Aksidenti i merr jetën nxënësit nga Peja

Një aksident trafiku ishte fatal për nxënësin nga Peja, Aron Mazrekaj.

Aroni u përplas dje nga një veturë, e plagët që mori ishin të papërballueshme, raporton IndeksOnline.

Mazrekaj ishte nxënës shembullor në shkollën fillore “Asdreni” në Pejë, madje edhe bursist.

Stafi i shkollës e kanë përkujtuar si një ndër nxënësit më të mirë të gjeneratës, ku Aroni shërbente si kryetar i këshillit.

“Ai dallohej për bujarinë dhe shpirtin e tij të pastër. Ishte gjithmonë i gatshëm të ndihmonte dhe të ofronte një fjalë të mirë, duke lënë gjurmë në zemrat e të gjithëve që e njohën. Largimi i tij do të krijojë një boshllëk të madh në shkollën tonë dhe në komunitetin që e rrethonte” thuhet në njoftimin që ka bërë publik shkolla ku vijonte mësimet Aroni.

Ky është njoftimi i plotë i shkollës:

Dhimbje e madhe !

E rëndë dhe e veshtirë ta kuptojmë për ty Aron se paske lënë ëndrrat në gjysmë!

I urtë ,i qetë e shembullor, të gjithë u krenoheshim me ty, pse  na ike  Aron!

Me zemër të thyer dhe dhimbje të thellë morem lajmin për vdekjen e parakohshme të nxënësit tonë të dalluar, Aron Mazrekaj, i cili u nda tragjikisht nga jeta në një aksident fatkeq.

Aroni ishte një shembull frymëzues për të gjithë ne.

Me përkushtimin e tij në mësime, me mirësinë që tregonte për shokët, dhe me respektin ndaj mësimdhënësve dhe stafit, Aroni pasqyronte vlerat më të larta të shkollës sonë.

Si i tillë me pelqimin e të gjithëve  u zgjodh KRYETAR I KËSHILlIT TË NXËNËSVE TË SHKoLLËS.

Ai dallohej për bujarinë dhe shpirtin e tij të pastër. Ishte gjithmonë i gatshëm të ndihmonte dhe të ofronte një fjalë të mirë, duke lënë gjurmë në zemrat e të gjithëve që e njohën. Largimi i tij do të krijojë një boshllëk të madh në shkollën tonë dhe në komunitetin që e rrethonte.

Në këto momente të dhimbshme dhe të vështira, i shprehim ngushëllimet tona më të sinqerta familjes së tij, stafit të shkollës, shokëve e shoqeve dhe të gjithë atyre që e njohen dhe deshën.

Ndajmë me ta dhimbjen dhe kujtimin për një djalë të jashtëzakonshem, i cili do të jetojë gjithmonë në zemrat tona.

Çdo  sukses dhe aktivitet në shkollë emrin e mbante Aron Mazrekaj.

Çdo  pritje çdo prezentim  krah drejtoris së shkollës ishe Ti . Bursa që u nda për ty mbeti në letër !

Pusho në paqe, Aroni ynë!

Me dhimbje të madhe !

Drejtoria e shkollës  që aq shumë të deshti!

Gjuriq nga Këshilli i Sigurimit bën thirrje të mos “votohet” Albin Kurti

Ministri i Jashtëm serb, Marko Gjuriq, ka theksuar se Serbia nuk ka konflikt me shqiptarët në Kosovë, por me politikat dhe veprimet e kryeministrit Albin Kurti.

Ai ka përmendur aspiratat e shqiptarëve për paqe dhe prosperitet, duke kërkuar gjithashtu që këto aspirata të aplikohen edhe për komunitetin serb.

Gjuriq u ka bërë thirrje shqiptarëve në Kosovë që të refuzojnë politikat e përçarjes dhe konfliktit që sipas tij, vijnë nga ana e kryeministrit Kurti.

Ai e kritikoi kryeministrin Kurtin duke e quajtur atë një pasqyrë të regjimit që ai ka dëshiruar të luftojë para më shumë se një çerek shekulli.

Çfarë e bëri Kurtin të hedh vallen sot? (VIDEO)

Kryeministri Albin Kurti ia ka hedhur valles tok me zëvendësministrin, Hysen Durmishin për asfaltimin e një rruge.

Teksa ia kanë rrahur tupanin përpara, Kurti ka hyrë në valle pasi u pre shiriti për asfaltimin e rrugës prej 6.3 kilometrave që lidh zonën kufitare të Kosovës me Shqipërinë.

