Krasniqi: Pse e duan njerëzit spektaklin ‘ Big Brother‘?

A u kujtohet çka u kam thënë, pse e duan njerëzit spektaklin “Big Brother!”

Spektakli “Big Brother” la pas vetes disa dilema të rrejshme të dy grupeve hipokrite: elitës intelektuale dhe asaj fetare. Këta shfaqen habi dhe pakënaqësi për publikun enorm të spektaklit ( spektakleve) dhe për përmbajtjet problematike. Moralizuan dhe e mbyllën dilemën e tyre, duke larë duart. Ndërsa e vërteta është si vijon: populli, më saktë kombi ynë, i vuan pasojat e izolimit, defetarizimit dhe të çmoralizimit komunist. I vuan pasojat e arsimit të dobët. I vuan pasojat e brutalitetit të qeverisjeve. I vuan pasojat e drejtësisë së munguar. I vuan pasojat e medieve klienteliste. I vuan më së shumti pasojat e hipokrizisë së elitave intelektuale dhe atyre fetare. I mbetur pa udhëzues dhe pa përfaqësim, shqiptari i braktisur kërkon azil dhe argëtim edhe në përmbajtje si “Big Brother.” Aty ka degraduar niveli i tij dituror dhe moral. Po kush e ka lënë në atë nivel? Në atë nivel e kanë lënë elita intelektuale dhe ajo fetare, me hipokrizitë e tyre. Elita intelektuale dhe ajo fetare më të shumtën flasin për gjërat që nuk i bëjnë vetë. Shpesh flasin për gjëra që nuk janë reale e as të dobishme. Ndërsa punë që janë të mundshme dhe të dobishme, kjo dorë intelektualësh nuk përpiqen t’i realizojnë. Njeriu i papërfaqësuar, krahas injorimit që i bëhet dhe mjerimit ku jeton, e ka edhe një problem madhor: nuk di kujt t’ia ofrojë besnikërinë. Të gjithë ia kanë me hile, të gjithë e gënjejnë. Për të mos iu djegë e vetmja kartë që ka në dorë, besnikëria, atë ua jep njerëzve që e përfaqësojnë mjerimin e tij: personazheve të një spektakli sadist. (9 maj 2023) Ripostim 11 shkurt 2024

Kurti lajmëroi heqjen e vizave me Bosnjen, i kundër-përgjigjet Dodik

Presidenti i Republika Sërpska në Bosnje e Hercegovinë, Millorad Dodik, ka deklaruar se Bosnje-Hercegovina nuk e ka njohur Republikën e Kosovës dhe se për këtë arsye, nuk mund t’i njohë as dokumentet e saj.

Kjo deklaratë e Dodik vjen pak kohë pasi kryeministri Albin Kurti deklaroi nga Samiti i Berlinit se Kosova do t’i heqë vizat për qytetarët e Bosnjës nga 1 janari i vitit të ardhshëm.

Ndërkaq, i dërguari special i qeverisë gjermane për Ballkanin Perëndimor, Manuel Sarrazin, deklaroi se përderisa Dodik nuk i lejon shqiptarët e Kosovës të hyjnë në Bosnje-Hercegovinë, nuk do të marrë asgjë në këmbim, raporton A2.

“Edhe po të ma japësh gjithë Gjermaninë, këtë nuk do ta marrësh. Ju ende mund të vini të merrni satelitët tuaj. Ata vazhdojnë të përpiqen të na japin leksione. Nuk funksionon kështu”, tha Dodik në një konferencë për shtyp në Sarajevë.

Bosnja është i vetmi vend në Ballkanin Perëndimor që nuk ka marrëveshje për lëvizje të lirë me Kosovën.

Hoteleria në Mitrovicë të Veriut: Shqiptarët në kafene, serbët i marrin me vete

Qytetarë të shumtë në Mitrovicë të Veriut po e shijonin këtë të shtunë, ndonëse pa diell.

Por këto pamje janë të pazakonshme për këtë pjesë të vendit, në këto 25 vjet të pasluftës, raporton Klan Kosova.

Shumica e këtyre qytetarëve që po i shijojnë kafetë këndejpari janë shqiptarë, ani se zona është e dominuar nga serbët.

