KEDS-i tregon, këto vende do të jenë pa rrymë sot

Kompania për Distribuimin e Energjisë Elektrike në Kosovë (KEDS) bën të ditur se të martën , më 10.06.2025, do të kryhen punime të domosdoshme për siguri të sistemit energjetik.

Si rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Prishtinë

Punime të domosdoshme për siguri të sistemit

Nga  TS 35/10kV Koliqi do të ndërprehet:

Dalja 10[kV] Keqekolla-Hjakobilla (kodi: 14016004) nga ora 10:30 deri në ora 15:00

Vendet: Keqekolle, Prapashtice, Hajkobille, Dabishevc, Mutivode

Arsyeja: Mirembajtje preventive – Ndërrimi i shtyllave/izolatorëve të dëmtuar, shtrëngimi i përçuesve, pastrimi i trasesë.

Nga  TS 35/10kV Drenasi do të ndërprehet:

Dalja 10[kV] Llapushnik (kodi: 16100028) nga ora 11:00 deri në ora 15:00

Vendet: Berishë, Novosellë dhe Kleçkë.

Arsyeja: Mirëmbajtja preventive, instalimi i autorecloser-it.

Nga NS 110/35/10kV Palaj do të ndërprehet:

NS 10/0.4kV TS Plemetin -Kulla (kodi: 18024003034) nga ora 10:00 deri 15:00

Vendet: Plemetin – një pjesë.

Arsyeja: Ndërprerje për siguri, shtrirja e kabllos për daljen e re 0.4 [kV].

Pejë

Punime të domosdoshme për siguri të sistemit

Nga  TS 110/10(20)kV Peja 2 do të ndërprehet:

Dalja 10[kV] Loxha (kodi: 51000008) nga ora 09:00 deri në ora 14:00

Vendet: Loxha Qerhane, Loxha3, Loxha2, Graboc, Loxha1, Loxha e reja,Elezaj Raushiq, Raushiq Ademajt, Strellci I Ulët, Raushiq xhamija, Raushiqi ri, Raushiq, Molika, Gazmend Shabanaj, Zagerma, Lubeniq, Strellci Ulët, Lufajt, Sali Likaj, Raushiq Mahalla, Likaj dhe Raushiq Kulla.

Arsyeja: Mirëmbajtje preventive, shtrëngimi i përçuesve dhe pastrimi i trasesë.

Nga  TS 110/10kV Klina do të ndërprehet:

Dalja 10[kV] Jashanica (kodi: 52000003) nga ora 11:00 deri në ora 15:00

Vendet: Pograxhë, Qupevë, Jellovc, Resnik, Jashanicë,  si dhe Led Light Tehnology-BRRE.

Arsyeja: Ndërprerje për siguri, ndërrimi i shtyllave të tensionit të mesëm – lokacioni Klinavc- Dobërdol.

Prizren

Punime të domosdoshme për siguri të sistemit

Nga  TS 110/10(20)kV Peja 2 do të ndërprehet:

Dalja 10[kV] Loxha (kodi: 51000008) nga ora 09:00 deri në ora 14:00

Vendet: Loxha Qerhane, Loxha3, Loxha2, Graboc, Loxha1, Loxha e reja,Elezaj Raushiq, Raushiq Ademajt, Strellci I Ulët, Raushiq xhamija, Raushiqi ri, Raushiq, Molika, Gazmend Shabanaj, Zagerma, Lubeniq, Strellci Ulët, Lufajt, Sali Likaj, Raushiq Mahalla, Likaj dhe Raushiq Kulla.

Arsyeja: Mirëmbajtje preventive, shtrëngimi i përçuesve dhe pastrimi i trasesë.

Nga  TS 110/10kV Klina do të ndërprehet:

Dalja 10[kV] Jashanica (kodi: 52000003) nga ora 11:00 deri në ora 15:00

Vendet: Pograxhë, Qupevë, Jellovc, Resnik, Jashanicë,  si dhe Led Light Tehnology-BRRE.

Arsyeja: Ndërprerje për siguri, ndërrimi i shtyllave të tensionit të mesëm – lokacioni Klinavc- Dobërdol.

