Nuk i mbijetoi plagëve: Vdes në QKUK personi i qëlluar me armë zjarri
Një person ka humbur jetën në Qendrën Klinike Universitare të Kosovës (QKUK), pasi po trajtohej prej disa ditësh nga plagët e marra me armë zjarri.
Rasti kishte ndodhur më 18 shtator 2025, në fshatin Debelldeh të Vitisë, rreth orës 14:25.
Viktima, ishte dërguar me urgjencë në QKUK, ku pavarësisht trajtimit mjekësor, nuk ka arritur të mbijetojë.
Sipas raportit 24-orësh, me vendim të prokurorit trupi i pajetë është dërguar në Institutin e Mjekësisë Ligjore për obduksion.