Nuk zmbrapsen izraelitët: Vraşįn 40 persona për 24 orë në Gaza

Sulmet ajrore izraelite kanë vrarë të paktën 40 persona në të gjithë Gazën gjatë 24 orëve të fundit, thanë zyrtarët e mbrojtjes civile në territorin e shkatërruar palestinez, ndërsa qeveria e Izraelit përgatitej të urdhëronte zgjerimin e ofensivës së saj ushtarake.

Nëntë persona u vranë kur një sulm goditi një shtëpi në kampin e refugjatëve Bureij në Gazën qendrore; gjashtë persona të tjerë vdiqën në një sulm të ndarë që kishte në cak një shtëpi familjare në qytetin verior të Beit Lahiya; gjashtë të tjerë vdiqën në një sulm në një kuzhinë të përbashkët në qytetin e Gazës, dhe një sulm gjatë natës në kampin e refugjatëve Khan Younis vrau të paktën 11 persona, përfshirë tre foshnje deri në një vjeç, thanë zyrtarët, raporton The Guardian.

I pyetur për të komentuar mbi sulmet, një zëdhënës i Forcave të Mbrojtjes së Izraelit (IDF) tha se ushtria “merr masa paraprake të mundshme për të zbutur dëmin ndaj civilëve”.

Izraeli rifilloi fushatën e bombardimeve në Gaza më 18 mars, duke i dhënë fund një armëpushimi të brishtë.

“60 milionë euro dëm”: Mehmetaj nxjerr kontratën ilegale të Faton Pecit me një kopmani private

Dje njërin e shtynë, sot 7 rojet e Kurtit e bën edhe këtë veprim ndaj gazetarëve

Ish-kryeministri, Albin Kurti, arriti të shtunën në Kuvendin e Kosovës i shoqëruar nga shtatë zyrtarë të mbrojtjes së afërt dhe tre automjete zyrtare. Edhe kësaj radhe ai nuk u ndal për të folur me gazetarët, shkruan Insajderi.

Një nga rojet e tij u drejtua prerazi ndaj mediave: “Mos u afroni”, tha ai, vetëm një ditë pasi një gazetar u shty nga sigurimi i Kurtit në një incident të mëparshëm.

Kjo ndodhi vjen në një moment kur situata e lirisë së medias në Kosovë është në fokus të kritikave. Të premten, organizata Reporterët pa Kufij publikoi raportin e saj vjetor, sipas të cilit Kosova ka shënuar rënien më të madhe në 15 vitet e fundit në Indeksin e Lirisë së Shtypit – duke rënë për 24 pozita.

Vrįtet me thiķë kosovari në zvicër

Sipas raportimeve të para, një burrë 56-vjeçar nga Uganda dyshohet se ka kryer krimin. Ai u arrestua pak më vonë në stacionin e trenit Dietikon

Një burrë është goditur me thikë dhe është plagosur për vdekje në një apartament në Dietikon, Cyrih, të premten në mbrëmje. Policia ka arrestuar një të dyshuar.

Viktima e njoftoi vetë policinë kantonale të Cyrihut pak pas orës 23:00, ka njoftuar policia, të shtunën, transmeton albinfo.ch.

Policët që u dërguan në vendngjarje e gjetën 43-vjeçarin të plagosur rëndë në apartamentin e tij.

Përkundër ndihmës së menjëhershme, kosovari ndërroi jetë nga plagët e marra, shkruan sda.ch.

Sipas raportimeve, një burrë 56-vjeçar nga Uganda dyshohet se ka kryer krimin. Ai u arrestua pak më vonë në stacionin e trenit Dietikon.

Rrethanat e sakta të krimit dhe motivi janë aktualisht të paqarta. Policia Kantonale e Cyrihut dhe Zyra e Prokurorit Publik i për Krime të Dhunshme kanë filluar hetimet.

Përveç policisë kantonale, në detyrë ishin edhe policia e qytetit Dietikon, shërbimet e shpëtimit, mjekët e urgjencës, Instituti i Mjekësisë Ligjore i Cyrihut dhe Instituti i Mjekësisë Ligjore i Universitetit të Cyrihut.

Ultimatumi i frikshëm nga Moska – Ukraina paralajmërohet për pasoja shkatërruese, nëse bën këtë veprim

Nënkryetari i Këshillit të Sigurisë së Rusisë, Dmitry Medvedev, ka lëshuar një paralajmërim të ashpër ndaj Ukrainës, duke thënë se nëse Kievi sulmon Moskën gjatë festimeve të 9 majit, “askush nuk mund të garantojë që kryeqyteti ukrainas do të mbijetojë deri më 10 maj”

Deklarata e tij vjen në përgjigje të refuzimit të Presidentit ukrainas Volodymyr Zelenskyy për një armëpushim tre-ditor të shpallur nga Presidenti rus Vladimir Putin, me rastin e 80-vjetorit të fitores së Bashkimit Sovjetik dhe aleatëve në Luftën e Dytë Botërore.

