Një aksident ka ndodhur sot në fshatin Qikatovë të komunës së Drenasit, ku një tren është përplasur me një veturë.
Pamjet nga vendi i ngjarjes tregojnë se vetura ka pësuar dëme të konsiderueshme materiale, por ende nuk dihet nëse ka persona të lënduar si pasojë e këtij aksidenti.
Gazeta Sinjali ka kontaktuar Policinë e Kosovës për të marrë më shumë informacion rreth këtij rasti dhe është në pritje të një përgjigjeje zyrtare.
Sot është një ditë e veçantë për presidenten e Kosovës Vjosa Osmani.
Ajo sot feston ditëlindjen e 43-të. Osmani u zgjodh si e para e shtetit më 22 mars 2021.
Ajo ka shërbyer edhe si shefe e kabinetit të presidentit të Kosovës, në kohën e Fatmir Sejdiut nga viti 2006 deri në 2010-të.
Osmani është profesoreshë në Fakultetin Juridik në Universitetin e Prishtinës.
Vjosa Osmani ka lindur më 17 maj 1982 në Mitrovicë. Është e martuar dhe i ka dy vajza.
Kompania për Distribuimin e Energjisë Elektrike në Kosovë (KEDS) bën të ditur se të shtunën, më 17.05.2025, do të kryhen punime të domosdoshme për siguri të sistemit energjetik.
Si rezultat i kësaj, në disa lokalitete të Prishtinës do të ketë ndërprerje të rrymës.
Ky është orari sipas lokaliteteve në kryeqytet:
Punime të domosdoshme për siguri të sistemit
1.
Nga NS 110/10(20)kV Prishtina 2 do të ndërpritet:
TS 10/0.4kV Rezervoari 2 (kodi: 11000079088) nga ora 10:00 deri 15:00.
Vendet:Lagjja e Spitalit te Spitali Turk.
Arsyeja: Ndërprerje për siguri, energjizimi i daljes së re dhe kalimi i konsumatorëve në rrjetin e ri.
***
Punime nga pala e tretë
1.
Nga TS 35/20 kV Prishtina I do të ndërpritet:
LP 10kV J04 Dalja F.K nr 12 (kodi: 10012183) nga ora 08:00 deri 12:00.
Vendet:Rr. Prishtinë- Fushë Kosovë, Zona Industriale.
Arsyeja: Krijimi i sistemit Hyrje- Dalje i TS-it sipas PEE.
Pejë
Punime të domosdoshme për siguri të sistemit
1.
Nga NS 110/35/10[kV] Peja 1 do të ndërpritet:
LP 10kV J05 Radavci (kodi: 50000004) nga ora 10:00 deri 15:00
Vendet: Vitomiricë, Brestovik, një pjesë e Novosellës, Jabllanicë e Vogël, Jabllanicë e Madhe dhe BRRE-Hidrocentrali Radavci.
Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë
Vërejtje! Dalja ka BRRE
Prizren
Punime në projekte investive
1.
Në TS 110/35/10 kV Theranda
Nga dalja 10 kV Shpenadija do të ndërpriten TS-at në stabilment dhe pa tension mbesin:
TS 10/04[kV] Caparc I (kodi: 32000023001) nga ora 09:00 deri në ora 17:00
TS 10/04[kV] Shpenadia 1 (kodi: 32000023002) nga ora 09:00 deri në ora 17:00
TS 10/04[kV] Shpenadia 2 (kodi: 32000023003) nga ora 09:00 deri në ora 17:00
TS 10/04[kV] Velezha 1 (kodi: 32000023007) nga ora 09:00 deri në ora 17:00
TS 10/04[kV] Velezha 2 (kodi: 32000023008) nga ora 09:00 deri në ora 17:00
TS 10/04[kV] Smaqi (kodi: 32000023010) nga ora 09:00 deri në ora 17:00
TS 10/04[kV] Trepetnica (kodi: 32000023011) nga ora 09:00 deri në ora 17:00
TS 10/04[kV] Caparce 2 (kodi: 32000023012) nga ora 09:00 deri në ora 17:00
TS 10/04[kV] Ferma e Viçave-Vesi Rexhaj-Korishë (kodi: 32000023014) nga ora 09:00 deri në ora 17:00
TS 10/04[kV] ARTI FRUIT”LLC (kodi: 32000023018) nga ora 09:00 deri në ora 17:00
Vendet: Trepetica, Shpendija, Smaqi , Velezha, Caparci dhe Korisha.
Arsyeja: Punime në rrjet në projekte investive.
2.
Nga NS 110/35/10[kV] Theranda do të ndërpritet:
Dalja 10[kV] Mushtishti (kodi: 32000002) nga ora 08:00 deri 17:00 .
