Autostrada kthehet në ring boksi në serbi – Eskorta e kryeministrit dhe njerëzit e Vuçiqit ndajnë grushta në vend të politikës!

Një incident i pazakontë është regjistruar në autostradën drejt Nishit në Serbi, ku ka ndodhur një përplasje midis eskortës së kryeministrit serb Gjuro Macut dhe anëtarëve të kabinetit të presidentit Aleksandar Vuçiq, shkruan Gazeta Sinjali.

Ngjarja është bërë publike përmes një videoje të shpërndarë në platformën “X” nga kryetari i Partisë Demokratike, Srgjan Milivojeviq. Në pamjet që po qarkullojnë gjerësisht në rrjetet sociale, dëgjohet një zë femre – që dyshohet të jetë këshilltarja e presidentit, Suzana Vasiljeviq – duke thënë me ton të ashpër: “Tani do t’ia q*** nënën”, teksa e quan një pjesëtar të eskortës së kryeministrit “idiot”.

Pas shkëmbimit verbal, situata eskalon në një kacafytje fizike mes pjesëtarëve të dy eskortave. Në video, një zë tjetër deklaron se automjeti është pjesë e eskortës nga zyra e presidentit serb, para se të ndodhë përplasja.

Rrethanat e sakta të incidentit mbeten të paqarta dhe nuk ka ende një reagim zyrtar për këtë përplasje, e cila ka nxitur debat në opinionin publik serb dhe pritet të zbardhet në ditët në vijim.

VIDEO

Ky është parashikimi i motit për nesër dhe ditët në vijim

Mot kryesisht me diell parashihet të dielen, me një rritje të temperaturave deri në 18C e 20C. Pasdite pjesëve veriore mundësi për ndonjë rrebesh shiu dhe bubullimë.

Rrebeshet e shiut pritet të përfshinë vendin më shumë ditën e hënë.

Të martën në mes vransirash të ndryshueshme, priten mundësi për ndonjë rigë shiu.

Më shumë diell të mërkurën, megjithëse shtohen vransira të larta, e krejt më vonë në mbrëmje mundësi për ndonjë rrebesh të shkurtër shiu zonave malore.

Maksimalet shënojnë rritje deri në 21C e 23C. Minimalet luhaten ndërmjet 3C e 8C. Frynë erë jugperëndimore e lehtë dhe mesatare 3-12m/s.

Paralajmërohet risi në dialogun Kosovë-serbi, është duke u konsideruar mundësia e…

Raportuesi për Kosovën në Parlamentin Evropian, Riho Terras, ka thënë se Kosova është në rrugë të mirë dhe se këtë e ka potencuar edhe raportin e tij.

Ai thotë se si pushteti, ashtu edhe opozita janë shumë të interesuar në integrimet evropiane. Por, thotë se këtë dëshirë e kanë edhe qytetarët e Kosovës.

Megjithatë, ai thotë se për të hartuar raporte të tilla duhet t’i shihen të gjitha anët dhe thotë se kanë identifikuar disa gjëra të cilat mund të përmirësohen.

“Liria e mediave njëra ndër to. Raporti ka dalë para se të publikohej ky raporti i fundit i Reporterëve pa Kufij, kemi parë se ka pasur probleme, rënia e Kosovës për 24 vende në këtë indeks është diçka që e dëshmon nevojën që Kosova ka për ta përmirësuar lirinë e medias, që është një ndër elementet bazike të sundimit të ligjit”, u shpreh Terras, raporton Klankosova.tv.

Ndër të tjera, ai thotë se kanë vënë re që Qeveria tashmë e dorëhequr e Kosovës po e lufton korrupsionin, por shton se “ka ende punë për t’u bërë”.

Terras tha se në raport është prekur edhe tema mbi dialogun ndërmjet Kosovës dhe Serbisë i cili, sipas tij nuk po shkon mirë, ndërsa shton se i njëjti është parakusht për integrimin evropian.

“E kuptoj qëndrimin e Kosovës dhe e kuptoj që Serbia nuk po e bën punën e saj por është e rëndësishme që dialogu të vazhdojë, është e rëndësishme për procesin si tërësi. Nuk më takon mua të vendos, unë thjesht raportoj për atë se në çfarë niveli e gjendje janë gjërat, por nga ana e Komisionit është caktuar tashmë një ambasador i ri, ambasadori Peter Sorensen i cili ka shumë përvojë në rajon dhe që ka top-detyrë t’i sjellë të dyja palët sërish në tavolinën e bisedimeve”.

