët e fundit që përmbajtja e videove të tij është shtrembëruar nga njerëz që ai i përshkroi si “të çmendur”.

Shuplaka e papritur – Zonja e Parë e Francës godet Macron/Pamje

“Janë nis me të vra”, Presidentja sërish në qendër të kërcënimeve

Presidentja e Kosovës, Vjosa Osmani është kërcënuar sërish përmes një mesazhi të dërguar në adresën elektronike zyrtare të Presidencës, shkruan Gazeta Sinjali.

Në fotografinë të cilën e ka siguruar Gazeta Sinjali, shihet se çfarë mesazhi kërcënues i është dërguar asaj.

“Janë nis me të vra ku** dhe shpihunat e Serbisë, polici shka janë me armë të kontrabanduara”, thuhet në mesazhin kërcënues i cili siç mëson Gazeta Sinjali, ka arritur në adresë të presidentes Vjosa Osmani.

Ndryshe edhe javë më parë presidentja Vjosa Osmani ishte kërcënuar po ashtu përmes adresës zyrtare të institucionit që ajo drejton.

“Me tra nprit dekt me tlan partis dyt mundsin duhet deri tash kriminele antikushtetuese ordinere ti ha ropt tvraj”, ishte shkruar në mesazhin e mëhershëm kërcënues.

Prokuroria Speciale e Kosovës ditë më parë ka bërë të ditur se kanë nisur hetimet për identifikimin e kryerësit të mundshëm të kësaj vepre.

A po ndryshon emri për kryeparlamentar? Ja çfarë u konfirmua nga Kurti sot

Kryeministri në detyrë i Kosovës, Albin Kurti, mos konstituimin e kuvendit, e ka cilësuar si pengesë të qëllimshme nga ana e opozitës.

Sa i përket kandidates për kryetare të kuvendit Albulena Haxhiut në këtë proces, Kurti u shpreh se emri i saj nuk është aspak në diskutim dhe se bllokimi po bëhet nga opozita përmes refuzimit të kuorumit në votimin e fshehtë.

“Albulena Haxhiu nuk është as në pyetje as në pikëpyetje. E përgjigjja është votimi i fshehtë për çfarë opozita padrejtësisht dhe me dëm për shtetin e Kosovës po e pamundëson kuorumin”, tha Kurti.

Shuplaka e papritur – Zonja e Parë e Francës godet Macron/Pamje

Një video që po qarkullon me shpejtësi në rrjetet sociale ka tërhequr vëmendjen e publikut dhe mediave, pasi tregon një moment të pazakontë mes Presidentit të Francës, Emmanuel Macron, dhe bashkëshortes së tij, Brigitte Macron.

Pamjet janë regjistruar në Hanoi, Vietnam, në momentin kur çifti presidencial po zbriste nga aeroplani presidencial A330. Sapo dera e avionit hapet dhe Macron shfaqet, ai ndalet për një çast dhe tërhiqet paksa prapa, pasi duket qartë se një shuplakë nga dora e Zonjës së Parë e godet në fytyrë.

Presidenti reagon me qetësi, duke buzëqeshur dhe duke kuptuar se gjithçka po filmohej.

Megjithatë, momenti ka ngjallur reagime dhe diskutime të shumta në rrjet.

Një mik i afërt i çiftit presidencial është përpjekur të qetësojë situatën duke e cilësuar ngjarjen si një “zënkë të thjeshtë çifti”.

Ajo që shton edhe më shumë kuriozitet në video është fakti se Brigitte Macron refuzon në mënyrë të dukshme krahun që i ofron bashkëshorti i saj gjatë zbritjes nga shkallët e avionit, duke shtuar spekulimet për tensione në çift.

Nga festa familjare në tragjedi – zbardhen detaje nga aksidenti tragjik për tre shqiptarët në Gjermani

Mediat në Gjermani kanë zbuluar detaje të reja rreth aksidentit të ndodhur në orët e para të mëngjesit në qytetin e Koblenz, ku kanë mbetur të vdekur tre shtetas shqiptarë.

Sipas autoriteteve gjermane gjashtë pasagjerë të tjerë në automjetin që rezulton të jetë një minibus me nëntë vende, kanë mbetur të plagosur dhe janë dërguar në spitalet lokale, ku po trajtohen me ndihmë mjekësore.

Një zëdhënës i zjarrfikësve tha për DPA-në se një burrë 53-vjeçar dhe dy gra të moshës 47 dhe 65 vjeç humbën jetën në aksident. Gjashtë personat e tjerë ishin midis moshës 20 dhe 66 vjeç dhe nuk u plagosën rëndë.

Autoritetet kanë sqaruar më tej se grupi prej 9 personazh po kthehej nga një festë familjare në shtetin e Hessen kur ndodhi aksidenti në orët e para të mëngjesit.

