Motoristi që vdiq në autostradën ‘Ibrahim Rugova’ është djali i doktorit të njohur

Një person ka vdekur në një vetaksident fatal me motor pasditen e sotme në autostradën “Ibrahim Rugova”.

Burimet e Indeksonline kanë mësuar se personi që ka ndërruar jetë është Andi Murati, djali i doktorit të njohur në Pejë, dr.Sheka.

Këtë për Indeksonline e ka konfirmuar edhe zëdhënësi i Policisë, Daut Hoxha, ku njoftoi se mjekët kujdestarë e kanë konstatuar vdekjen e këtij personi në vendin e ngjarjes.

“Me datë 13.10.2024 rreth ores 14:40, është pranuar informata se në Autostraden “Ibrahim Rugova” Km-3; drejtimi Prizeren Jug-Vermicë është shkaktuar një Vet-Aksident trafiku me Motor. Njesitë policore për kontroll të autostrades, përfshirë edhe njesinë e hetimeve kanë dal ne vendin e ngjarjes për procedura të nevojshme hetimore. Mjekët kujdestar kanë konstatuar se personi ka qenë pa shenja jete”, Ka thënë Hoxha.

E trishtë: Ky është i riu që humbi jetën në aksidentin me motoçikletë

Një aksident me fatalitet ka ndodhur pasditen e sotme në autostradën “Ibrahim Ruova”, ku një person ka gjetur vdekjen, raporton Gazeta Sinjali.

Siç mëson Gazeta Sinjali bëhet fjalë për të riun Andi Murati nga Peja, i cili sipas miqve ka qenë i apasionuar pas motoçikletave.

Murati me profesion ka qenë mjek.

Lajmin për aksidentin e ka konfirmuar zëdhënësi i Policisë, Daut Hoxha, teksa shtoi se ishte një vetaksident me motor.

“Me datë 13.10.2024 rreth orës 14:40, është pranuar informata se në Autostradën “Ibrahim Rugova” Km-3; drejtimi Prizren Jug-Vermicë është shkaktuar një vetëaksident trafiku me Motor”.

“Njësitë policore për kontroll të autostradës, përfshirë edhe njësinë e hetimeve kanë dalë ne vendin e ngjarjes për procedura të nevojshme hetimore. Mjekët kujdestar kanë konstatuar se personi ka qenë pa shenja jete”, tha Hoxha në një përgjigje me shkrim.

Rrahja brutale e Rakiq, zbulohen arsyet dhe nga kush u rrah

Kryetari i Lëvizjes Qytetare “Odgovor”, Boban Bogdanoviq, ka reaguar ashpër pas sulmit ndaj ish-kryetarit të Listës Serbe, Goran Rakiq, në veri të Mitrovicës.

Bogdanoviq përmes një deklarate ka thënë se është informuar nga miqtë e tij se Rakiq është sulmuar nga anëtarët e organizatës “Brigada e Veriut”.

Sipas tij, ky sulm lidhet me borxhet e mëdha financiare që Rakiq ka ndaj liderit të kësaj organizate, Milan Radoiçiq.

“Sa për mua, le ta shfarosin njëri-tjetrin deri në fund,” ka thënë Bogdanoviq në reagimin e tij.

Drejtori i Institutit “Octopus” Agim Musliu në një postim në “X”, ka shkruar se Rakiq është rrahur nga individë të afërt me të, që përfshijnë kriminelë dhe terroristë të lidhur me Aleksandar Vuçiqin dhe Milan Radoiçiqin.

Musliu tutje thekson se Rakiq është trajtuar fshehtas pas incidentit, duke u munduar të mbahet larg vëmendjes publike.

“Ish-kryetari i Listës Serbe, Goran Rakiq, është rrahur mbrëmë në Mitrovicë, në pjesën veriore me shumicë serbe.  Edhe pse është rrahur nga shokët e tij, kriminelët dhe terroristët e Vuçiqit dhe Radoiçiqit, ai është trajtuar fshehtas. Pa dyshim, ky rast do të paraqitej si një sulm nga shqiptarët, duke përhapur dezinformata kudo”, ka shkruar Musliu.

