Këto zona do të jenë pa rrymë të enjten thuajse tërë ditën

Kompania për Distribuimin e Energjisë Elektrike në Kosovë (KEDS) njofton se më 17.10.2024 do të kryhen punime të domosdoshme për siguri të sistemit energjetik.

Si i rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Prishtinë:

Punime të domosdoshme për siguri të sistemit

1.

Nga TS 35/10kV Badovci do të ndërprehet:

Dalja 10kV Mramor-Slivovë (kodi: 10014001)  nga ora 09:00 deri 14:00

Vendet: Mramori, Slivova, Brusi, Busia, Zllasha, Viti e Marevcit dhe Mareci.

Arsyeja: Mirëmbajtje preventive.

2.

TS 110/10(20)kV Prishtina 7 do të ndërprehet:

NS 10/04kV Besnik Pllana-BP Home Village L.L.C (kodi: 19000036348) nga ora 10:00 deri 11:00

Vendet: Lagjja Qershia.

Arsyeja: Ndërprerje për siguri, Lëvizja e kthinave në Stabilimentin Shpërndarës-Shtëpia e mallrave (Benafi).

3.

NS 35/20[kV] Fushë Kosova II

Nga  Dalja 20 [kV] Dalja FK nr. 9 do të ndërpritet:

NS 10/0.4[kV] Enver Kutllovci -Xhafa Construction SHPK (kodi: 10012282270) prej  ores 10:00 – 12:00 .

Vendet: Një pjesë e Rr. Hajrullah Zymi, Rr. Albulena dhe Rr. Besa-Besë.

Arsyeja: Ndërprerje për shkaqe sigurie. Ndërrimi i kthinave 20 kV.

4.

NS 35/10[kV] Badovci

Nga Dalja 10 [kV] Mramor-Slivovë do të ndërpritet:

NS 10/04[kV] Busia (kodi: 10014001015) prej orës 10:30 deri në ora 15:00

Vendet: Busia.

Arsyeja: Ndërprerje për shkaqe sigurie dhe instalimi i kabllos ABC.

5.

TS 220/35/10(20)[kV] Podujeva do të ndërpritet:

NS 10/04[kV] Sekiraça 2 kodi: 14000009078  nga ora 17:00 deri 18:00

Vendet: TS Sekiraça 2.

* * *

Punime në projekte investive

1.

NS 35/10[kV] Fushë -Kosova II do të ndërprehet:

Dalja 10kV Bardhi i Madhë (kodi: 15018018) nga ora 09:00 deri 18:00

Vendet: Lagjja 28, një pjesa e Fushë-Kosovës pas Hekurudhës, Kuzmini dhe Bardhi i Madh.

Arsyeja: Projekte investive, ndërrimi i konzollave.

* * *

Punime nga pala e tretë

1.

Nga TS 110/10(20)kV Prishtina 3 do të ndërprehet:

Dalja 10kV  Arbëria 2 (kodi: 12000012) nga ora 10:00 deri 14:00

Vendet: Lagjja Arbëria (një pjesë)

Arsyeja: Krijimi i sistemit hyrje dalje sipas pëlqimit elektro-energjetik.

Prizren:

Punime të domosdoshme për siguri të sistemit

1.

Nga  TS 35/10kV Dragash (H03) do të ndërprehet:

NS 35/10kV Dikanca (kodi 300370) dhe pa tension mbesin të gjitha daljet 10kV  prej orës 10:00  deri në ora 14:00

Vendet: fshatrat: Baçkë, Dikancë, Leshtan dhe Radesh, Brod dhe ”FRIGO FOOD E.I”SH.P.K. në Dikancë.

Arsyeja: Mirëmbajtje preventive (shtrëngimi i përçuesve, ndërrim i shtyllave/izolatorëve të dëmtuar) dhe pastrimi i trasesë.

Vërejtje!  Ka BRRE.

2.

Nga NS 110/35/10 kV Theranda do të ndërprehet:

Dalja 10kV  Shpenadia (kodi: 32000023)  nga ora 10:30 deri 15:00

Vendet:  fshatrat: Caparc, Novak, Serbica e Epërme, Shpenadi, Smaç, Trepetincë dhe Velezhë.

