Banorët e shtëpisë më të vëzhguar e më të famshme në vend, Big Brother VIP Kosova 3 u mblodhën në dhomën e ditës – por jo për ndonjë njoftim a sfidë nga ‘Vëllai i Madh’.
Bashkë i bëri largimi vullnetar i Atilla Kardesh i cili u bë banori më i ri i shtëpisë gjatë spektaklit ‘Prime’ të premten që shkoi.
Hyrja e tij në shtëpi e jashtë saj u diskutua jo pak, meqenëse dikur ishte i martuar me njërën nga banoret e edicionit të sivjetshëm të BBVK 3, Drenusha Latifin.
Atilla pati fjalët e zgjedhura për banorët e specifikisht për ish-bashkëshorten e tij, Drenushën, duke lënë të nënkuptohen se dëshiron që të gjitha konfliktet eventuale apo edhe urrejtja mes tyre të futën nën “dhe”, duke shikuar të ardhmen për fëmijët e tyre.
“Ka pasur shumë hipoteza se përse jam unë këtu, lojë, me i qartësu gjërat, me i shpjegu gjërat apo me ju shti me mendu. Me kërku falje.. kështu që siç e dini unë e Drenusha i kemi dy fëmijë bashkë dhe kemi qenë 10 vjet bashkë ku kemi pasur momente të mira e të këqija, nuk i kemi ditë këto punë dhe ndodh që kemi gabu, pasi dy fëmijë kanë hy në lojë nga unë dhe ajo”.
“Raporti im me ju është shumë i rregullt kam hy me ju tregu kush jam e çka jam, qëllimi im ka qenë me ju drejtu edhe Drenushës që i kemi dy fëmijë si drita dhe mirëqenia e tyre është e imja dhe e jotja – unë besoj dhe shpresoj që konflikti dhe urrejtja të futen në dhe dhe të shohim para për të dy fëmijët” u shpreh Atilla Kardesh.
‘Vëllai i Madh’ dha komandën për t’i ngrirë banorët teksa të njëjtit nuk duhej të reagonin në asnjë mënyrë – Atilla megjithatë përshëndeti dorë më dorë banorët teksa ish-gruaja e tij, Drenusha, nuk i dha dorën atij.
Tutje, Atilla pati një mesazh edhe për Rezin teksa i njëjti është shumë i afërt me Drenushën.
“Më vjen mirë që ju njoha të gjithëve, edhe ty Rezi… ta kesh parasysh që është një nënë, ika dy fëmijë jashtë, me respekt”, u shpreh Atilla në drejtim të aktorit nga Shqipëria, Rezart Veleshnja.
Së fundmi, Atilla la një mesazh për dy fëmijët e tij duke u largua nga shtëpia duke kënduar.
‘Ynwa dhe Zak ju kam premtuar që do hy mrena dhe do t’ju bëjë krenarë dhe që unë e mami (Drenusha) jemi krejt në rregull për këtë punë. Ju dua shumë dhe ju donë mami shumë”, ishin fjalët e fundit të Atillës para largimit nga dera e kuqe e shtëpisë.
Për të gjitha këto e më shumë klikoni videon në linkun më poshtë.