I ndjeri kishte ndërruar jetë vetëm pak ditë pasi diplomojë në Fakultetin e Filologjisë në Prishtinë, përcjell IndeksOnline.
Ministri i Pushtetit Lokal, Elbert Krasniqi, në një intervistë për FRONTAL të T7 është pyetur për mbylljen e komunave paralele në Republikën e Kosovës, shkruan Gazeta Express.
Krasniqi është pyetur për komunën paralele në Graçanicë, dhe ka paralajmëruar se e njëjta do të mbyllet.
“Pas Prizrenit, Dragashit, Klinës, Istogut, radha ka ardhë në Mitrovicë. Të gjitha do të mbyllen. S’do të mund të ekzistojë në Kosovë asnjë komunë paralele”, ka thënë ministri Krasniqi.
Kryeministri i Kosovës, Albin Kurti, dhe presidenti i Serbisë, Aleksandër Vuçiq, kanë marrë ftesën për drekë pune nga Presidentja e Komisionit Evropian, Ursual von der Leyen, që do të organizohet nesër në Bruksel.
Këtë e ka konfirmuar zëdhënësja e Komisionit Evropian, Ana Pisonero, e cila ka bërë të ditur se i ftuar në këtë drekë është edhe kryeministri i Shqipërisë, Edi Rama, bashkë me kryesuesin e Këshillit të Ministrave të Bosnjë-Hercegovinës, kryeministrin e Maqedonisë së Veriut, dhe kryeministrin e Malit të Zi.
Sipas Pisoneros, Komisioni Evropian aktualisht është duke finalizuar rishikimin e agjendave të reformave të paraqitura nga vendet e Ballkanit Perëndimor.
“Këto janë agjenda reformash nga aspekti socio-ekonomik, por edhe fusha themelore. Ndërsa jemi duke finalizuar shqyrtimin e këtyre agjendave të reformës, ne do të konsultohemi me shtetet anëtare në komitetin e ardhshëm të IPA-s. Nëse komiteti IPA merr një vendim pozitiv, komisioni do të pranojë agjendat e reformës”, ka potencuar ajo.
Biznesmeni dhe drejtori i Shërbimeve Publike Bekim Brestovci është fejuar me këngëtaren shqiptare në Gjermani Angelina Shala, shkruan Periskopi.
Fotot i ka bërë publike vetë bukuroshja në profilin e saj në Instagram.
Madje në profilin e saj mban edhe inicialet e biznismenit Brestovci.
Përkundër diferencës së madhe në moshë, kjo si duket nuk është problem për çiftin dhe dashurinë e tyre e kanë kurorzuar me fejesë.
Kujtojmë se Angelina Shala në vitin 2017 kishte një aferë me deputetin e Nismës, Haxhi Shala.
“Uroj që hapjen e Urës së Ibrit nuk e kanë shtruar si temë diskutimi me palën serbe”, tha ajo.
Sipas saj “ky cënim i sovranitetit dhe kushtetutës tonë, do të ishte i papranueshëm”.
Kryenegociatorët e Kosovës dhe Serbisë, Besnik Bislimi dhe Petar Petkoviq, u takuan të martën ndaras në Bruksel me të dërguarin e Bashkimit Evropian Miroslav Lajçak, në një raund të ri bisedimesh, mes debateve për situatën në veriun e Kosovës dhe përpjekjeve të BE-së për të shtyrë palët drejt zbatimit të Marrëveshjes së Ohrit.
Lajçak takoi ndaras të dy palët, por nuk pati një takim trepalësh.
Sipas numrit dy të qeverisë kosovare, ishte Petar Petkoviq ai i cili kushtëzoi agjendën e takimit trilateral me kërkesa të papranueshme për Kosovën, por nuk i bëri të ditura se cilat ishin kërkesat.
Gjatë takimit atje, u diskutua edhe çështja e hapjes së urës mbi lumin Ibër në Mitrovicë.