Fshatrat Kërstec, Pakishtë dhe Zapod tek tani në vitin 2024 janë bërë me rrugë të asfaltuar.

Pamjet duke vallëzuar popullorçe i ka publikuar vetë kryeministri Kurti.

“Ishin të lidhur me rrugë me shumë gropa që u shkaktonte vështirësi të mëdha për qarkullim. Tani lidhjen e kanë më të fortë sepse do të jenë më shpejt pranë njëri-tjetrit. Banorët e fshatrave që lidhin brezin tonë kufitar me atë të Republikës së Shqipërisë, Kërstec-Pakishtë-Zapod, nga tash e tutje do ta kenë më të lehtë qarkullimin me infrastrukturën e re rrugore të cilën e përuruam sot”, ka shkruar ai.

“Përurimi i rrugës Kërstec-Pakishtë-Zapod, me gjatësi 6.3 kilometra dhe investim prej 2.6 milionë euro, na përcolli me pritje të ngrohtë dhe me këngë dhe valle. Si për të na treguar mikpritjen e bujshme shqiptare dhe sesa e rëndësishme është kjo rrugë për ta, na bënë pjesë të festës e gëzimit të tyre edhe mua, ministrin Liburn Aliu, zëvendësministrin Hysen Durmishi, Ambasadorin e Republikës së Shqipërisë në Republikën e Kosovës, Petrit Malaj, ambasadorin tonë në Shqipëri, Skender Durmishi, Kryetarin e Bashkisë së Kukësit, Albert Bislim Halilaj, deputetin e Kuvendit të Shqipërisë, njëherësh ish-kryeministri i Shqipëri, Pandeli Majko, dhe ish-ambasadorin, Qemal Minxhozi”, ka njoftuar ai.

Sipas tij, kjo rrugë është njëra nga tre rrugët pjesë e protokollit të nënshkruar ndërmjet Republikës së Kosovës dhe Republikës së Shqipërisë në shtator të vitit 2023. Ajo lidh fshatrat Pakishtë dhe Zapod të Shqipërisë me Republikën e Kosovës, përkatësisht komunën e Dragashit. Dy rrugët tjera janë Rruga Blinishtë – Dobrunë, që tashmë është ndërtuar, dhe rruga Gorozhup – Pogaj që është në ndërtim e sipër.

Seanca e Këshillit të Sigurimit, Gërvalla prezanton foto të Gjuriqit me Radoiçiqin: Ishin aleatë…

Në mbledhjen ku po diskutohet për raportin gjashtëmujor të Sekretarit të Përgjithshëm të OKB-së, Antonio Guterres, Gërvalla ka thënë se Kosova kërkon ekstradimin e Radoiçiqit në Kosovës për t`u përballur me drejtësinë për sulmin në Basnjskë.

 

 

“Dora e zgjatur e Putinit, Vuçiq vazhdon t`i mbrojë terroristët që udhëhoqën sulmin paramilitar të Serbisë kundër Republikës së Kosovës, më 24 shtator të viti të kaluar. Lideri i tyre Radoçiq , një prej njerëzve me brutal e më të pasur në Serbi, jo i pasur duke trashëguar pasuri nga prindërit e tij, por i pasur me në të krimit. Është angazhuar në zhvatjen dhe vrasjen e qytetarëve serb të Kosovës. Kosova kërkon ekstradimin e tij, ai është përgjegjësi për vrasjen e zyrtarit tonë policor dhe heroit tonë kombëtar toger Afrim Bunjaku”, ka thënë ajo.

Më pas, ajo ka thënë se Gjuriqi është në dijen për veprimet kriminale të Radoiçiqit.

 

 

Ajo ka publikuar një fotografi të homologut të saj serb, i cili është prezent në këtë mbledhje, me kriminelin Milan Radoiçiq.

“Këtë z. Gjuriq e di shumë mirë nga vite e tij si dora e djathë e Vuçiqit në luftën kundër Kosovës, gjatë viteve 2013 – 2020. Gjuriq dhe Radoçiq ishin aleatë në shtypjen e qytetarëve serbë të ndershëm që dëshiron vetëm jetë normale”, ka thënë ajo.

SHBA e rreptë në OKB: Kosova Asociacionin, Serbia…

Ambasadori i Shteteve të Bashkuara të Amerikës në OKB, Robert A. Wood, ka folur për epilogun e normalizimit mes Kosovës dhe Serbisë, ku u shpreh se mbetet njohja eventuale e ndërsjellë.

