Tentim vrasja në Mitrovicë – Zbulohen të dyshuarit

Gjatë ditës u raportua për një incident që ka ndodhur para disa minutave në Mitrovicë, ku një person ka mbetur i plagosur si pasojë e të shtënave me armë zjarri në rrugën “Shemsi Ahmeti”.

Sinjali mëson se personi që u plagos sot është Smajl Hyseni rreth 38-vjeçar i cili mbeti i lënduar nga arma e zjarrit.

38 vjeçari dyshohet se u plagos në të dyja këmbët dhe se rasti ndodhi në dyqanin e autopjesëve “Besi”.

Ai ka kërkuar ndihmë mjekësore në Emergjencën e Spitalit të Mitrovicës, ku edhe po trajtohet.

Ndërkaq, Policia e Kosovës ka bërë të ditur se të dyshuarit tashmë janë identifikuar dhe se ka filluar kërkimin për kapjen e tyre.

Tutje rasti është cilësuar “Vrasje e rëndë në tentativë”.

Mbyllet para kohe thirrja publike për aplikim për subvencionin për Pajisje Efiçiente për Ngrohje

Ministria e Ekonomisë ka njoftuar qytetarët se aplikimi për thirrjen publike për mbështetje të konsumatorëve familjarë për investimin në pajisje efiçiente për ngrohje, sapo u mbyll.

Mbyllja e parakohshme, është rezultat i pranimit të një numri të mjaftueshëm të aplikimeve për shumën e caktuar për këtë thirrje.

Deri në mbylljen e thirrjes gjithsej kanë aplikuar 13,415 qytetarë.

Pajisjet që do të subvencionohen përfshijnë:

•Pompë Termike: 30% e vlerës investive, deri në 2000.00 €
•Kondicioner/Klimë efiçiente: 40% e vlerës investive, deri në 400.00 €; për prindërit vetushqyes dhe ata në ndihmë sociale (kategoria I & II), 60% e vlerës investive, deri në 550.00 €
•Kalda me Biomasë (dru, pelet dhe briket): 70% e vlerës investive, deri në 1200.00 €
•Stufa Individuale: 70% e vlerës investive, deri në 435.00 €; për prindërit vetushqyes dhe qytetarët në ndihmë sociale, 90% e vlerës investive, deri në 560.00 €.

Komisionet për vlerësimin e aplikacioneve kanë filluar punën e tyre të procesit të verifikimit të aplikacioneve dhe dokumentacionit të nevojshëm. Të gjithë ata që kanë aplikuar do të njoftohen për ecurinë e procesit përmes mjeteve të informimit dhe rrjeteve sociale të Ministrisë së Ekonomisë.

Thirrja publike për mbështetje të konsumatorëve familjarë ka qenë e hapur nga data 12 shtator 2024 dhe ishte planifikuar të përfundojë më 11 tetor 2024.

Subvencionimi i efiçiencës së energjisë mbështetet nga Bashkimi Evropian dhe zbatohet nga Ministria e Ekonomisë.

Çfarë po ndodh në veri, pjestarë të ARF shtaqen te Ura e Ibrit dhe në pjesë tjera

Pjesëtarë të Forcës Reaguese të Aleatëve (ARF) janë parë sot tek Ura e Ibrit dhe në pjesë tjera të veriut të vendit, përcjell Gazeta Express.

Në njoftimin e NATO-së thuhet se ARF është e gatshme që të kontribuojë për stabilitet në gjithë Ballkanin Perëndimorë.

“Sot, oficerët e lartë të Shtabit të Korpusit të Shpejtë të Dislokueshëm të NATO-s në Itali #NRDCITA ishin në veri të Kosovës me personelin e Komandës Rajonale në Lindje të misionit #KFOR të udhëhequr nga #NATO.  Personeli i ARF-së aktualisht është i dislokuar në Kosovë dhe Maqedoninë e Veriut, deri në mes të tetorit. Ata po kryejnë aktivitete të ndryshme trajnimipër të identifikuar kërkesat për mbështetje logjistike, infrastrukturore dhe operative, në rast të një rritjeje të konsiderueshme të qëndrimit të KFOR-it”, thuhet në njoftim.