Arsyeja: Mirëmbajtje preventive e daljes 10 [kV] (shtrëngimi i përçuesve, ndërrim i shtyllave/izolatorëve të dëmtuar) dhe pastrimi i trasesë.

Ferizaj

Punime të domosdoshme për siguri të sistemit

1.

Nga TS 35/10 kV Shtime do të ndërprehet:

Dalja 10kV Rashinca (kodi: 41046001) nga ora 09:30 deri 14:30

Vendet: fshatrat: Davidovc, Gjugjaj (Gjurkoc) (një pjesë),  Gjurkoc, Rashincë, Vojnoc dhe një pjesë e rrugës Komandant Kumanova.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Mitrovicë

Punime të domosdoshme për siguri të sistemit

1.

Nga NS 110/10(20) kV Skenderaj do të ndërprehet:

LP 20kV H01 Runiku (Kodi: 74000005)  nga ora 10:30 deri 14:30

Vendet: Bajë, Çitak, Qubrel, Kastriot (një pjesë), Klinë e Epërme (një pjesë), Kllodernicë, Kostërc, Kotorr, Leqinë, Padalishtë, Pemishtë, Radishevë (një pjesë), Runikë, Runikë-Lagja: Kapllan Ahmeti, Dëshmorët e Kombit, Dardania, Dautaj, Miftaraj, Lagja e Re, Misiraj, Sejdiu, Shtruhera, te Kisha dhe te Xhamija, Suhogrll dhe Vitak.

Arsyeja: Mirëmbajtje preventive,  pastrimi i trasesë/ pastrimi i trasesë dhe kontrollimi i ndarësve dhe linjës – kontrollimi  i TR etj.

2.

TS 110/10 kV Vushtrria 2

Nga NS 10/04kV Emona,Interex.  kodi: 73000013027  do të ndërprehen Ts-at: nga ora 11:00 deri 13:00

1.TS 10/04kV  Muharrem Zariqi (kodi: 73000013014)

3.TS 10/04kV  Migjeni (kodi: 73000013007)

4.TS 10/04kV  TSB Mbi asfallt (kodi: 73000013008)

5.TS 10/04kV  Begaj (kodi: 73000013009)

6.TS 10/04kV  ETC (kodi: 73000013034)

Vendet: rr. Ismajl Qemajli, Azem Bejta, rr. Drenicës dhe Hoxhë Kadri Prishtina.

Arsyeja: Ndërprerje për siguri, instalimi i pajisjes për mbrojtje rele në daljen J01.

3.

Nga TS 110/10(20) kV Skenderaj do të ndërprehet:

Dalja 10kV Qyteti II (kodi: 74000010) nga ora 10:00 deri 13:00

Vendet: Shkolla Teknike, Morava (Fidanishte), Afrim Durmishi, Shkolla Norvegjeze, Rukolli, Banesat te Komuna, Kuvendi Komunal, Rr. 28 Nëntori, Bekim Berisha Abeja, Harun Beka, Isa Boletini, Deshmort e Kombit, Osman Geci dhe Ali Gashi.

Arsyeja: Ndërprerje për siguri, lëvizja e kthinave në Stabilimentin Shpërndarës -Shtëpia e mallrave (Benafi).

* * *

Punime nga pala e tretë

1.

Nga TS 110/10[kV] Mitrovica 2 do të ndërprehet:

LP 10kV J05 Stadioni    (kodi: 70000009) nga ora  10:00 deri 16:00

Vendet: rrugët: Ali Gaxha (një pjesë), Adem Boletini (njëpjesë), Adem Voca, Aradha e Shales (një pjesë), Bejt Selaci (një pjesë), Driton Veliu (njëpjesë), Ferit Preteni (një pjesë), Fuad Berani (njëpjesë), Hajrë Haxha (njëpjesë), Hetem Voca (njëpjesë), Hoxhë Hasan Tahsini (një pjesë), Lodri Bajron (një pjesë), Mehmet Selaci-Tavnik (një pjesë), Mehmet Selaci, Mujë Krasniqi (një pjesë), Mursel Boletini(njëpjesë), 1 Maji, Ilaz Hyseni (një pjesë), Rexhep Dedia (njëpjesë), Safet Boletini, Tafil Osmani, Xhevat Jusufi dhe Zijadin Ceraja.

