A do të ketë reduktime gjatë dimrit, flasin nga KESCO

Ulja e temperaturave, nuk pritet ta ç`rregulloj furnizimin me rrymë.

Këtë po e sigurojnë nga shpërndarësi kryesor i energjisë elektrike në Kosovë, të cilët thonë se kanë bërë krejt llogaritë që të mos ketë fare reduktime gjatë dimrit.

Zëdhënësja e KESCO-së, Margarita Rashiti, tha për Klan Kosova se në radhë te parë varet se sa do të mund të prodhojë prodhuesi vendor energji elektrike, pastaj sa është kërkesa për konsum dhe çmimi energjisë në bursa ndërkombetare,. Por padyshim që si shpërndarës i energjisë Rashiti shtoi se janë të përgatitur për të ofruar furnizim stabil me energji anë e kënd Kosovës.

Për diçka të tillë, janë të bindur edhe nga partia në pushtet. Kjo sipas Driton Hysenit nga Vetëvendosje, bazuar në performancën e termocentraleve dhe riparimet e bëra.

Por Pal Lekaj nga opozita ka dyshime në këtë, duke e parë udhëheqjen e deri tanishme të KEK-ut nga pushteti.

Pavarësisht kësaj, KESCO, apelon për kursim të energjisë.

Ditëve në vijim, sipas këtij institucioni do të organizohet kampanjë informative për krejt konsumatoret si informim se cilat pajisje sa shpenzojnë dhe si duhet përdorur.

Eurodeputeti holandez: Ka ardhur koha që Serbia të vendos mes Brukselit dhe Moskës

Eurodeputeti holandez, Thijs Reuten, thotë se ka ardhur koha që Serbia të vendos mes Brukselit apo Moskës. Ai paralajmëron një qasje më të ashpër nga evropianët nëse Serbia vazhdon të luaj me disa karta në politikën e jashtme.

Partner me Bashkimin Evropian, por miq të mirë me Rusinë e Kinën. Kjo politikë e Serbisë po e shqetëson eurodeputetin holandez, Thijs Reuten.

Madje ai shprehet i revoltuar me krerët shtetëror serb, të cilët ruajnë raporte te ngushta me Moskën dhe Pekinin.

Andaj Reuten thotë se ka ardhur koha që Serbia të përcaktohet se në cilën anë është.

“Jam i tmerruar kur shoh vizitat e krerëve të lartë shtetëror serb në Moskë duke u takuar me presidentin rus, Vladimir Putin. Për mendimin tim e ardhmja e Serbisë është në Bashkimin Evropian, por në periudhën e fundit shoh mesazhe të përziera nga ta. Kur janë në Bruksel na thonë se jemi partner me ju, por në anën tjetër thonë gjithashtu se janë miq të mirë me Kinën e Rusinë. Besoj se tani ka ardhur koha që Serbia të vendos se në cilën anë është”, shprehet Reuten.

Diplomati holandez komentoi edhe vizitën e zëvendëskryeministrit serb, Aleksandar Vulin, në Moskë ku u mbajt samiti i BRICS-it.

Ai thotë se nuk i bën mirë Serbisë të marrë pjesë në një samit kur përfshihen shtete si Irani, Kina e Rusia.

“Nuk mendoj se është mirë të jeni pjesë e një aleance ku Irani, Kina, Rusia luajnë rol kyç, prandaj edhe nuk po i kuptoj fare veprimet e Serbisë. Shkëmbimi tregtar mes Serbisë dhe Bashkimit Evropian kap shifrën e 18 miliardë eurove. Serbia duhet të bëj pjesë në familjen e madhe evropiane, por veprimet e tyre ngritin shqetësime. Nëse Serbia vazhdon të veproj në këtë mënyrë, atëherë ne duhet jemi më të ashpër”, shprehet eurodeputeti holandez.

Presidenti serb, Aleksandar Vuçiq, ka marrëdhënie shumë të mira me shtetet perëndimore si dhe me ato lindore.

Nga Bashkimin Evropian si dhe fuqitë e tjera perëndimore ai shihet si i domosdoshëm për stabilitetin në Ballkan.

E rënde: Një 14 vjeçare dyshohet se u drogua dhe dhunua nga pesë persona në Prishtinë

Një ngjarje e rëndë raportohet të ketë ndodhur mbrëmë pas mesnate në kryeqytet.

Dyshohet se një vajzë 14-vjeçare është dhunuar nga disa persona.

Fillimisht siç raporton Sinjali, ata e kishin detyruar viktimën të konsumonte substanca narkotike.

Ngjarja ka ndodhur në një objekt në ndërtim e sipër në rrugën “Tirana” në Prishtinë.

Lidhur me rastin është lajmëruar edhe policia, transmeton Gazeta Imazhi.