Ferizaj

Punime të domosdoshme për siguri të sistemit

Në TS 35/10kV Kaçaniku

Nga stabilimenti  dalja 10 kV Pylltaria-Degëzimi i Drenushes do të ndërprehen Ts-at:

TS 10/04[kV] Drenush (kodi: 40043004081) nga ora 10:30 deri në ora 15:00

TS 10/04[kV] Kërbliq – Rek (kodi: 40043004083) nga ora 10:30 deri në ora 15:00

TS 10/04[kV] Kërbliq Samakov(kodi: 40043004084) nga ora 10:30 deri në ora 15:00

TS 10/04[kV] Kërbliq Leskovic(kodi: 40043004085) nga ora 10:30 deri në ora 15:00

Vendet: Drenushë dhe Kërbiliq

Arsyeja: Mirëmbajtje preventive – ndërrimi i shtyllave/izolatorëve të dëmtuar, shtrëngimi i përçuesve dhe  pastrimi i trasesë.

Mitrovicë

Punime të domosdoshme për siguri të sistemit

Nga  TS 110/10 kV Vushtrria 2 do të ndërprehet:

Dalja 10[kV] Stac. Hekurudhor (kodi: 73000004) nga ora 10:30 deri në ora 15:30

Vendet: Shtitaricë, Dalaku, Akrashticë, Pantinë, Bukosh, Taraxhë, Liqej, Balincë, Oshlan, Duboc, Galicë, Beçi dhe  Brusnik.

Arsyeja: Mirëmbajtje preventive, pastrimi i trasesë.

Nga  TS 110/10 kV Vushtrria 2 do të ndërprehet:

Dalja 10[kV] Nadakovc (kodi: 73000014) nga ora 09:00 deri në ora 14:00

Vendet: Btp Petroll, te përmendorja e Hamdi Feratit, Nadakovc- Gubetini, Nadakovc-blinda, Naser Imeri, Sfaraqak dhe lagjja Xhafaj.

Arsyeja: Mirëmbajtje preventive, riparimi i ormanit 0.4 [kV] dhe demontimi i shtyllave të tesnionit të mesëm.

Gjakovë

Punime të domosdoshme për siguri të sistemit

Nga  TS 110/10(20)kV Gjakova 2 do të ndërprehet:

Dalja 10[kV] Bistazhini (kodi: 81000005) nga 10:00-10:30 dhe nga ora 15:00-15:30

Vendet: fshatrat: Bistrazhin, Damjan (një pjesë), Dol, Fshaj (një pjesë), Gërqinë, Kusar, Kushavec (një pjesë), Lipovec, Marmull, Marash, Pjetërshan, Raç (një pjesë), Ramamat, Rrezinë, Smaq (një pjesë),

Arsyeja: Krijimi i kushteve të punës pa tension, largimi i urave të tensionit të mesëm.

Në  TS 110/10(20)kV Gjakova 2:

Nga dalja 10[kV] Bistazhini do të ndërprehet trafostacioni:

TS 10/04[kV] Pjetpërshtani -Kisha (kodi: 81000005004) nga ora 10:00 deri në ora 15:30

Vendet: Pjetërshtan.

Arsyeja: Mirëmbajtje preventive, riparimi i ormanit të dëmtuar dhe vendosja e ndërprerësit – TS 81000005004 Pjetërshan 2 te Kisha.

Nga  TS 35/10 kV Malisheva do të ndërprehet:

Dalja 10[kV] Caralluka (kodi: 82082001) nga ora 10:00 deri në ora 14:00

Vendet: rr.603 Adem Jashari (një pjesë), Rr.605 Rilindja Kombëtare (1 konsumator), rr.606 Pavarësia (1 konsumator), rr.610 Hisni Mazreku (1 konsumatorë), fshatrat: Carallukë, Dragobil, Drenoc, Panorc, Shkarashnikë, Tërpezë e Poshtme, Vërmicë dhe Vërmicë e Malishevës.

Arsyeja: Mirëmbajtje preventive, pastrimi i trasesë dhe kontrollimi i vajit të transformatorëve.

“Nuk kërkojmë poste në qeveri”, Limaj i bindet Kurtit

“Jemi gati t’i japim tre votat tona për në Kuvend dhe jo t’i kërkojmë vend në qeveri Kurtit.” Kështu shprehet në një intervistë në Ditarin e Kosovës në A2 CNN kryetari i Partisë Nisma, Fatmir Limaj, transmeton Insajderi.

Pas më shumë se 4 muajsh bllokim politik, më në fund duket se kriza mund të ketë një zgjidhje. Sipas Limajt, zgjidhja është te vullneti politik, dhe aspak te Kushtetuta, te Gjykata, apo — aq më pak — te presidentja.