Përmes njoftimit nga Zyra e Kryeministrit, u bë e ditur se Bislimi ka theksuar se sipas BE-së dhe raporteve të Komisionit Evropian që nga viti 2014, ura duhet të hapet pa vonesa të mëtejme.
“Mbi lirinë e lëvizjes, zëvendëskryeministri e informoi z. Lajçak mbi lehtësimin nga ana e Qeverisë të konvertimit të patentë-shoferëve për qytetarët e komunitetit serb dhe mbështetjes së tyre në këtë proces.
Njëherit, Bislimi ka thënë se kjo çështje është trajtuar e dakorduar në Bruksel në kuadër të procesit të dialogut.
“Ajo duhet të hapet sipas marrëveshjes ekzistuese, ku edhe cilësohet si simbol i normalizimit”, ka deklaruar Bislimi.
Halimi tha se Kurti, hapjen e Urës së Ibrit e ka bërë për popullizëm dhe vota.
“Mendoj se çështjen e hapjes së Urës së Ibrit e ka bërë për popullizëm, dështime dhe vota e për të fituar në kurriz të qytetarëve atje. Albin Kurti mund të sanksionohet dhe të shpallet person ‘non-grata’”, tha ai në “Kosova Today” në Klan Kosova.
Emisari gjerman, Manuel Sarrazin, ka vizituar Kosovën dy herë radhazi në përpjekjen e tij për të shtyrë përpara synimin e Qeverisë së kancelarit Scholz, që na kuadër të Procesit të Berlinit, të përmirësojë nivelin e bashkëpunimit tregtar mes vendeve të Ballkanit Perëndimor. Sarrazin gjatë qëndrimit të tij në Prishtinë ka prezantuar ofertën e Gjermanisë për zëvendësimin e UNMIK-ut në CEFTA me Kosovën, ndërkohë që në këmbim kanë kërkuar nga Kosova heqjen e masës së sigurisë për mallrat që hyjnë nga Serbia brenda territorit të Republikës së Kosovës.
Në një përgjigje për Gazetën Express nga Ambasada Gjermane në Prishtinë kanë thënë se Procesi i Berlinit është formati i vetëm përfshirës për të gjitha gjashtë vendet e Ballkanit Perëndimor që synon përmirësimin e bashkëpunimit rajonal si dhe bashkëpunimin me BE-në për një numër fushash për të përkrahur vendet e rajonit që të arrijnë standardet e BE-së dhe integrimin e tyre në BE.
Zëdhënësi i Ambasadës Gjermane, Christian Bottcher, ka thënë për Gazetën Express se politika e ftesave në kuadër të Procesit të Berlinit s’do të ndryshojë dhe se shpresojnë që Kosova do të vazhdojë të marrë pjesë.
Por Bottcher nënvizon se nëse Kosova do të vazhdojë të bllokojë progresin e mëtejshëm në kuadër të Tregut të Përbashkët Rajonal, do të gjendet një rrugë për të vazhduar këtë platformë edhe pa Kosovën.
“Natyrisht, politika e ftesave e Procesit të Berlinit nuk do të ndryshojë dhe ne shpresojmë që Kosova të vazhdojë të marrë pjesë. Megjithatë, nëse Kosova vazhdon të bllokojë çdo përparim të mëtejshëm në Tregun e Përbashkët Rajonal, ne do të gjejmë një mënyrë për të vazhduar këtu pa Kosovën”, ka thënë zëdhënësi i Ambasadës Gjermane për Gazetën Express.
Të njëjtën porosi qeverisë ia la edhe Ministrja gjermane e Shtetit për Europën, Anna Luhrmann e cila qëndroi në fillim të javës në Prishtinë.
Luhrmann u prit nga Osmani, ndërkohë që për takim bilateral me Kurtin s’u njoftua edhe pse ajo me shefin e qeverisë u pa në një ngjarje ku si duket e përcjell përsëri mesazhin nga Berlini.