Madje, vizitat këndejpari janë bërë edhe pjesë e pushimit të mërgimtarëve.

Gjithë kjo situatë e re është edhe falë hapjes së bizneseve të shqiptarëve në këtë zonë, shumica prej të cilave objekte hotelerike. Veçse këta pranojnë se myshterinjtë serbë ende nuk ndihen komodë t’i marrin shërbimet e tyre.

Ata thonë se serbët më së shumti marrin shërbime me vete.

Kronikën e plotë e gjeni më poshtë:

Anëtarësimi i Kosovës në NATO, vjen lajmi i fundit

Boris Ruge, Ndihmës Sekretarin e Përgjithshëm të NATO-s, ka thënë se mendon që tani nuk është situata që mund të flitet për anëtarësimin e Kosovës në Aleancën Veriatlantike, NATO.

Ai është shprehur se Kosova deri tani nuk është duke ecur drejt anëtarësimit në Partneritetin për Paqe.

Ndër tjera, Ruge theksoi se NATO nuk ka hequr dorë nga mbështetja në dialogun Kosovë-Serbi, dhe se janë me shpresë së ky proces do të vazhdojë tutje.

Rute është deklaruar edhe për çështjen e hapjes së Urës së Ibrit për të cilën, tha: “E kuptojmë që kjo urë ka qenë temë e diskutimeve në dialogun e ndërmjetësuar nga Bashkimi Evropian, ka një marrëveshje për parimet që ajo duhet të hapet plotësisht, pra jo vetëm për këmbësorë por edhe automjete, por nuk duam asnjë veprim të njëanshëm për këtë”.

Për mundësinë e shtimit të numrit të ushtarëve në KFOR, numri dy i NATO-s potencoi se deri tani është i mjaftueshëm numri që kanë në terren.

Intervista e plotë:

Klankosova.tv: Duke e parë influencën e ruse në Ballkan, a besoni se është në interesin më të mirë të NATO-s që t’i ofrojë Kosovës anëtarësimin? Dhe a mendoni që Kosova është gati t’i bashkohet NATO-s?

Ruge:  Ajo që do të thoja është kjo: unë kam shërbyer në Kosovë dy herë. Herën e parë në vitin 1999, kur u vendos selia e parë e KFOR-it dhe kur trupat e parë të KFOR-it erdhën në Kosovë dhe pastaj gjatë viteve 2001 dhe 2002. Isha në Kosovë së fundmi në gusht dhe e di, bazuar në vizitat e shumta dhe kohën e kaluar në Kosovë se ka një qëndrim shumë pozitiv nga kosovarët në raport me NATO-n dhe kjo është një gjë shumë e mirë. Njerëzit e vlerësojnë atë çfarë NATO dhe KFOR-i kanë bërë në 1998 dhe 1999 dhe përgjatë 25 viteve pasuese, kjo është e shkëlqyeshme.

Nuk mendoj se aktualisht jemi në një situatë kur mund të flasim për anëtarësim. Por e di që presidentja Osmani dhe të tjerët, kanë folur për Partneritetin për Paqe, dhe ajo natyrisht që do të ishte hapi i parë. Siç e dini, kjo është diçka që kërkon konsensus, duhet që 32 shtetet anëtare të NATO-s të votojnë për këtë dhe nuk jemi ende as ty. Nuk jemi duke lëvizur drejt Partneritetit për Paqe tani për tani. Por mendoj se fakti që përshtypja e popullit të Kosovës karshi NATO-s është kaq pozitive është, diçka që duhet ta kemi parasysh, ta vlerësojmë dhe është një hap i madh drejt së ardhmes.

Klankosova.tv: Kosova dhe Serbia deri tani janë për disa vite me radhë në një proces të dialogut. Si e shihni ju këtë proces, si është duke vazhduar?