“Nga ana e Parlamentit jemi duke e konsideruar mundësinë e fillimit të bisedimeve ndërmjet politikanëve, pra deputetëve, bisedime ndërmjet dy parlamenteve duke qenë se Parlamenti Evropian do të mund të ishte ndërmjetësues i këtyre bisedimeve por gjëja kryesore patjetër është ajo se përfaqësuesja e lartë Kallas dhe stafi i saj duhet të punojnë për këtë temë”, deklaroi për KlanKosova Riho Terras.

Seanca dështon, tension në Vetëvendosje? Dalin pamjet, ja çfarë ndodhi mes Albulena Haxhiut dhe Kurtit

Sot është mbajtur tentativa e 17-të për konstituimin e Kuvendit, e cila, ashtu si herët e kaluara, ka përfunduar pa sukses.

Megjithatë, para fillimit të seancës, kamerat kanë kapur një moment interesant mes kandidates së Lëvizjes Vetëvendosje për kryetare të Kuvendit, Albulena Haxhiu, dhe liderit të kësaj partie, Albin Kurti.

Në pamjet e transmetuara shihet se, teksa Haxhiu hyn në sallën e Kuvendit dhe kalon përballë Kurtit, ky i fundit as nuk e përshëndet.

Minuta 47:50 në videon poshtë

Seanca Konstituive 17.05.2025

Trump paralajmëron Rusinë: Do të jenë dërrmuese…

Presidenti ukrainas Volodymyr Zelensky ka bërë thirrje për sanksione më të ashpra ndaj Rusisë, një qëndrim që duket se po merr mbështetje edhe nga presidenti amerikan Donald Trump, shkruan Gazeta Sinjali.

Trump tha se do të ishte i gatshëm për sanksione më të forta për të bërë presion ndaj Vladimir Putin. “Ne do të shohim se çfarë do të ndodhë – kjo do të jetë dërrmuese për Rusinë”, tha ai, transmeton SkyNews.

Ndërkohë, Rusia dhe Ukraina kanë rënë dakord për shkëmbimin e 1000 robërve të luftës nga secila palë. Nëse ky shkëmbim realizohet, do të jetë shkëmbimi më i madh i të burgosurve në më shumë se tre vjet, që kur Rusia nisi agresionin në Ukrainë në shkurt 2022.

Katastrofë natyrore në SHBA – Mbi 16 të vdekur dhe dëmve masive

Stuhitë e fuqishme me tornado kanë goditur rëndë dy shtete amerikane, Kentucky dhe Missouri, duke shkaktuar të paktën 16 viktima dhe dëme të mëdha materiale. Shifrat tragjike janë konfirmuar nga autoritetet lokale, ndërsa ekipet e kërkim-shpëtimit vazhdojnë operacionet në terren, shkruan Gazeta Sinjali.

Në Kentucky, tornadoja goditi rëndë Qarkun Laurel, në juglindje të shtetit, gjatë orëve të para të së shtunës, duke shkaktuar nëntë viktima. Zyrtarët lokalë paralajmëruan se numri i të vdekurve mund të rritet, pasi shumë persona mbeten ende të zhdukur dhe operacionet e shpëtimit janë në vijim.

Ndërkohë, shteti i Missouri është përballur me pasoja të rënda, ku janë raportuar shtatë viktima, pesë prej të cilëve në qytetin e St. Louis. Tornadoja që përfshiu këtë zonë shkatërroi mbi 5,000 ndërtesa, rrëzoi çati dhe dëmtimet në infrastrukturë lanë më shumë se 100,000 shtëpi pa furnizim me energji elektrike.

Sipas Shërbimit Kombëtar të Motit, tornadoja goditi St. Louis rreth orës 14:30 të premten, pranë Parkut Forest, afër Kopshtit Zoologjik dhe vendit historik ku u mbajtën Lojërat Olimpike të vitit 1904. Një ndër godinat e shkatërruara ishte edhe pjesa e Kishës së Krishterë Centennial, ku disa persona u shpëtuan, por fatkeqësisht një prej tyre nuk arriti të mbijetonte.

Në përgjigje të situatës emergjente, autoritetet kanë shpallur shtetrrethim në dy nga zonat më të prekura, i cili do të mbetet në fuqi deri në orën 06:00 të mëngjesit.