Frika e Limajt shkon përtej partive dhe llogarive meskine të secilës prej tyre, sidomos atyre në opozitë. Llogari, të cilat Kosova nuk ka luksin t’i bëjë, sipas tij, pasi ende është një demokraci e pa rrumbullakosur.

“Ndërkohë që ne merremi me këto llogari, gjeopolitika ndryshon dhe mund të humbasim shumë çështje, në dëm të Kosovës,” thekson Limaj.

Zgjedhjet e jashtëzakonshme ai nuk i sheh si alternativë; madje këtë ide e quan “një shaka që është bërë te presidentja.”

Imer Mushkolaj në rolin e parashikuesit: PDK-ja pritet të fitojë zgjedhjet, VV do të bie…

Analisti politik Imer Mushkolaj ka vlerësuar se skena politike në Kosovë pritet të pësojë ndryshime të mëdha në rast të mbajtjes së zgjedhjeve të reja, me Partinë Demokratike të Kosovës (PDK) që sipas tij pritet të dalë fituese, ndërsa Lëvizja Vetëvendosje (VV) do të humbasë avantazhin aktual.

“Fillimisht, NISMA Social Demokrate do të vendosë interesin partiak mbi gjithçka dhe do të hyjë në qeveri. NISMA dhe AAK-ja janë humbëset më të mëdha të zgjedhjeve dhe nuk mund të shkojnë në një koalicion parazgjedhor pas gjithë kësaj situate,” tha Mushkolaj në DebatPlus.

Sipas tij, lideri i Nismës, Fatmir Limaj, do të pranojë të bëhet pjesë e qeverisë dhe do të japë votën për zgjedhjen e kryetarit të Kuvendit, duke kontribuar në formimin e një shumice të re.

Mushkolaj u ndal edhe te pozita e Lëvizjes Vetëvendosje në rast të zgjedhjeve të reja.

Ai theksoi se kjo parti nuk do të arrijë të mbajë epërsinë që kishte në zgjedhjet e kaluara.

“LVV do t’i fajësojë të tjerët për situatën e krijuar, por partia që del e para në zgjedhje duhet të bëjë koalicion për formimin e qeverisë. Pse duhet të viktimizohet sërish me narrativën ‘unë desha, por ata s’pranuan’? Në këtë rast, Vetëvendosja nuk do të arrijë t’i fitojë zgjedhjet nëse shkohet në to,” u shpreh ai.

Në këtë kontekst, Mushkolaj parashikon që PDK-ja të dalë fituese në zgjedhjet e reja.

Duke komentuar qëndrimin e Lidhjes Demokratike të Kosovës (LDK), ai tha se kjo parti po kalon një periudhë të paqartë.

“LDK-ja fillimisht kërkoi qeveri tranzitore, pastaj qeveri uniteti. Tani është në një situatë të paqartë — as me Sheher, as me Barilevë. Nuk po do të hyjë në qeveri. Një situatë e çuditshme dhe aspak e favorshme për LDK-në,” përfundoi Mushkolaj.

Një muaj paraburgim në Serbi për ish-policin e speciales

Avokati Arianit Koci, ka bërë të ditur se Arbnor Spahiut, ish-zyrtarit policor të Njësisë Speciale, i është caktuar masa e paraburgimit njëmujor në Serbi.

Koci këtë e ka quajtur vendim të padrejtë e të motivuar politikisht pa asnjë provë faktike.

“Arbnor Spahiut, ish-zyrtarit policor të Njësisë Speciale Operative (NJSO), pas dy ditësh ndalimi, sot i është caktuar masa e paraburgimit njëmujor në Serbi. Ky vendim është i padrejtë, i motivuar politikisht dhe pa asnjë provë apo bazë faktike”.

“Kërkoj angazhim të drejtpërdrejtë të shtetit të Kosovës – jo vetëm nga Ministria e Jashtme dhe Zyra Ndërlidhëse në Beograd – por edhe reagim të qartë dhe publik nga Kryeministri dhe Presidentja e vendit.Sepse asnjë qytetar i këtij vendi nuk guxon të lihet vetëm, kur përsekutohet padrejtësisht. Punën që nuk po e bën shtetit i Kosovës – po më duhet ta bëj une. P.S. Nesër nisem drejt Suboticës”, ka shkruar Koci.

