“Padrejtësi kundër çlirimtarëve” – Vetëvendosje kritikon ashpër Gjykatën Speciale

Lëvizja Vetëvendosje ka reaguar ndaj vendimit të Gjykatës Speciale, për rrëzimin e mocionit të mbrojtjes në rastin ndaj ish drejtuesve të UÇK-së.

Reagim i plotë:

Pas pak ditësh bëhen 10 vite nga themelimi me ndryshime kushtetuese dhe ligje të veçanta të Gjykatës Speciale.

Katër nga drejtuesit e Ushtrisë Çlirimtare Jakup Krasniqi, Hashim Thaçi, Rexhep Selimi dhe Kadri Veseli kanë afër 5 vite në paraburgim.

Vendimi i sotëm për rrëzimin e mocionit të mbrojtjes nga Gjykata Speciale është dëshmi e një logjike të përmbysur të drejtësisë, ku vija ndarëse midis çlirimit dhe agresionit zbehet qëllimshëm, ndërsa përpjekja e një populli për liri vihet nën dyshim me mjete juridike. Ky model i drejtësisë selektive nuk bën drejtësi universale, por prodhon një narrativë të rreme, që e zhvendos fajësinë nga pushtuesi te i çliruari.

Gjykata Speciale, e themeluar përtej çdo praktike të zakonshme ndërkombëtare, ka vepruar si instrument i imponuar mbi sovranitetin e Kosovës.

Në vend që t’i shërbejë të drejtës, ajo i ka shërbyer paragjykimit. Madje duke hetuar dhe gjykuar padrejtësisht vetëm një palë, ajo ka përjashtuar sistematikisht dhunën shtetërore serbe që është burimi real i gjenocidit dhe krimeve të luftës e krimeve kundër njerëzimit të kryera në Kosovë.

Me 29 prill dhe 15 maj 2023 Enver Dugolli si i mbijetuar i masakrës në Burgun e Dubravës i është drejtuar Prokurorit të Prokurorisë Speciale në Hagë me kërkesën për nisjen e hetimeve të krimeve të kryera gjatë planifikimit dhe ekzekutimit të masakrës së Burgut të Dubravës.

Ndonëse Prokurori ka kthyer përgjigje se kërkesa do të shqyrtohet ende sot nuk ka asnjë veprim të njoftuar në këtë drejtim.Sot është sërish moment reflektimi.

Ata qeveritarë e deputetë që e miratuan e votuan e ata gjyqtarë të Gjykatës Kushtetuese që e konfirmuan këtë gjykatë në vitin 2015 bartin përgjegjësi të drejtpërdrejtë.

Ata duhet sot të kërkojnë falje, jo si akt formal, por si shenjë vetëdijeje për dëmin e madh institucional dhe moral që kjo gjykatë i ka shkaktuar vendit, kujtesës sonë kolektive dhe të ardhmes tonë.

Ky do të ishte hapi i parë me të cilin duhet nisur një përbashkim për t’u mbrojtur jo vetëm juridikisht por edhe shoqërisht nga rreziku i shtrembërimit të thelbit të luftës sonë.

Lëvizja VETËVENDOSJE! ka qenë dhe mbetet e qartë: e mbrojmë luftën çlirimtare si themel të shtetit tonë dhe e kundërshtojmë çdo përpjekje për ta relativizuar të drejtën tonë historike për çlirim.

Drejtësia nuk mund të jetë mjet për të rishkruar historinë, as për ta heshtur të vërtetën.

Vdekja e 24-vjeçarit në hotelin “Grand”, deklarohen nga Prokuroria

Pas vdekjes së 24-vjeçarit, i cili ra sot nga lartësia e hotelit “Grand” në Prishtinë, deklarohen nga Prokuroria Themelore në Prishtinë.

Zëdhënësja e Prokurorisë Themelore në Prishtinë, Kaltrina Shala, tha se prokurori kujdestar ka dalë në vendin e ngjarjes dhe rasti është hapur si “Hetim mbi vdekjen”.

“Lidhur me pyetjen tuaj ju njoftojmë se prokurori kujdestar ka dalë në vendin e ngjarjes gjatë të cilit ka humbur jetën një person i moshës 24 vjeç, ku prokurori i Shtetit hapur rastin ‘Hetim mbi vdekjen’. Po ashtu prokurori i çështjes ka autorizuar që trupi i pajetë të dërgohet në Institutin e Mjekësisë Ligjore (IML)”, tha Shala për Telegrafin.

