A pritet të ketë rritje të çmimit të karburanteve? Vjen lajmi i fundit

Kryetari i Shoqatës së Naftëtarëve të Kosovës, Fadil Berjani ka deklaruar se tregu kosovar i naftës ka pasur një stabilitet të vazhdueshëm në çmime për dy muajt e fundit, duke qëndruar në nivele të pranueshme për konsumatorët.

Berjani ka thënë se aktualisht, çmimi i një litri naftë në vend sillet nga 1.17 deri në 1.27 euro, ndërsa benzina nga 1.19 deri në 1.26 euro, derisa thekson se tash për tash nuk pritet që të ketë rritje të çmimeve.

Kosova, sipas Berjanit me çmimet e derivateve është në regjion më e lira, pas Maqedonisë së Veriut.

“Sa i përket çmimeve të derivateve të naftës në tregun kosovar, që dy muaj, nuk ka pasur ndryshim, tregu ka qenë shumë stabil edhe çmimet kanë qenë shumë në nivelin e duhur. Rast konkret një litër derivat i naftës është 1.17 deri 1.27, benzina 1.19 deri 1.26. Lëvizje ka pasur, por kanë qenë lëvizje të vogla. Për qytetarët tanë çmimi i derivateve i naftës gjithmonë ankohen se është i shtrenjtë unë i kuptoj, por Kosova me çmime është në regjion më e lira, pas Maqedonisë Veriore. Çmimet i ceka në Maqedoni sot sillen rreth 1 euro e 10 centë, ndërsa në shtete në regjion Shqipëri, Serbi është 1.80-90. Për standardin çfarë e kemi, çmimi kishte me qenë real 1 euro”, ka thënë ai.

Berjani theksoi se krizat globale dhe konfliktet e fundit nuk kanë ndikuar në ngritjen e çmimeve të naftës, por sipas tij, rritjet vijnë si pasojë e reduktimit të prodhimit në tregun ndërkombëtar.

“Luftërat të cilat kanë ndodhur, Amerika nuk ja jep atë mundësi e as atë kënaqësi askujt të rrit derivatet e naftës, nuk kanë ndikuar luftërat, por është vetëm reduktim i prodhimit të naftës kur ka reduktim e ceka më herët në mënyrë automatike ka edhe rritje të çmimeve në tërë globin”, ka thënë ai.

Berjani përgëzoi qeverinë Kurti për miratimin e Ligjit për Naftën, i cili ka kaluar pas më shumë se një dekade pritjeje, ai ka shtuar se ligji në fjalë ka bërë reformën e duhur në këtë sektor me uljen e kostove, përfshirë tarifat e licencimit dhe kalibrimit të pajisjeve.

Ai ka thënë se tani sektori i naftës në vend është në nivelin më të duhur i rregulluar, sipas tij me ligjet të cilat i ka Bashkimi Evropian.

Megjithatë, Berjani i bëri thirrje qeverisë që të vendosë kritere për ndërtimin e pikave të reja të karburanteve, duke u bazuar në standardet e BE-së për distancën minimale midis pikave.

“Sa i përket ligjit të naftës pas një dekade apo më shumë apo më shumë se një dekadë, 12 vite e kaloi kryeministri Kurti Ligjin e Naftës gjithashtu punën të cilën e ka bërë të mirë edhe Rozeta Hajdari këtë është për ta vlerësuar sepse u tentua nga ish-qeveritë, ish-ministrat u tentua që Ligji i Naftës të ketë vetëm dy tre persona të ketë një monopol, por që nuk u arritën. Ligji i naftës kaloj, sektori i naftës është në nivelin e duhur rast konkret një licencë më herët është paguar 2000-3000 euro, sot një licencë për import e paguajmë vetëm 50 euro, kështu kalibrimi i pishtoleve ka qenë 36 euro, tashmë paguhet 12 euro, që do të thotë sektori i naftës është në nivelin e duhur. Ne një kërkesë e kemi bërë tek kryeministri Kurti, kur prapë apelojë dhe kërkojë që ajo kërkesë të merret parasysh të mos lejohen të ndërtohet pika e karburantit pa kriter. Shoqata e Naftëtarëve nuk është kundër ndërtimit të pikave të karburantit, por kërkojmë që të këtë kritere siç është kriteri në Bashkimin Evropian, shembull po e marr largësia nëpër rrugë magjistrale 15km, komunale 10km  në autostradë 25klm. Ne ju kemi drejtuar me shkrim kryeministrit dhe besoj dhe shpresoj që do ta kemi një përgjigje pozitive”, tha Berjani për EO.

Ai po ashtu theksoi të gjitha kërkesat e naftëtarëve janë të aprovuara në qeverinë e Albin Kurtit.