Telegrafi, përkundër tentimeve për të konfirmuar rastin nga Policia e Kosovës, nuk ka mundur të marrë përgjigje.

“Nuk mund të konfirmoj një gjë të tillë, së paku ne nuk kemi ankesa”, ka thënë zëvendësdrejtori i Policisë së Kosovës në veri, Veton Elshani./Telegrafi/

Publikohen fotot nga aksidenti me fatalitet në autostradë

Një person ka vdekur në një vetaksident pasditen e sotme në autostradën “Ibrahim Rugova”.

Sipas Policisë së Kosovës personi që ka vdekur ishte duke drejtuar një motor.

Zëdhënësi i Policisë së Kosovës, Daut Hoxha, ka deklaruar se vdekja e drejtuesit të motorit është konstatuar nga ekipi mjekësor.

 

“Me datë 13.10.2024 rreth orës 14:40, është pranuar informata se në autostradën “Ibrahim Rugova” Km-3; drejtimi Prizren Jug-Vermicë është shkaktuar një vetaksident trafiku me motor. Njësitë policore për kontroll të autostradës, përfshirë edhe njësinë e hetimeve kanë dal ne vendin e ngjarjes për procedura të nevojshme hetimore. Mjekët kujdestar kanë konstatuar se personi ka qenë pa shenja jete”, tha Hoxha.

Tensione mes Spanjës dhe Britanisë, mësohet arsyeja

Tensionet u rritën rreth kufirit të Gjibraltarit me Spanjën pasi policia spanjolle rivendosi në mënyrë të njëanshme kontrollet kufitare.

Policia spanjolle filloi të kërkonte pasaporta në pikat kufitare dhe menjëherë pas këtij veprimi edhe Gjibraltari bëri të njëjtën gjë duke krijuar radhë të gjata në të dy anët e kufirit.

Megjithatë radhët u zhdukën shpejt pasi policia spanjolle hoqi dorë nga kontrollet.

Një burim nga Ministria e Brendshme spanjolle tha se nuk ishte në dijeni të incidentit.

Kontrollet kufitare u hoqën më shumë se dy dekada më parë, kur Spanja dhe Britania e Madhe ishin pjesë e BE-së. Që nga dalja e Britanisë së Madhe nga BE, marrëveshja për t’i lejuar njerëzit të udhëtojnë lirshëm është zgjatur përkohësisht në pritje të një marrëveshjeje të plotë midis bllokut, Britanisë dhe Spanjës, e cila ende pretendon enklavën. Gjibraltari është një territor britanik përtej detit i vendosur në skajin jugor të Gadishullit Iberik, ku ndan një kufi me Spanjën.

Ajo është qeverisur nga Britania e Madhe  që nga viti 1713 në fushën e mbrojtjes dhe politikës së jashtme, por në fusha të tjera vetëqeveriset.

Spanja ka pretenduar vazhdimisht sovranitetin mbi territorin, por Kushtetuta e Gjibraltarit e vitit 1969 thotë se nuk mund të ketë transferim të sovranitetit në Spanjë kundër dëshirës së vendasve. /klannews

Dosja e Prokurorisë për Naser Hafizin: Në muajin shkurt pati qarkullimin bankar 395 mijë euro – i bleu 4 banesa

E dhimbshme: Humb jetën një person pas vetëaksidentit me motor

Një person ka humbur jetën në një vetaksident fatal me motor pasditen e sotme në autostradën “Ibrahim Rugova”.

Ngjarja tragjike ndodhi rreth orës 14:40 në drejtimin Prizren Jug-Vermicë, sipas zëdhënësit të Policisë së Kosovës, Daut Hoxha, i cili i tha Gazeta Imazhit se mjekët kujdestarë konstatuan vdekjen e personit në vendin e ngjarjes.

“Me datë 13.10.2024, rreth orës 14:40, kemi pranuar informatën se në Autostradën ‘Ibrahim Rugova’ Km-3, drejtimi Prizren Jug-Vermicë, ka ndodhur një vetaksident trafiku me motor. Njësitë policore, përfshirë edhe njësinë e hetimeve, kanë dalë menjëherë në vendin e ngjarjes për procedurat e nevojshme hetimore. Mjekët kujdestar kanë konstatuar se personi ishte pa shenja jete,” tha Hoxha për Gazeta Imazhi.