Putin shpalli një armëpushim nga 8 deri më 10 maj, gjatë të cilit do të presë liderë ndërkombëtarë në Moskë, përfshirë Presidentin kinez Xi Jinping, për ceremonitë zyrtare të Ditës së Fitores më 9 maj.

Por Zelenskyy tha se një ndalesë 3-ditore është e pamjaftueshme dhe kërkoi një armëpushim prej të paktën 30 ditësh, propozim që Moska e ka përjashtuar.

Duke komentuar refuzimin e armëpushimit dhe deklaratat e Zelenskyyt për sigurinë e liderëve që mund të marrin pjesë në Moskë, Medvedev e quajti qëndrimin e tij një “provokim verbal” dhe shtoi:

“Askush nuk ka kërkuar garanci sigurie nga Kievi për festimet e 9 majit. Por nëse ndodh një provokim i vërtetë gjatë Ditës së Fitores, askush nuk mund të garantojë që Kievi do të jetojë deri më 10 maj.”

Zelenskyy kishte deklaruar më herët se Ukraina nuk mund të jetë përgjegjëse për atë që ndodh në territorin e Federatës Ruse, duke theksuar se siguria e të ftuarve ndërkombëtarë është përgjegjësi e Moskës.

Zemra e Vuçiqit jep alarmin – Kjo është gjendja shëndetësore e Presidentit serb

Kardiologu Dragan Dinçiq, i cili, sipas fjalëve të tij, prej vitesh është pjesë e ekipit që kujdeset për presidentin serb Aleksandar Vuçiq, ka bërë të ditur se ky i fundit është kthyer papritur nga Shtetet e Bashkuara pasi që ka pasur dhimbje të forta në kraharor që, sipas vetë Vuçiqit, kanë zgjatur  disa sekonda.

Megjithatë, sipas dëshmive të të pranishmëve në atë moment, siç tha Dinčić, dhimbja ka zgjatur disi më gjatë.

Sipas Dinčićit, dhimbja kishte lidhje me tensionin e lartë të gjakut të Vuçiqit, i cili, pasi kishte marrë një terapi të caktuar, 45 minuta më pas kishte tension 165 me 98. Kardiologu shtoi se ka gjasa që para marrjes së terapisë, tensioni të ketë qenë shumë më i lartë.

Ai shtoi gjithashtu se Vuçiq, gjatë më shumë se 10 viteve të fundit, ka pasur tri episode të ngjashme, të cilat kanë qenë kryesisht të lidhura me vlera jashtëzakonisht të larta të tensionit të gjakut, raporton Danas.

“Presidenti mori një terapi shtesë mjaft intensive dhe, pas 45 minutash, kur mbërriti ekipi mjekësor nga Amerika, u matën vlerat e tensionit 165 me 98, gjë që tregon qartë se tensioni para marrjes së terapisë ishte ndjeshëm më i lartë. Mjekët amerikanë, në mënyrë shumë profesionale, kryen të gjitha ekzaminimet e nevojshme, por presidenti, përkundër rekomandimeve të tyre, vendosi të kthehej në vend. Ai u kthye me avion dhe gjatë udhëtimit, ashtu edhe gjatë ekzaminimeve në VMA ku mbërriti rreth orës 13:00 sot, nuk pati shqetësime dhe ndihej mirë,” deklaroi Dinčić.

Ai shtoi se, pas ekzaminimeve dhe analizave të nevojshme, konsulta mjekësore në VMA konstatoi se gjendja shëndetësore aktuale e Vuçiqit është stabile dhe e kënaqshme.

“Konsulta përshtati terapinë, këshilloi ndjekjen e rregullt mjekësore dhe vazhdimin e trajtimit. Pritet që brenda një ore (rreth orës 17:00) presidenti të largohet nga Akademia Ushtarako-Mjekësore, por në çdo rast nuk është realiste të pritet që ai të kthehet plotësisht në aktivitetet e tij të zakonshme brenda disa ditëve të ardhshme,” tha Dinčić.

Tahiri i PDK-së tallet më Gërvallën në mes të konferencës – Reagimi i papritur që po bën të gjithë të flasin për të

Gjatë një deklarate për media nga ministrja e Punëve të Jashtme, Donika Gërvalla, nuk munguan reagimet nga opozita.

Deputeti i PDK-së, Abelard Tahiri, u dëgjua duke thënë: “Hajt bre, se s’din kjo…”, në shenjë pakënaqësie dhe përçmimi ndaj qëndrimeve të ministres.

Komenti i Tahirit pasqyron përplasjet e vazhdueshme verbale ndërmjet përfaqësuesve të pozitës dhe opozitës në skenën politike kosovare.