Arsyeja: Zhvendosja e rrjetit 10(20)kV sipas zgjidhjes teknike.

Gjakovë

Punime të domosdoshme për siguri të sistemit

1.

Nga TS 35/10kV Gjakova I do të ndërprehet:

LP 10kV J16 – Cermjani (kodi: 80080012) nga ora 10:00 deri 14:00

Vendet: fshatrat: Bardhaniq, Bare e Madhe, Bec, Bërdosana, Cermjan, Doblibarë, Gërgoc, Jabllanicë, Kodrali, Krlan, Meqe, Netiç, Rashkoc, Vraniq, Zhabel, Zhdrellë.

Arsyeja: Mirëmbajtje preventive, ndërrimi i izolatorëve të tensionit të mewsëm në degëzimin nga Vraniqi deri  te TS Kulla.

* * *

Punime në projekte investive

1.

Nga  TS 110/35/10kV Rahoveci (H05) do të ndërprehet:

NS 35/10kV Malisheva (H07) dhe pa tension mbesin të gjitha daljet 10kV prej orës 09:00 deri  17:00.

Vendet: rrugët: 603 Adem Jashari (një pjesë), 605 Rilindja Kombëtare (1 konsumator), 606 Pavarësia (1 konsumator), 610 Hisni Mazreku (1 konsumator), 603 Adem Jashari (1 konsumator), Imer Krasniqi (7 konsumatorë), 605 Hamdi Berisha (1 konsumator), 606 Pavarësia (1 konsumator), Spitali i Qytetit në rrugën 608 Hamdi Berisha, 535 Prof.Hamdi Berisha, 554 Uiliam Uoker, 601 Sheshi i Dëshmorëve, 602 Gjergj Kastrioti – Skendërbeu, 603 Adem Jashari, 604 Imer Krasniqi, 605 Rilindja Kombëtare, 606 Pavarësia, 608 Hamdi Berisha, 610 Hizri Mazreku, 611 Jahir Mazreku. 612 Uiliam Uoker; fshatrat: Burim, Carallukë (një pjesë), Dardania, Gërmiz, Lubizhdë (1 konsumator) dhe Senik (1 konsumatorë), 605 Rilindja Kombëtare (1 konsumator), 608 Hamdi Berisha (1 konsumator), 605 Rilindja Kombëtare (3 konsumatorë), 608 Hamdi Berisha (1 konsumator), 557 Bedri Berisha (1 konsumator); fshatrat: Carallukë, Dragobil, Drenoc, Panorc, Shkarashnikë, Tërpezë e Poshtme, Vërmicë dhe Vërmicë e Malishevës, Bubël, Burim, Carallukë (3 konsumatorë), Damanek, Gurbardhë, Llapçevë, Lubizhdë, Lubizhdë e Malishevës, Lumnishtë, Mirushë, Mrasor, Panorc (një pjesë) dhe Turjakë, Balincë, Bardhë, Bellanicë, Javor, Lladroc, Lladroviç, Lubizhdë, Lluzhnic, Ngucat, Senik dhe Temeqinë, Astrazub, Dragobil, Drenoc, Guriq, Janqishtë, Kërvasari, Marali, Maxharrë, Pagarushë dhe Shkozë, Balincë, Bubavec, Drenoc, Gollubovc, Kijevë, Llazicë, Lubizhdë, Mleqan, Plloçic, Polluzhë dhe Stapanicë, Banjë, Bellanicë dhe Gajrak.

Arsyeja: Projekte investive, instalimi i përçuesit ACCC në linjën 35 kV Rahovec – Malishevë si dhe ndërrimi i izolatorëve 35kV.

2.

Nga NS 110/35/10[kV] Rahoveci do të ndërprehet:

Dalja 10[kV] Shkoza (kodi: 82000009) nga ora 09:00 deri 17:00

Vendet: Rrugët: 486 Xhelal Hajda-Toni, 490 Gëzim Hamza – Piktori, 497 Shkelzen Krasniqi, 498 Xhevat e Alajdin Elshani, 499 Mustafë Ibishi dhe 2 konsumatorë fshatit Shkozë dhe 21 konsumatorë komercial.