Ruge: Besoj se kemi aranzhuar një rreth të ri bisedimesh për javën e ardhshme në mes përfaqësuesit special të BE-së për dialogun, Miroslav Lajçak dhe kryenegociatorëve të Kosovës dhe Serbisë. Procesi po vazhdon prej kohësh tashmë dhe e kuptoj se ka frustrime sa i përket kësaj, por politikat tona në NATO na bëjnë ta mbështesim dialogun e lehtësuar nga BE dhe nuk kemi hequr dorë nga shpresa se procesi mund të vazhdojë tutje. Do ta potencoja faktin se të hënën e kësaj jave ne kishim Procesin e Berlinit i cili u mbajt në Berlin. Njëra prej ngjarjeve ishte avancimi i marrëveshjes për tregti të lirë, tani në tavolinën e CEFTA-s ulet Kosova që e zëvendëson UNMIK-un. Kjo i hapë rrugë një zone ekonomike në Ballkanin Perëndimor që është tejet e rëndësishme sepse asnjë nga vendet e Ballkanit Perëndimor nuk është i madh mjaftueshëm sa të ekzistojë si i vetëm. Keni nevojë për qasje në tregje nga rrugë të ndryshme. Ky është shembulli se si mund të arrihet progresi. Kjo është mënyra si mendoj se do të vazhdojë ky proces, besoj se Z. Lajçak ka njoftuar tashmë largimin e tij në fillim të vitit të ardhshëm, kemi liderë të rinj në Bashkimin Evropian dhe procesi do të vazhdojë me një kastë të re karakteresh, por u bëjmë thirrje Kosovës dhe Serbisë të përfshihen në formë konstruktive në interes të qytetarëve të rajonit dhe të Kosovës, në veçanti.

Klankosova.tv: A shihni edhe ndonjë rrezik që të ketë edhe një Banjska 2 në Kosova?

Ruge: Ajo çfarë ka bërë NATO që nga ngjarjet e majit 2023 dhe incidenti në Banjskë në shtator 2023 është se kemi shtuar 1,000 trupa në kuadër të KFOR-it. KFOR-i është më i fuqishëm, ka më shumë kapacitete dhe prezencë të shtuar në veri të Kosovës, dhe mendoj se jemi në një situatë të mirë tani. Kemi raporte të mira me Policinë e Kosovës, marrëdhënie të mira pune me EULEX-in, kështu që jemi në formë të mirë. Dhe ne nuk komunikojmë vetëm me institucionet e Kosovës, por edhe me Qeverinë e Serbisë.

Klankosova.tv: Kryeministri Albin Kurti ka deklarata rreth Urës së Ibrit. Ai ka thënë se aty duhet të qarkullojnë edhe automjete dhe jo vetëm njerëzit. A duhet që Kosova të komunikojë me aleatët si NATO dhe BE-ja, dhe a i duhet Kosovës ta bëjë këtë gjë vetë?

Ruge: E kam njohur kryeministrin Kurti që nga viti 2002 kur kam shërbyer në Kosovë dhe kam respekt të madh për të. Kur flasim për Urën e Ibrit duhet të përsëris atë që kam thënë në gusht dhe atë që ka thënë Admirali (Stuart) Munsch, komandanti i komandës në Napoli, se nuk duam asnjë hap të njëanshëm sa i përket kësaj ure. E kuptojmë që kjo urë ka qenë temë e diskutimeve në dialogun e ndërmjetësuar nga Bashkimi Evropian, ka një marrëveshje për parimet që ajo duhet të hapet plotësisht, pra jo vetëm për këmbësorë por edhe automjete, por nuk duam asnjë veprim të njëanshëm për këtë, kjo nuk ndihmon dhe ajo që presim është që të gjitha palët të përfshihen për të komunikuar me banorët lokalë, dhe një arsye pse nuk e duam këtë është se kemi ushtarët tanë në urë të cilët nuk duam t’i shohim të vendosen para një vale rreziku, andaj presim që palët ta respektojnë këtë.

Klankosova.tv: A është në planin e NATO-s që të rrisë edhe më shumë numrin e ushtarëve të saj në kuadër të KFOR-it që është në Kosovë?

Ruge: Jo, nuk planifikojmë. Mendoj se kemi konsolidim të mirë aktualisht. Ne kemi sjellë trupa të forcës operacionale rezervë, po e shohim nga afër situatën, por në përgjithësi, sa i përket nivelit të forcës, ndjejmë se kemi atë çfarë na duhet për ta mbajtur mjedisin e qetë dhe të sigurt.