Edhe nga Policia e Kosovës për rajonin e Prishtinës bën të ditur një person i moshës 25 vjeç ka vdekur sot rreth orës 11:30, pasi ka rënë nga lartësia e një objekti në rrugën “Garibaldi”, në Prishtinë.

Lajmin e ka konfirmuar zëdhënësi i Policisë së Kosovës për rajonin e Prishtinës, Agron Borovci.

Sipas tij, Policia menjëherë ka dalë në vendin e ngjarjes si dhe mjekët emergjentë, të cilët kanë konstatuar vdekjen e viktimës.

“Rreth orës 11:30 është raportuar se në rrugën ‘Garibaldi’ në Prishtinë, një person ka rënë nga lartësia e një objekti. Policia menjëherë ka dalë në vendin e ngjarjes si dhe mjekët emergjentë të cilët kanë konstatuar se viktima mashkull rreth 24 vjeç, është pa shenja jete”, ka thënë Borovci.

Tutje, Borovci tha se aktualisht Policia po punon për zbardhjen e rrethanave që karakterizojnë rastin.

Sindikata e Policisë: Masa e ndalimit për pesë zyrtarë në Lipjan ishte e panevojshme – kërkohet mbikëqyrje nga Avokati i Popullit

Sindikata e Policisë së Kosovës i është drejtuar zyrtarisht Avokatit të Popullit, Naim Qelaj, duke kërkuar mbikëqyrje të respektimit të të drejtave të pesë zyrtarëve të ndaluar për rastin tragjik në Lipjan.

Sindikata e Policisë së Kosovës ka kërkuar përfshirjen aktive të Avokatit të Popullit, Naim Qelaj, në monitorimin dhe vlerësimin e respektimit të të drejtave të pesë zyrtarëve policorë të ndaluar lidhur me rastin e ndodhur në Lipjan, ku një i ri humbi jetën pas një ndërhyrjeje policore.

Përmes një kërkese zyrtare, SPK thekson nevojën për garantimin e një procesi të drejtë dhe të paanshëm, duke kërkuar një vlerësim të masës së ndalimit që sipas tyre ka qenë e panevojshme dhe e paproporcionuar.

Komunikata e plotë:

Sot, Sindikata e Policisë së Kosovës (SPK), në cilësinë e përfaqësimit të interesave dhe të drejtave të zyrtarëve policorë, i është drejtuar zyrtarisht Avokatit të Popullit, z. Naim Qelaj, me kërkesë për përfshirje aktive në monitorimin dhe vlerësimin e të drejtave të pesë zyrtarëve të Policisë së Kosovës, të cilët aktualisht ndodhen në mbajtje lidhur me rastin e ndodhur në Lipjan, ku një i ri ka humbur jetën.

Përmes kësaj kërkese zyrtare, SPK ka theksuar rëndësinë e:

Mbikëqyrjes së respektimit të të drejtave themelore të të ndaluarve;

Vlerësimit të proporcionalitetit të masës së ndalimit, ku SPK konsideron se masa e ndalimit ka qenë e panevojshme dhe se kanë ekzistuar mundësi për masa më të arsyeshme;

Parandalimit të stigmatizimit publik dhe përdorimit të gjuhës paragjykuese ndaj zyrtarëve policorë;

Garancisë për një proces të drejtë dhe të paanshëm ligjor.

Veprimet e SPK-së që nga momenti i ngjarjes

Me të ndodhur rasti, SPK ka qenë aktive dhe e pranishme pranë kolegëve të ndaluar dhe familjeve të tyre. Kryetari i Sindikatës, bashkë me bashkëpunëtorët e tij, ka vizituar familjet e pesë zyrtarëve policorë të ndaluar, duke ju shprehur përkrahje të plotë institucionale, morale dhe juridike.

Po ashtu, është zhvilluar një takim në Stacionin Policor në Lipjan për të informuar dhe bashkëbiseduar me kolegët lidhur me zhvillimet dhe për të ofruar mbështetje konkrete.

Në mbrojtje të integritetit profesional të zyrtarëve tanë, Sindikata ka bërë reagimin zyrtar në televizionin publik të RTK-së lidhur me rastin e ndodhur, duke kërkuar nga të gjithë akterë vendor institucional dhe mediatik që të kenë një qasje të paanshme, profesionale dhe të balancuar në pasqyrimin e ngjarjes.

Gjithashtu, SPK u bën apel ish-eprorëve dhe ish-zyrtarëve policorë, të cilët janë tashmë të pensionuar ose për arsye të ndryshme nuk janë më aktivë në kuadër të Policisë së Kosovës, që në paraqitjet e tyre publike në media të shkruara apo elektronike, të jenë të kujdesshëm, të saktë dhe profesionalë në deklaratat e tyre.