Tutje siç raporton gazeta Sinjali, e mitura është gjetur dilu në një rrugë të kryeqytetit në orët e mëngjesit dhe më pas është njoftuar Policia.

Me urdhër të Prokurorit të Shtetit, hetimi tashmë është iniciuar dhe po ndërmerren veprimet e nevojshme për zbardhjen e rrethanave të rastit.

GazetaImazhi.com ka kontaktuar me policinë dhe prokurorinë lidhur me rastin, por deri në publikimin e lajmit nuk ka marrë ndonjë përgjigje.

Katër vjet nga arrestimi i ish-krerëve të UÇK-së, a po vjen fundi i gjykimit të madh në Hagë?

Fundi i vitit të ardhshëm ose fillimi i 2026-ës, mund të shënojë përfundimin e procesit gjyqësor ndaj ish-krerëve të Ushtrisë Çlirimtare të Kosovës të cilët Zyra e Prokurorit të Specializuar i akuzon për krime të pretenduara të luftës, vlerësojnë monitoruesit e këtij procesi.

Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim në Hagë – qyteti holandez ku Gjykata Speciale e ka selinë – që prej nëntorit të vitit 2020.

Numri i dëshmitarëve të prokurorisë në atë që njihet si gjykimi i madh ka mbërritur njëqindëshin. Prokuroria atje ka hequr dorë nga dëgjimi i disa dëshmitarëve dhe i ka pranuar disa dëshmi me shkrim.

Të premten më 1 nëntor, ZPS njoftoi se nuk do të mbështetet më në dëshmitë e dymbëdhjetë dëshmitarëve. Gjithashtu u bë e ditur se ZPS-ja do t’i paraqesë deklaratat e tetë dëshmitarëve me shkrim në vend të dëshmive të drejtpërdrejta në gjykatë.

Çështja e ZPS-së është paraparë të mbyllet në prill të vitit të ardhshëm, për t’i hapur pastaj rrugë asaj të mbrojtjes. Avokatët në Kosovë dhe monitoruesit vlerësojnë se ky proces është tejzgjatur.

Artan Çerkini, avokat i akredituar nga Specialja, thotë për KosovaPress, se ka hapësirë për reduktim më të madh të numrit të dëshmitarëve.

“Me sa jam në njohuri janë larguar 11 dëshmitarë dhe atë me vetë kërkesën e Prokurorisë së Specializuar, natyrisht se kjo do të ndikoj në masë të konsiderueshme, nuk mund të them në masë të madhe në shpejtimin e procedurës, pasi që edhe dëgjimi i dëshmitarit merr kohë dhe nëse prokuroria heq dorë nga dëgjimi i dëshmitarit dhe kjo nënkupton se koha për të prokuroria paraqitjen e provave do të jetë më e shkurt dhe për rrjedhojë edhe procedura do të jetë më efikase.

Konsideroj se këtu ka hapësirë ende të reduktohet numri i dëshmitarëve ngase gjykata duhet të kujdeset për zbatimit të gjykimit brenda një afati të arsyeshëm. Ndërsa, tani e katër vite të pandehurit janë në paraburgim pa vendim gjyqësor të formës së prerë për fajësinë e tyre….04’24 Nëse mbrojtja nuk ka shumë prova për të prezantuar, atëherë fillimi i vitit 2026, mund të jetë një kohë e arritshme për të pasur një epilog gjykimi në shkallë të parë”, shprehet avokati, Çerkini.

Duke folur për këtë proces, monitoruesi nga Fondi për të Drejtën Humanitare në Kosovë, Amer Alija beson që deri në fund të vitit të ardhshëm ndaj ish-krerëve të UÇK-së do të ketë një vendim të prerë të shkallës së parë.

“Del që pjesërisht apo tërësisht 50% e dëshmitarëve të propozuar nga Prokuroria deri në këtë moment, kanë dhënë dëshmi nëpër seanca të mbyllura.. Sigurisht që procesi është duke shkuar kah fundi por sigurisht që do të marrë kohë edhe pjesa e mbrojtjes se sa do të jetë numri i dëshmitarëve që do të dëgjohet…Në rast se vazhdojmë me këtë ritëm dhe me këto kufizime që i ka dhënë këto kufizime trupi gjykues, unë prej që kah fundi i vitit të ardhshëm mund të ketë një vendim të shkallës së parë, por çdo gjë varet nga propozimet, numri i dëshmitarëve, nga provat të cilat do të administrohen gjatë shqyrtimit kryesore.

Besoj që sa më shpejt që të kryhet ky proces, është më mirë edhe për palët në procedurë për arsye se të akuzuarit që disa vite janë duke u mbajtur në masën e sigurisë të paraburgimit dhe sigurisht që jo çdoherë është e rekomandueshme të aplikohet masa e paraburgimit kur ekzistojnë edhe masat më të buta. Por, sigurisht që këto kushte të caktimit të masës gjithmonë i vlerëson trupi gjykues”, thotë Alija.