Nga janari deri në shtator të këtij viti, sipas Policisë së Kosovës, 70 persona kanë humbur jetën në aksidente trafiku, ku 39 prej tyre, apo rreth 55%, kanë qenë shoferë. Rreth 24% e aksidenteve fatale kanë qenë vetaksidente.

Policia e Kosovës u ka bërë thirrje pjesëmarrësve në trafik, sidomos drejtuesve të mjeteve, të jenë vigjilentë gjatë ngasjes dhe t’i respektojnë rregullat e trafikut, për të parandaluar aksidentet fatale dhe humbjen e jetëve njerëzore për shkak të pakujdesisë. Njësitë patrulluese të rendit dhe trafikut vazhdojnë aktivitetet e shtuara për të rritur sigurinë në rrugë.

Kryeministri i serbisë: Ushtria serbe në patrullime të përbashkëta me KFOR-in, Kurti po nxit përshkallëzimin

Ushtria serbe është në komunikim të përditshëm me pjesëtarët e KFOR-it, dhe i ka të gjitha linjat e organizuara të komunikimit dhe patrullimet e përbashkëta, dhe kryeministri Albin Kurti është në dijeni të aktiviteteve të Ushtrisë Serbe, tha sot kryeministri serb Millosh Vuçeviq, transmeton KO.

Vuçeviq tha se kryeministri i Kosovës, Albin Kurti po përpiqet të ngrejë tensionin.

“Para së gjithash, ai dëshiron të errësojë dhe të lërë mënjanë atë që po bën, gjë që çon në përshkallëzim në terren, duke rrezikuar të drejtat dhe liritë e njeriut të serbëve në Kosovë”, tha Vuçeviq.

Duke komentuar pretendimet e Kurtit se pjesëtarët e Ushtrisë Serbe janë pikasur nga institucionet e sigurisë së Kosovës përgjatë vijës administrative, ai është përgjigjur se ata ishin “kriminelë, kontrabandues dhe hajdutë”.

“Ato forca që dyshohet se janë takuar me pjesëtarët e Ushtrisë Serbe janë kriminelë, kontrabandues, hajdutë të cilët kalojnë vijën administrative nga territori i Kosovës në territorin e Serbisë qendrore për të vjedhur atë që gjejnë. Ushtria serbe kryen detyrat e saj dhe kur ushtria jonë i ndeshet, ajo bën gjithçka në përputhje me ligjin, nuk ka aktivitete shtesë, nuk po përgatisim asgjë që mund të çojë në përshkallëzim në terren, për më tepër, ne jemi shumë të qetë dhe të kujdesshëm”, tha Vuçeviq.

Qeveria gjermane ndryshon “paketën e sigurisë”

Qeveria e koalicionit në Gjermani ka rënë dakord për ndryshime në “paketën e sigurisë”. Sipas disa njoftimeve, planet fillestare lidhur me shkurtimet e përfitimeve për refugjatët u ndryshuan.

Heqja e përfitimeve sociale për grupe të caktuara refugjatësh – kjo ishte një nga pikat më të rëndësishme fillimisht në “paketën e sigurisë” të qeverisë së koalicionit gjerman. Sipas saj duhej të kishte shkurtime të përgjithshme ndihmash për të ashtuquajturit “refugjatë të Dublinit”, pra ata që janë regjistruar tashmë në një vend tjetër të BE-së.

Paketa e re tani duhet të përfshijë një rregullore për raste vështirësish që prek, ndër të tjera, fëmijët, sipas informacioneve të ARD-së. Përtej kësaj, shkurtimet e përfitimeve sociale duhet të jenë të mundshme, vetëm nëse është realisht e mundur që marrësi aktual i ndihmave mund të udhëtojë në vendin fillimisht përgjegjës të BE-së, thuhet nga grupi parlamentar, Aleanca 90/Të Gjelbërit.