Ftojmë që çdo prononcim të bëhet në përputhje me Ligjin për Policinë e Kosovës, rregulloret dhe udhëzimet administrative të PK-së, duke pasur parasysh se fjala e tyre ka peshë dhe ndikim në opinionin publik dhe në imazhin e Policisë së Kosovës.

SPK rikujton se nuk ndërhyn në procesin hetimor dhe nuk paragjykon rrjedhën e drejtësisë, por është e obliguar të kërkojë që ndaj çdo zyrtari të Policisë së Kosovës të ketë trajtim të drejtë, human dhe ligjor, në përputhje me të gjitha standardet vendore dhe ndërkombëtare.

SPK – gjithmonë në mbrojtje të të drejtave të zyrtarëve policorë.

Merr flakë autoambulanca te hoteli “Grand”, ku vdiq 25 vjeçari që ra nga lartësia

Është kapluar nga flakët autoambulanca që ka qenë të hoteli “Grand”, ku një 25 vjeçar vdiq pasi ra nga kati i 13-të.

Nuk dihet ende arsyeja pse ka marrë flakë ambulanca.

Ky është 25-vjeçari që dyshohet se ra nga kati i 13-të i ‘Hotel Grandit’ sot në mesditë

Ngjarja tronditëse ndodhi rreth orës 11:34 në qendër të Prishtinës. Burime të Gazetës Sinjali bëjnë me dije se viktima ka rënë nga lartësia dhe ka mbetur pa shenja jete në vendngjarje.

Sinjali mëson se viktima është Rien Bytyqi, 25 vjeçar.

Të gjitha njësitë e nevojshme – Policia, hetuesit, forenzika, emergjenca dhe zjarrfikësit – janë angazhuar në hetimin e rastit.

Vdes 25-vjeçari që ra nga lartësia në hotelin “Grand”

Një 25-vjeçar ka vdekur si pasojë e rënies nga një lartësi në hotelin “Grand”.

Lajmin e ka bërë të ditur Policia e Kosovës.

“Rreth orës 11:30 është raportuar se në rrugën ”Garibaldi” në Prishtinë, një person ka rënë nga lartësia e një objekti. Policia menjëherë ka dalë në vendin e ngjarjes si edhe mjekët emergjentë të cilët kanë konstatuar se viktima mashkull rreth 25 vjeç, është pa shenja jete”, thuhet në përgjigje.

Një person dyshohet se ka rënë nga lartësia te “Grandi”

Një person dyshohet se ka rënë nga lartësia e hotelit “Grand”, të mërkurën në Prishtinë.

Sipas pamjeve të siguruara nga Paparaci, një person dyshohet se ka rënë në platon pas hotelit ikonik në Prishtinë.

Në vendngjarje ndodhen edhe njësitet e zjarrfikësve dhe autoambulanca.

Paparaci ka tentuar të marrë informacione nga Policia, por deri në publikimin e këtij lajmi nuk ka marrë akoma përgjigje.

Pa shumë fjalë – si e arsyetoi Specialja rrëzimin e mocionit të mbrojtjes së ish-krerëve të UÇK-së

Gjykata Speciale nuk ka dhënë shumë arsyetim ndërsa ka vendosur ta rrëzojë mocionin e përbashkët të avokatëve të ish-krerëve të Ushtrisë Çlirimtare të Kosovës për t’i hequr nga aktakuza disa pjesë, përfshirë incidente që sipas mbrojtjes binin jashtë periudhës së konfliktit të armatosur.

Kryetari i trupit gjykues, Charles Smith tha se nuk është e nevojshme të shkojnë në themel të argumenteve të mbrojtjes, meqenëse ajo që kundërshtojnë avokatët, sipas gjyqtarëve “nuk është akuzë, por është pjesë e një akuze në formën e fakteve materiale të caktuara që përbëjnë akuzat apo pikat në aktakuzë”, raporton Gazeta Express.

Gjykatësi tha se “sa i takon thelbit të kundërshtimit të mbrojtjes, trupi gjykues vëren se incidentet dhe akuzat që kanë ndodhur në kohën që kundërshtohet prej mbrojtjes, nuk janë akuza brenda kuptimit të rregullës 130”.

“Në fakt ato janë fakte materiale që kanë të bëjnë me akuza dhe pikat në aktakuzë”, tha ai.

Në këtë rast, sipas tij, trupi gjykues nuk ka autoritet të rrëzojë pjesë të akuzave.