Vendet: Sopija I, Sopija II, Dubrava, Mushtishti, Savrova, Bukoshi, Vraniqi dhe Baqevci.
Arsyeja: Projekte Investive, ndërrimi i trafove, ndrërimi i ndarësave, ndërrimi i izolatorëve, energjizimi i rrjetit të ri ajror, ngritja e shtyllave nën tension, si dhe punime tjetra elektrike në kuadër të Lot 13-Mushtisht.
Ferizaj
Punime në projekte investive
1.
Nga TTS 35/10kV Ferizaj III do të ndërpritet:
Dalja 10kV Gaçkës (kodi: 40042002) nga ora 09:00 deri 15:00.
Vendet: Greme, Gaçkë, Burrnik, Izhanc, Kashtanjevë,Bajnicë,Semaj,Prushaj,Sllatina dhe bizneset private.
Arsyeja: Projekte investive, punime në lartpërçues.
Mitrovicë
Punime në projekte investive
1.
Nga NS 110/10[kV] Vushtrria 2 do të ndërpritet:
Dalja 10[kV] J08 Qytet e Fshatra (kodi: 73000003) nga ora 08:00 deri 18:00.
Vendet: Gjykata e Re, Kazerma 1, Zuqakë, Kosova Petrol, Sllatinë, Debërllukë 1, Debërllukë 2, Bajskë 1, Smrekonica, Pasoma, Tërllabuqi dhe Pompat Sllatinë.
Arsyeja: punime sipas projektit investiv. Rregullimi i stabilimentit elektroenergjetik ne bazë të vërejtjes së dhënë në Pasoma.
Gjakovë
Punime në projekte investive
1.
Nga TS 110/10(20)kV Gjakova 2 do të ndërpritet:
Dalja 10[kV] Bistazhini (kodi: 81000005) nga ora 09:00 deri 18:00.
Vendet: Fshatrat: Bistrazhin, Damjan (një pjesë), Dol, Fshaj (një pjesë), Gërçinë, Kusar, Kushavec (një pjesë), Lipovec, Marmull, Marash, Pjetërshan, Raç (një pjesë), Ramamat, Rrezinë dhe Smaq (një pjesë),
Arsyeja: Projekte investive, energjizimi i rrjetit tr ri në LP Bistazhini dhe kalimi i trafove Marmulli ,LP Ura e Terezive!
2.
Nga TS 110/10 kV Gjakova 2 do të ndërpritet:
Dalja 10kV Ura e Terezive (kodi: 81000004) nga ora 09:00 deri 11:00.
Vendet: fshatrat: Damjan (një pjesë), Fshaj Kushavec, Muhadër, Pnish, Rogovë, Smaq dhe Ujëz.
Arsyeja: Projekte investive, energjizimi i rrjetit tr ri nr LP Bistazhini dhe kalimi i trafove Marmulli, LP Ura e Terezive.
Presidenti amerikan Donald Trump ka deklaruar se Rripi i Gazës duhet të kthehet në atë që ai e quajti një “zonë e lirë” e kontrolluar nga SHBA, megjithëse specifikat në propozimin e tij mbeten të paqarta.
“Unë kam koncepte për Gazën që mendoj se janë shumë të mira, bëjeni atë një zonë të lirë, lërini Shtetet e Bashkuara të përfshihen dhe ta bëjnë atë vetëm një zonë lirie. Keni një zonë të vërtetë lirie, sepse duket se Gazës, çdo herë, çdo 10 vjet, i ndodh dhe më shumë se kaq”, tha Trump.
“Në të vërtetë ndodh gjatë gjithë kohës. Nuk zgjidhet problemi i Gazës”, shtoi ai.
Trump tha se “nëse është e nevojshme, mendon se do të ishte krenar që SHBA ta marrë atë dhe ta bëjë një zonë të lirë”, shkruan AA, përcjell Telegrafi.
“Lërini disa gjëra të mira të ndodhin. Vendosini njerëzit në shtëpi ku ata mund të jenë të sigurt”, vazhdoi presidenti amerikan.
Ndryshe, Trump së pari paraqiti propozimin e tij që SHBA të merrte pronësinë e Gazës në shkurt.
Plani u kundërshtua gjerësisht nga kombet në mbarë botën, por ai ka vazhduar ta përsërisë atë gjatë tre muajve të fundit.
Megjithatë, përshkrimi i tij i “zonës së lirisë” është i ri.
Detajet se çfarë do të sillte kjo mbeten të pakta pasi presidenti nuk dha hollësi të tjera.
Dega e Lidhjes Demokratike të Kosovës në Mitrovicë ka propozuar zyrtarisht Gëzim Plakollin si kandidat për kryetar të komunës në zgjedhjet e ardhshme lokale.