Arsyeja: Projekte investive, instalimi i përçuesit ACCC në linjën 35 kV Rahovec – Malishevë si dhe ndërrimi i izolatorëve 35kV.

3.

Nga TS 35/10 kV Gjakova I do të ndërprehet:

Dalja 10[kV] Dobroshi (kodi: 80080007) ne dy termine nga ora 09:00 deri ne ora 09:30 dhe nga ora 16:30 deri 18:00

Vendet: fshatrat: Batushë, Berjah, Brovinë,  Dobrosh, Hereç,  Molliq, Nivokaz, Osek Hilë (një pjesë), Pacaj, Skivjan (një pjesë), Stubull; rrugët: Dedë Gjon Luli (një pjesë), Pashko Vasa dhe Lekë Dukagjini.

Arsyeja: Krijimi i kushteve të punës pa tension, manipulim me ndarësit e tensionit të mesëm.

4.

TS 35/10 kV Gjakova I

Nga Dalja 10[kV] Dobroshi do të ndërprehet:

TS 10/04[kV] TS SEPERACIONI  (kodi: 80080007206) nga ora 9:00 deri 18:00

Vendet: Seperacioni Batushë.

Arsyeja: Projekte investive, vendosja e kthinave të tensionit të mesëm dhe Transformatorit 400kVA në Batushë. TS SEPERACIONI me Kodi : 8008007206.

Gjilan

Punime të domosdoshme për siguri të sistemit

1.

Nga TS 35/10 kV Gjilani I do të ndërprehet:

Dalja 10kV Uglari (kodi: 60060016)  nga ora 10:30 deri 15:00

Vendet: Kolektori, Uglari 1, 2 , Pogragjë, Llofca, Doxhët, Sllubica, Kokaj, Bilinica dhe Stublina.

Arsyeja: Mirëmbajtje preventive, ndërrimi i shtyllës së thyer te drurit dhe përforcimi i dy shtyllave të tjera të thyera të drurit, degëzimi për Llovcë.

Pacolli: Kam folur me Radoiçiqin në praninë e Kurtit dhe Osmanit një ditë para…

Në kohën kur po publikohen bisedat e shefes së Grupit Parlamentar të Vetëvendosjes, Mimoza Kusari-Lila me strukturat e Listës Serbe, deputeti i Kuvendit të Kosovës, Behgjet Pacolli të mërkurën ka kërkuar që të marrë vëmendje duke thënë se një ditë para se Vjosa Osmani të zgjidhjes presidente e shtetit, ka folur me MIlan Radojiçiqin në prezencën e presidentes Vjosa Osmani dhe kryeministrit Albin Kurti.

Ai thotë se në këtë bisedë telefonike u peshkua një deputet për votimin e saj dhe praktikisht ajo u arriit. Për këtë deklaratë të tij nuk kanë folur nga Presidenca e Kosovës derisa nga Qeveria e kanë mohuar.

“Unë kam pasur një telefonatë me zotëri Radojçiq, një ditë para zgjedhjes së Presidentes, këtë e din edhe Presidentja edhe kryeministri Albin Kurti, sepse telefonata është bërë në praninë e tyre. Është një telefonatë e tillë ka qenë sepse unë nuk mundem të gënjej, është shiku që të gjendet edhe një deputet dhe aty është peshku edhe një deputet praktikisht”, ka thënë Pacolli për Tëvë 1.

Pacolli pretendon që kjo është telefonatë është bërë me dijen Osmanit dhe Kurtit.

“Unë këtë telefonatë nuk e kam bo në mendjen time por ashtu siç ka ndodhë gjithmonë, sigurisht se po dhe asnjëherë nuk kom ikë prej momenteve kur duhet ti ndihmohet Kosovës, kur duhet ti ndihmohet konstruktivitetit, unë jam kthye atë ditë nga lartë jam kthye për t’ia dhënë votën zonjës Presidente a e kanë respektuar ata më vonë a jo këtë gjë është pune e tyre”, thotë ai.