 

 

Megjithatë, në Këshillin e Sigurimit, ai përsëriti qëndrimin shqetësues amerikan, mbi veprimet siç tha të pakoordinuara të qeverisë kosovare, që nuk përkojnë me zotimet për të bashkëpunuar me BE-në për dialogun, transmeton klankosova.tv.

 

”Këto veprime ndikojnë te ata të cenueshmit dhe komunitetet pakicë dhe minojnë rrugën për normalizim mes Kosovës dhe Serbisë”.

Tutje veç kritikave, ai pati edhe kërkesë drejt autoriteteve të Kosovës.

 

 

”Asociacioni duhet të themelohet”, tha mes tjerash ai.,

Derisa në OKB, llogaridhënie të plotë, ai ka kërkuar nga Serbia, për sulmin e 24 shtatorit në Banjskë.

”Për mbi një vit nga sulmi paraushtarak serb në Banjskë dhe Serbia s’ka bërë progres për llogaridhënie”.

”E as Milan Radojçiqi”.

”Kërkojmë llogaridhënie të plotë”, u shpreh ambasadori Wood, para të pranishmëve, seancë në të cilën Kosovën po e përfaqëson kryediplomatja, Donika Gërvalla –Schwarz.

Abrashi: Qeverinë do ta bëjmë vet, sondazhet e fundit e nxjerrin LVV-në 49%

Deputeti i LVV-së, Artan Abrashi, ka thënë se qeverinë e re pas zgjedhjeve të 9 shkurtit beson se do ta formojnë vet, pa e pas nevojën e mbështetjes së ndonjë partie tjetër.

Abrashi ka pohuar se qytetarët u besojnë dhe se deri tani nuk kanë ndonjë preferencë për të pasë ndonjë koalicion, me ndonjë parti tjetër politike.

“Nuk kemi preferenca për koalicion. Në fund të fundit jemi subjekt demokratik. Gjithmonë kemi shprehur gatishmërinë për bashkëpunime, derisa kemi gjetur afërsi programore. Disa parti po thonë se kanë nis një proces të reformës së brendshme. Nuk po duket ajo reformë”, tha Abrashi.

“Por me vendos kështu në vija të kuqe dhe vija të betonume, jemi duke hyrë në një fazë ku Kosovës i është kthyer normaliteti politikë. Ka përfunduar epoka e politikanëve të konsumuar, të cilët kanë bërë këso lloj gjërash. E kemi mbështetjen e mjaftueshme qytetare deri në fund, besoj që nuk do të jemi të varur nga vota e asnjë subjekti politik, dhe qeverinë do ta bëjmë vet”, ka thënë Abrashi, në DPT Fidani në Klan Kosova.

Abrashi, nuk beson aspak në sondazhet të cilat partinë së cilës ky i takon, e paraqesin rreth 35% fituese në zgjedhjet e 9 Shkurtit.

Ai thotë se të tilla rezultate po rrjedhin prej qarqeve të caktuara që lidhen me partitë opozitare.

Për Abrashin, sondazhi i fundit, sipas tij serioz, e nxjerrë VV-në në 49%.

Ai shtoi se pretendimet e partisë që udhëheq aktualisht me vendin, janë që në zgjedhjet e ardhshme parlamentare t’i sigurojnë 60 deputetë.

Dëshmitari i radhës në Hagë: Nëse nuk ishe i afërt me UÇK-në, të quanin tradhtar

Dëshmitari Haxhi Mazreku gjatë dëshmisë së tij në Hagë tha se je quajtur tradhtar vetëm pse je takuar me ndonjë serb dhe në rast që nuk ke qenë i afërt me UÇK-në, atëherë këta të fundit të kanë quajtur tradhtar.

“Po personat tash të UÇK-së që e kanë marrë atë ofensivën e vet dhe që nëse nuk je i afruam me ata ose je i papërshtatshëm atëherë ose je tradhtar ose spiun ose bashkëpunëtor. UÇK- ja këta e ka ba”, tha ndër tjerash dëshmitari.

Përpara kësaj, prokurori Matt Halling ia prezantoi dëshmitarit një intervistë të mëhershme, ku kishte thënë se UÇK-ja nuk ka funksionuar në mënyrën e duhur dhe se ka qenë i pakënaqur me këtë pjesë.

Ai kishte shtuar se 10 ditë para sulmit të familjes Jashari tre persona me maska iu afruan me një listë që kishte 17 emra.