Kurse grupi parlamentar i SPD-së në një letër drejtuar anëtarëve të tij, thekson, se shkurtimi do të hynte në fuqi vetëm nëse “nuk do të kishte pengesa për kthimin”. Me këto ndryshime, grupet parlamentare reagojnë pas kritikave ndër të tjera të ekspertëve që u dëgjuan në seancat e ekspertëve në Bundestag. Prej javësh ka pasur paralajmërime për vështirësi drastike për të prekurit: “Me heqjen e përfitimeve sociale, ne nuk duam duan të krijojmë as të pastrehë as mjerim për azilkërkuesit”, thuhet në letrën e SPD-së.

Më shumë kompetenca vetëm për krimet e rënda

Por ende është pjesë e paketës dhënia e më shumë kompetencave autoriteteve të sigurisë, për më shumë opsione hetimore: psh lejohet më tej kontrolli i përputhjes biometrike për njohjen e fytyrës, me qëllim lehtësimin e identifikimit të të dyshuarve. Megjithatë kompetencat tani janë të kufizuara në ndjekjen penale ose parandalimin e krimeve më të rënda, të tilla si vrasja, vrasja nga pakujdesia ose formimi i një organizate terroriste. Më këtë do të ketë dukshëm më pak raste në të cilat autoritetet i përdorin metoda të tilla. “Grupi i synuar do të kufizohet më tej”, shkruan grupi parlamentar i SPD. Ekspertët i kishin përshkruar planet si shkelje të gjera të të drejtave themelore. Kjo është arsyeja pse ato tani duhet të kufizohen vetëm për raste të jashtëzakonshme.

Kritika për ndalimin e thikave

Përveç kësaj, shënohet tek paketa e sigurisë, se duhet bërë një vlerësim i masave pas tre vjetësh – jo nga vetë Ministria e Brendshme, por nga studiues të pavarur. Nga ekspertët e sigurisë ka pasur kritika të qarta në seancat dëgjimore në Bundestag për ndalimet e planifikuara të thikave, ku u fol për “politikë të pastër simbolike” dhe se qeveria e koalicionit nuk e përcakton dot në mënyrë adekuate, se çfarë konsiderohet thikë. “A është thikë edhe thika e peshkut nga kutia e takëmeve?” pyeti një hetues i lartë kriminal i cili duhej të vlerësonte planet.

“Ne duhet ta marrim seriozisht këtë kritikë, prandaj tani ka ndryshime”, tha deputeti i grupit parlamentar të FDP-së, Konstantin Kuhle. Rregulloret e reja “do t’i mundësojnë të gjithëve të kuptojnë, nëse janë të prekur nga ndalimi i thikës apo jo”. Qeveria e koalicionit do ta diskutojë paketën e sigurisë që javën e ardhshme në komisionin e brendshëm parlamentar të Bundestagut dhe më pas në Bundestag./DW

Përmbytje në Sahara për herë të parë në gjysmë shekulli

Reshjet e dy ditëve të shtatorit në disa zona të rajonit të Saharasë në Marokun juglindor tejkaluan mesataret vjetore dhe shkaktuan përmbytje, njoftuan zyrtarët e agjencisë meteorologjike të vendit.

Tagunit, një fshat rreth 450 kilometra në jug të kryeqytetit Rabat, regjistroi më shumë se 100 mm shi në 24 orë.

Pamjet satelitore të NASA-s tregojnë se liqeni Iriki, i thatë prej 50 vitesh, po mbushet me ujë.

 

 

“Kanë kaluar 30 deri në 50 vjet që kur kemi pasur kaq shumë shi në një periudhë kaq të shkurtër kohore,” i tha AP Husine Juabeb, një zyrtar i agjencisë meteorologjike të Marokut.

Këto shira, të cilat meteorologët i quajnë një stuhi ekstratropike, mund të ndryshojnë kushtet e motit në rajon në muajt dhe vitet e ardhshme.

Përmbytjet në Marok muajin e kaluar vranë 18 njerëz dhe efektet u përhapën në rajonet që u goditën nga një tërmet vitin e kaluar. Pati gjithashtu raporte të rezervuarëve të bllokuar në rajonin juglindor të rimbushjes me një ritëm rekord gjatë shtatorit.