Pas akuzave që presidentja e Kosovës pati ndaj gjyqtarit serb në Kushtetuese, Radomir Laban, nga personazhet e mediave dhe të politikës pati mjaft shumë kritika në drejtim të Osmanit. Edhe Milaim Zeka, gazetar i kahmotshëm, vendosi ta thumbojë presidenten dhe burrin e saj, shkruan Gazeta Metro.
Vjosa Osmani tha se Laban përbën rrezik për sigurinë kombëtare dhe se duhet të shkarkohet nga kjo pozitë, por më pas doli që ajo e kishte ftuar gjyqtarin serb në organizimin e 17-vjetorit të Pavarësisë së Kosovës.
Për këto akuza të Osmanit ndaj Laban, Milaim Zeka the se ky gjyqtar në asnjë mënyrë s’mund të jetë rrezik më i madh për sigurinë kombëtare sesa burri i presidentes, Prindon Sadriu.
“Nuk mundet me qene Radomir Llaban rrezik per sigurine kombetare me shume se sa burri i presidentes. AKI-ja, une, plot njerez ne Gjilan e Kosove e dine se familja e burrit te presidentes kane qene anetar, madje edhe kane votuar per SPS-in, Partine e Sllobes. Ai zoteriu eshte ne presidence”, shkroi Zeka në Facebook.
Madje, Zeka pati akuza edhe më të rënda ndaj presidentes Osmani, duke thënë se ka dorëzuar në EULEX dokumente me sekrete shtetërore në kohën e Hashim Thaçit.
“Te gjithe e dime qe Vjosa Osmani i ka thirrur hetuesit e Eulexit, gjysma bashkepunetor te BIA-s serbe, edhe u ka dorezuar kasaforten me dokumenta topsekret te kohes se Hashim Thaçit. A nuk eshte kjo tradheti ndaj vendit? A mendoni se nje dite Vjosa Osmani nuk do te pergjigjet per kete perpara drejtesise?!”, vazhdoi më tej Zeka.
Në fund, gazetari tha se Osmani në njërën anë e akuzon Labanin, e në tjetrën i çon ftesë për Pavarësi. Sipas tij, në Kosovë ka plot lopë që i hanë foret e saj, por jo të gjithë./gazetametro.net