“Të gjitha kërkesat në ligj janë parashikuar dhe janë në ligj, kështu që sektori i naftës është në nivelin më të duhur i rregulluar me ligjet i cili i ka Bashkimi Evropian”, ka thënë ai.

Alaudin Hamiti lëshon deklaratën bombë pak para spektaklit te Big Brother

Sot është Prime, dhe të gjithë janë me sy nga ky spektakël me shumë drama dhe ngjarje të reja.

Alaudin Hamiti, prezantuesi në fjalë ka publikuar një instastory duke zbuluar disa detaje pak para Prime-it.

Ai u shpreh se ” Do te kemi nje reagim nga jasht per situata qe ka ndodh edhe brenda edhe jashte shtepise, kush ka me reagu kuptojeni,,,,”

Duket se ky i fundit po paralajmëron një Prime të gjatë dhe me shumë drama./Kosovarja/

Në platformën eKosova shtohen edhe katër shërbime, kanë të bëjnë me…

Në platformën eKosova  ka lansuar edhe katër shërbime nga Ministri e Arsimit, Shkencës Teknologjisë dhe Inovacionit.

Në mesin e këtyre shërbimeve është edhe aplikimi për mbështetje financiare për studime master jashtë Kosovës.

Më poshtë i gjeni të plota shërbimet e reja që I janë shtuar kësaj platofme:

1.Mbështetje financiare për studentët në fushat e Shkencës, Teknologjisë, Inxhinierisë dhe Matematikës (STEM) të arsimit të lartë publik në Kosovë- https://ekosova.rks-gov.net/435;

2. Mbështetje financiare për studentët e komuniteteve Rom, Ashkali dhe Egjiptian për nivelin Bachelor 2024/2025- https://ekosova.rks-gov.net/434;
3. Aplikimi për mbështetje financiare për studime master jashtë Republikës së Kosovë- https://ekosova.rks-gov.net/408;
4. Bursa për studentët e nivelit bachelor dhe master dhe studentët me aftësi të kufizuara në Universitetet Publike të Republikës së Kosovës- https://ekosova.rks-gov.net/318;

Arbërie Nagavci merr vendim të ri për Doracakun e shumëpërfolur për edukimin seksual

Ministria e Arsimit, Shkencës, Teknologjisë dhe Inovacionit njofton se ka nxjerrë vendim për rishikimin e Doracakut për edukim seksual dhe shëndet riprodhues.

Për procesin e rishikimit ministria do të formojë një komision me ekspertët më të kualifikuar në vend.

“Të ftuar do të jenë të gjitha palët relevante, përfshirë Këshillin e Prindërve të Kosovës. Ky proces do të kryhet në mënyrë profesionale, etike e transparente dhe me tërë përkushtimin që kërkon ligji dhe detyra.
Duke marrë parasysh shqetësimet e prindërve në adresë të ministrisë, sqarojmë edhe një herë që nuk ka kurrikulë të veçantë për edukim seksual e as tekste shkollore ku fëmijët mësojnë për edukimin seksual. Edukimi seksual synon t’i pajisë fëmijët dhe të rinjtë me njohuri të bazuara në fakte shkencore rreth shëndetit seksual dhe riprodhues dhe u ndihmon të kuptojnë ndryshimet trupore që ndodhin gjatë zhvilimit.
Lidhur me doracakun për mësimdhënës, prej vitit 2019 janë trajnuar më shumë se 2500 mësimdhënës. Deri tani nuk ka pasur asnjë shqetësim nga asnjë palë, përfshirë ekspertët shëndetësorë, psikologët, mësimdhënësit, drejtorët e shkollave, drejtoritë Komunale apo palë të tjera në lidhje me përmbajtjen e doracakut. Pra, nga asnjë mësimdhënës nuk është ngritur kurrë më parë kjo temë.
Ministria e Arsimit kujdeset me të gjitha resurset njerëzore për mirëqenien e fëmijëve në vendin tonë. Ndaj këtë proces të rishikimit do ta kryejmë me përgjegjësinë më të lartë etike dhe profesionale. Ndërkohë, Ministria e Arsimit kërkon nga të gjithë të përmbahen prej gjuhës tejet të papërshtatshme që po përdoret ditët e fundit.
Po ashtu, njoftojmë mësimdhënësit dhe prindërit se doracaku do të largohet nga përdorimi dhe nga faqja zyrtare e MASHTI-t deri në përfundim të rishikimit nga komisioni me ekspertët më të mirë në vend dhe të gjitha palët kompetente që i japin siguri e qartësi këtij procesi. MASHTI-i është institucioni i vetëm kompetent me autoritetin ligjor për këtë çështje. Në këtë linjë, çdo vendim jokompetent nga institucionet komunale nuk prodhon asnjë efekt juridik.
Së bashku do të bëjmë më të mirën për fëmijët tanë” thuhet në njoftimin e MASHTI-t.