Kurti ‘bojkoton’ takimin e VV-së në Mitrovicë, kundërshtime që Faton Peci të jetë kandidat për kryetar të Mitrovicës

Qendra e Lëvizjes Vetëvendosje në Mitrovicë sot ka mbajtur takim me struktura, ku të pranishëm ishin deputetët nga ky qytet, Armend Muja, Arjeta Fejza dhe Agim Bahtiri.

Edhe pse ishte pritur që në takim të jetë prezent edhe Albin Kurti, ai nuk mori pjesë, ani pse rreth dy orë para këtij takimi të VV-së ai ka vizituar Komunën e Mitrovicës, ku është pritur nga kryetari Bedri Hamza e Nënkryetari Arian Tahiri.

Mosprezenca e kryetarit të LVV-së në këtë takim, ka reflektuar atmosferë jo të këndshme, pasi që një pjesë e strukturës ka pritur që sot aty të zyrtarizohet edhe kandidati i kësaj partie për kryetar komune në zgjedhjet e tetorit.

Veriu.info mëson se bojkoti që Kurti i ka bërë këtij takimi të strukturave të LVV-së në momentet e fundit, lidhet me faktin se një pjesë e konsiderueshme e LVV-së në Mitrovicë nuk po e mbështet kandidaturën eventuale të Faton Pecit për kryetar komune.

Burime të Veriu.info bëjnë të ditur se figura kyçe brenda LVV-së në Mitrovicë që po e kundërshtojnë kandidaturën e Pecit të GUXO-s në siglën e LVV, ka të bëjë me faktin se kjo parti edhe në dy palë zgjedhjet e kaluara kishte kandiduar për kryetar komune persona që nuk kishin të kaluar të gjatë me këtë parti.

Fjala është për Fehmi Feratin në zgjedhjet e vitit 2017 dhe Agim Bahtirin në zgjedhjet e vitit 2021, i cili dy herë ishte zgjedhur kryetar komune nga AKR-ja e Behgjet Pacollit, por që duke e parë që kjo parti po dobësohej shumë, kishte vendosur të aderoj në LVV në këmbim të kandidaturës për kryetar komune.

Veriu.info mëson se në takimin e sotëm të LVV në Mitrovicë nuk është përmendur asnjë emër për kandidat, por që seriozisht po shqyrtohen edhe kandidaturat e deputetit dhe kryetarit të LVV-së në Mitrovicë, Armend Muja dhe ajo e njërit prej biznesmenëve më të shquar në rangë vendi nga Mitrovica, emrin e të cilit nuk po e publikojmë deri të marrim një prononcim nga ai.

Aktivisti serb që u përplas me sigurimin e Sveçlës në veri, e pëson keq nga policia e Kosovës

Policia e Kosovës i ka shqiptuar një tiketë aktivistit serb Stefan Veljkoviq në veri, pasi ky i fundit refuzoi të zbatojë urdhrin policor gjatë aktivitetit të ministrit në detyrë të Punëve të Brendshme, Xhelal Sveçla, shkruan Gazeta Sinjali.

Zëvendësdrejtori i Policisë për rajonin e veriut, Veton Elshani, konfirmoi për Kohën, se Veljkoviq ka pranuar trajtim mjekësor për lëndimet e pësuara.

Veljkoviq u përplas fizikisht me mbrojtjen e ministrit dhe mbante me vete një bilbil si shenjë proteste civile ndaj politikave që, sipas tij, po shtypin komunitetin serb në veri të Mitrovicës. Ai deklaroi se u godit dhe iu dëmtua bluza nga pjesëtarë të Policisë në rroba civile, ndërsa gjithë ngjarja u regjistrua me telefon.

Aktivisti tha se protesta ishte kundër konfiskimit të pronave dhe trajtimit të padrejtë që sipas tij po ushtrohet ndaj serbëve nga autoritetet kosovare.

“Qytetarët na informuan se Kurti, Sveçla dhe Gazmend Hoxha (drejtor i Policisë së Kosovës) erdhën për t’u mburrur në veri të Mitrovicës, derisa po zbatohen politika antiserbe. Apartamente, shtëpi dhe toka po konfiskohen, njerëzit po shtypen, fëmijët po mbahen në paraburgim. Erdha me një bilbil si shenjë proteste civile”, ka deklaruar ai.