“Mirënjohëse për diskutimet e hapura në Kosovë, përpara takimeve të këtij 10-vjetori të Procesit të Berlinit. Ia bëra të qartë Qeverisë se ne i bëjmë thirrje Kosovës të bëjë të mundur zhbllokimin e CEFTA-s dhe të lejojë avancimin në Tregun e Përbashkët Rajonal për të sjellë përfitime konkrete për njerëzit në Kosovë”, shkroi ajo në”X”
Mosbllokimi i progresit të Tregut të Përbashkët Rajonal lidhet me zhbllokimin e vendimmarrjes në CEFTA. Nga Ambasada Gjermane kanë treguar se Gjermania ka negociuar një marrëveshje paketë, për të hequr UNMIK-un nga vendimmarrja e CEFTA-s, në mënyrë që Kosova të përfaqësojë veten ndërsa Kosovës në anën tjetër i është kërkuar heqja e ndalesës së importit për mallrat serbe.
Nëse ky zhbllokim i vendimmarrjes në CEFTA do të bëhet i pamundur nga Kosova, zëdhënësi i Ambasadës Gjermane ka thënë se një gjë e tillë do të bëhet edhe pa Kosovën. Bottcher ka thënë se i takon Kosovës të vendos se në cilat pjesë të bashkëpunimit rajonal dëshiron të marrë pjesë.
“Kjo përfshin zhbllokimin e vendimmarrjes së CEFTA-s. Gjermania ka negociuar një marrëveshje paketë për të hequr UNMIK-un nga vendimmarrja e CEFTA-s, në mënyrë që Kosova të përfaqësojë vetveten. Në të njëjtën kohë, Kosovës i kërkohet të heqë ndalimin e importit të mallrave nga Serbia. Nëse një zgjidhje për CEFTA-n bëhet e pamundur nga Kosova, atëherë do të ndodhë pa të. Do të jetë vendimi i Kosovës në cilat pjesë të bashkëpunimit rajonal do të vazhdojë të marrë pjesë”, ka thënë Bottcher.
Nga Qeveria e Kosovës pas vizitës së Sarrazin kishin deklaruar që masa e sigurisë për mallrat serbe s’lidhet me zhvillimet në kuadër të CEFTA-s. Këshilltari i kryeministrit Albin Kurti, Jeton Zulfaj, kishte shkruar se masat e Kosovës s’kanë të bëjnë me tregtinë, por rrjedhin si rezultat i kërcënimeve të sigurisë.
“Pas tre vjetësh bllokade nga Serbia brenda CEFTA-s, kemi një zgjidhje kompromisi. Serbia tani ka kushtëzuar këtë zgjidhje me heqjen e masave të sigurisë së Kosovës në pikat kufitare me Serbinë. Këto dy çështje nuk janë të lidhura. Masat e Kosovës nuk kanë të bëjnë me tregtinë, por rrjedhin nga kërcënimet për sigurinë tonë kombëtare, të zbatuara jo nga Ministri ynë i Tregtisë, por nga autoritetet tona të sigurisë. Kosova është anëtari më proaktiv i Procesit të Berlinit dhe Kryeministri Kurti ka promovuar vazhdimisht integrimin e mëtejshëm”, kishte shkruar Zulfaj më 5 shtator, pas takimit që Sarrazin kishte pasur me kryeministrin Albin Kurti.
Ndërkohë presidentja e Kosovës, Vjosa Osmani, duke folur për paralajmërimin gjerman, kishte thënë se ekziston rreziku që të përjashtohet Kosova, ndërkohë që kishte bërë thirrje për institucionet e Kosovës që të angazhohen për të mos ndodhur përjashtimi.
“Unë më së pari angazhohem që të bindet Gjermania që Kosovën mos ta largojnë pavarësisht këtyre. E dyta që bëjë unë i propozoj 10 fjali të ndryshme që arrijnë qëllimin e Kosovës, por duken si kompromis, sepse mund të gjindet rrugë e përbashkët. Propozime të tilla duhet të diskutohen me të gjithë sepse janë Dogana dhe Policia e Kosovës ata që e zbatojnë, ku policia shkonë nëpërmjet MPB-së sa i përket zinxhirit politik, ndërsa Dogana nëpërmjet Ministrisë së Financave, pra e natyrshme që duhet të bashkëpunojmë, nuk e mar telefonin me iu dhënë urdhëra.”, kishte thënë Osmani./GazetaExpress/
Kryetari i Komunës së Prishtinës, Përparim Rama, ka dhënë detaje rreth reformës së transportit publik në kryeqytet.
