Kjo lagje e Prishtinës me orë të tëra pa ujë, ja çfarë thonë nga Ujësjellësi

Banorët e lagjes Bregu i Diellit në kryeqytet, ka tre ditë që po përballen me mungesë të ujit të pijshëm. Reduktimet në këtë lagje, po vazhdojnë me orë të tëra.

Një qytetar i kësaj lagje, i ka thënë Indeksonline se që tri ditë  janë duke u përballur me këtë problem dhe se reduktimet e ujit në këtë lagje,  po zgjasin prej 3 deri në gjashtë orë.

“ Që tri ditë nuk kemi pothuajse fare ujë. Ne jemi të detyruar që për nevoja tona në shtëpi, të blejmë ujin. Reduktimet janë shumë të gjata, me orë të tëra dhe se kjo  gjendje po bëhet e papërballueshme për ne. Dhe se ende nuk kemi ndonjë informatë se kur do të rregullohet çështja e furnizimit me ujë“, tha ai.

E lidhur me mungesëne ujit në këtë lagje, ka folur për Indeksonline zëdhënësja e KRU”Prishtina”, Arjeta Mjeku. Mjeku ka thënë se reduktimet në këtë lagje, kanë ardhur si pasojë e problemeve me sasinë e prodhimit të ujit në Badovc.

“Kemi probleme me sasinë e prodhimit të ujit në Badovc. Po presim a do të ketë përmirësim. Nesër dalim me një njoftim konkret”, tha ajo./Indeksonline.

Nga 10 nëntori hyn në fuqi ETIAS-i/ Për të udhëtuar drejt Evropës duhët të plotësojm këto kritere

Mefail Bajqinovci përshëndetet me lot me kushëririn i cili vizitoi për herë të parë Kosovën

Deputeti i VV-së, Mefail Bajqinovci bëri të ditur se sot kushëriri i tij u kthye në Turqi, raporton Demos.

“Lidhjet familjare dhe gjuhësore mbeten të forta, pavarësisht kohës dhe largësisë”, shkroi ai.

Postimi i plotë:

Sapo u pershendeta me kushëririn tim i cili po kthehet në Turqi, Nazim Bajqinovcin, i cili pas 150 viteve është familjari i parë që viziton Kosovën dhe na gjen neve, pas shpërnguljes së madhe të vitit 1878. Kënaqësi dhe emocion i jashtëzakonshëm të njohësh një familjar që, edhe pas 150 viteve e flet gjuhën shqipe. Jemi shumë të gëzuar unë dhe familja ime që e njohëm dhe tani do të takohemi më shpesh. Lidhjet familjare dhe gjuhësore mbeten të forta, pavarësisht kohës dhe largësisë.

A e keni ditur se Mefail Bajqinovci ishte në një klasë me reperin e njohur

Atifete Jahjagës i vďes një familjar: Boshllëkun që le ti, s’mund të plotësojë askush

Ish-presidentja e Kosovës, Atifete Jahjaga ka njoftuar se ka vdekur axha i saj.

Përmes një postimi në Facebook ajo tha se se sot e la një figurë e dytë e babait dhe u shpreh se ka lënë një boshllëk që s’do ta plotësojë askush.

“Një figurë e dytë e babait më la sot, në mesin e më të dashurve të tij ndërroi jetë axha im, Ymer Jahjaga. Ashtu siç më ke thënë përherë: “ Ti je gjysma e babit tënd dhe gjysma e imja”, dhe ashtu ka qenë gjithmonë”.

“Boshllëkun që le ti, nuk mund ta plotësoj askush, pasi ti nuk ke qenë vetëm axhë por edhe babë i dytë për mua. Me mall, përherë çika jote”, ka shkruar tutje Jahjaga.

ARTIKUJ TË NGJASHËM:

Rast i dhimbshëm për familjen, 50-vjeçari që i jep fund jetës

Mbrojtësi shqiptar fantastik, shënon në Ligën e Kampionëve

Atalanta ka arritur të kalojë në epërsi ndaj Shakhtar Donetsk në kuadër të rundit kualifikues në Ligën e Kampionëve.