“Bazuar në sa më sipër, trupi gjykues nuk është bindur që ai ka autoritet sipas rregullës 130 për të rrëzuar pjesë të akuzave, ose të fakteve materiale që formojnë pjesë të aktakuzës, në qoftë se për shkaqe kohe ose për shkaqe të tjera. Mbi këtë bazë trupi gjykues rrëzon mocionin e mbrojtjes, sipas rregullës 130, në tërësinë e vet”, tha Smith.

Gjykatësi tha se duke marrë parasysh këto, “trupi gjykues nuk është e nevojshme që të shkojë në themelsinë e argumenteve të mbrojtjes sa i takon periudhës së fillimit dhe të përfundimit të konfliktit të armatosur jokombëtar”.

“Pyetja ose çështja e fushëveprimit kohor ose shtrirjes kohore të konfliktit të armatosur që ka të bëjë me këtë çështje gjyqësore do të trajtohet në fund të gjykimit kur do të vendoset për themelsinë e çështjes”, tha ai.

Vendimi për këtë mocion konsiderohej i rëndësishëm pasi pritej ta përcaktonte rrjedhën e vazhdimit të këtij procesi gjyqësor.

Seanca po vazhdon e mbyllur për publikun përkohësisht, me çështje të tjera gjyqësore duke u trajtuar.

Hashim Thaçi, Kadri Veseli, Rexhep Selimi dhe Jakup Krasniqi, të cilët po paraqiten fizikisht në këtë seancë, kishin kohë deri më 12 qershor për ta dorëzuar mocionin për rrëzimin e akuzave. Zyra e Prokurorit të Specializuar, ndërkaq pati kohë të përgjigjet deri më 7 korrik.

Thaçi, Veseli, Krasniqi e Selimi po mbahen në paraburgim në Hagë prej nëntorit të vitit 2020, të akuzuar për krime lufte dhe krime kundër njerëzimit, në një proces të stërzgjatur dhe shumë të kritikuar gjyqësor.

Gazetari Lani reagon pas vendimit ndaj çlirimtarëve: “ATA u ngritën kur të tjerët heshtën. Edhe sot ne po heshtim…”

Paneli i gjyqtarëve të caktuar për shqyrtimin e mocionit të mbrojtjes në rastin kundër ish-krerëve të Ushtrisë Çlirimtare të Kosovës (UÇK), ka vendosur të lërë në fuqi të gjitha akuzat e aktakuzës ekzistuese.

Mbrojtja e ish-presidentit Hashim Thaçi dhe të bashkëpandehurve kishte kërkuar rrëzimin e aktakuzës, duke pretenduar për shkelje të procedurave dhe mungesë provash të mjaftueshme. Megjithatë, paneli gjyqësor ka hedhur poshtë këtë kërkesë, duke hapur rrugën për vazhdimin e procesit gjyqësor.

Pas këtij vendimi, ka reaguar gazetari i T7, Arsim Lani, përmes një postimi në rrjete sociale. Ai ka lënë të kuptohet se qytetarët duhet të reagojnë ndaj këtij vendimi të gjykatës, shkruan Jepi zë

Në postimin e tij, Lani shkruan:

“ATA u ngritën kur të tjerët heshtën. Edhe sot ne po heshtim…”

Procesi gjyqësor ndaj Thaçit, Kadri Veselit, Rexhep Selimit dhe Jakup Krasniqit po zhvillohet në Dhomat e Specializuara në Hagë, ku ata po përballen me akuza për krime lufte dhe krime kundër njerëzimit.

Peci për reagimet e Qeverisë ndaj Supremes: Qeveria po kalon në diktaturë, kapje e shtetit me zor

Drejtori i Institutit KIPRED, Lulzim Peci, ka komentuar reagimet e Qeverisë në detyrë ndaj Gjykatës Speciale.

Ai e përshkruajti këtë situatë si dëshirë e Qeverisë për të mbajt pushtetin me zor.

”Qeveria po kalon në diktaturë”, tha Peci.

 

 

“Mënyra se si po vepron një Qeveri që de facto nuk ekziston pas vendimit të Gjykatës Supreme, është rrugë drejt diktaturës. Kjo është mbajtje e pushtetit me zor, refuzim i vendimeve të gjykatave – kjo është diktaturë. Nuk e njeh gjykatën, thotë: ‘vetëm çka them unë vlen’. Kur arrin në këtë pikë, me emër e mbiemër, atëherë ke hyrë në diktaturë,” tha Peci. /RTV21