Vlera e Bitcoin po shkon drejt kaq mijë dollarëve

Çmimi i bitcoin-it u rrit për herë të katërt në pesë ditë, dhe ekspertët presin që vlera të arrijë në 70 mijë dollarë, për shkak të rritjes së kërkesës për këtë kriptomonedhë.

Haim Baeha, një nga njerëzit kryesorë në fondin mbrojtës të kriptove AnB Investments tha se tendenca aktuale rritëse e çmimit të Bitcoin ka “moment të fortë”, që do të thotë se çmimi pritet të rritet më tej dhe thekson se, duke pasur parasysh gjendjen aktuale makroekonomike kushtet, ka më pak pengesa ose rreziqe që mund të parandalojnë rritjen e mëtejshme të vlerës, sipas Bloomberg.

Në orën 23:00 CET mbrëmë, vlera e Bitcoin ishte rreth 68,500 dollarë, megjithëse në një moment sot ishte 68,898 dollarë.

Investitorët derdhën më shumë se 1.8 miliardë dollarë në një duzinë fondesh amerikane të tregtuara që mbajnë Bitcoin këtë javë.

Ai shton gjithashtu se këto produkte investimi u miratuan për herë të parë në SHBA në janar, duke treguar se ato janë një opsion relativisht i ri investimi. Çmimi më i lartë i Bitcoin ishte në muajin mars, kur kjo kriptovalutë ishte 73,797 dollarë.

“Ka një krah të thyer dhe disa qepje në kokë” – Rakiq u rrah brutalisht…

Mjeku dhe politikani serb nga Kosova, Marko Jakshiq në një intervistë për gazetën nova ka deklaruar se është “sekret publik” se ish-kryetari i Listës Serbe, Goran Rakiq, është rrahur në Mitrovicë.

Sipas informacioneve të tij, Rakiq ka një krah të thyer dhe një numër të madh të qepjeve në kokë dhe aktualisht po trajtohet në shtëpi.

“Po, ai u rrah. Është një sekret publik. Ai ka marrë ndihmë dhe është liruar për mjekim në shtëpi. Pse qeveria nuk e pranon publikisht është një pyetje tjetër. Ndoshta sepse është ‘nusja e tyre’. Ju e dini që unë kam qenë drejtor i spitalit dhe se shumë kolegë të mi punojnë atje. Pra, njeriu ynë është rrahur, ka një krah të thyer dhe një numër të madh të qepjeve, para së gjithash në kokë. Thuhet se dy veta e kanë rrahur, por askush nuk thotë se kush janë ata”, pohoi politikani serb.

“Tani pse u rrah Rakiq? Unë vetëm mund të hamendësoj dhe supozoj se janë të përfshira disa marrëdhënie personale”, tha Jakshiq ndërsa theksoi se njerëzit janë të zemëruar me Listën Serbe.

Jakshiq iu përgjigj edhe pyetjes se nëse prapa sulmit qëndron terroristi Milan Radoiçiq.

“Nëse Milan Radoiçiq do ta bënte, do ta bënte shumë më lehtë në Beograd. Tani pse u rrah Rakiq? Unë vetëm mund të hamendësoj dhe supozoj se përfshihen disa marrëdhënie personale. Ai ka qenë në krye të Listës Serbe për një kohë të gjatë. Nuk e ka ndihmuar askënd, por sigurisht ka dhënë premtime. Edhe një gjë tjetër, njerëzit janë të zemëruar me Listën Serbe”, pohoi ai.

Mustafa e pranon: Gjendja në veri është më ndryshe, qeveria Kurti i luftoi grupet kriminale

Ish-kryeministri dhe ish-kryetari i Lidhjes Demokratike të Kosovës, Isa Mustafa thotë se qeveria Kurti ka arritur të luftojë grupet kriminale dhe të heq barrikadat në veri. Sipas tij, në veri tani është një gjendje tjetër, të cilën ai e quan si arritje të përkohshme, derisa edhe ngrit dilema se sa do të jetë e qëndrueshme kjo.