E Astrit Kolaj nga Instituti i Kosovës për Drejtësi, thotë për KosovaPress, se shkurtimi i kohëzgjatjes së këtij procesi gjyqësor nuk duhet t’i dëmtojë palët në procedurë.

“Tani prokuroria është duke marrë veprime të cilat dërgojnë në një përfundim të procesit më shpejt, ka vepruar në dy drejtime duke u tërhequr nga dëshmia e një pjesë të dëshmitarëve dhe një pjesë të dëshmitarëve tjerë është duke i deponuar dhe ka deponuar dëshmi me shkrim dhe nuk do të ftohen ata që të jenë pjesë e dëshmisë drejtpërdrejtë…. Sa më shumë që është e mundur të shkurtohet koha e përfundimit të procesit, mirëpo në asnjë mënyrë që mos të veprohet në qëllim të shkurtimit të kohës dhe të tjetër anë të dëmtohen palët në procedurë dhe të kemi një shkelje të palëve në procedurë vetëm me qëllim të shkurtohen afatet për përfundimin e gjykimeve”, thotë ai.

Një pjesë e madhe e këtij procesi gjyqësor ka kaluar në seanca të mbyllura për publikun dhe me dëshmitarë të mbrojtur.

Gjykimi ndaj Thaçit dhe të tjerëve nisi në prill të vitit 2023. Hashim Thaçi, Kadri Veseli, Jakup Krasniqi dhe Rexhep Selimi janë deklaruar të pafajshëm për të gjitha akuzat. /KP/

E dhimbshme: Vdes veterani i UÇK-së

Ka ndërruar sot jetë Vehbi Koraçi, ish-shefi i Shtabit në Komandën e Brigadës 162 “Agim Bajrami”, në Zonën Operative të Nerodimes.

Lajmin për ikjen e Komandant Verës, e ka dhënë djali i tij, Faton Koraçi, i cili ka njoftuar edhe për ceremoninë e varrimit.

“Sot me datë 03.11.2024 ka ndërruar jetë babi jonë Vehbi Ramadan Koraçi, vëllai i Izair, Zylfi, Basri dhe Fatmir Koraçi”.

“Varrimi i babit tonë bëhet sot me datë 03.11.2024 në ora 15:30 te varrezat e dëshmorëve në Kaçanik”, ka njoftuar djali i tij.

Bien temperaturar, ky është moti për pesë ditët e ardhshme

Moti gjatë javës së ardhshme do të jetë kryesisht i vranët dhe me intervale me diell.

Sipas Institutit Hidrometeorologjik të Kosovës, temperaturat minimale do të lëvizin nga -3 deri në 1 gradë Celsius, ndërsa maksimalet nga 10 deri në 17 gradë Celsius.

Njoftimi i IHMK-së:

E hënë – Mot me diell dhe vranësira të shpërndara. Temperaturat minimale do të lëvizin ndërmjet -3 deri 0 gradë Celsius, ndërsa maksimalet e ditës parashihen të lëvizin ndërmjet 10-13 gradë Celsius. Do të fryjë erë nga drejtimi i verilindjes e lehtë deri mesatare.

E martë – Mot i vranët dhe me intervale me diell. Temperaturat minimale do të lëvizin ndërmjet -2 deri 0 gradë Celsius, ndërsa maksimalet e ditës parashihen të lëvizin ndërmjet 13-15 gradë Celsius. Do të fryjë erë e lehtë nga drejtimi i verilindjes.

E mërkurë – Mot i vranët dhe me intervale me diell. Temperaturat minimale do të lëvizin ndërmjet-3 deri -1 gradë Celsius, ndërsa maksimalet e ditës parashihen të lëvizin ndërmjet14-16 gradë Celsius. Do të fryjë erë nga drejtim i verilindjes e lehtë deri mesatare.

E enjte – Mot me diell dhe vranësira të shpërndara. Vranësira më të fokusuara parashihen për rreth relievit malor. Temperaturat minimale do të lëvizin ndërmjet -3 deri -1gradë Celsius, ndërsa maksimalet e ditës parashihen të lëvizin ndërmjet 14-17gradë Celsius. Do të fryjë erë nga drejtimi i verilindjes e lehtë deri mesatare.

E premte – Edhe dita e premte parashihet me pak vranësira dhe me intervale me diell. Temperaturat minimale do të lëvizin ndërmjet -2 deri 1 gradë Celsius, ndërsa maksimalet e ditës parashihen të lëvizin ndërmjet 14-17 gradë Celsius. Do të fryjë erë e lehtë nga drejtimi i verilindjes.