Vendimi është marrë gjatë mbledhjes së fundit të Kryesisë së degës, ku është theksuar besimi i plotë në përvojën dhe angazhimin e Plakollit si dhe vizioni i tij për një Mitrovicë më të zhvilluar dhe me qeverisje më efikase.
Mirëpo, kjo kandidaturë nuk është konfirmuar ende nga organet qendrore të partisë, të cilat janë në proces të vendosjes së kandidatëve.
Alma Kaçi, e cila u bë e famshme për videon në zyrën e Safet Gjicit, ka dalë këtë të premte në protestën e Sali Berishën.
Pjesëmarrja e Kaçit ka tërhequr vëmendjen, pasi që pas skandalit ajo ka preferuar të qëndrojë larg kamerave.
Ajo është shfaqur në “ballë” të protestës, me një bluzë ku kishte një mesazh për presidenten e KE-së Ursula von der Leyen.
“Ursula, a jeton dot me 100 euro në muaj”, lexohej në bluzën e saj.
Alma Kaçi u dënua nga GJKKO për “prostitucion” me një vit burg, ndërsa nga hetimet rezultoi se ajo ishte paguar nga eksponenti i PD-së dhe kundërshtari i Gjicit, Abedin Oruçi për të kryer video-regjistrimin.
Bashkimi Evropian ka shprehur shqetësim lidhur me aksionet e fundit në veri të Kosovës, duke kërkuar që kryeministri në detyrë, Albin Kurti, dhe autoritetet e Kosovës të ndalojnë veprimet e njëanshme dhe të tregojnë përmbajtje.
Sipas një deklarate të BE-së, veprimet e tilla janë dënuar për shkak të ndikimit negativ që mund të kenë në përpjekjet për të ndërtuar besim ndërmjet komuniteteve.
Veçanërisht, Bashkimi Evropian ka shprehur shqetësim për operacionet kundër kompanisë “Vodovod Ibar” në Mitrovicën e Veriut dhe kompanisë së shërbimeve publike në Zubin Potok, të cilat ofrojnë shërbime bazike për komunitetet që jetojnë në veri të Kosovës. BE-ja thekson se këto veprime të pakoordinuara mund të dëmtojnë përpjekjet për ndërtimin e një marrëdhënieje më të mirë ndërmjet komuniteteve.
Në reagimin e Bashkimit Evropian, theksohet gjithashtu rëndësia që ka angazhimi i Kosovës dhe Serbisë në dialog, si dhe zbatuar marrëveshjet e arritura, përfshirë themelimin e Asociacionit të Komunave me Shumicë Serbe.
Reagimi i plotë:
Veprimet e fundit të policisë së Kosovës, inspektimet dhe mbylljet e shërbimeve publike rrezikojnë të përkeqësojnë tensionet dhe të ndikojnë negativisht në jetën e përditshme të komuniteteve lokale, si dhe të dëmtojnë pozitën ndërkombëtare të Kosovës.
Jemi veçanërisht të shqetësuar për operacionet kundër kompanisë Vodovod Ibar në Mitrovicën e Veriut dhe kundër uzinës së furnizimit me ujë dhe kompanisë së shërbimeve publike në Zubin Potok, të cilat ofrojnë shërbime bazike për komunitetet që jetojnë në pjesën veriore të Kosovës.
Veprimet e njëanshme dhe të pakoordinuara dëmtojnë përpjekjet për ndërtimin e besimit ndërmjet komuniteteve.
I bëjmë thirrje kryeministrit në largim Kurti dhe autoriteteve në Kosovë të ndalojnë këto mbyllje, të tregojnë përmbajtje dhe të shmangin veprimet që mund të çojnë në përshkallëzim të situatës.
Si Kosova, ashtu edhe Serbia, u bëhen thirrje të angazhohen në mënyrë konstruktive në dialogun e lehtësuar nga BE për zbatimin e Marrëveshjes për rrugën drejt normalizimit dhe Aneksit të Zbatimit, si dhe të marrëveshjeve të tjera të arritura në kuadër të këtij dialogu, pa vonesa apo parakushte të mëtejshme. Kjo përfshin edhe themelimin e Asociacionit/Komunitetit të Komunave me Shumicë Serbe. Normalizimi i marrëdhënieve është një kusht thelbësor për rrugën evropiane të të dyja palëve.
Ditën e shtunë vransirat gradualisht shpërndahen. Priten më shpesh intervale me diell orëve të pasdites. Aty këtu vransirat mund të shoqërohen me ndonjë rigë shiu, e viseve malore rrebeshe të shkurta bore. Mbetet ende ftohtë, me minimale që zbresin në 3C e 5C, ndërsa temperaturat maksimale shënojnë rritje deri në 15C e 18C. Frynë erë veriperëndimore e perëndimore, 3-7m/s.