“Më goditën në kokë, më grisën bluzën, më goditën në dhëmb dhe në nofull. Gjithçka u regjistrua në telefonin tim”, ka shtuar ai për mediumin Kossev.

Gjykata Speciale merr një vendim për Thaçin

Gjykata Speciale e Kosovës në Hagë ka vendosur të vazhdojë paraburgimin e ish-presidentit të Kosovës, Hashim Thaçi, në kuadër të çështjes që lidhet me akuzat për pengim të drejtësisë.

Vendimi është marrë nga gjykatësja paraprake Marjorie Masselot, e cila theksoi se rreziqet për arratisje, pengim të drejtësisë dhe kryerje të veprave të tjera penale mbeten të pranishme.

Sipas gjykatës, ekziston dyshimi i arsyeshëm se Thaçi ka kryer veprat penale të shpalljes së sekretit zyrtar, fyerjes ndaj gjykatës dhe pengimit të personave zyrtarë në kryerjen e detyrave të tyre.

Akuzat burojnë nga hetimet që lidhen me procesin tjetër gjyqësor në të cilin Thaçi po përballet me akuza për krime lufte dhe krime kundër njerëzimit.

Gjykata e bazoi vendimin e saj në disa faktorë, përfshirë mundësinë që Thaçi të ndikojë te dëshmitarët ose të pengojë procedurat gjyqësore.

Në arsyetimin e saj, gjykatësja theksoi se Thaçi ka pasur rol udhëheqës në grupe që kanë synuar të ndikonin te dëshmitarët përmes shpërndarjes së informacionit të ndaluar dhe ofrimit të përfitimeve për të ndryshuar deklaratat.

Gjithashtu, gjykata nënvizoi se masat e sigurisë në ambientet e paraburgimit të Gjykatës Speciale janë më të sigurta për të parandaluar komunikimet e paautorizuara dhe ndikimet e mundshme ndaj procesit gjyqësor.

Përveç kësaj, Gjykata konfirmoi se procesi gjyqësor po ecën përpara me ritëm të kënaqshëm, ndërsa mbrojtja ka dorëzuar mocionet paraprake dhe prokuroria ka përfunduar pjesën më të madhe të dorëzimit të provave.

Gjykata i ka dhënë afat Thaçit që, nëse dëshiron, të paraqesë parashtresat e tij lidhur me shqyrtimin e radhës të paraburgimit deri më 27 qershor 2025. Në rast se nuk dorëzon parashtresa, Prokuroria Speciale duhet të bëjë paraqitjet e saj deri më 7 korrik 2025.

Faton Peci, kandidat i VV-së për kryetar të Mitrovicës

Lëvizja Vetëvendosje ka vendosur që Faton Peci të jetë kandidati i saj për kryetar të Komunës së Mitrovicës.

Albin Kurti ka vendosur për Faton Pecin që ta fus në garë për Mitrovicë dhe se vendimi po u kumtohet edhe asamblistëve dhe zyrtarëve të tjerë të partisë në Mitrovicë, në takimin që ka nisur në ora 16:00 në një lokal tek Liqeni, raporton “Jepi zë”.

Ende nuk ka ndonjë konfirmim zyrtar nga partia, por pritet që emri i Pecit të formalizohet së shpejti.

Vraşja e bashkëshortes Gjyljeta Ukella, merret vendimi për Edmond Lajçi

Gjykata e Apelit e ka vërtetuar dënimin me burgim të përjetshëm për Edmond Lajçin, i akuzuar për vrasjen e gruas se tij, Gjyljeta Ukella.

Kështu ka bërë të ditur Gjykata e Apelit përmes një njoftimi në rrjetin social në Facebook.

Në njoftim thuhet se Gjykata e Apelit e Kosovës, e ka refuzuar si të pabazuar ankesën e mbrojtësit së të akuzuarit E.L., duke e vërtetuar aktgjykimin e Gjykatës Themelore në Pejë – Departamenti për Krime të Rënda/

“Gjykata Themelore në Pejë – Departamenti për Krime të Rënda, sipas sktgjykimit PKR.nr.74/2024, të datës 03.02.2025, ka shpallur fajtor të akuzuarin E.L., për shkak të veprave penale vrasje e rëndë nga neni 173 paragrafi 1 pika 1.3 të KPK dhe mbajtja në pronësi, kontroll ose posedim të pa autorizuar të armëve, nga neni 366 paragrafi 1 të KPK, duke i shqiptuar dënim me burgim të përjetshëm. Në dënimin e shqiptuar me burgim i është llogaritur koha e kaluar në paraburgim nga data 16.04.2024, si dhe i është konfiskuar mjeti i kryerjes së veprës penale, pistoleta model “Zoraki 917-T”, me numër serik…, me karikator dhe 5 fishekë, të cilat do të shkatërrohen pasi që aktgjykimi të bëhet i plotfuqishëm”, thuhet në njoftim.