Përkitazi me këtë, Mustafa deklaron për KosovaPress, se mbyllja e strukturave paralele dhe ndalimi i qarkullimit të dinarit janë vendime të duhura. Megjithatë, ai thekson se kjo nuk do të thotë se është shtrirë sovraniteti në veri, pasi gjendja po mbahet me kontrolle të rrepta të policisë dhe se komuniteti serb ende po shprehet kundër veprimeve të qeverisë dhe kundër kryetarëve aktual në katër komunat veriore.

“Kjo qeveri ka treguar se mund të evitojë ose heq barrikadat në veri dhe që mund të luftojë grupet kriminale që kanë vepruar hapur në veri, pasi të dyja i ka bërë. Tani a i ka bërë me marrëveshje apo pa konsultim të faktorit ndërkombëtar, është çështje tjetër. Ndërkombëtarët janë deklaruar se të gjitha ato janë bërë pa informimin dhe konsultimin e tyre. Mirëpo tani një gjendje tjetër është në veri sa i përket barrikadave…Mirëpo kjo nuk do të thotë se ne kemi shtrirë sovranitet, pasi kjo situatë po mbahet me polici, s’po mbahet atje me organe të pushtetit civil. Ne s’kemi atje organe të pushtetit civil, s’kemi funksionim të komunave. (Kryetarët e komunave) Janë atje dhe po kryejnë punën e tyre por populli s’po e kryen punën e vet pasi në pushteti demokratik duhet me qenë i qytetarëve që jetojnë atje… (Mbyllja e strukturave paralele, ndalimi i dinarit) Kanë qenë të duhura sepse vendimet kanë qenë edhe përpara. I kanë bërë veprimet dhe mendoj se veprimet janë të mira, pasi edhe ashtu dinari ka qenë i ndaluar, por ka funksionuar në hije”, thotë ai.

Duke vënë në pah sa e vështirë ka qenë liria e lëvizjes në veri, ish-kreu i ekzekutivit përmend një rast në vitin 2016, kur i ishte bllokuar rruga nga serbët lokalë, duke shkuar në Leposaviq.

Mustafa e pranon se tani ka liri më të madhe të lëvizjes në katër komunat veriore, mirëpo thotë se kjo duhet të shndërrohet një lëvizje që reflekton si sjellje normale dhe jo si demonstrim të forcës.

“(Lëvizja e lirë në veri) Gjithmonë ka qenë problem. Unë jam nis të shkojë në Leposaviq me ftesë të KFOR-it, pasi ata e kanë ndërtuar atë rrugë, por ne kur u nisëm na u bllokuan rrugët në veri. Ne kishim pakës problem të kthehemi dhe të dorëzohemi se pse s’po shkojmë. Unë u konsultova me përcjelljen, policinë dhe ne u futem në rrugë dytësore dhe mbërrijmë në kohë atje dhe u kthyem. Ka qenë gjithmonë problem…(Lëvizja e lirë tash në veri) Është lëvizje, por unë mendoj se ajo lëvizje nesër duhet të shndërrohet si një lëvizje që reflekton si sjellje normale. S’shkohet atje vetëm me demostru që je aty, edhe kryeministri edhe ministri i Punëve të Brendshme dhe ministri i Pushtetit Lokal, pasi ajo nuk krijon afërsi dhe përkrahje të qytetarëve. Gjërat duhet të kalojnë në normalitet dhe jo defilime populiste”, deklaron Mustafa.

Në anën tjetër, Mustafa kritikon kryeministrin Albin Kurti për dëmtim të raporteve me aleatët, veçmas ShBA-në.

“(Aleatët) Ata po thonë që janë dëmtuar (raportet), ShBA-ja po thotë se janë dëmtuar, ndërsa qeveria jonë po thotë se s’janë dëmtuar. Ne duhet të jemi të qartë dhe të brengosur për vlerësime të tilla. Nëse partneri ynë ndërkombëtar thonë se komunikimi me qeverinë nuk është i mirë se veprimet e qeverisë po bëhen jashtë informimit tonë dhe jashtë përkrahjes sonë. Ndërkaq qeveria në anën tjetër thotë se çdo gjë është në rregull. Ne shohim se kryeministri ynë shkon në ShBA dhe askush s’e pranon nga Departamenti i Shtetit, Senati, Kongresi dhe të tjera”, thekson Mustafa.