Mot kryesisht me diell parashihet të dielen, me një rritje të temperaturave deri në 18C e 20C. Pasdite pjesëve veriore mundësi për ndonjë rrebesh shiu dhe bubullimë. Rrebeshet e shiut pritet të përfshinë vendin më shumë ditën e hënë. Të martën në mes vransirash të ndryshueshme, priten mundësi për ndonjë rigë shiu. Më shumë diell të mërkurën, megjithëse shtohen vransira të larta, e krejt më vonë në mbrëmje mundësi për ndonjë rrebesh të shkurtër shiu zonave malore. Maksimalet shënojnë rritje deri në 21C e 23C. Minimalet luhaten ndërmjet 3C e 8C. Frynë erë jugperëndimore e lehtë dhe mesatare 3-12m/s.
Blerim Kuçi i është bashkuar Lidhjes Demokratike të Kosovës.
Kjo është bërë e ditur nga LDK dega në Suharekë, ku është shtuar se Kuçi përveç angazhimeve të shumta në politikë ka dhënë kontribut edhe në Ushtrinë Çlirimtare të Kosovës.
“Sot, në selinë e LDK-së në Suharekë, bashkë me kryetarin Lumir Abdixhiku, pritëm ish kryetarin e komunës dhe ish sekretarin organizativ të LDK-së z. Blerim Kuçi.Blerim Kuçi përveç angazhimeve të shumta në politikë ai ka dhënë një kontribut të veçantë edhe në Ushtrinë Çlirimtare të Kosovës por edhe ka mbështetur arsimin e studentët duke shpërnda bursa për ta. Nga sot ai rikthehet në shtëpinë tonë politike duke iu bashkuar vizionit të LDK-së për një Kosovë zhvillimore, demokratike dhe evropiane” thuhet në njoftimin e degës së LDK-së në Suharekë raporton “Gazeta Blic”.
Njoftimi i plotë:
Blerim Kuçi nga sot i bashkohet Lidhjes Demokratike të Kosovës
Sot, në selinë e LDK-së në Suharekë, bashkë me kryetarin Lumir Abdixhiku, pritëm ish kryetarin e komunës dhe ish sekretarin organizativ të LDK-së z. Blerim Kuçi.
Blerim Kuçi përveç angazhimeve të shumta në politikë ai ka dhënë një kontribut të veçantë edhe në Ushtrinë Çlirimtare të Kosovës por edhe ka mbështetur arsimin e studentët duke shpërnda bursa për ta. Nga sot ai rikthehet në shtëpinë tonë politike duke iu bashkuar vizionit të LDK-së për një Kosovë zhvillimore, demokratike dhe evropiane.
Me këtë rast, kryetari i LDK-së Lumir Abdixhiku dhe kryetari i degës Ardian Shala falenderuan ish kryetarin e Suharekës Blerim Kuçi për gatishmërinë e tij për të kontribuar për Lidhjen Demokratike të Kosovës me synime të qarta për rikthimin e LDK-së në Suharekë dhe krejt Kosovën.
Gazetari Vehbi Kajtazi ka komentuar samitin e mbajtur në Tiranë, në të cilin Edi Rama ishte nikoqir i liderëve të Bashkimit Evropian.
Kajtazi ka thënë se teksa Evropa bashkë me NATO-n u mblodh në Tiran, Kurti po bën përpjekje “kamikazë politike” bashkë me Avni Deharin për ta bërë Albulena Haxhiun kryetare të Kuvendit.
Ndërkaq, ai ka thënë se Vjosa Osmani sot në Tiranë do të duhej të ndihej e turpëruar që ngriti në pushtet Kurtin, i cili e izoloi Kosovën.
“Teksa Evropa Perendimore bashke me NATO-n ka zbarkuar ne Tirane, ky qyryku jone eshte duke bere perpjekje “kamikaze politike” qe bashke me fatkeqin Avni Dehari, ta bejne Albulena Haxhiun kryetare te Kuvendit”, ka thënë Kajtazi.
“Hajde po supozojme qe e ben Albulenen kryetare, edhe? Kryetare Kuvendi te nje shteti te izoluar. Shqiperia ka gjasa qe para vitit 2030 te behet anetare e Bashkimit Evropian. Militantet e VV-se, bashke me qytetaret normal te ketij vendi do te detyrohen te udhetojne ne Shqiperi me pasaporta”, ka thënë ai.
“Qe ku e ka sjell Albin Kurti Kosoven”, është shprehur Kajtazi.
“Vjosa Osmani do te duhej sot te ndjehej mysafiri me i turperuar i ketij samiti, sepse solli ne pushtet shkaktarin kryesor per izolimin e Kosoves”, ka thënë ai.
