Këto zona do të jenë pa rrymë të dielën

Kompania për Distribuimin e Energjisë Elektrike në Kosovë (KEDS) bën të ditur se të dielën, më 13.10.2024, do të kryhen punime të domosdoshme për siguri të sistemit energjetik.

Si rezultat i kësaj, në disa lokacione të Prishtinës do të ketë ndërprerje të rrymës, shkruan Gazeta Imazhi.

Ky është orari sipas lokacioneve në Prishtinë:

Njoftime për punime të domosdoshme për siguri të sistemit

1.

NS 110/10[kV] Prishtina 6

Nga Dalja 10 kV PTK Dispeqingu do te nderprehet:

NS 10/04kV TS Dispeçingu (kodi: 19100014048) nga ora 07:00 deri në orën 19:00

Vendet: TS 048 Dispeqingu, KOSTT, Bankomati i BKT afër zyrave të KEDS dhe ATK.

Arsyeja: Ndërprerje emergjente për siguri.

2.

NS 110/10[kV] Prishtina 6

Nga Dalja 10kV PTK Dispeçingu do të nderprehet:

NS 10/0.4kV TS Dispeçingu (S-kek) (kodi: 12000017168) nga ora 07:00 deri në orën 19:00

Vendet: TS 048 Dispeçingu, KOSTT, Bankomati i BKT afër zyrave te KEDS dhe ATK

Arsyeja: ndërprerje për siguri, ndërrimi i pikës furnizuese të ndërtesës KEDS.

Ky është moti për nesër

Nga e diela nën ndikimin e një anticikloni stabil na pret mot kryesisht me diell dhe relativisht i ngrohtë. Mëngjeset pritet të jenë mjaft të freskëta dhe mund të krijohet kushte edhe për mjegull.

Ditët kryesisht stabil dhe me temperatura deri në 20 gradë Celsius.

Në disa zona mund të jetë edhe më ngrohtë. Në Shqipëri pothuajse një verë e vonshme./MeteoBallkan

Irani paralajmëron SHBA-të dhe vendet e Lindjes së Mesme: Do të hakmerremi ndaj çdo sulmi të ri izraelit

Irani duket se nuk do të ndalet në “hakmarrjen” e saj. Teherani mësohet se ka paralajmëruar SHBA-të dhe vendet e Lindjes së Mesme, se do të marrë hak, në rast se Izraeli e sulmon.

Gjithashtu, qeveria e Iranit është angazhuar në përpjekje urgjente diplomatike me vendet në Lindjen e Mesme për të vlerësuar nëse ato mund të zvogëlojnë shkallën e përgjigjes së Izraelit ndaj sulmit të fundit raketor në fillim të këtij muaji.

Nga ana tjetër, SHBA është konsultuar me Izraelin mbi një përgjigje të mundshme të Tel Avivit ndaj sulmit të Iranit të 1 tetorit dhe zyrtarët amerikanë e kanë bërë të qartë se nuk duan që Izraeli të sulmojë vendet bërthamore iraniane ose fushat e naftës.

Paralajmëron Kurti: Serbia provokon sërish, ky është veprimi i radhës i tyre

Kryeministri i Republikës së Kosovës, Albin Kurti, ka njoftuar se Serbia ka lëvizur trupat e saj rreth 50 metra afër vijës kufitare me Kosovën, më saktësisht pranë Kamenicës.

Sipas Kurtit, ky është një provokim i radhës i Serbisë, teksa institucionet e sigurisë në Kosovë kanë detektuar këto lëvizje.

“Kur e kanë parë që i kemi vërejtur dhe xhiruar, kanë ikur me shpejtësi e janë larguar për në brendi të territorit të tyre” deklaron Kurti, transmeton IndeksOnline.

Sipas kryeministrit, Serbia vazhdon të nxisë tensione nëpërmjet veprimeve hibride, duke synuar destabilizimin e rajonit, megjithëse hapësira për këto manovra po i ngushtohet dita-ditës.

“Kosova mbetet e palëkundur në rrugën e saj drejt integrimeve euro-atlantike, me institucionet e saj vigjilente 24/7, duke mbrojtur vendin e duke siguruar monitorim maksimal të situatës” shtoi kryeministri.

Ky është postimi i plotë i tij:

Serbia sot ka provokuar sërish duke lëvizur trupat e saj rreth 50 metra afër vijës kufitare me Kosovën, në territorin e komunës së Kamenicës.