Këto deklarime i ka hedhur poshtë Zyra e Kryeministrit.

Zëdhënësi i Qeverisë së Kosovës, Përparim Kryeziu thotë se kjo deklaratë nuk është e vërtetë.

“Absolutisht e pavërtetë. Nuk ka asnjë rast në të cilin deputeti Pacolli të ketë komunikuar me Radoiçiqin në prani apo në dijeni të kryeministrit Kurti, aq më pak me kërkesë të tij”, tha ai.

“Më kërkesë të Kurtit Lista Serbe erdhi në seancën për zgjedhjen e presidentes”

Deputeti i panvarur i Kuvendit të Kosovës, Haki Abazi ka hedhur kritika të rënda ndaj ish-shefit të tij të partisë, Albin Kurti.

Sipas Abazit, lista serbi erdhi në seancë për zgjedhjen e Vjosa Osmanit si presidente e vendit me kërkesë të Kurtit.

Ndërron jetë Tina Kaidanow

Ish ambasadorja e SHBA-ve në Kosovë Tina Kaidanow, ka ndërruar jetë.

Ish- ministri i jashtëm Skendër Hyseni, i cili ka bërë të ditur për vdekjen e Kaidanow, ka thënë se kontributi i saj për Kosovën, mbetet i pazëvendësueshëm.

“Kontributi dhe angazhimi sistematik i Ambasadorës Tina Kaidanow në pergatitjen e Kosovës për shpalljen e pavarësisë ishte dhe mbetet i pazëvendsueshëm. Tina ishte një diplomate dhe grua e fortë e cila Kosovën dhe popullin e saj e donte me gjithë qenien e saj. Lamtumirë Tina. Zoti të bekoftë dhe të pastë shpirti dritë! Prehu në paqe! R.I.P. Ambassador Tina Kaidanow”, ka shkruar Hyseni.

Moti i keq godet Italinë, në këtë qytet mbyllen shkollat dhe bllokohen rrugë e hekurudha

Lumenjtë dhe përrenjtë kanë dalë nga shtrati, fluturime janë anuluar dhe vonuar, lëvizja në hekurudha është pezulluar dhe autostradat janë mbyllur.

Ky është një bilanc i gjendjes së rëndë që rajonet e Ligurias dhe Emiglia Romagna në Itali, po përjetojnë për shkak të stuhisë me reshje të dendura shiu dhe erë të fortë.

Midis Loano dhe Pietra Ligure, trafiku në linjën hekurudhore Genoa-Ventimiglia u ndërpre nga ora 14:00 për shkak të rrezikut të përmbytjes së përroit Nimbalto. Autostrada A10 drejt Genovas u mbyll gjithashtu midis Varazze dhe Arenzano. Përmbytje rrugësh u raportuan në Celle dhe Calice Ligure, ndërsa në mëngjes një rrëshqitje dheu shkaktoi bllokimin e rrugës provinciale 29 të Colle di Cadibona.

Moti i keq ndikoi edhe në transportin ajror. Dy fluturime të pritura pasdite në aeroportin e Colombo u devijuan drejt aeroporteve të tjera.

Me ndryshimin e raportit të motit, nuk mund të përjashtohet që dita më e keqe të jetë nesër. Në rajonin e Ligurias zona më e goditur rëndë është Savona, por moti i keq pritet që të shtrihet në të gjithë gadishullin Apenin në orët dhe ditët në vijim ndërsa Venecia rrezikohet nga prurjet e larta të ujit.

Sakaq autoritetet kanë marrë masat duke paralajmëruar se shkollat do të mbyllen nesër në Genova, La Spezia dhe provincën e saj, si dhe në Savona dhe provincat e saj, pasi është aktivizuar alarmi portokalli i motit.

Sipas ekspertëve meteorologë, stuhitë do të forcohen në male për shkak të efektit orografik, veçanërisht në Genova dhe Savona, duke projektuar mbi 150 milimetra shi në 24 orë në këto zona.