Ishte Berat Gjimshiti i cili realizoi në minutën e 21-të të ndeshjes, duke elektrizuar gjithë stadiumin.

Gjemshiti e tregoi vetën duke ia dhuruar epërsinë skuadrës së tij.

 

 

Rezultati aktual i takimit është 0:3.

Golin mund ta shikoni në videon më poshtë:

VIDEO

Gjashtë ndeshjet që FIFA e UEFA s’i lejojnë të luhen, pjesë e listës edhe Kosova

Vjen paralajmërimi për situatën e krijuar në Kosovë: Mund të shpërthejë…

Ministri i Mbrojtjes së Italisë, Guido Crosetto, duke folur për situatën e tensionuar në Lindjen e Mesme, ka shprehur shqetësim për krizën në Kosovë, që sipas ministrit italian nuk është në nivelin e Linesjes së Mesme, por ka potencial shpërthimi.

“Ekziston një front tjetër që më shqetëson, jo në të njëjtën masë si Lindja e Mesme, por që potencialisht mund të bëhet po aq shpërthyes sa ai,” deklaroi ministri i Mbrojtjes, Guido Crosetto, përpara komisioneve të Jashtme dhe të Mbrojtjes të Dhomës së Deputetëve dhe Senatit të Italisë, në një seancë dëgjimore mbi krizën mes Izraelit dhe Libanit.

LEXO EDHE:

Vjen paralajmërimi: Gjërat në Ballkan po nxehen sërish, Rusia dhe Serbia qëndrojnë prapa

Më 11 tetor italiani,  gjenerali Enrico Barduani, do të marrë drejtimin e kontingjentit të KFOR-it me seli në Prishtinë, pikërisht në kohën kur vendi është përfshirë nga tensione në rritje ndërmjet shqiptarëve dhe serbëve, ka shkruar mediumi Politica.

Mediumi i ka dhënë opinionit italian një kronologji për zhvillimet e tensioneve etnike në Kosovë.

 

 

Në këtë artikull, citohet edhe komandanti i KFOR-it Ozkan Ulutas, i cili ka thënë se gjendja është e mirë, por mbetet e brishtë.

Krerët e vendeve perëndimore vazhdimisht kanë theksuar rrezikun e hapjes së një fronti të ri lufte në Evropë, pas atij në Ukrainë.

Po ashtu, situata në Lindjen e Mesme e ka përkeqësuar paqen botërore.

Vjen paralajmërimi: Gjërat në Ballkan po nxehen sërish, Rusia dhe Serbia qëndrojnë prapa

Çfarë parashikuan Simpons, që ndodhi përsëri

Një episod i vitit 2019 i “The Simpsons” ka shfaqur detaje që thuhet se parashikojnë festat e famshme me veshje të bardhë të Diddy-t.

LEXO EDHE:

• “Paga minimale do të bëhet 500 euro”
  
• Shtrenjtohet nafta

Episodi në fjalë, i titulluar “The Great Phatsby”, u transmetua si pjesë e sezonit të 28-të dhe përmbante një personazh që ngjante me Diddy-n, i cili organizonte një festë ekskluzive ku marrin pjesë njerëz të famshëm dhe personalitete të njohura.

Si episodi, ashtu edhe festat në jetën reale, zbatojnë një kod të rreptë veshjeje, ngjyrën e bardhë, një element dallues i festave të Diddy-t.

Gjatë viteve, “The Simpsons” ka fituar një reputacion për “parashikimin e së ardhmes” për shkak të disa episodeve që duket se kanë parashikuar ngjarje reale shumë kohë para se ato të ndodhnin.

Shtrenjtohet nafta, shkak sulmet e Iranit

Sulmi i Iranit me raketa mbi Izrael ka tronditur tregjet ndërkombëtare të naftës, duke rritur pasigurinë për të ardhmen.