Rama ka thënë se janë mbi 5 milionë euro fonde për trafikun urban dhe operatorët privatë. Për operatorët privatë, Rama ka thënë se duke filluar nga 1 janari 2025, ata do ta kenë pagesën për kilometër, jo me bileta, raporton Express.
“E kemi një numër të madh të fondeve të ndara edhe për trafikun urban. I kemi më shumë se pesë millionë euro për trafikun urban dhe operatorët privatë Tash trafikun urban në këtë javë do të t’i nënshkruajmë edhe kontratat me operatorët privatë, ku ka me iu mundësu atyre me e ngrit nivelin e shërbimeve ndaj qytetarëve duke i blerë autobusët e rinj edhe prej 1 janari të vitit të ardhshëm kanë me pas pagesën për kilometër, jo me bileta. Biletat do ti kemi ne, do ti digjitalizojmë dhe kryeqyteti do të jetë ai që do t’i merr këto bileta drejtpërdrejtë”, ka deklaruar Rama në seancën për miratimin e buxhetit për vitin 2025.
Sipas tij, shërbimi për qytetarët do të lehtësohet.
“Shërbimi për qytetarët ka me qënë i lehtë sepse nuk kanë nevojë me i ble dy bileta, por një edhe për ata që operojnë privatë edhe për trafikun urban”, ka thënë Rama.
Imami Labinot Maliqi ka takuar sot kryeparlamentarin, Glauk Konjufca. Temë diskutimi ka qenë edhe mbajtja e shamisë së vajzave për femrat që arsimohen në Kosovë.
“Ishte një nder i veçantë të takoja kryetarin e Kuvendit të Republikës së Kosovës, Z. Glauk Konjufca, si edhe shefin e kabinetit të kryetarit të kuvendit, Z. Ilir Kërçeli.
Zhvilluam një diskutim të thelluar mbi sfidat kryesore që përballon shoqëria jonë. Gjatë këtij takimi, theksuam veçanërisht rëndësinë e arsimimit të vajzave që mbajnë shami (ku fytyra është e dukshme) si edhe shqyrtuam nevojat dhe kërkesat e komunitetit mysliman në Kosovë. U përqendruam në domosdoshmërinë e adresimit të këtyre çështjeve, duke i parë si një faktor kyç për zhvillimin gjithëpërfshirës të vendit.
Shpreh mirënjohjen time të thellë për kohën dhe gatishmërinë që kryetari i kuvendit, Z. Konjufca, tregoi gjatë takimit tonë. Angazhimi dhe vullneti i tij për t’u përfshirë në një diskutim kaq të rëndësishëm vlerësohet jashtëzakonisht shumë” shkruan imami Maliqi në njoftim.
Gjatë mëngjesit të sotëm ndodhi një aksident i rëndë mes një kamioni dhe një veture në fshatin Doberllukë të Vushtrrisë, ku për pasojë la një person të vdekur, raporton Sinjali.
Sinjali ka mësuar se personi që vdiq sot në aksidentin e rëndë është Agron Zhigolli rreth 55 vjeçar.
Gjithashtu, Sinjali ka siguruar edhe fotografinë e viktimës:
Lajmin për vdekjen e 55 vjeçarit për Sinjalin e ka konfirmuar edhe zëdhënësi i policisë për rajonin e Mitrovicës, Avni Zahiti, i cili tha se aksidenti ka ndodhur në fshatin Doberllukë dhe se një person ka vdekur në vendngjarje.
“Rreth orës 12:00 ka ndodhur një aksident trafiku mes një kamioni dhe një veture. Si pasojë e aksidentit, shoferi i veturës ka vdekur në vend”, tha Zahiti.