Kryetarja e bashkisë së St. Louis, Cara Spencer, reagoi me dhimbje ndaj situatës: “Do të kemi shumë punë për të bërë në ditët në vijim, por sonte jemi të përqendruar në shpëtimin e jetëve dhe mbajtjen e sigurisë.”

Stuhitë kanë prekur edhe pjesë të Illinoisit, duke përhapur kushte ekstreme moti që janë ndjerë deri në bregdetin e Atlantikut. Ndërsa komunitetet në këto shtete po përballen me pasojat e katastrofës natyrore, SHBA përjeton edhe një herë një moment të rëndë, me jetë të humbura dhe dëme të pallogaritshme.

Nexhmedin Spahiu tregon arsyen e takimit me ministrin Gjuriq

Politologu, Nexhmedin Spahiu, ka zhvilluar takim në Beograd me ministrin e Jashtëm serb, Marko Gjuriq.

Përmes një postimi në rrjetet sociale, Spahiu bëri të ditur se takimi u realizua në zyrën e ministrit serb, transmeton Klankosova.tv.

E në një prononcim për “GazetaBlic”, Spahiu tha se ftesa i erdhi nga ministri serb Gjuriq, ku tregon se së bashku zhvilluan bisedë rreth një orë.

“Jam në një konferencë në Beograd. U ftova në një takim nga ministri Gjuriq dhe zhvilluam një bisedë një orëshe”, tha ai

Analisti kosovar Nexhmedin Spahiu shkon në Beograd, e pret në zyrë minsitri serb Marko Gjuriq

Analisti politik nga Mitrovica, Nexhmedin Spahiu, ka realizuar një vizitë në Beograd, ku është pritur në zyrë nga ministri serb Marko Gjuriq.

Ende nuk janë bërë të ditura detaje rreth temave të diskutimit mes palëve, por vizita ka ngjallur reagime të ndryshme në opinionin publik, shkruan Jepi zë.

“Me ministrin e jashtëm serb, Marko Djurić, në zyrën e tij në Beograd” ka shkruar Spahiu.

Ngërçi në Kuvend, deputeti i VV-së paralajmëron se këtë javë do të ndodh diçka: Kurti po…

Deputeti Nezir Kraki ka folur sot lidhur me ngërçin e krijuar në kuvend.

Ai ka dhënë sinjale se kjo gjendje mund të ndryshoj: Por këtë javë do të lëviz diçka.

Po ashtu, ai ka thënë edhe se, Kurti është duke u munduar ta konstituojë kuvendin.

“Albin Kurti po mundohet, në të gjitha mënyrat, të konstituoj Kuvendin, por këtë javë do të lëvizë diçka”, ka deklaruar Kraki.

Ngërçi politik në Kuvend, VV-ja del me një propozim

Lëvizja “Vetëvendosje” ka dalë me një propozim të ri që ka shkaktuar reagime të menjëhershme nga opozita. Sipas këtij propozimi, seancat plenare të Kuvendit të Kosovës do të duhej të mbaheshin vetëm një herë në javë, duke hequr kufizimin aktual që kërkon një afat prej 48 orësh për thirrjen e tyre.

Ky propozim u bë para nisjes së seancës nga kryesuesi, Avni Dehari.

Sipas përfaqësuesve të VV-së, kjo nismë ka për qëllim rritjen e efikasitetit dhe shmangien e bllokadave të vazhdueshme në punën parlamentare. Por, ky propozim nuk është pritur mirë nga partitë opozitare. Partia Demokratike e Kosovës dhe Lidhja Demokratike e Kosovës e kanë kundërshtuar fuqishëm, duke e cilësuar si përpjekje për të kufizuar debatet dhe për të shtyrë vendimmarrjet me rëndësi.

Aleanca për Ardhmërinë e Kosovës (AAK) nuk ishte e pranishme në seancë, duke mos marrë pjesë as në diskutimin për këtë çështje. Partia e Ramush Haradinaj sot ishin në fshatin Shqiponjë (Jabllanicë e Dushkajës) ku është organizuar manifestimi përkujtimor me rastin e përvjetorit të Çlirimit të fshatit, ku do të nderohen 43 heronjtë dhe dëshmorët e këtij vendi të shenjtë.

Ndërkohë, Kuvendi zhvilloi sot seancën e 17-të me radhë, e cila dështoi përsëri në përpjekjet për zgjedhjen e kryeparlamentarit. Ky bllokim institucional po vazhdon prej javësh, duke thelluar edhe më tej krizën politike dhe duke ngritur shqetësime për funksionalitetin e organeve shtetërore.