Vrau gruan, bashkëshorti dëshmon: Ishim të dehur, po ziheshim

Amerikani Brendon Saporito, i cili vrau me thikë partneren Sandra Saporito, 54 vjeçe në Shkodër ka dhënë një deklaratë para hetuesve. Sipas burimeve për ABC News Saporito ka shfaqur pendesë për krimin, ndërsa ka thënë se vrasjen e ka kryer pasi të dy kishin qenë në gjendje të dehur dhe po ziheshin.

Shkak për zënkën janë bërë sharjet që 54-vjeçarja ka nisur të bëj ndaj tij, ai ka thënë se zënkat i kanë pasur shumë të shpeshta kohët e fundit, pa një arsye të qartë.

Brendon 57 vjeç, goditi për vdekje me thikë mëngjesin e së premtes bashkëshorten e tij, Sandra Saporito. Krimi ndodhi në banesën që ata kishin marrë me qera në lagjen Gjuhadol, në qendër të Shkodrës. Të zotët e shtëpisë që dëgjuan britmat e gruas njoftuan policinë për krimin.

54 vjeçarja Sandra Saporito, nuk u mbijetoi dot plagëve dhe ndërroi jetë në vend, ndërsa policia e Shkodrës tha se e gjeti bashkëshortin e saj në gjendje të rënduar dhe nën efektin e alkoolit, raporton abcnewsal, transmeton Gazeta Sinjali.

Pasi goditi për vdekje bashkëshorten, autori Brandon Saporito, tentoi të vrasë edhe veten duke prerë damarët e duarve. 57 vjeçari u dërgua në ugjencën e spitalit të Shkodrës, ndërsa gjatë marrjes në pyetje nga Policia pranoi se e kishte kryer ai krimin.

Çifti amerikan ndodhej prej disa ditësh në qytetin e Shkodrës. Ata kishin ardhur në Rinas nga Miami, në 27 mars, dhe po eksploronin disa zona të Shqipërisë.

“Turpërim për Vuçiqin në SHBA – përzëhet nga kompleksi i Trump!“

Ish-diplomati serb Nebojša Vujoviç, ka komentuar ndërprerjen e vizitës së presidentit serb Aleksander Vucic, në SHBA dhe kthimin e parakohshëm të tij në Beograd, duke thënë se ka qenë shefja e presidentit amerikan Donal Trumot, ajo që ‘‘ia ka ndaluar hyrjen në kompleksin në Flordia’’.

“Trump-it i intereson më shumë loja individuale e shahut me Putinin (Zelenskin e ka ‘varrosur’ tashmë), sesa që Vuçiq të zgjidhë problemet e brendshme në Serbi përmes një fotografie me Trump-in. Ai donte që me atë foto (ose pritje) në Florida të zbutte kërcënimin që i vjen nga Evropa dhe pastaj të shkonte në Moskë. U përpoq të pozicionohej mes Trump-it dhe Putinit, duke i rrëmbyer Trump-it ekskluzivitetin dhe pozicionin e liderit të preferuar për Evropën”, tha Vujoviq, raporton N1, përcjell Gazeta Express.

Ish-diplomati thekson se Vuçiç e ka gërryer pozicionin e tij si në Uashington ashtu edhe në Moskë, dhe se studentët e “kurorëzojnë” atë në Evropë.

“Me këtë veprim, e ka dëmtuar veten më shumë në Evropë se sa e kanë bërë studentët. Por, studentët kanë arritur ta nxisin të sillet në mënyrë të paarsyeshme dhe të dëmtojë veten. Ata e goditën në nerva dhe i dhanë një ‘kompas’ për të kaluar nga një gabim në tjetrin. Ai kërkoi një përballje të shpejtë me komunitetin akademik dhe shtypjen e protestave, por po arrin të kundërtën. Edhe ata që e kanë mbështetur për interesa të tyre – mbi të gjitha Brukseli, Parisi dhe Berlini – tani detyrohen të lidhin duart”, deklaroi Vujoviq.

Vuçiq përfundon në spital pas kthimit të tij nga SHBA

Siç raporton Blic, Vuçiç është pritur nga Ministri i Shëndetësisë Zlatibor Lonçar dhe Dragan Dinçiq, ish-mjeku i presidentit Boris Tadiq.

Vuçiç u sëmur gjatë një vizite zyrtare në Shtetet e Bashkuara të Amerikës, pas së cilës kërkoi ndihmë mjekësore. Sipas informacioneve jozyrtare, pas ekzaminimit, ai vendosi ta ndërpresë vizitën e tij dhe të kthehet në Serbi.

 

Kabineti i Presidentit të Serbisë njoftoi se publiku do të informohet më hollësisht për gjendjen e tij shëndetësore në ditët në vijim.

 

Vuçiç udhëtoi për në SHBA më 30 prill dhe ishte planifikuar të takohej me zyrtarë të lartë të Partisë Republikane, si dhe me Presidentin e SHBA-së, Donald Trump.