Zjarrfikësi i Brigadës së Zjarrfiksëve të Gjakovës, Kaqun Lima, ka ndërruar jetë pas një aksidenti tragjik që ndodhi sot rreth orës 15:30 në fshatin Mejë.
Lima, i cili ishte shef i Operativës, ishte duke kryer detyrën e tij kur ndodhi aksidenti. Ai u dërgua menjëherë në QKUK në Prishtinë, ku nuk arriti të mbijetojë.
“Sot në orën 20:20 kemi pranuar informatën që njëri prej të lënduarve ka ndërruar jetë në QKUK”, tha për Sinjalin, Vlera Krasniqi – Zyrtare e lartë për informim dhe marrëdhënie me publikun.