‘Godet’ Haradinaj: Kurti ka me e pas zor me i ikë burgut për korrupsion

Kreu i AAK-së, Ramush Haradinaj e ka akuzuar Qeverinë Kurti për ‘zhytje’ në korrupsion.

Në një intervistë në emisionin ‘Politiko’ me Kushtrim Sadikun në Kanal10, Haradinaj ka thënë se Qeveria Kurti do të dal me e korruptuara jo vetëm në rajon, por shumë me shumë.

Sipas tij, ministrat e Kurtit dhe vet ai do ta kenë vështirë që t’i shpëtojnë burgut për shkak të korrupsionit, raporton gazeta10.

“Ka aktakuza që kanë filluar, ka procese të shumta, ka hetime. Në parlament askush nuk e mohon që janë dhënë qindra tender një burimor, e tenderi një burimor jepet vetëm në ndonjë emergjencë dhe këta ja kanë dhënë dostave. Është e pamundshme që t’i shpëtojnë akuzave, burgut shumica e këtyre. Unë besoj qe edhe Kurti ka me pas zor t’i shpëtoj burgut për korrupsion”, ka thënë Haradinaj.

Ky është moti për nesër dhe ditët në vijim

Nesër në Kosovë na pret mot mjaft i ndryshueshëm. Në mëngjes dhe paradite mund të ketë mjegull dhe intervale kohore me diell, ndërsa pasdite dhe në mbrëmje pritet të kemi dendësim të vranësirave me reshje shiu e rrebeshe lokale me vetëtima dhe bubullimë. Temperatura maksimale pritet të arrijë deri në 21 gradë Celsius, me ulje në kohën e ardhjes së reshjeve të reja.

Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot mjaft i ndryshueshëm, me vranësira të shpeshta të dendura që pritet të kushtëzojnë rrebeshe lokalisht intensive shiu me vetëtima dhe bubullimë.

Mot jo-stabil dhe me reshje lokale pritet të kemi edhe të premten, por reshjet do të jenë paksa më të lokalizuara dhe më të dobëta.

“S’po ka kush me na qu n’spital” – Rrëfimi i dy vëllezërve të moshuar nga Runiku i Skënderajt

Krasniqi: Unë në veri kam shkuar para Kurtit, pa polici dhe pa përcjellje

Kryetari i PDK-së, Memli Krasniqi, ka komentuar vizitën e kryeministrit Albin Kurti në veri.

Ai ka thënë se për një gjë të tillë kryeministrin e kishte ftuar një vit më parë.

Në një intervistë për “Periskop”, ai ka thënë se veri ka shkuar para kryeministrit dhe pa përcjellje.

“Po e vërtetë kam thënë në seancë në qershor të vitit 2023, por ai nuk shkoj i pari më është dasht me shku mua i pari tre ditë pas deklaratës, me i vizitu komunate Zveçanit edhe Zubin Potokut. Nuk e kam lënë me aq kam shkuar përsëri në nëntor, e Kurti ende nuk kishte shkuar. Normal une kur kam shkuar kam shkuar pa polic, pa përcjellje sepse ne jemi opozitë neve nuk na ruajnë 200 policë si Albin Kurtin.”, ka thënë Krasniqi.

Biznesmeni Brestovci konfirmon bashkëjetesën me Angjelina Shalën

Drejtori i Shërbimeve Publike, Bekim Brestovci është fejuar me këngëtaren, Anxhelina Shalën. Këtë e ka konfirmuar edhe vetë Brestovci përmes një postimi në Facebook.

Ai konfirmoi se me Anxhelina Shalën janë duke bashkëjetuar.

“Falënderoj te gjitha portalet,te cilat sot morën mundin, per ta publiku një pjese te jetës sime private. Une dhe Angelina ju jemi mirënjohëse, qe ishit kaq entuziast per ta njoftuar opinionin publik per lidhjen tonë të bashkëjetesës”, ka shkruar Brestovci.

Postimi i plotë:

Falenderoj te gjitha portalet,te cilat sot moren mundin, per ta publiku nje pjese te jetes sime private.

Une dhe Angelina ju jemi mirenjohes, qe ishit kaq entuziast per ta njoftu opinionin publik per lidhjen tonë të bashkëjetesës.

Radojçiqi ka ikë nga Kosova në kohën e qeverisjes time! – Haradinaj: Këta e kthyen!

Lideri i AAK-së, Ramush Haradinaj ka thënë se Milan Radojçiq kishte ikur nga Kosova gjatë kohës së tij.

Në një intervistë në emisionin ‘Politiko’ më Kushtrim Sadikun, Haradinaj ka akuzuar qeverinë Kurti për kthimin e Radojçiqit në Kosovë.