E dhimbshme: I riu nga Kosova që humbi jetën në një aksident trafiku në Itali

Rilind Thaqi, 21-vjeçar nga Kosova, ka humbur jetën në një aksident trafiku derisa kthehej nga Jesolo, Venedik, me kushëririn e tij 24-vjeçar.

BMW-ja e drejtuar nga kushëriri humbi kontrollin në një kthesë dhe u përplas me një shtyllë, Rilindi, që ndodhej në vendin e pasagjerit, humbi jetën në vend.

Ky aksident vjen në një moment të vështirë për familjen e Rilindit, i cili priste me padurim të kthehej në shtëpi pas një viti për të kaluar Krishtlindjet me prindërit e tij në Kosovë.

Siç shkruan mediumi italian, Corriere, Rilindi kishte planifikuar të ndërtonte një jetë të re në Itali, duke arritur të sigurojë një punë të mirë si kopshtar në kampingun Union Lido në Ca’ di Valle dhe po punonte për të marrë lejen e drejtimit të makinës, si dhe për të blerë një shtëpi në Ca’ Savio.

Të afërmit dhe miqtë e përshkruajnë Rilindin si një djalë të dashur dhe me zemër të madhe, gjithmonë të buzëqeshur dhe të gatshëm për të ndihmuar.

“Një copë bukë. Gjithmonë me një buzëqeshje,” thotë kushëriri i tij Dini Paçarizi.

Rilindi ishte pasionant për futbollin dhe çdo fundjavë luante në Jesolo me miqtë e tij të rinj, një hobi që e mbante të lidhur me komunitetin.

Komuniteti shqiptar në Cavallino-Treporti, i cili përbëhet nga rreth 100 shqiptarë, është në zi për humbjen e tij.

Kryetarja e Bashkisë, Roberta Nesto, shprehu ngushëllime për familjen e tij, duke vlerësuar të rinjtë si Rilindi dhe kushëriri i tij për integrimin dhe kontributin që kanë dhënë në zonë.

Reagon babai i të dyshuarit për vrasjen e dyfishtë në Klinë

Një vrasje e dyfisht me armë zjarri sot rreth orës 17:15, brenda një lokali në komunën e Klinës, tronditi vendit. Njëri nga të plagosurit humbi jetën në vendngjarje, kurse tjetri u dërgua pa shenja jete në Emergjencën e Spitalit të Pejës, raporton GazetaDemos.

Siç mësoi ekzkluzivisht Demos nga burimet e veta, njëri nga viktimat u godit me një plumb në pjesën e majtë të gjoksit, goditje të cilës i bëri ballë vetëm për pak minuta.

Të dy viktimat, siç njoftoi edhe prokurori i rastit nga vendi i ngjarjes, u takojnë moshave të reja. Ndërsa, GazetaDemos mësoi se bëhet fjalë për Albison Shlivova dhe Rexhep Shlivova, të cilët dyshohet se u privuan nga jeta nga i riu Jon Hoti.

Disa orë pas ngjarjes babai i të dyshuarit për vrasje ka vendosur në profilin e tij në “Facebook”, dy foto të errëta.

Rikujtojmë se i dyshuari për vrasjen e dyfishtë është dorëzuar në Polici.

Theret me thikë një 24-vjeçar, Policia jep detaje

Një 24 vjeçar është therur me thikë sot në rrugën ‘Isa Boletini’ prapa stacionit të autobusëve në qytetin e Gjilanit.

Lajmin për Gazetën Express e ka konfirmuar zëdhënësi i Policisë, Ismet Hashani.

Ai tha se ngjarja ka ndodhur rreth orës 20:20, ndërsa shtoi se viktima është dërguar në QKUK për trajtim.

“Sipas hetimeve të para mësohet se viktima është i moshës 24 vjeqar i cili me urgjencë është dergu në qendrën emergjente këtu në Gjilan dhe më pas për shkak të lëndimeve dergohet në QKUK në Prishtinë për trajtim të mëtejmë”, tha Hashani.

Ai tha se i dyshuari është i njohur për policinë dhe është në kërkim.

“Policia e Kosovës po punon intezivisht në zbardhjen e rrethanave të këtij rasti”.

Detaje të reja: Vdes edhe personi i plagosur në Klinë

Një ngjarje e rëndë ka ndodhur pasditen e sotme në Klinë, ku janë dëgjuar të shtëna me armë zjarri, raporton Sinjali.

FIllimisht u raportua se nga të shtënat më armë një person ka mbetur i vdekur dhe një i një tjetër i plagosur.

Por, Sinjali mëson se tashmë ka ndërruar jetë edhe personi i plagosur, i cili ishte dërguar në emergjencën e Spitalit të Pejës për trajtim mjekësor.