“Nuk ka indikacione se shoferi 22-vjeçar ishte nën ndikimin e alkoolit ose drogës”, tha policia, duke i kërkuar publikut të mos përfshihej në spekulime. “Është një aksident shumë, shumë i tmerrshëm”, shtoi një zëdhënës i policisë së Koblenzit.

Shkaku i aksidentit është ende i paqartë dhe identiteti i disa personave në minibus nuk është konfirmuar ende, por gjetjet fillestare treguan se minibusi kishte dalë nga autostrada A48 dhe ishte përmbysur.

Asnjë automjet tjetër nuk është përfshirë në këtë aksident. “Autostrada u rihap në mëngjes pasi qëndroi e mbyllur për më shumë se katër orë”, tha një zëdhënëse e policisë rrugore.

Autostrada A48 kishte qenë më parë plotësisht e mbyllur midis kryqëzimeve Koblenz dhe Ochtendung ndërsa kryheshin punimet e rimëkëmbjes. Trafiku u devijua nëpërmjet A61.

E rëndë në Gjermani: Humbin jetën tre shqiptarë në një aksident

Ministria për Evropën dhe Punët e Jashtme e Shqipërisë, ka bërë të ditur se në Koblenz të Gjermanisë, kanë humbur jetën tre shtetas shqiptarë.

Aksidenti i rëndë rrugor, ka ndodhur në orët e para të mëngjesit të sotëm, derisa veç të vdekurve, edhe katër shqiptarë të tjerë janë plagosur.

”Ministria për Evropën dhe Punët e Jashtme është informuar nga autoritetet gjermane për një aksident të rëndë rrugor të ndodhur në orët e para të mëngjesit të datës 25 maj, pranë qytetit Koblenz, ku janë përfshirë disa shtetas shqiptarë.

Me keqardhje njoftojmë se si pasojë e këtij aksidenti kanë humbur jetën tre shtetas shqiptarë, ndërsa katër të tjerë janë plagosur dhe po marrin trajtim në spitalet lokale.

 

 

Ambasada e Republikës së Shqipërisë në Berlin dhe Konsullata e Përgjithshme në Mynih kanë qenë në kontakt të vazhdueshëm me autoritetet gjermane dhe kanë ndjekur nga afër zhvillimet. Hetimet për rrethanat e aksidentit janë ende në vijim.

Ministria për Evropën dhe Punët e Jashtme shpreh ngushëllimet më të sinqerta për familjet e viktimave dhe uron shërim të plotë për të plagosurit.

Strukturat tona konsullore kanë ofruar mbështetjen e nevojshme për qytetarët e prekur dhe kanë qenë të angazhuara gjatë gjithë ditës për të ndihmuar në menaxhimin e situatës.

Për çdo informacion shtesë, lutemi të kontaktoni në: +49 1523 79 13 997”

“N’kohë t’Thaçit u kanë një euro”- Aktorit kosovar i kushton një hamburger 4,50 euro

Jeton Zogiani, aktori i njohur shqiptar, ka publikuar një faturë “marramendëse”. Zogiani e ka shpërndarë në ‘Facebook’ këtë faturë, duke thënë se një hamburger atij i ka kushtuar 4,50 euro, shkruan Insajderi.

N’kohe t’Hashim u kane 1 euro, edhe kogja qitshim kajde, nau doke shtrejte.

Ai me shaka është shprehur se në kohën e Hashim Thaçit hamburgeri ishte një euro.

Postimi i plotë:
Me Albin Diteziun, 4.49 euro nje hamburger!

N’kohe t’Hashim u kane 1 euro, edhe kogja qitshim kajde, nau doke shtrejte.

E rëndë: Vdes 20-vjeçari në vendin e punës në Ulqin

Erion Rexhep Kurti, 20 vjeç, ka humbur jetën në mënyrë tragjike në vendin e punës, shkruan Gazeta Sinjali.

Ai jetonte në fshatin Krythë në Ulqin.

“Ngushëllimet dhe lutjet për familjen dhe të afërmit janë të shumta në këto momente të vështira. Të gjithë kujtojnë Erionin si një djalë të dashur dhe të respektuar.

“Zoti i dhëntë shpirtit të tij paqe dhe familjes forcë për t’u përballur me këtë dhimbje të madhe”, thuhet në njoftimin e familjarëve.

“Me nder dhe përkushtim” – Dylot Brahimi reagon pas fletarrestimit nga Serbia: Nuk do të ndalem në shërbim të qytetarëve

Pas lëshimit të një fletarrestimi nga autoritetet serbe ndaj tij, zyrtari i Policisë së Kosovës, Dylot Brahimi, ka reaguar publikisht përmes një deklarate prekëse në rrjetet sociale, duke falënderuar të gjithë ata që i kanë qëndruar pranë gjatë kësaj periudhe të tensionuar.