“Nuk janë këta që e kanë hequr Radojçiqin, këta e kanë kthyer. A ka shkuar Radojçiq i ndjekur nga policia e Kosovës dhe shtetit tonë gjatë qeverisjes sime. Shikoni datat, shikoni kohën që atëherë ka ikur ai. Nëse ka hyrë fshehtë bravo i koftë, por nuk ka guxuar me vepruara dhe operuar në veri gjatë kohës së qeverisjes sonë”, ka thënë Haradinaj, përcjell Gazeta10.

Ai ka akuzuar Lëvizjen Vetëvendosje për bashkëpunim me Radojçiqin.

“Gjatë kohës së qeverisë së VV-së, ai ndërtoi villen, gjatë kohës së qeverisjes së këtyre, ai bisedoi për votë që mos t’i përfshijë veteranët në pagën minimale, pra nuk mbulohet dielli me shoshë. Këta janë rrenca, demagogjinë e kanë armë, pra të njëjtit njerëz që e kanë thirr Radojçiqin për t’ia kërkuar votën për të mos i përfshirë veteranët në pagën minimale dhe kanë votuar bashkë me Listën Serbe kundër UÇK-së në parlament, këta njerëz në të njejtën kohë thonë se ne e çliruam veriun”, ka thënë Haradinaj.

Armend Zemaj në rolin e ‘parashikuesit’: LDK e para, VV e dyta, PDK e treta

Deputeti i LDK-së, Amend Zemaj, beson se në zgjedhjet e ardhshme partia e tij do të radhitet e para, e pasuar nga Vetëvendosje, Partia Demokratike e Kosovës, dhe në fund koalicioni NISMA-AAK, për të cilin pati dyshime nëse do të mund ta kalojë pragun.

“Ajo që po dëgjoj në terren është se duhet të luftojnë shumë partitë që janë pak më të vogla për ta kaluar pragun”, deklaroi Zemaj

Zemaj për Presidenten: Dukej që e kishte marr malli për LDK-në

Deputeti Armend Zemaj ka thënë se LDK-ja është e hapur për të gjithë që duan t’i bashkohen asaj, nëse e përqafojnë programin e saj.

Deputeti i LDK-së tha se edhe për presidenten Vjosa Osmani ka vend në parti.

“Duhet thënë diçka: në LDK ka përfunduar një cikël zgjedhor. LDK është një strukturë e zgjedhur në një konventë prej 8 mijë vetëve. Tash, se kush ku e sheh të ardhmen e vet, edhe në aspektin dëshiror e edhe në fuqinë politike, vjen koha dhe mundemi me qenë pjesë e çdo mandati udhëheqës brenda LDK-së”, tha Zemaj në “DPT te Fidani” në Klan Kosova.

Zemaj u pyet nëse ka vend për Vjosa Osmanin që të rikthehet në LDK.

“Në pjesën e brendshme të LDK-së, (mundësia) është pas katër vitesh, por për të qenë anëtar, mund të jetë nesër. Nuk mund të ketë kushte (për anëtarësim) sepse ne jemi parti e hapur. Nuk kemi kushte, sepse kushdo që e përqafon programin e LDK-së, mundet me garu, edhe me zgjedh e edhe me u zgjedhë. Nëse (Osmani) e do aq shumë LDK-në, duhet pak sakrificë, le ta lëshojë nesër pozitën e presidentes, pastaj vjen. Kjo nuk është ofertë, por është sakrificë për të”, potencoi deputeti Zemaj.

Megjithatë, ai tha se nuk beson se presidentja Osmani është e gatshme të rikthehet në familjen e saj të vjetër politike, “duke e pasur parasysh se nëpër çka ka kaluar, ose s’po them çfarë ka bërë, për të mbërritur aty”.

Duke folur për ngjarjen e para disa ditëve në Podujevë, ku u zbulua shtatorja e presidentit Ibrahim Rugova, Zemaj tha se Osmanin “dukej që e kishte marrë malli” për LDK-në.

Nuk i ndal ‘filmat’ Vuçiq, ja çfarë deklaron tani

Presidenti i Serbisë, Aleksandar Vuçiq, ka theksuar sonte se përfaqësuesit e Kosovës nuk kanë dashur asnjëherë dialog dhe se qëllimi i tyre kryesor është dëbimi i serbëve.

Vuçiq, për TV Pink, i pyetur për takimin e ri të negociatorëve të Serbisë dhe Kosovës në Bruksel – ka thënë se asnjëherë nuk ka pasur dialog dhe bisedë reale.

“Ata nuk kanë dashur asnjëherë dialog. Asnjëherë nuk kemi pasur dialog dhe biseda reale. Ata gjithmonë janë përpjekur të përdorin truket për të fajësuar Serbinë”, ka shpjeguar ai.

Vuçiq u shpreh duke iu përfaqësueseve të Kosovës si njerëz që në vete kanë regjimin e Enver Hoxhës.