Ndërron jetë infektologu i njohur

Ka vdekur në moshën 83-vjeçare mjeku i njohur nga Prizreni, Liri Vrenezi.

Lajmi u bë i ditur nga Spitali i Prizrenit, “Prim. Dr. Daut Mustafa”.

Vrenezi shërbeu për më shumë se 40 vjet si specialist infektolog.

“Dr. Liri Vrenezi, në spital punoi deri në pensionim në vitin 2006. Ai ishte njeri i afërt, i dashur, kolegial, i përkushtuar në punë dhe pa përtesë e me ndershmëri e përgjegjësi kreu detyrat dhe obligimet e punës, duke qenë në shërbim të pacientëve, sepse ai me kohë e kishte kuptuar se të jesh në shërbim të popullit tënd dhe gjithë atyre që kanë nevojē për ndihmë dhe shërbime shëndetësore është detyrë profesionale dhe humane”, thuhet në njoftim transmeton Klankosova.tv

“Menaxhmenti, reparti i infektivës dhe gjithë punonjësit e spitalit shprehin ngushëllimet më të sinqerta për familjen, kolegët dhe miqtë e Dr. Liri Vrenezit. Kujtimi për punën, kontributin dhe shembëlltyrën e Dr. Liri Vrenezit do të jetë i përhershëm!”, thuhet tutje në njoftim.

TË NGJASHME:

E dhimbshme: Vdes vogëlushi nga Mitrovica

Ndërron jetë infermierja e njohur

Shërbimi spitalor klinik dhe universitar i Kosovës, ka njoftuar se ka ndërruar jetë, Shkukrije Kurti, infermiere në Klinkën e Kirurgjisë, përcjell IndeksOnline.

E ndjera ishte infermiere për mbi 20 vjet dhe njihej për aftesitë e saja profesionale.

Ngushëllime familjes.

“Me Haradinajn kryeministër, Kosova hyn në NATO”

Kryetarja e Aleancës së Gruas së Kosovës Diellza Kukaj, e cila dje u nominua për kandidate për deputete, thotë se me Ramush Hardinajn si kryeministër Kosova do të hynte në NATO.

“Nën udhëheqjen e zotit Haradinaj, kemi vendosur integrimin në NATO si bazament të progresit tonë ekonomik dhe politik. E ardhmja e Kosovës është e ndritur, dhe me mbështetjen tuaj, jam e bindur që do t’i sjellim vendit tonë zhvillimin që meriton”, tha Kukaj.

Kukaj e vlerësoi si një nder për të dhe përgjegjësi, faktin që ajo u nominua si kandidate për deputete.

“Ky besim është një nder dhe një përgjegjësi e madhe, të cilën e pranoj me përulësi dhe përkushtim për të përfaqësuar zërin e qytetarëve tanë”, u shpreh ajo.

Aleanca për Ardhmërinë e Kosovës (AAK), dega në Pejë, ka prezantuar dje kandidatët për Kuvendin e Kosovës për zgjedhjet parlamentare të 9 shkurtit të vitit 2025.

Kandidat për deputetë nga AAK në Pejë janë: Ali Berisha, Shemsedin Dreshaj, Gazmend Syla, Arbër Tolaj, Diellza Kukaj, Fatmir Gashi, Ramush Ahmetaj dhe anëtari më i ri në parti, afaristi Egzon Kelmendi.

E rëndë: Ky është çifti që vdiq nga atentati në Shkodër, lanë pas vetës tre fëmijë

Flutura dhe Bashkim Basha, prindër të tre fëmijëve, po ktheheshin në shtëpinë e tyre, kur motori i tyre u godit nga nje automjet tip “Mercedes-Benz” me targa kroate që sapo ishte qëlluar me breshëri plumbash nga një “Range Rover” në lëvizje pak ditë më parë në Shkodër.

Makina që drejtohej nga Hamza Lici dhe pasagjer Arlind Bushati u qëllua me armë zjarri nga persona ende paidentifikuar që lēviznin me një mjet të vjedhur në Durrës dhe që u gjet pak orë më vonë i shkrumbuar nga flakèt.

Lici ndërroi jetë në vend bashkë me 56-vjeçaren Flutura Basha, ndërsa Arlind Bushati luftoi për jetën në spital për disa orë pasi mori një plumb në kokë.

Lici dhe Bushati po udhëtonin nga Shkodra drejt Koplikut me makinën tip Benz me targa kroate, në momentin që u qëlluan.

Viktima Hamza Lici është vëllai i Ibraim Licit, i kërkuar për vrasje. Ndërsa Arlind Bushati para disa ditësh denoncoi në polici një atentat të dështuar ndaj tij në qendër të qytetit të Shkodrës.