“17-18 persona, ka qenë natë dhe s’i kam marrë saktë me i njeh. Kështu, të UÇK-së, faktikisht me tesha të zeza ishin dhe kanë ardhë në gjysmë të natës diçka. Kjo ishte e papërshtatshme për mua”, tha dëshmitari duke shtuar se kjo ngjarje kishte ndodhur në Optorushë.

Dëshmitari u pyet se a ka parë persona të maskuar që po kërkonin kolaboracionistë në zonën e tyre. Tha se ka dëgjuar llafe se anëtarët e UÇK-së po dalin dhe po vëzhgojnë natën, por që vetë nuk ka parë.

Ai tha se menjëherë pas sulmit ndaj familjes Jashari, kishte filluar të dëgjojë konkretisht për persona të maskuar të UÇK-së.

Për ZPS-në, dëshmitari kishte thënë se po t’i ofronte një karrige, ulej në tavolinë apo t’i ofronte kafe një serbi, do të konsiderohej kolaboracionist.

“Po u flitke në popull, aty në fshat edhe çdokund që ky po e pin kafen, që ky po rrin, që ky po maron dyer e dritare. Unë nuk e kisha atë problem, as sot nuk e kam atë problem… mua më ka kushtu shumë kjo”, tha dëshmitari.

Ai tha se personat që e cilësonin dikë kolaboracionist, sa i takon këtyre veprimeve ishin vëtë UÇK-ja.

Ndryshe, gjatë seancës u pranuan në prova materiale deklaratat e dëshmitarit të dhëna më herët për autoritetet e drejtësisë duke përfshirë edhe në një rast gjyqësor të EULEX-it si publike.

Ndërsa, disa pjesë të intervistës së dëshmitarit u klasifikuan si konfidenciale gjë për të cilën kërkoi sqarim, avokatja Nina Tavakoli.

Gërvalla dhe Gjuriq përplasen në mbledhjen e Këshillit të Sigurimit të OKB

Kryediplomatët e Kosovës dhe Serbisë janë përplasur në takimin e Këshillit të Sigurimit të Kombeve të Bashkuara, ku po diskutohet për raportin gjashtëmujor të sekretarit të Përgjithshëm të OKB-së, Antonio Guterres për misionin e OKB-së në Kosovë.

Ministri i Jashtëm i Serbisë, Marko Gjuriq, tha se serbët e Kosovës po diskriminohen dhe po shtypen nga autoritetet e Kosovës. Por, këto akuza u hodhën poshtë nga kryediplomatja e Kosovës, Donika Gërvalla.

Gërvalla mbrojti veprimet e Qeverisë së Kosovës në veriun e banuar me shumicë serbe, që komuniteti ndërkombëtar i ka cilësuar si veprime të njëanshme.

Ajo tha se nuk duhet t’iu besohet pretendimeve të Gjuriqit se serbët në Kosovë nuk kanë qasje në shëndetësi, arsim dhe llogari bankare.

“Realiteti është i qartë. Përfundimisht qytetarët po marrin frymë lirshëm dhe pa frikë nga bandat kriminale”, tha ajo.

Gjuriq u ankua se serbët po përballen me diskriminim, dhunë dhe shtypje, duke përmendur disa nga vendimet e fundit të Qeverisë së Kosovës, sikurse ndalimi i përdorimit të dinarit serb për pagesa me para të gatshme, mbyllja e degëve të Postës së Serbisë dhe komunave që punonin sipas sistemit serb.

Ai tha se Serbia qëndron me serbët në Kosovë dhe kërkoi nga komuniteti ndërkombëtar që të reagojë.

“Koha për veprime vendimtare është tani. Veprimet e Prishtinës vazhdon të minojë stabilitetin, shkelin të drejtat e njeriut dhe injorojnë marrëveshjet ndërkombëtare. Na duhen pasoja të qarta. Duhen të vendosen sanksione ndaj administratës së [kryeministrit të Kosovës, Albin] Kurtit dhe duhet zero tolerancë ndaj veprimeve të tjera të njëanshme që nxisin konflikte dhe tensione”, tha ai.

Shefja e misionit të OKB-së në Kosovë, UNMIK, Caroline Ziadeh, përmendi shqetësimin e shprehur nga sektori civil serb, banorët dhe partitë politike lidhur me vendimet për mbylljen e institucioneve në veri – që vepronin sipas sistemit serb – për ndikimin që kanë në jetën e tyre.

“Mbyllja e degëve të Postës së Serbisë dhe zyrave komunale që udhëhiqen nga ana e Serbisë kanë kufizuar qasjen e tyre në shërbime kyçe, në veçanti sa i përket komunitetit serb në Kosovë”, tha ajo.