LEXO EDHE: 

Vazhdon të bie çmimi i druve, ja sa kushton një metër

A do të ketë shtrenjtim të rrymës, vjen lajmi i fundit

Çmimet e naftës u shtrenjtuan me mbi një dollar të mërkurën për shkak të shqetësimeve në rritje që tensionet në Lindjen e Mesme mund të përshkallëzohen.

Analistët besojnë se çmimet e naftës mund të marrin një rritje të fortë nëse tensionet gjeopolitike përshkallëzohen.

Kontratat e së ardhmespër naftën Brent u rritën me 1,08 dollarë, ose 1,47 për qind, në rreth 75 dollarë për fuçi. Ndërkohë që të dy standardet e naftës së papërpunuar u rritën me më shumë se 5%.

Irani siguron rreth 4% të prodhimit global të naftës, por me rëndësi do të jetë edhe si do të reagojë Arabia Saudite e cila duhet të rrisë prodhimin nëse furnizimet iraniane ndërpriten. Sipas Organizatës së Vendeve Eksportuese të Naftës (OPEC), Irani është ndër 10 prodhuesit kryesorë të naftës në nivel global, me prodhim që arrin mbi 3.3 milionë fuçi në ditë në gusht – më i larti në pesë vjet.

Përtej prodhimit Irani ka ndikim të rëndësishëm edhe në ngushticën e Hormuzit një rrugë kjo e rëndësishme për transportin e naftës dhe gazit ku realizohet rreth 30 % e tregtisë botërore.

Shqetësimi kryesor për tregjet e naftës është potenciali për sulme hakmarrëse ndaj objekteve të naftës iraniane nga Izraeli, të cilat mund të rrisin ndjeshëm çmimet e naftës së papërpunuar.

Për më tepër, përshkallëzimi i konfliktit ushtarak midis Iranit dhe Izraelit mund të çojë në rivendosjen e sanksioneve të SHBA-së ndaj eksporteve të naftës iraniane, duke rritur më tej çmimet e naftës.

Vazhdon të bie çmimi i druve, ja sa kushton një metër

“Merkato e bujshme” nga Limaj, stomatologu i njohur aderon në NISMA

Kryetari i Nisma Socialdemokrate, Fatmir Limaj ka prezantuar të martën aderimin më të ri në parti. Bëhet fjalë për doktorin e Stomatologjisë, Flamur Vojvoda.

Duke i uruar mirëseardhje, kreu i Nismas ka thënë Vojvoda ka dhënë kontribut të çmuar në fushën e shëndetësisë.

“Sot ne Nisma jemi të nderuar e të kënaqur e te gëzuar dhe në emër të gjithëve Nisma i dëshirojmë mirëseardhje një personaliteti, një djali që ka dhënë një kontribut të çmuar prej doktori, stomatologun e aktivistit të hershëm Flamur Vojvoda. Ka vepruar për ëndrrën për një Kosovë më të mirë. Unë besoj që është një lajm i mirë që nga sot Nisma po i bashkohet ky intelektual”, u shpreh Limaj.

Ndërsa doktori, Flamur Vojvoda u shpreh i lumtur me këtë aderim.

“Unë i bashkohemi vizonit dhe ambicieve për një Kosovë më të mirë. Unë e kam parë të rrugës që ti bashkohemi kësaj familje politike dhe të punojmë sa më shumë tash e tutje për një Kosovë sa më të mirë për ne edhe për pasardhësit tanë”, u shpreh ai.

TË NGJASHME:

“Merkato” e mirë nga Limaj, ish-ministri me dy shokë aderojn në NISMA

“Paga minimale do të bëhet 500 euro”, thotë Haradinaj

Kryetari i Aleancës për Ardhmërinë e Kosovës, Ramush Haradinaj, ka vizituar Shoqatën e Pensionistëve të Kosovës, me ç’rast me kryetarin Nijazi Gashi dhe bashkëpunëtorët kanë diskutuar për Programin zgjedhor 2025-2029 të koalicionit AAK-Nisma-Konservatorët-E30, veçanërisht për temat që lidhen me pensionistët.

