Një polic gjendet i vdekur në Prishtinë

Një aksident komunikacioni ka ndodhur në mëngjesin e të hënës në rrugën “Zagrebi” në Prishtinë, ndërsa një zyrtar policor ka vdekur.

Zëdhënësi i Policisë për rajonin e Prishtinës, Enis Pllana, ka thënë se vdekja e viktimës është konfirmuar në vendin e ngjarjes, ndërsa dyshohet se ka ndodhur para aksidentit të komunikacionit.

“Sot rreth orës 06:30 në rrugën Zagrebi në Prishtinë, ka ndodhur një aksident trafiku, ku ka qenë e përfshirë një veturë. Njësitet policore dhe emergjenca kanë dalë menjëherë në vendin e ngjarjes, ku nga këta të fundit është konstatuar vdekja e viktimës (zyrtar policor), që dyshohet të ketë ndodhë para aksidentit”.

“Me rastin është duke u marrë Njësia Rajonale e Trafikut, ndërsa hetimet janë në zhvillim për të sqaruar shkaqet e sakta të aksidentit”, ka njoftuar Pllana.