Institucionet përkatëse të sigurisë së Republikës së Kosovës kanë detektuar menjëherë këto lëvizje provokuese nga ushtria e Serbisë, të cilat kanë për synim nxitjen e tensioneve.

Kur e kanë parë që i kemi vërejtur dhe xhiruar, kanë ikur me shpejtësi e janë larguar për në brendi të territorit të tyre.

Qeveria e Republikës së Kosovës ka bërë investime të paprecedenta në ngritjen dhe përmirësimin e kapaciteteve të strukturave të inteligjencës, sigurisë dhe mbrojtjes, të cilat janë të gatshme për të parandaluar çdo kërcënim ndaj integritetit territorial dhe sovranitetit të shtetit tonë.

Sinergjia ndërmjet strukturave të sigurisë dhe mbrojtjes, si dhe bashkëpunimi me partnerët e aleatët rajonalë dhe ndërkombëtarë, përbën garanci për sigurinë në Kosovë.

Ndërkohë, Serbia vazhdon të nxisë tensione nëpërmjet veprimeve hibride, duke synuar destabilizimin e rajonit, megjithëse hapësira për këto manovra po i ngushtohet dita-ditës.

Kosova mbetet e palëkundur në rrugën e saj drejt integrimeve euro-atlantike, me institucionet e saj vigjilente 24/7, duke mbrojtur vendin e duke siguruar monitorim maksimal të situatës.

E dhimbshme sa ska më: Ndërron jetë në moshë të re, Anita Brahimi

Ka ndërruar jetë në moshën 20 vjeçare, Anita (Afrim) Brahimi.

Lajmi u bë i ditur nga familjarët e të ndjerës.

Ata kanë njoftuar se për kohën e varrimit do të tregojnë me kohë.

TË NGJASHME:

E dhimbshme: Ndërron jetë i riu nga Peja

Lituania – Kosova, notat e lojtarëve / Edon Zhegrova heshti kritikët

Kombëtarja e Kosovës ka shënuar fitoren e dytë në UEFA Nations League për sezonin e ri 2024/25.

“Dardanët” mposhtën si mysafir Lituaninë me rezultatin 1:2, shkruan Indeksonline

Qysh në pjesën e parë ekipi i Franco Foda-s tregoi se kanë udhëtuar për tri pikë në Lituani. Dhe në minutën e 20’të, Edon Zhegrova shënoi një gol të bukur pas një asisti nga Florent Muslija.

Golin e dytë “Dardanët” e shënuan në minutën e 65’të me anë të Ermal Krasniqit.

Kombëtarja vendase shënoi një gol në minutën e 84’të me anë të Golubickas.

Sipas faqes së njohur të statistikava, “Sofascore”, lojtari i ndeshjes ishte Edon Zhegrova me notën 8.1.

Kurse pas Zhegroves me një notë ta lartë u vlerësua Ermal Krasniqi (7.9).

Me këtë fitore, Kosova tani shkon në kuotën e gjashtë pikëve në pozitën e dytë, aq sa ka Rumania (6) por që është me një ndeshje më pak./Indeksonline/

Vjen paralajmërimi: Mbetjet e Uraganit Milton po vjen drejt Evropës

Mbetjet e Uraganit Milton i cili goditi Floridën e Shteteve të Bashkuara të Amerikes po vijnë në drejtim të Evropes duke u bashkuar me një sistem tjetër mjaft të fuqishëm tropikal; Stuhinë Tropikale “Leslie”.

Stuhia Tropikale Leslie e cila buron nga brigjet e Afrikes perëndimore u zhvillua në Oqeanin e hapur por devijoi duke mos shkuar në drejtim të Amerikes, por tani është drejtuar drejt Azoreve duke u bashkuar me mbetjet e Uraganit Milton.

Këto stuhi me reshje të dendura shiu pritet të përfshijnë Gadishullin Iberik, Portugalinë dhe shumë pjesë të Spanjës me rrebeshe intensive shiu me vetëtima dhe bubullimë. Priten edhe përmbytje, por stuhitë nuk do të kenë fuqinë e madhe që kishin dikur.