Vjen paralajmërimi: Gjërat në Ballkan po nxehen sërish, Rusia dhe Serbia qëndrojnë prapa

 

Mjafton pak shi në Veternik dhe veturat “të fundosen” në ujë

Reshjet e shiut kanë bërë që veturat thuajse të “fundosen” në ujë në Veternik.

Në pamjet që kanë ardhur në adresë të gazetës online Reporteri.net shihet se rruga në këtë pjesë të kryeqytetit është mbushur me ujë dhe për pasojë qarkullimi i veturave është vështirësuar.

Kujtojmë se reshje të mëdha të shiut ka pasur këto dy ditë edhe në rajon, duke shkaktuar vërshime katastrofike në Bosnjë e Hercegovinë, me pasojë edhe në njerëz.

Instituti Hidrometeorologjik i Kosovës ka njoftuar sot se Kosova nuk rrezikohet nga vërshimet.

Ja kur pritet të përfundoj rruga Prishtinë – Mitrovicë

Ministri i Mjedisit, Planifikimit Hapësinor dhe Infrastrukturës, Liburn Aliu, ka premtuar se rrugët kryesore Prishtinë – Podujevë dhe Prishtinë – Mitrovicë do të përfundojnë brenda mandatit të tij.

Aliu ka deklaruar se projektet infrastrukturore po ecin sipas planit, pavarësisht vonesave të shfaqura në disa segmente.

Ai lidhur me punimet në rrugën Prishtinë – Podujevë, ka theksuar se segmenti Lluzhan – Podujevë është përfunduar, ndonëse disa punë shtesë mbeten për t’u kryer.

Ministri Aliu ka deklaruar se, megjithatë, gjithë rruga është kontraktuar dhe aktualisht ndodhet në fazën e fundit të punimeve.

Ai ka potencuar se punimet po ecin më shpejt se rrugët e tjera dhe se ka pasur një përpjekje të veçantë për të zgjidhur çështjet e shpronësimeve në kohë, pavarësisht disa vështirësive.

“Atëherë kur kam thënë ka përfunduar, por nuk bëhet fjalë për gjithë rrugën por për segmentin Lluzhan – Podujevë, dhe kjo pjesë është kryer, kanë mbetur disa punë shtesë. Ndërkohë që e tërë rruga është kontraktuar pastaj është vendosur në tenderë e tëra, tash jemi në fazë të fundit të punimeve por mendoj se po shkon në ritëm më të shpejtë se rrugët tjera”, ka theksuar ai.

Ministri theksoi se afatet kohore po respektohen, duke e konsideruar një vit si afatin e parashikuar për përfundimin e punimeve.

“Jemi mësuar të kemi vonesa sepse ka punë të parashikueshme. Te kjo rrugë jemi përkujdesur shpronësimet t’i zgjidhim me kohë, ndonëse ka pasur probleme. Jemi munduar që afatet kohore të respektohen normalisht është një vit afati kohor, në ditët e punëve. Po shkon gjithçka brenda afatit deri tash”, ka deklaruar ai në Debat Plus.

Këto zona furnizohen me ujë nga Liqeni i Badocit (HARTA)

Isa Mustafa: Vendimi për ndalimin e mallrave serbe duhet të hiqet

Ish-kryeministri i Republikës së Kosovës, Isa Mustafa, në një deklaratë për Raporto24, ka folur lidhur me vendimin për ndalimin e mallrave serbe në Kosovë, për çka Gjermania është duke kërkuar pezullimin e një vendimi të tillë.

“Vendimi është marrë në një kohë për të cilën ka pasur arsye, para ngjarjeve në Banjska.

Mirëpo, mendoj se tani duhet të respektohet kërkesa e Bashkimit Evropian dhe Gjermanisë në rend të parë, që ajo të hiqet”, ka thënë ish-kryeministri Mustafa.

