Limaj: Koalicioni AAK-Nisma do t’i fitojë 15 për qind të votave

Fatmir Limaj kryetar i Nismës, ka folur rreth pritshmërive për zgjedhjet e 9 shkurtit të vitit 2025.

I pyetur rreth për qindjes që synojnë bashkë me AAK-në, me të cilën lidhën një koalicion, Limaj ka qenë goxha optimist.

Në “Debat Plus” Limaj tha se synojnë të fitojnë 15 për qind të votave.

“Koalicioni nër 15 për qind, nuk besoj, punojmë për 15 për qind. Synim, synim, punojmë, ka hapësirë me shku atje. Unë besoj që qytetarët e Kosovës, sidomos ata që kanë votuar këtë qeveri, duhet me kanë të parët që duhet mi gra me ndryshu këtë qeveri”, tha ai.

A ka AAK vija të kuqe për Vetëvendosjen? Flet deputeti Pal Lekaj

Deputeti Pal Lekaj, në një intervistë për Gazeta Blic, thotë se AAK do të triumfojë në zgjedhje, duke shtuar se Haradinaj ka përvojën qeverisëse.

“Sa i përket AAK-së është e përgatitur që në këto zgjedhje të triumfojë, të bëjë punën e vet. Kudo që po i takojmë qytetarët po na besojnë në programin tonë, ne e kemi përvojën qeverisëse, kryetari Haradinaj ka qenë dy herë mandatar, kryeministër dhe në këtë kemi bërë një program të qartë alternativ, që me të vërtetë Aleanca del triumfuese në këto zgjedhje”, shprehet ai.

Ndërsa, lidhur me mundësinë për koalicion me Lëvizjen Vetëvendosje, Lekaj thotë se presin fillimisht të shohin rezultatin e zgjedhjeve dhe më pas të vendosin.

“Është herët të bisedohet sa i përket koalicioneve, ne do të shohim rezultatin dhe pas zgjedhjeve do të shohim për koalicione. Mendoj që qytetarët do të na tregojnë se kah do të shkojë Aleanca apo opozita por edhe Vetëvendosje”, deklaron deputeti Pal Lekaj.

Dy qytetarë i rebelohen Dardan Molliqajt në protestën tek ura e Ibrit

Partia Socialdemokrate po mban një aksion simbolik afër Urës së Ibrit. Por dy qytetarëve të Mitrovicës, nuk u pëlqeu aksioni i PSD-së.

 

 

 

Teksa kaluan tek ura e Ibrit, ku po mbahej aksioni ata iu rebeluan kreut të PSD-së Dardan Molliqajt.

Derisa Molliqaj po e mbante fjalimin e planifikuar, dy qytetarë që kaluan andej kundërshtonin aksionin e Molliqajt, për të cilin thonin se s’ka ardhë aty për ndonjë të mirë.

“Dardan Molliqaj qysh s’po i vjen marre me dal këtu. Kjo u bë si urë e shenjtë,  vjen gjithkush këtu, kujt t’i teket prej kahmosit,  e vjen e flet këtu keq për Kosovë. Turlifare t’u ardh këtu. Çifti i këtij e ka ndarë Mitrovicën. Me pas organizu popullatën në fillim s’kishe pa  barrikada këtu. Tash vjen çifti i Dardan Molliqajt e shet mend këtu. Që tybe n’koft ardh për një të mirë ky,  zoti më marroftë“, tha njëri nga qytetarët e revoltuar.

VIDEO

Banesa përfshihet nga flakët, djali hyn për të shpëtuar nënën, humbin jetën të dy

Aksioni i PSD-së te ura e Ibrit, Molliqaj: Veprimet e Kurtit çojnë në izolim

Deputeti Bekë Berisha shfaqet me krah të thyer pas aksidentit, tregon për momentet e para pas përplasjes

Deputeti i AAK-së, Bekë Berisha, ka pësuar aksident ditë më parë nga ku edhe duket që ka marrë lëndime serioze. Në fotografinë e publikuar sot në profilin e tij, deputeti Berisha shihet që e ka thyer krahun e djathtë.

Në këtë reagim të tij lidhur me aksidentin, Berisha ka rrëfyer edhe për momentet e vështira pas përplasjes dhe për policen e Kosovës që e kishte ndihmuar pas aksidentit

Në fund të shkrimit të tij pasi ka falënderuar Policinë e Kosovës dhe mjekët në QKUK që e kanë operuar, deputeti Berisha ka pasur një mesazh për të rinjtë, duke iu thënë që përshtatja e shpejtësisë me kushtet e rrugës është jetike. Gjithashtu ka thënë se s’duhet harruar vendosja e rripit të sigurisë./Express/

Dëshmitari i Prokurorisë për krerët e UÇK-së në Hagë: S’kam asgjë ndaj tyre se nuk i njoh, nuk e di pse jam ftuar

Halim Berisha, gjatë dëshmisë së tij në seancën e gjykimit ndaj ish-krerëve të UÇK-së në Hagë, tha se nuk i njeh të akuzuarit, nuk ka asgjë ndaj tyre dhe nuk e dinë arsyen përse ZPS-ja e ka ftuar për të dëshmuar në këtë gjykim.