Duke folur për qeverisjen katërvjeçare të qeverisë Kurti, ai thotë se e njëjta ka dështuar në zhvillimin ekonomik, investime kapitale dhe sigurim të investimeve të huaja.

Sipas tij, shtesat për lehonat, fëmijët janë politika afatshkurtra që s’i ndihmojnë zhvillimit ekonomik.

“Po dëgjoj edhe shumë deklarata të qeverisë dhe njerëzve të partisë për luftën hibride. Unë mendoj se qeveria po bën luftë hibride ndaj qytetarëve dhe ndaj Kosovës me të dhëna të cilat nuk janë të sakta. Ne nuk kemi fare përparim në fushën e ekonomisë. Nuk mund të lavdërohet dikush se ne kemi bërë një mend dhe kemi rritë ekonominë e Kosovës. Kemi rritjet vjetore të bruto-produktit vendor, kur ai është 3-4 për qind. Ai është tepër i vogël që të na zvogëlojë diferencën në zhvillim me BE-në por edhe pesë vendet në rajon….Qeveria lavdërohet dhe tashmë ajo në një formë mund të lavdërohet se ne kemi ulur papunësinë. Papunësinë në fund të vitit të kaluar ne e kemi pasur diku 12,6 për qind. Nivel i ulët në krahasim me normë që kemi pasur përpara. Problemin tjetër e kemi që është shpërngulur popullsia. Neve tash po na dalin statistikat se nga vitit 2012 deri në vitin 2022 janë shpërngulur rreth 250 mijë qytetarë që janë shku dhe s’janë kthyer. Prej vitit 2018 deri në vitin 2022 janë larguar 150 mijë qytetarë. Janë shpërngulur mesatarisht në vit nga 31 mijë e 500 dhe s’janë kthyer fare në Kosovë”, potencoi ish-kryeministri Isa Mustafa.

‘Tmerrohen’ serbët, pasi u hakua billbordi shihet shqiponja dykrenare duke kap për fyti atë serbe

Serbia është zgjuar e tronditur këtë të shtunë.

Kjo pasi, siç raporton B92, në një billbord të qytetit të Valevës (Valjevo), Serbi, është shfaqur një imazh i cili paraqet flamurin serb në një çosh dhe në anën tjetër shqiponjën dykrenare shqiptare në prapavijë të kuqe dhe me plisa në kokë, e cila e ka kapur për fyti shqiponjën serbe.

Fotografia është publikuar në Instagram në faqen “valjevo_live”.

“Billbordi në qendër të qytetit. Besohet se është hakuar dhe se kjo është një prej provokimeve”, shkruan në njoftim.

Ndërkaq, në komentet e këtij postimi, është paraqitur një person që pretendon se është pronar i billbordit në fjalë.

“Jam pronari i billbordit i cili mbrëmë është hakuar. Me të marrë vesh, e kam fikur të njëjtin, ndërsa rasti do të raportohet te organet kompetente”, ka shkruar ai.

E dhimbshme: Ky është i riu nga Peja që humbi jetën në aksidentin tragjik në Rozhajë

Një ngjarje e rëndë ka ndodhur mbrëmë në Rozhajë të Malit të Zi, ku një i ri nga Peja ka humbur jetën si pasojë e një aksidenti tragjik.

I riu nga Peja i cili ka vdekur si pasojë e këtij aksidenti është Benjamin Lajqi.

Lajmin për vdekjen e tij e kanë konfirmuar edhe familjarët përmes postimeve në rrjetet sociale.

Aksident i rëndë në Rozhajë, humb jeten i riu nga Kosova

Një aksident i rëndë mes dy veturave ka ndodhur të premtën rreth orës 21:20 në Rozhajë të Malit të Zi.

Si pasojë e këtij aksidenti një person ka humbur jetën.

Indeksonline ka mësuar se personi që humbi jetën është nga qyteti i Pejës, Benjamin Lajqi.

Bashkë me Benjaminin ishte edhe gruja e tij, që sipas mediave të huaja është në gjendje të rëndë.

Më poshtë mund të shihni pamje nga ky aksident tragjik.