Ai më tej ka thënë se duhet të thellësojmë marrëdhëniet me CEFTA, sepse, sipas tij, CEFTA ju ka shërbyer të gjitha vendeve të Bashkimit Evropian ose vendeve që janë anëtarësuar në BE.

“Kanë kaluar nëpër CEFTA dhe kanë hyrë në tregun unik në Bashkimin Evropian. Ne duhet ta bëjmë të njëjtën gjë”, ka theksuar Mustafa.

I pyetur se sa e rrezikon procesin në rast se Qeveria nuk e heq këtë masë të sigurisë, ish-kryeministri Mustafa ka thënë: “Mendoj se është shumë e dëmshme për Kosovën. Sepse, ne nuk kemi asnjë arsye, asnjë llogari që ne të ndërprejmë bashkëpunimin tonë brenda CEFTA-s”.

Tutje, sipas ish-kryeministrit Mustafa, nuk duhet të rrezikojmë edhe procesin e Berlinit.

“Duhet të hapet ky proces. Nuk duhet ta rrezikojmë procesin e Berlinit, për arsye se në qoftë se diqka nuk kemi pas vërejtje deri më tani, ne s’kemi pas në procesin e Berlinit. E kemi përkrahë atë proces, kemi qenë shtet aktiv brenda procesit. Na kanë pranuar në mënyrë të barabartë në procesin e Berlinit me gjitha vendet e tjera. Unë mendoj se këtu duhet të kemi kujdes. Edhe Qeveria duhet të ketë kujdes që këto procese të mos rrezikohen”, ka thënë ai për Raporto24.

Kurti ka një mesazh për bashkëpartiakët

Kryeministri Albin Kurti ka lavdëruar punën e Qeverisë së tij derisa ka folur në Këshillin e Përgjithshëm të Lëvizjes Vetëvendosje të shtunën. Aty ka thënë se shteti është tash më mirë “se që e gjetëm në pranverën e 2021-tës”.

Ky është i riu që u plagos sot

Një person ka mbetur i plagosur para pak minutash në rrugën “Shemsi Ahmeti” në Mitrovicë, raporton Gazeta Online Veriu.info.

 

Rastin e ka konfirmuar edhe policia e Kosovës, të cilët kanë thënë se viktima është i moshës 48 vjeçare.

Gazeta Online Veriu.info merr vesh se personi i plagosur është I. Hyseni nga fshati Kaçandoll.

Personi i plagosur është dërguar në Spitalin e Mitrovicës.

Veriu.info ka kontaktuar këtë institucion por të njëjtit nuk kanë dhënë përgjigje.

“E ndali veturën në mes të rrugës…”, Zbulohen detaje si ndodhi plagosja e të riut në Mitrovicë

Një person, rreth 38-vjeçar është plagosur me armë zjarri në rrugë “Shemsi Ahmeti” në Mitrovicë.

Rastin për Insajderin, e ka konfirmuar zëdhënësi i policisë për rajonin e Mitrovicës, Ilmi Prekazi.

Tutje, ai shton se i plagosuri është dërguar për trajtim në Spitalin Rajonal të Mitrovicës.

“Një mashkull rreth moshës 38-vjeçare është plagosur me armë zjarri në rrugë “Shemsi Ahmeti” në Mitrovicë. Ai është dërguar për tretman mjekësor në Spitalin Rajonal të vendit. Njësitet kompetente po merren me rrethanat për të zbardhur rastin”, tha Prekazi në një përgjigje për Insajderi.

Ndërkaq, është raportuar se kjo ngjarje ka ndodhur pak minuta më parë.

“Ai është qëlluar në mes të rrugës. I dyshuari e ka ndalur veturën në mes të rrugës, ka dalur nga vetura dhe  e ka qëlluar me armë 38 vjeçarin. Ai është qëlluar në këmbë”, thuhet në raportimin e Pro zë.

Në këtë vend raportohet të ketë ndodhur ngjarja.