Ministri i Jashtëm serb, Marko Gjuriq, po ashtu kërkoi që Kosova të themelojë menjëherë Asociacionin e komunave me shumicë serbe në Kosovë, që tha se do të garantonte të drejtat e serbëve.

Gjuriq po ashtu tha se Kosova nuk do që ta themelojë këtë asociacion, që tha se nuk është opsion, por obligim nga dialogu i Brukselit.

Por, Gërvalla tha se presidenti i Serbisë, Aleksandar Vuçiq, nuk është i interesuar që Asociacioni të lehtësojë jetën e serbëve të Kosovës.

“Për të Asociacioni nuk është vegël për të lehtësuar jetën e qytetarëve, është opsion për ta copëtuar një vend të territorit tonë. Sikurse [presidenti rus, Vladimir] Putin me Ukrainën, Vuçiqi nuk do asgjë më pak sesa zhdukjen e Kosovës”, tha ajo.

Gërvalla tha se Serbia nuk është e interesuar për dialog, duke e akuzuar Beogradin për bllokim të procesit.

Gërvalla po ashtu foli për sulmin e armatosur ndaj Policisë së Kosovës më 24 shtator të vitit 2023 në Banjskë të Zveçanit.

Ajo tha se ky ishte vetëm tentimi i parë, siç tha, i Serbisë, ndaj Kosovës, duke paralajmëruar se Vuçiqi “po përgatitet për më shumë”.

“Sulmi i Serbisë i 24 shtatorit të vitit të kaluar u planifikua si invazion ushtarak dhe aneksim i një shteti paqësor që ka mijëra trupa të NATO-s. Për ta bërë të qartë, ai ishte sulmi i parë i aleancës së Putinit kundër një shteti me prani të NATO-s. Është test për Perëndimin, test për më shumë. Dhe Vuçiqi e Putini nuk po heqin dorë. Prandaj, fillimisht na duhet parandalim, e më pas dialog. Vetëm me parandalim, paqja dhe siguria mund të jenë të sigurt”, tha ajo.

Kosova fajëson Serbinë për sulmin në Banjskë, por Beogradi mohon se ka gisht në të.

Përgjegjsëinë për sulmin e ka marrë Millan Radoiçiq, ish-nënkryetar i Listës Serbe, partisë kryesore të serbëve në Kosovë që gëzon mbështetjen e Beogradit.

Ndaj tij dhe dhjetëra serbëve të tjerë, autoritetet në Kosovë kanë ngritur aktakuzë.

Gërvalla tha se Kosova kërkon ekstradimin e Radoçiqit nga Serbia. /REL/

E dhimbshme: Nesër varroset i riu që u gjet pa shenja jete

Djali 27-vjeçar i familjes Podrimqaku nga Vitomirica e Pejës, Laurant Podrimqaku që po kërkohej qe disa ditë, u gjet pa shenja jete dje. Ky rast tronditi gjithë familjen, që s’dinin gjë për fatin e tij, nga mesdita e së shtunës, raporton Gazeta Sinjali.

Sinjali ka mësuar se i riu është gjetur i vdekur në fshatin Gllaviçicë në Pejë, jo shumë larg veturës me të cilën kishte dalë nga shtëpia.

Bazuar në informacionet e para, 27-vjeçari dyshohet se i ka dhënë fund jetës.

Sot familjarët kanë bërë të ditur se Lauranti do të varroset nesër nga ora 14:00 në varrezat e fshatit, Dubovë e Madhe.

Kujtojmë se viktima, djali i një zyrtari të SHKK-së dhe vëllai i një zyrtari policor, ishte larguar nga shtëpia të shtunën pasi ishte kthyer nga Hungaria.

Për rastin ka raportuar Sinjali gjatë ditës së djeshme, pasi Policia nisi hetimin, kur babai i viktimës raportoi për dyshimet se i biri ia kishte marrë armën zyrtare.

Zgjedhjet në SHBA/ Trump rekord në sondazhe, ky është rezultati

Republikani udhëheq me 66.4%, një rekord që nga nisja e këtij sondazhi, teksa Harris deri më tani ka vetëm 33.7%.

Trump gjithashtu po udhëheq në shtetet e lëkundura, teksa Miçigani është e vetmja që është e ndarë në mënyrë të barabartë.

Në disa shtete, votimet kanë nisur, teksa presidenti i ardhshëm i SHBA-së do të mësohet pas datës 5 nëntor.