“Disa thonë se janë stalinistë, por unë as që do t’i nderoja me këtë. Është një ideologji anarkiste, marksiste, hoxhiste, qëllimi i parë i së cilës është dëbimi i serbëve, shkatërrimi i popullit serb në Kosovë dhe gjithçka që mund të bëhet kundër Serbisë”, ka theksuar ai.

Ai tha se kur ka një qëllim të tillë, por nuk ka rezultate ekonomike dhe fabrika të reja, atëherë është e qartë se çfarë do të bëjnë.

“Nuk duan dialog dhe bisedime dhe thonë se janë shtet sovran dhe se nuk kanë çfarë të flasin. Kur e sheh këtë, e di se je në një situatë të vështirë sepse e sheh që pala tjetër nuk dëshiron të flasë për asgjë”, shtoi ai.

Ai ka thënë se nuk beson se do të vijnë ditë të mira, por do të ketë probleme të panumërta.

“Ne po përgatitemi për kuvend, për masat tona, për të ndihmuar popullin tonë”, tha ai.

Vuçiq ka theksuar se ka parë që sot nga Kosova kanë paralajmëruar hapjen e urës në Ibër gjatë gjithë ditës dhe ka thënë se do të shoh nëse NATO do ta mbajë fjalën që i dhanë Serbisë dhe se nuk do të lejojnë hapjen e urës.

I pyetur për drekën e punës, e cila do të organizohet nesër nga presidentja e Komisionit Evropian, Ursula von der Leyen, për liderët e Ballkanit Perëndimor – Vuçiq tha se është një takim i rëndësishëm ku do të diskutohet për agjendën e rritjes, reformat e nevojshme për tregun e vetëm evropian, që, shton ai, nënkupton ish-tregun e vetëm ballkanik.

“Besoj se do të jetë një takim i rëndësishëm ku presidenti i Komisionit Evropian do të tregojë se Marta Kos do të udhëheqë pjesën përgjegjëse për zgjerimin e BE-së dhe se do të njihemi me agjendën e re. Besoj se do të jetë një bisedë e drejtë dhe kjo varet nga Prishtina dhe Sarajeva”, tha ai.

“Nëse Trump fiton, do të lirohet Thaçi”

Ish-emisari special presidencial për dialogun Kosovë-Serbi, Richard Grenell, ka thënë se ka punuar me kryeministrin Albin Kurti dhe ka potencuar se problemi me liderin e VV-së është se “është në mënyrë konstante anti-amerikan”.

“Ai është tani lideri i Kosovës që është kritikuar nga e gjithë bota, nga Departamenti Amerikan i Shtetit, Shtëpia e Bardhë e drejtuar nga Biden, nga BE-ja, gjermanët e Franca”, ka thënë Grenell në një intervistë.

Ai është pyetur edhe për prokurorin amerikan, Jack Smith, që ka lëshuar fletë arrestin për ish-presidentin Hashim Thaçi dhe që më pas ka lënë Zyrën e Prokurorit të Specializuar në Hagë dhe është kthyer në SHBA për të ndjekur penalisht ish-presidentin amerikan, Donald Trump.

Grenell ka thënë se fletarrestimi për Thaçin është lëshuar në kohën kur po bëhej progres sa i përket dialogut Kosovë-Serbi dhe kur ish-presidenti kosovar ishte ftuar në Washington. Grenell thotë se Smith e kishte targetuar Thaçin dhe sipas tij, fakti që ish-presidenti kosovar vazhdon të qëndrojë në burg është një mizori.

Ish-emisari amerikan, që është përfolur se mund të emërohet edhe Sekretar i Shtetit në rast të një fitoreje të Trump në zgjedhjet e nëntorit, ka thënë se s’ndjehet mirë për faktin që Thaçi gjendet në burg, meqë arrestimi i tij ndodhi pasi u ftua që të udhëtojë drejt SHBA-së për Marrëveshjen e Washingtonit.

Grenell ka thënë se e ndjenë që duhet të bëjë diçka për të nxjerrë nga burgu dhe thotë se mezi pret që Trump të fitojë sepse do ta lirojnë ish-presidentin Hashim Thaçi nga burgu.

“Çfarë unë besoj, është që kur ne ishim duke bërë progres, Jack Smith ishte në Hagë atë kohë, targetoi presidentin Thaçi. Tani presidenti Thaçi vazhdon të jetë në burg dhe kjo është një mizori. Për mua është një mizori. S’ndjehem mirë për një situatë të tillë, sepse ne e ftuam që të vijë në SHBA të negociojë dhe ai u penalizua dhe shko në burg për këtë. Unë e ndjej që duhet të bëjë diçka që të nxjerr nga burgu dhe kam provuar dhe mezi pres që presidenti Trump të fitojë dhe sepse do ta nxjerrim Thaçin nga burgu”, ka thënë Grenell.