Gold Ag me projekt të ri, i dedikon këngë një përsoni të veçantë për të

Këngëtari Gold Ag ka ardhur me një projekt të ri për të gjithë adhuruesit e tij.

Ai së bashku me kënëgëtarën tjetër Donjeta Morina sapo kanë publikuar këngën e re.

Kjo këngë vjen në formë dedikimi për një përson të veçantë për këngëtarin.‘’Nënë’’ quhet kënga më e re e sjellur në bashkëpunim midis Gold Ag dhe Donjeta Morinë.

Kënga është mirëpritur nga fansat e këngëtarëve në fjalë

Më afër Tokës se çdo natë të vitit, ja kur Superhëna do të ndriçojë qiellin

“Hëna e gjuetarit” të tetorit, superhëna e tretë e vitit 2024, do të lindë më vonë këtë javë.

Siç raportohet, ajo do të jetë rreth 357,364 kilometra nga Toka – më e afërta këtë vit.

Kjo e bën “Hënën e gjuetarit” të këtij viti një hënë të plotë, të quajtur ndryshe si Superhëna.

Bëhet e ditur se Superhëna duket rreth 30% më e ndritshme dhe gati 15% më e madhe se një hënë e plotë në pikën e saj më të largët nga Toka.

Zyrtarisht, ajo do të bëhet e plotë, më 17 tetor, shkruajnë mediat e huaja.

Grabovci viziton ish-krerët e UÇK’së: Bëhuni gati…

Ish-shefi i Grupit Parlamentar të PDK-së, Adem Grabovci, ka vizituar sot krerët e UÇK-së që gjenden në Hagë.

Grabovci ka thënë pas vizitës se ndihet krenarë për konsistencën e shokëve të tij.

“Krenar pafund, me konsistencën dhe lavdinë e shokëve të mi.”- u shpreh ai.

Postimi i plotë: 

Nga këtu, veç i fortë e i mërzitur largohesh!

Krenar pafund, me konsistencën dhe lavdinë e shokëve të mi.

Te fala nga Haga!
Bëhuni gati!

Bisedat e Mihalit dhe Krasniqit, ja çfarë kishte ndodhur në ditën kur “koordinatorja e VV” kishte kërkuar të mos ketë reduktime

Nagip Krasniqi dhe Dejona Mihali kanë zgjedhur heshtjen për bisedat që iu publikuan, e për të cilat u intervistua javë më parë nga Prokuroria Speciale. Gazeta Express ka provuar të marrë një deklaratë nga i njëjti, por ish-kryeshefi i KEK s’është deklaruar. Reagim s’ka bërë as Mihali. Në këto biseda shihet se Mihali vendoste kur duhet të ketë rrymë, e ia “redaktonte” edhe komunikatat që Krasniqi lëshonte si Kryeshef i KEK. I kërkonte llogari edhe për raportimet e mediave.

Gazeta Express

 

Para më shumë se tri javësh, Koordinatorja e Komiteteve në Lëvizjen Vetëvendosje, Dejona Mihali, ishte paraqitur në Prokurorinë Speciale për intervistim. Nga kjo prokurori kishin deklaruar se ajo u intervistua në cilësinë e dëshmitares për disa çështje penale, të cilat kjo prokurori ka në hetim, derisa vetë Mihali tha se ishte për intervistim “për të ndihmuar prokurorin në zbardhjen e së vërtetës”.

Atë ditë, mediat raportuan se arsyeja e intervistimit ishin disa komunikime që ajo kishte bërë me ish-Kryeshefin e Korporatës Energjetike të Kosovës, Nagip Krasniqin, ndaj të cilit tashmë ka aktakuzë, e të cilat ishin gjetur në telefonin e tij.

Përmbajtja e këtyre bisedave tashmë është bërë publike nga mediat. Në bisedat e publikuara, shihet se Mihali e udhëzon dhe urdhëron vazhdimisht si të veprojë Krasniqin, ndonjëherë ia redakton edhe komunikatat apo ndërhynë në përgjigjet që ai kthente, e madje edhe i kërkonte llogari.

Në një prej bisedave, Mihali merret me çështjen e furnizimit me rrymë, ku i thotë që në dy ditë të caktuara të mos ketë reduktime fare.