“Nuk i njihja, absolut nuk i njoh asnjë dhe nuk e di arsyen pse më kanë ftuar”, tha ai në seancë.

Përpara kësaj, duke u përgjigjur në pyetjet e mbrojtjes së Thaçit, ai pohoi se e kishte thirrur dy herë në telefon Prokurorinë për të pyetur pse duhej të jepte dëshmi në këtë proces gjyqësor, pasi nuk e kishte kuptuar arsyen e një gjëje të tillë.

Ai gjithashtu pohoi se i kishte thënë ZPS-së se ai nuk kishte dëshmi kundër të akuzuarve për shkak se nuk kishte asgjë kundër tyre dhe nuk i njihte.

“Shumë e saktë. Nuk kam kurrgjë ndaj tyre, nuk i njoh. Nuk e di”, tha dëshmitari i Prokurorisë, raporton Betimi për Drejtësi.

Çitaku Kurtit: Biden i keq, Trump i keq, Mogerini e keqe, Grenelli i keq, Lajçak i keq, vetëm ti e ke mirë a po Albin?

Vlora Çitaku nga PDK ka thënë se dje Serbia ka nënshkruar një marrëveshje me SHBA’të për investime strategjike në fushën e energjetikës. Ajo përmendi edhe marrëveshjen me Gjermaninë për litiumin dhe me Francën për avionët.

Çitaku shtoi se Kosova është “e izoluar, e sanksionuar, e përjashtuar”.

“Serbia dje e nënshkroi një marrëveshje me SHBA për investime strategjike në fushën e energjetikës. Kjo pas marrëveshjes me Gjermaninë për Litium, dhe me Francën për avionët e avancuar ushtarak. E Kosova? E izoluar, e snaksionuar, e përjashtuar.”

Ajo tha se kur miqtë thonë që Kosova është në rrugë të gabuar “është koha me e pa veten në pasqyrë”.

“Kur miqtë tanë, ata pa ndihmën e të cilëve nuk do të ishim as të lirë e as të pavarur, që të gjithë, na thonë që jemi në rrugë të gabuar, është koha me e pa veten në pasqyre.”

Çitaku tha se për këtë nuk ka faj askush. Ajo iu drejtua Kurtit duke i thënë “vetëm ti e ke mirë, krejt na kanë faj”.

“Nuk na ka faj kërkush. Biden i keq, Trump i keq, Mogerini e keqe, Borelli i keq, Greneli i keq, Lajcak i keq, Merkel e keqe, Scholz i keq, Macroni i keq, Rama i keq. Krejt na kanë faj. A po Albin? Vetëm ti e ke mirë. Ti edhe kush? Kush janë aleatët e tu Albin? Se pa aleatë nuk mundet as Amerika.”

“Albin Kurti, Kosova është ma e madhe dhe më e rëndësishme se egoja jote. Mashtrimit tënd po i vie fundi.”

“Vuçiq tha gënjeshtra në 60 sekonda, në fjalimin e fundit ku i prezantoi masat për Kosovën”

Profesori universitar serb Ratko Ristic tha se presidenti serb Aleksandar Vuçiq ka thënë disa gënjeshtra në më pak se 60 sekonda dhe i ka thënë që të respektojë pak më shumë komunitetin shkencor të Serbisë, të mos e përdorë atë në mënyrë utilitare dhe në përputhje me nevojat e tij politike.

“Dëshiroj t’i drejtohem publikut lidhur me sulmin e fundit të presidentit të Serbisë, Aleksandar Vuçiq, ndaj meje dhe bashkëpunëtorëve të mi, ku ai tha disa të pavërteta dhe gënjeshtra në më pak se 60 sekonda. E para ka të bëjë me faktin se kam grabitur buxhetin e shtetit, që është absolutisht e pavërtetë dhe do të doja më shumë që policia të bënte pjesën e saj. Nëse është e vërtetë ajo që thotë ish-kryetari i partisë së prapambetur antiserbe, Aleksandar Vuçiq, atëherë unë duhet të jem në burg, jo i lirë”, tha Ristiq, duke iu referuar fjalimit të fundit të presidentit serb Aleksandar Vuçiq, gjatë të cilit ai prezantoi masat për Kosovën.

E dhimbshme: 12-vjeçari që vdiq dje në Malishevë ishte rrëzuar në shtëpinë e tij

Policia e Kosovës ka dhënë detaje lidhur me vdekjen e një 12 vjeçari dje në QKUK përcjell Gazeta Express.

Sipas policisë, ai para disa ditësh ishte rrëzuar në shtëpinë e tij.

Malishevë  16.09.2024-14:00. Është raportuar se viktima mashkull kosovar, i mitur i cili ishte duke u trajtuar në QKUK si pasojë e lëndimeve të marra pasi ishte  rrëzuar në shtëpinë e tij sot me datën 18.09.2024 ka ndërruar jetë. Me vendim të prokurorit trupi i pa jetë është dërguar në IML për obduksion”, përcjell Gazeta Express.

Sipas raportimeve të mediave, ai ishte rrëzuar në banjën e shtëpisë së tij në Malishevë.