Përderisa në Evropë parashihen valë të shpeshta reshjesh dhe rrebeshesh mjaft të dendura të shiut në viset tona do të kemi ardhjen e Anticiklonit afrikan i cili do të përmirësojë dhe stabilizojë motin duke kushtëzuar shumë ditë të bukura vjeshtore, madje edhe verore./MeteoBallkan

Ish-kryeministri i Skocisë vdes papritmas gjatë një konference në Maqedoninë e Veriut

Alex Salmond, ish-kryeministri i Skocisë dhe një nga figurat më me ndikim në fushatën për pavarësinë skoceze, ka vdekur në moshën 69 vjeç, raporton The Guardian.

Politikani i njohur raportohet të ketë vdekur pas një fjalimi që mbajti sot në Maqedoninë e Veriut.

“Tensionet etnike në veri mund të shkaktojnë më shumë dhunë”

Tensionet e vazhdueshme etnike në veri të Kosovës mund të shkaktojnë një përsëritje të dhunës të para një viti në këtë zonë, kur katër persona vdiqën në një betejë me armë dhe kur paqeruajtësit e NATO-s u lënduan në përleshje, paralajmëroi të shtunën një zyrtar i lartë nga aleanca ushtarake, ka shkruar Reuters.

Kosova është kryesisht me shqiptarë etnikë, por rreth 50,000 serbë në veri e refuzojnë qeverinë e Prishtinës dhe e shohin Beogradin si kryeqytetin e tyre. Agjencia e lajmeve rikujton se Kosova shpalli pavarësinë në vitin 2008 një dekadë pas një kryengritjeje guerile.

Admirali i Marinës së SHBA-së Stuart B. Munsch, komandant i Komandës së Forcave të Përbashkëta Aleate Napoli – e cila mbikëqyr forcën paqeruajtëse të NATO-s në Kosovë – tha se aleanca mbetet e shqetësuar për rrezikun e dhunës së përsëritur në veriun e paqëndrueshëm.

“Retorika e nxehtë politike mund të frymëzojë disa forca joqeveritare për të kryer dhunë siç ndodhi vitin e kaluar”, u tha Munsch gazetarëve në Prishtinë.

“Nuk do të thosha se përfundimisht po vjen konflikti, mendoj se ka një rrezik të vazhdueshëm”, tha ai, duke iu referuar mungesës së progresit në bisedimet e ndërmjetësuara nga BE-ja ndërmjet Qeverisë së Kosovës dhe Serbisë.

Një oficer policie dhe tre persona të armatosur u vranë në shtator të vitit 2023 kur një grup sulmuesish të armatosur rëndë hynë nga Serbia dhe sulmuan policinë në fshatin Banjska.

Katër muaj më parë, më shumë se 90 ushtarë u plagosën kur protestuesit serbë sulmuan paqeruajtësit e NATO-s.

Kosova ka akuzuar Serbinë se qëndron pas sulmit në Banjska, por Beogradi i ka mohuar akuzat.

SHBA dhe Bashkimi Europian, aleatët kryesorë globalë të Kosovës, kanë kritikuar qeverinë e Prishtinës për ndërmarrjen e veprimeve të njëanshme në veri që mund të nxisin dhunë etnike dhe të rrezikojnë jetën e rreth 4,000 trupave të NATO-s në detyrë atje.

Kosova i refuzon kritikat e tilla dhe çështja ka tensionuar lidhjet e Prishtinës me mbështetësit e saj perëndimorë.

Si pjesë e dialogut të ndërmjetësuar nga BE, Kosova dhe Serbia kanë zhvilluar bisedime për më shumë se një dekadë për të normalizuar marrëdhëniet e tyre, por ka pasur pak përparim.

Ashtu si serbët që jetojnë në veri të Kosovës, edhe Beogradi e konsideron Kosovën si pjesë të Serbisë dhe refuzon ta njohë atë si shtet, përfundon Reuters.

Lirohet polici që u ndalua sot nga Serbia në Merdarë

Autoritetet e Serbisë sot e kanë ndaluar një pjesëtar të Policisë së Kosovës në pikën kufitare në Merdarë.

Sipas informacioneve të para, polici i ndaluar nga Serbia është pjesëtar i Njësisë së Reagimit të Shpejtë (NJRSH), i cili në të kaluarën ka qenë edhe pjesë e Ushtrisë Çlirimtare të Kosovës.

Sinjali mësoi se polici i ndaluar nga autoritetet serbe në Merdarë është Lumni Berisha.

Por sipas informacioneve të fundit që ka siguruar Sinjali, thuhet se polici Berisha tashmë është liruar në procedurë të rregullt dhe po vijon rrugëtimin e tij.