“Thirre Ergysin…Sot dhe nesër jetike mos të ketë reduktime fare”, është një prej bisedave.

Personi që i referohet Mihali e i thotë ta kontaktojë Krasniqi duket se është ish-Kryeshefi i Korporatës Elektronergjetike Shqiptare, Ergys Verdho, i cili kishte ushtruar pozitën e Kryeshefit deri në janar të këtij viti, kur kishte dhënë dorëheqje.

Biseda duket se është e gushtit të vitit 2022, kur kishin filluar reduktimet.

Më 14 gusht të vitit 2022, KEDS kishte njoftuar se nga 15 gushti do të fillohej me reduktime, 6 orë me rrymë dhe 2 orë kufizime.

“KEDS njofton që ka pranuar urdhëresë nga Qendra Nacionale Dispecerike e Kosovës, pjesë e KOSTT, që të fillojë me kufizimet e energjisë elektrike nga ora 08:00 e të hënës. Këto kufizime, në bazë të planit të dërguar do të jenë deri në 2 orë për të gjithë konsumatorët. Pra, konsumatorët gjatë ditës së hënë do të kenë nga 6 orë energji elektrike dhe 2 orë kufizime”, thuhej në njoftimin që kishte lëshuar atëherë nga KEDS.

E telefonata me Verdhon duket se kishte kryer punë, meqë pikërisht ditën kur kishin filluar reduktimet, Ministria e Ekonomisë kishte njoftuar se ishte kthyer furnizimi i rregullt me energji falë bashkëpunimit me Korporatën Elektroenergjetike të Shqipërisë.

“Falë kësaj pune dhe bashkëpunimit mes Kosovës dhe Shqipërisë, përkatësisht Korporatës Energjetike të Kosovës  (KEK) dhe Korporatës Elektroenergjetike të Shqipërisë (KESH) është arritur që të evitohen reduktimet që nga ora 14:00 dhe të vazhdojë furnizimi i rregullt me energji elektrike. Institucionet do të vazhdojnë të bëjnë përpjekjet maksimale për të ruajtur furnizimin e rregullt me energji elektrike gjatë ditëve në vijim”, thuhej në njoftimin që kishte lëshuar Ministria e Ekonomisë më 15 gusht të vitit 2022.

Përveç punës së reduktimeve, Mihali kishte komunikuar me Krasniqin skandalin energjetik, ku raportohej se ishte përfshirë edhe Ambasadori i Kosovës në Kroaci, Martin Berishaj,

Në këtë bisedë, Mihali e informon Nagip Krasniqin për shkrimet e mediave se kompania GEN e lidhur me Martin Berishajn, kishte përfituar 4.2 milionë euro gjatë kohës së krizës energjetike.

Krasniqi ia kthen “pak a shumë është i vërtetë”, duke iu referuar këtij raportimi.

Për këto biseda dhe të tjera që janë publikuar, Gazeta Express ka provuar të marrë një deklaratë nga Krasniqi, por i njëjti s’është deklaruar. Ndonjë reagim nuk ka bërë as Mihali.

Pas publikimit të këtyre bisedave, pasuan reagimet. Lidhja Demokratike e Kosovës doli në konferencë për media dhe kërkoi hetim për mafinë energjetike.

“Jo shumë kohë më parë, VV i cilësonte reagimet tona në lidhje me këtë çeshtje si të pavërteta. Por, sot e pamë në mesazhet e publikuara që qysh atëherë këta vet e kishin pranuar këtë korrupsion. A mund sot të besojë dikush se kryeministri nuk është në dijeni për korrupsionin që po ndodhë perreth tij? Po shihet qartë se diçka e tillë po bëhet çdo ditë më veshtirë e besueshme”, përfundoi Azemi.

Azemi deklaroi se LDK i mbështet organet e Drejtësisë në hetimet e tyre në lidhje me aferat koruptive, dhe se do ta vazhdojnë angazhimin partiak deri sa të gjithë akterët e korruptuar të gjenden para drejtësisë.

Nënkryetarja e PDK-së, Vlora Çitaku, tha se bisedat konfirmojnë përfshirjen e ambasadorit Martin Berishaj në dallaveret me rrymë.

