Abdixhiku: Fëmijët e porsalindur do t’i kenë falas pelenat dhe qumështin për 1 vitë

Lideri i LDK-së Lumir Abdixhiku deklaroi se fëmijët e porsalindur do t’i kenë falas pelenat dhe qumështin për 1 vit në qeverisjen e tij.

”E kam në program që çdo fëmijë që do lind në Kosovë të ketë gjera ushqimore dhe higjenike falas nga shteti për vitin e parë. Prindërit mos me e pas gajle a kanë pampersa edhe qumësht”, tha Abdixhiku për Kallxo.pernime.

Rikujtojmë se zgjedhjet do mbahen në shkurt të vitit të ardhshëm.

LDK në këto zgjedhje kandidat për kryeministër ka Lumir Abdixhikun. 

Sot u varros Florim Zeqiri i cili u vra dje në qendër të Mitrovicës

Mëngjesin e djeshëm u raportua për të shtëna armësh në qendër të Mitrovicës.

Fillimisht u raportua për një person të plagosur, i cili nuk u mbijetoi plagëve dhe ndërroi jetë,

Viktima ishte Florim Zeqiri 45 vjeçar nga Vinarci i Poshtëm i Mitrovicës.

Ndërkohë varrimi i tij u bë sot në varrezat e fshatit Vinarc i Poshtëm në ora 16:00.

Kujtojmë se dorasi ende është në arrati por sipas raporteve të fundit një i dyshuar është identifikuar dhe i është bastisur shtëpia nga Policia e Kosovës

 

 

Vrasja që tronditi Mitrovicën: Çka u gjet në shtëpinë e të dyshuarit e kush është ai?

Vrasja që tronditi Mitrovicën: Çka u gjet në shtëpinë e të dyshuarit e kush është ai?

Një incident i rëndë u shënua mëngjesin e djeshëm në qytetin e Mitrovicës, ku në rrugën “Fatime Hetemi”, për motive akoma të panjohura, një person u qëllua me armë zjarri. I plagosuri u dërgua në QKUK për trajtim, por nuk arriti t’iu bëjë ballë plagëve dhe vdiq, raporton Gazeta Sinjali.

Sinjali raportoi se viktima është Florim Zeqiri, një 40-vjeçar nga fshati Vinarc, i cili sipas informacioneve të para u qëllua me 6 plumba.

Policia dje u angazhua në zbulimin e dorasit gjatë tërë ditës.

 

 

Ndërkaq, sot “Mitropol” mëson se personit të dyshuar për vrasjen i është bastisur shtëpia pas një aksioni të Policisë, ku u gjet edhe një armë e motoçikletë që dyshohet se u përdor për vrasjen.

Poashtu mësohet se personi i dyshuar për vrasjen e 40 vjeçarit është V.S.

Tahiri i quan ‘antiamerikanë’ Kurtin e Osmanin: Më mirë ta marrin vrapin për në opozitë – jo për në ShBA

Ish-zëvendëskryeministrja e Kosovës, Edita Tahiri, ka ironizuar me presidenten e Kosovës, Vjosa Osmani dhe kryeministrin Albin Kurti, që dje janë nisur për në ShBA.

Ajo pyet me ironi se çfarë u ka ndodhur liderëve institucionalë që me vrap shkuan në ShBA.

 

 

“Çfarë i ndodhi udhëheqjes tonë antiamerikane që kanë marre vrap në Amerikë – tash kur i prishen marrëdhëniet me ta mirë është ta marrin vrapin në opozitë që të ndalet dështimi i Kosovës”, ka shkruar ajo.

Djali i ish-presdientit Thaçi publikon një fotografi me gjyshin e tij në Burojë

Endriti, djali i ish-presidentit Hashim Thaçi, ka publikuar një fotografi bashkë gjyshin e tij në Burojë.

Këtë e ka bërë të ditur ai përmes një postimi në Instagram, duke shkruar se rrëfimet e babait të ish-presidentit janë gjithmonë inkurajuese.

“Sot, me gjyshin, muhabet e ecje nëpër oborr. Rrëfimet e tij janë gjithmonë inkurajuese. E shtunë me diell në Burojë!”, ka shkruar Endrit Thaçi.

Haradinaj kritikon Qeverinë: Paradite kërkojnë ekstradimin e Radoiçiqit, pasdite thonë drejtësia është e kapur

Kreu i Aleancës për Ardhmërinë e Kosovës, Ramush Haradinaj ka kritikuar Qeverinë Kurti  për sistemin aktual të drejtësisë duke thënë se është “pushtet i çuditshëm”.