Haradinaj ka sqaruar se do të bëhen ndryshime në Ligjin për skemat sociale, duke përfshirë edhe njohjen e përvojës së punës për të larguarit me dhunë nga vendet e punës në vitet e 90-ta.“Në projeksionet tona buxhetore për periudhën 2025-2028, me disiplinën e numrave kemi paraparë rritjen 50 për qind. Kalkulimet ia dorëzova edhe kryetarit, në bazë të buxhetit që është paraparë të gjitha skemat pensionale, jo vetëm kontribut-pagues.

Ligji për kontribut paguesit ka paraparë 15 vite i cili në periudhë të afërt kohore pamundëson vazhdimin e kësaj skema, e prish këtë status. Pra na duhet një ndërhyrje një ndryshim në Ligj që të mos kushtëzohen me 15 viteshin”.“Në kalkulimet tona rritja bëhet për të gjitha skemat pensionale, shtohet obligimi buxhetor, mbërrin për gjithë skemat pensionale në 900 milionë, nga 608 milionë që është tash që është e përballueshëm për buxhetin e Kosovës.

Njëkohësisht një rritje e vazhdueshëm ndër vite shkon në 10 për qind. Deri tani projeksion për pagën minimale është në 350 euro, në planin tonë paga minimale do të ngritet edhe për 150 euro, do të arrijë në 500. Dhe pension i kontribut paguesve nuk guxon me mbet nën pagën minimale”, ka thënë Haradinaj.

Kryetari i Shoqatës së Pensionistëve të Kosovës, Nijazi Gashi, ka falënderuar Haradinajn që ka prezantuar para tyre perspektivën se si do të gjejnë zgjidhje për kërkesat e tyre/

“Ne i falënderojmë që kanë treguar senesë për të ma dëgjuar për problemet tona dhe me na prezantuar ato traste të perspektivës qysh kat do të kishin me zgjedh çështjen e pensionistëve”, ka thënë ai.

TË NGJASHME: 

Nuk ndalet Haradinaj: Paga më e ulët në FSK do të jetë 1 mij euro

Raportohet se është arrestuar ish-shoferi i Shemsi Sylës

Është arrestuar Hetem Vrajolli, i cili kishte punuar në Ministrinë e Mbrojtjes si shofer i ministrit Armend Mehaj, e më pas zëvendësministrit Shemsi Syla.

Paparaci nga burimet e veta brenda organeve të rendit mëson se Vrajolli është arrestuar gjatë ditës së mërkurë.

Mbi të rëndojnë dyshimet për kryerjen e veprës penale kërcënim, thonë burimet tona.

Arrestimi i Vrajollit vjen një ditë pas intervistës së tij për Nacionale ku rrëfen disa përjetime gjatë punës aty, që sipas tij, ‘e shtyen këtë të fundit që edhe ta lë punën’.

“Nanën qe ma ka shajt kurrë përjetë nuk kam me ia fal Shemsi Sylës, edhe kush k^^^ je ti. Me ditë qe djemtë jetima kanë me mbet. Fmijët jetima kam me i lon, unë kom me u hakmarrë. Me ditë që fundi jem është në burg e përfundoj si Astrit Dehari”, kishte thënë Vrajolli.

“Çka bëj me Shemsi Sylën, keni me marrë vesh”, ka thënë tutje ai.

Sipas Vrajollit, Shemsi Syla e ofendonte edhe Komandantin e FSK-së, Bashkim Jasharin.

“Ditën e fundit kur e kemi vozitë, kemi pasë me e çu Shemsi Sylën te Instituti Albanologjik. Tha: ‘mos ta din ai m*ti’. Thashë jo Armendi (Mehaj v.j) nuk është këtu. Tha jo ai, po Bashkim Jashari”, thotë ai.

TË NGJASHME:

Arrestohet një serb në veri