Ai nuk ka arritur t’iu mbijetojë plagëve të marra nga arma e zjarrit.

Lajmi në lidhje me këtë ngjarje tragjike është konfirmuar edhe nga Policia e Kosovës.

“Rreth ores 17:15 policia është njoftuar për të shtëna me armë zjarri në sheshin “Mujë Krasniqi” në një lokal sipas informatave të para një person është pa shenja jete vdekjen e ka konstatuar mjeku kujdestar, ndërsa një person tjetër është dërguar në emergjencë”, ka thënë zëdhënësi i Policisë për rajonin e Pejës, Fadil Gashi.

Pamje nga lokali ku ndodhi vrasja në Klinë

Një ngjarje e rëndë ka ndodhur para pak minutash në rrugën “Mujë Krasniqi” Klinë, ku si pasojë e të shtënave me armë zjarri një person ka humbur jetën dhe një tjetër ka mbetur i plagosur.

Nga informacionet e para që ka siguruar Sinjali, dyshohet se një person u qëllua në një lokal në qendër të Klinës dhe se një person tjetër ka mbetur i plagosur dhe është dërguar me urgjencë në Spitalin e Pejës.

Lajmin e kanë konfirmuar edhe zëdhënësi i Policisë për rajonin e Pejës, Fadil Gashi ku tha se një person ka mbetur i vrarë ndërsa një tjetër i plagosur pas të shtënave me armë në një lokal në Klinë.

“Rreth ores 17:15 policia është njoftuar për të shtëna me armë zjarri në sheshin “Mujë Krasniqi” në një lokal sipas informatave të para një person është pa shenja jete vdekjen e ka konstatuar mjeku kujdestar, ndërsa një person tjetër është dërguar në emergjencë”, ka thënë zëdhënësi i Policisë për rajonin e Pejës, Fadil Gashi.

Detaje të reja për therjen në Ferizaj, thika e Fadil Islamit ishte 32-centimetërshe, i sulmoi për shkak të…

Prokuroria Themelore në Ferizaj, Departamenti i Krimeve të Rënda, njofton opinionin publik se ka kërkuar nga Gjykata Themelore në Ferizaj, caktimin e masës së paraburgimit në afat prej 30 ditësh ndaj të dyshuarit Fadil Islami, për rastin e sulmit të katër (4) personave me thikë në Ferizaj.

Sipas prokurorisë, ekziston dyshimi i bazuar se më 11 nëntor 2024, rreth orës 15:30 minuta, në rrugën “Rifat Berisha “ në Ferizaj, me dashje, për shkak përkatësisë etnike, ka tentuar t’i privonte nga jeta dy të mitura- pjesëtare të komunitetit RAE, në atë mënyrë që derisa të dëmtuarat kanë qenë duke ecur rrugës, i pandehuri që ishte duke ecur në këmbë gjithashtu në drejtim të kundërt, pasi që i kalon të dëmtuarat kthehet mbrapa dhe me hapa të shpejtuar ofrohet nga mbrapa dhe i godet disa herë në pjesën e shpatullave me një thikë kuzhine me mbishkrim “Berlinger House” me gjatësi 32 cm dhe gjatësi të tehut prej 19 cm, duke u shkaktuar lëndime të rënda trupore.

Po ashtu, sipas prokurororisë, i pandehuri F.I., me të njëjtën datë rreth orës 15:05 minuta në rrugën “Enver Topalli” në Ferizaj, me dashje për shkak përkatësisë etnike, ka tentuar të privonte nga jeta të dëmtuarin N.M., pjesëtar i komunitetit RAE, në atë mënyrë që derisa i dëmtuari ishte duke hyrë në kafenenë “Verona” , i pandehuri e sulmon me të njëjtën thikë, duke e goditur në pjesën e kokës, të fytit dhe në faqen e djathtë , të cilit i shkakton lëndime të rënda trupore, ndërsa, me po të njëjtën datë rreth orës 15:53 minuta , në rrugën “Halim Spahiu” në Ferizaj, me dashje për shkak përkatësisë etnike, ka tentuar të privonte nga jeta të dëmtuarin E.A.,- pjesëtarë i komunitetit RAE, në atë mënyrë që derisa i dëmtuari ishte duke ecur në këmbë, i pandehuri e sulmon me të njëjtën thikë, duke e goditur nga mbrapa në pjesën e shpatullave, të cilit i shkakton lëndime të rënda trupore, me këtë do të kryente veprën penale në vazhdim “Vrasje e rëndë në tentativë” nga nen 173 paragrafi 1 nënparagrafi 1.10 lidhur me nenin 28 të Kodit penal të Republikës së Kosovës (KPRK).

I pandehuri me vendim të Prokurorit të Shtetit gjendet nën masën e ndalimit prej 48-orësh për veprën penale të lartëcekur.