Haradinaj përmes një postimi në Facebook tha se “para dite Kurti thotë se Kosova është vendi më demokratik në rajon, e pasdite Kurti dhe njerëzit e tij e sulmojnë pavarësinë e drejtësisë, duke bërë edhe përpjekje për ndërhyrje te gjyqësori”.

Ai ka shkruar se logjika e këtij pushteti nuk ka kuptim për shkak se thuhen gjëra të ndryshime dhe kontradiktore.

Murati tha se rritja ekonomike në tremujorin e dytë 4.27%, Kurti bën këtë veprim

Ministri i Financave, Hekuran Murati, dje tha se ekonomia e vendit “ka vazhduar rritjen edhe në tremujorin e dytë të këtij viti me 4.27% në terma realë sipas ASK-së”.

Ai tha se ka performuar dukshëm mbi projeksionet për rritje prej 3.8%-3.9%.

Murati: Çmimet u ulën, bizneset dhe ekonomia e Kosovës po rriten

Vazhdon të bie çmimi i druve, ja sa kushton një metër

Nga 60-65 euro sa shitej vitin e kaluar, çmimi i një metri dru në tregun kosovar ka rënë në 45-50 euro, bëjnë të ditur shitësit e drurit për ngrohje për portalin Front Online.

“45 euro po shkon një metër dru, në disa raste shitet edhe pak më shtrenjtë”, thotë një shitës i drurit në tregun e Prishtinës, i cili nuk dëshiron të flas me emër.

Ndërsa një shitës nga Komuna e Lipjanit thotë për Front Online se çmimi i një metri dru fillon me 45 euro dhe shkon deri në 55 euro.

Përpos drurit, rënie e çmimit vërehet edhe tek peleti, ku një ton sivjet po shitet prej 120 e deri në 200 euro, përderisa vitet e fundit shitej 550 deri në 600 euro.

Nga kompania ‘Ilko Pelet’, deklaruan për “Front Online” se toni i peletit po kushton aktualisht 120 euro.

“Këtë vit një ton pelet kushton 120 euro”.

Ndërsa nga “Kompania Gorenje” e cila bënë shitjen e peletit kanë treguar për “Front Online” çmimet.

“Nëse i bënë blerjet 2 ton, çmimi për ton është 220 euro, nëse i blenë3 ton ose më shumë 200 euro çmimi për ton”, thuhet në përgjigjen e tyre për Front Online.

Çmimi i lëndëve djegëse për ngrohje sivjet ka rënë dukshëm për shkak se interesimi i qytetarëve është që ngrohjen gjatë sezonit të dimrit ta bëjnë nëpërmjet paisjeve elektrike efiçiente, të cilat edhe sivjet po subvencionohen nga Qeveria e Kosovës.

Më 12 shtator 2024, Ministria e Ekonomisë ka lansuar thirrjen publike për mbështetje për konsumatorët familjarë për investimin në pajisje efiçiente për ngrohje. Masa për mbështetje për familje për pajisje efiçiente për ngrohje parasheh subvencionimin deri në 70% për kaldaja me biomasë(dru, pelet, briket), 40% për klima efiçiente dhe 30% për pompat termike./Front Online/

Kurti: Rritja ekonomike po vazhdon përtej projeksioneve fillestare

Kryeministri i Kosovës, Albin Kurti ka shpërndarë shkrimin e ministrit të Financave, Hekuran Murati i cili ka thënë se ekonomia e vendit ka vazhduar me rritje edhe në tremujorin e dytë të vitit, ku sipas tij, rritja shënohet me 4.27 për qind.

Duke e mbështetur këtë, Kurti u shpreh se kjo po ndodh madje edhe projeksioneve fillestare.

“Masat tona të punësimit, mbështetja për bizneset dhe prodhuesit vendorë, qeverisja e mirë dhe stabiliteti institucional janë shtyllat tona të zhvillimit”, ka shkruar tutje Kurti.

Postimi i plotë:

Rritja ekonomike e qëndrueshme po vazhdon edhe në tre mujorin e dytë të vitit, madje përtej projeksioneve fillestare. Masat tona të punësimit, mbështetja për bizneset dhe prodhuesit vendorë, qeverisja e mirë dhe stabiliteti institucional janë shtyllat tona të zhvillimit.

Lutjet e babait i cili me lot në sy kërkon ndihmë për vajzën e cila vuan nga një sëmundje e rëndë (VIDEO)

Xhelal Smajli, po kërkon ndihmë nga qytetarët, pasi vajza e tij ka probleme të shumta shëndetësore.

Gjendja jo mirë ekonomike ka bërë që ai të kërkojë ndihmë.

Me lot në sy babai i saj flet për vështirësitë.

Kush do të ndihmojë këtë familje ky është numri kontaktues: 049-475-084./indeksonline/

Për më shumë ndiqni videon duke klikuar këtu.