Në reagimin e tij, Brahimi shprehu ndjenja të thella mirënjohjeje për përkrahjen që ka marrë nga kolegët, familjarët, miqtë dhe komuniteti. Ai theksoi se shërbimi në Policinë e Kosovës nuk është thjesht një profesion, por një thirrje dhe përgjegjësi që kërkon përkushtim, sakrificë dhe integritet, shkruan Gazeta Imazhi.

“Çdo fjalë inkurajuese, çdo dorë që më është zgjatur, çdo besim që më është dhënë — të gjitha kanë lënë gjurmë të pashlyeshme në përkushtimin tim për këtë detyrë,” shkruan Brahimi.

Reagimi i tij vjen një ditë pas incidentit të ndodhur në Mitrovicën e Veriut, ku Serbia pretendon se Brahimi ka ushtruar dhunë ndaj një maturanti serb gjatë një parade në qendër të qytetit. Ministri i Brendshëm i Serbisë, Ivica Daçiç, njoftoi për një fletarrest pa afat ndaj tij, duke pretenduar për “dhunë fizike ndaj një të mituri”.

Autoritetet e Kosovës dhe Ministri Xhelal Sveçla kanë kundërshtuar ashpër akuzat e Serbisë, duke i quajtur si pjesë të një fushate propagandistike që synon diskreditimin e zyrtarëve kosovarë dhe ndërhyrjen në punët e brendshme të vendit.

Pavarësisht trysnisë ndërkombëtare dhe tensioneve në rritje në veri të Kosovës, si dhe provokimeve nga pala serbe në beograd, Brahimi konfirmoi përkushtimin e tij për të qëndruar i palëkundur në misionin e tij për mbrojtjen e rendit dhe sigurisë.

“Sot, më shumë se kurrë, ndihem i vendosur të vazhdoj me integritet, me përkushtim dhe me nder. Të punoj me gjithë zemër për një polici të drejtë, transparente dhe gjithmonë pranë qytetarëve,” përfundon ai.

Postimi i tij:

Të nderuar kolegë, miq, dhe të gjithë ata që më kanë përkrahur,

Sot qëndroj para jush me një ndjenjë të thellë mirënjohjeje dhe krenarie. Është një ndjenjë që buron nga përkrahja e jashtëzakonshme që kam marrë gjatë rrugëtimit tim në shërbim të Policisë së Shtetit. Çdo fjalë inkurajuese, çdo dorë që më është zgjatur, çdo besim që më është dhënë — të gjitha kanë lënë gjurmë të pashlyeshme në përkushtimin tim për këtë detyrë.

Puna në polici nuk është thjesht një profesion. Është një thirrje. Një përgjegjësi që bartim me nder dhe me vendosmëri, në mbrojtje të rendit, sigurisë dhe dinjitetit të qytetarëve tanë. Por kjo rrugë nuk është asnjëherë e lehtë. Ka sfida të mëdha, sakrifica të shumta, dhe momente që të vënë në provë edhe më të fortin ndër ne.

Prandaj, përkrahja që kam marrë nga ju — kolegët e mi, familja, miqtë, dhe komuniteti — ka qenë një forcë e pashtershme që më ka shtyrë përpara. Ju më keni dhënë motivimin që të jem më i mirë çdo ditë, më keni rikujtuar pse kjo punë ka kaq shumë rëndësi.

Sot, më shumë se kurrë, ndihem i vendosur të vazhdoj me integritet, me përkushtim dhe me nder. Të punoj me gjithë zemër për një polici të drejtë, transparente dhe gjithmonë pranë qytetarëve.

Ju falënderoj nga zemra për këtë mbështetje që më jep forcë dhe besim. Le të ecim përpara së bashku — me besim, unitet dhe përkushtim ndaj të mirës së përbashkët.

Faleminderit!

Joe Biden shfaqet për herë të parë publikisht pas diagnozës së kancerit

Ish-presidenti i SHBA-së, Joe Biden, bëri paraqitjen e tij të parë publike që nga njoftimi për diagnozën e kancerit në prostatë, duke marrë pjesë në ceremoninë e diplomimit të nipit të tij, Robert Hunter Biden II, në shkollën e mesme Salisbury në Connecticut, shkruan Gazeta Sinjali.

Fotot e postuara në Instagram nga ish-zonja e parë Jill Biden dhe vajza Ashley treguan momentet e festës familjare, ku Joe dhe bashkëshortja e tij ishin pranë Hunterit gjatë këtij momenti të rëndësishëm.

Jill Biden shkroi: “Urime Hunter – jemi shumë krenarë për ty”.