Tutje sipas njoftimit, kolegji gjykues vlerëson se, aktgjykimi i gjykatës së shkallës së parë nuk është përfshirë në shkeljet esenciale të dispozitave të procedurës penale, të parapara në nenin 384 të KPPK, për të cilat shkelje përkujdeset kolegji i kësaj gjykate edhe sipas dispozitës ligjore nga neni 394 të KPPK, si dhe vlerëson se gjykata e shkallës së parë ka paraqitur arsye të qarta dhe të plota duke dhënë arsye të duhura se cilat fakte konsiderohen të vërtetuara në këtë çështje penale, përkitazi me veprat penale të cilat i vihen në barrë të akuzuarit, e po ashtu ka paraqitur saktësinë e provave nga shkresat e lëndës, sikurse janë provat personale dhe ato materiale.

“Ndërsa, sa i përket pretendimeve ankimore lidhur me shkeljen e ligjit penal, Gjykata e Apelit vlerëson se shkalla e parë në mënyrë të plotë dhe të drejtë ka vërtetuar ekzistimin e secilës vepër penale, pasi që ka vlerësuar të gjitha provat sikurse ato personale e po ashtu edhe ato materiale, e posaçërisht pranimin e fajësisë së të akuzuarit, për veprat penale të cilat i vihen në barrë, andaj kolegji gjykues vlerëson se gjykata e shkallës së parë në mënyrë të drejtë ka vendosur kur të akuzuarin e ka shpallur fajtor, pasi që nuk ekzistojnë rrethana që e përjashtojnë të akuzuarin nga përgjegjësia penale si dhe ndjekja penale”.

Siç bëhet e ditur në njoftim, thuhet se: “Duke i vlerësuar të gjitha rrethanat e përshkruara si në këtë aktgjykim, kolegji gjykues është i bindur se me dënimin e shqiptuar me burgim të përjetshëm sikurse në dispozitiv të aktgjykimit, do të arrihet efekti dhe qëllimi i tij, që të parandalojë kryerësit nga kryerja e veprave penale në të ardhmen dhe të bëjë rehabilitimin e tij, të parandalojë personat e tjerë nga kryerja e veprave penale, të bëjë kompensimin e viktimave ose të komunitetit për humbjet ose dëmet e shkaktuara nga vepra penale dhe të shprehë gjykimin shoqëror për veprën penale, ngritjen e moralit dhe forcimin e detyrimit për respektimin e ligjit, të paraparë në nenin 38 të KPK”.

Takimi Kurti-Hamza në Mitrovicë, bëhet e ditur arsyeja e takimit

Kryeministri në detyrë, Albin Kurti, ka vizituar sot Komunën e Mitrovicës së Jugut, ku është takuar me kryetarin Bedri Hamza.

Sipas, Përparim Kryeziut, zëdhënësit të Qeverisë në detyrë, në fokus të këtij takimi ka qenë puna e komunave dhe bashkëpunimi ndërmjet qeverisë dhe nivelit lokal për realizimin e projekteve që janë në shërbim të qytetarëve.

“Pas vizitës dhe takimit me kryetarin e Komunës së Mitrovicës së veriut, Erden Atiq, kryeministri Kurti ka vizituar sot edhe kryetarin e Komunës së Mitrovicës së jugut, Bedri Hamza”.

“Të dy takimet kanë pasur në qendër të diskutimit punën e këtyre komunave dhe bashkëpunimin ndërmjet qeverisë dhe komunave në realizimin e projekteve në shërbim të qytetarëve”, tha ai për Dukagjinin.

Ky është takim i rrallë mes Kurtit dhe Hamzës, i cili vjen në një kohë kur vendi ndodhet në pritje të zhvillimeve të reja politike për krijimin e institucioneve.

Para vizitës te Hamza, Kurti kishte takuar edhe kryetarin e Komunës