“PDK ka qenë këmbëngulëse në themelimin e Komisionit Hetimor për aferat korruptive në fushën e energjisë. Publikimi i komunikimeve të Dejona Mihalit me Nagip Krasniqi konfirmon dhe vërteton të gjitha dyshimet tona që i kemi ngritur gati tre vite më parë. Sot të gjithë e kanë të qartë se GEN-in serb dhe Martinin e kemi dhuratë nga Qeveria e Lëvizjes Vetëvendosje”, ka shkruar Çitaku.

Shefi i Grupit Parlamentar të AAK’së, Besnik Tahiri, ka reaguar duke thënë se kur vendimet formale merren nga struktura joformale, sistemi demokratike kollapson.

“Politbyroja e LVV-së është mbi shtetin dhe institucionet. Lideri i saj, përmes instrumenteve parapolitke e ka vënë shtetin në rrezik. Kur vendimet formale merren nga struktura joformale nëpërmes lidhjeve të shkurtëra, sistemi demokratik kollapson!”, ka shkruar Tahiri.

Ndryshe, nga ish-Kryeshefit të KEK, Nagip Krasniqit, është ngritur aktakuzë nga Prokuroria Speciale në gusht të këtij viti.

Dyshimet janë se ai kishte filluar të keqpërdorë detyrën zyrtare ende pa i bërë dy javë nga dita kur ishte emëruar në këtë pozitë e deri ditën kur ishte arrestuar, në prill të vitit të kaluar. Sipas aktakuzës, Krasniqi i kishte mundësuar tregtimin e energjisë një kompanie sllovene në Kosovë, e cila nuk kishte licencë, duke dëmtuar kështu KEK’un në vlerë rreth 3 milionë e 230 mijë euro.

“Duke filluar nga data 15 tetor 2021 e në vazhdimësi deri me datë 19 prill 2023, në Prishtinë, në cilësinë e personit zyrtar respektivisht Kryeshefit Ekzekutiv në Korporatën Energjetike të Kosovës, shfrytëzon detyrën zyrtare me qëllim që operatorit ekonomik “Holding Slovenske Elektrane” – HSE nga Sllovenia t’ia mundësoi tregtimin e energjisë elektrike në Republikën e Kosovës…ashtu që me dashje aprovon blerjet, nënshkruan kontrata dhe autorizon nënshkrimin e tyre si dhe konfirmon vazhdimin e tregtimit me operatorin në fjalë, ani pse ishte në dijeni se nuk mund të tregtohej energji elektrike me këtë operator derisa ai nuk licencohej apo nuk i njihej licenca nga Zyra e Rregullatorit për Energji, me ç’rast të njëjtit i mundësohet përfitimi pasuror dhe shmangia nga pagesat tatimore në Republikën e Kosovës apo në vlerë prej 531.920.79 euro, dëmtimin apo diskriminimin e operatorëve ekonomikë konkurrent që operonin në tregun e Kosovës e që ishin të licencuar dhe i nënshtroheshin obligimeve tatimore si shkaktimin e dëmit material Korporatës Energjetike të Kosovës në shkallë të madhe apo në vlerë prej 3,229,905.00 euro”, thuhet në aktakuzë.

Rrëzohet avioni luftarak amerikan

Marina e SHBA-së po kërkonte të mërkurën për dy pilotë, avioni i të cilëve u rrëzua gjatë një fluturimi stërvitor rutinë, raporton AP.

Avioni EA-18G Growler nga skuadron e sulmeve elektronike u rrëzua në lindje të malit Rainier rreth orës 3:23 pasdite të martën, sipas Stacionit Ajror Detar të Ishullit Whidbey. Ekipet e kërkimit, duke përfshirë një helikopter MH-60S të Marinës së ShBA-së, u nisën nga ishulli NAS Whidbey në përpjekje për të gjetur ekuipazhin dhe për të ekzaminuar vendin e rrëzimit.

Marina nuk ka thënë nëse dy anëtarët e ekuipazhit arritën të tërhiqeshin përpara rrëzimit. Shkaku i rrëzimit mbetet nën hetim.