Reagon Arian Agushi pas vdekjes së Shpat Kasapit

Në moshën 40-vjeçare ka vdekur këngëtari i njohur Shpat Kasati.

Për vdekjen e tij ka reaguar kolegu, Arian Agushi.

“Euuu Shpat breee 😢 Allahu të meshiroftë vlla 🤲🏼”, tha ai.

Vdes Shpat Kasapi

Pas një sulmi në zemër, sot herët në mëngjes ka ndërruar jetë këngëtari i pop-muzikës, Shpat Kasapi. Ai nuk i ka mbijetur atakut kardiak, ndërkohë që nuk ka vuajtur nga ndonjë sëmundje tjetër, shkruan gazeta KOHA.

Shpat Kasapi ka qenë një nga emrat më të njohur dhe më të dashur të skenës muzikore shqiptare. I lindur më 1 maj 1985 në Tetovë, ai u rrit në një familje me traditë muzikore, që i dha shtysën e parë drejt skenës.

Karriera e tij nisi në fillim të viteve 2000, ku shumë shpejt u bë një prej idhujve të rinisë me stilin e tij modern, meloditë e lehta dhe performancat energjike.

Shpati u afirmua përmes tregut muzikor kosovar dhe atij shqiptar, duke sjellë këngë që u shndërruan në hite si “A më do?”, “Valle Kosovare”, “Dashni pa limit”, “Aroma e saj”, e shumë të tjera.

Ka marrë pjesë në festivale të rëndësishme dhe ka bashkëpunuar me emra të njohur të industrisë muzikore.

Prej vitesh ka qenë një figurë e pandashme e muzikës pop shqiptare, duke ruajtur popullaritetin falë stilit të tij karakteristik dhe këngëve që vazhdojnë të dëgjohen gjerësisht.

I ndjeri ka qenë i martuar dhe ka lënë pas një fëmijë. (koha.mk)

Mustafa kritikon ashpër Kurtin: S’na duhet më qeveri që jeton prej tensioneve, përçarjeve dhe krizave të fabrikuara

Ish-deputeti i Kuvendit të Kosovës, Rrustem Mustafa(Remi), e ka kritikuar sjelljen e Albin Kurtit.

Ai ka bërë me dije se Kosovës nuk i duhet qeveri që jeton prej tensioneve, përçarjeve dhe krizave të fabrikuara.

Në profilin e tij në “Facebook”, Mustafa ka shkruar se Kosovës i duhet normalitet.

“Ka politikanë që dinë të mbijetojnë vetëm në kaos. Ata krijojnë krizë, pastaj shfaqen si “zgjidhja”. E detyrojnë qytetarin të kërkojë stabilitet, ndërsa vetë e përdorin rrëmujën si oksigjen politik. Por vendi ynë s’ka nevojë për qeveri që shpëton vetën ka nevojë për qeveri që punon për qytetarin. Ka ardhur momenti me ia ndalë hovin kësaj klase politike që e mban Kosovën pezull. S’na duhet më qeveri që jeton prej tensioneve, prej përçarjeve, prej krizave të fabrikuara. Na duhet normalitet”, ka shkruar ai, duke treguar se cfarë qeveria i duhet Kosovës.

“Na duhet qeveri normale, që punon normalisht, për një vend normal. Qeveri që fokusohet te zhvillimi, ekonomia, investimet, arsimimi, standardi jetësor dhe që e afron Kosovën me familjen perëndimore jo me fjalë, por me punë. Kosova nuk ecë përpara me dramë, por me punë. Dhe koha e punës fillon kur ndalojmë teatrin e rrëmujës”, ka shkruar Mustafa.

Nga kjo ditë paralajmërohen reshje bore dhe rënie e temperaturave

Instituti Hidrometeorologjik i Kosovës ka njoftuar se e mërkura do të karakterizohet nga ndikimi i fushave të presionit në rënie, të cilat do të favorizojnë zhvillimin e vranësirave të dendura në gjithë vendin. Parashihet mot kryesisht i vranët, me mundësi për riga të dobëta dhe lokale shiu.

IHMK bën të ditur se temperaturat pritet të jenë të qëndrueshme, me minimale nga -1°C deri në 7°C dhe maksimale që do të arrijnë deri në 11°C, duke shënuar vlerat më të larta termike të javës.

“Të mërkurën priten vlerat më të larta termike të javës, ndërsa ditët pasuese do të karakterizohen nga fusha termike më të ulëta, tipike dimërore”, thuhet në njoftim.

Po ashtu, thuhet se nga e enjtja deri të shtunën, parashihet depërtimi i një mase të ftohtë ajrore me origjinë veriore, e cila do të stabilizojë një regjim termik dukshëm më të ulët dhe do të gjenerojë kushte për mot të vranët dhe me reshje.

“Në zonat malore priten reshje të vazhdueshme bore, ndërsa në ultësira reshjet fillimisht do të paraqiten në formë të rigave të dobëta shiu, të cilat me rënien progresive të temperaturave do të transitojnë gradualisht në reshje bore”, vijon njoftimi.

Si rrjedhojë, edhe në disa zona të ultësirave priten intervale të shkurtëra me reshje bore, kryesisht gjatë orëve të pasdites dhe mbrëmjes së së enjtes dhe të premtes, varësisht intensitetit të masës së ftohtë dhe profilit termik të shtresës së ulët të atmosferës.

Zhvillime dramatike para zgjedhjeve: Tre analistët e njohur do ti bashkohen LDK-së

Dyert e Lidhjes Demokratike të Kosovës, siç duket do të mbesin ende të hapura për aderime të reja në këtë parti.

Gjatë kësaj jave, në LDK aderuan Festim Kabashi, si dhe u përfol për një kalim të mundshëm nga ana e Ermal Sadikut.

Burimet e Periskopit bëjnë të ditur se tre analistë ia kanë mësyer LDK-së.

Sipas të të njëjtave burime, bëhet fjalë për ish-deputetin e VV-së, Visar Ymerin.

Po ashtu dhe profesori e analisti Rrahman Paçarizi, pritet t’i bashkohet kësaj partie.

Derisa, në të njëjtën rrugë është edhe analisti, Agon Maliqi

Haradinaj: Jam i bindur që Albin Kurti nuk do jetë më kryeministër i Kosovë

Daut Haradinaj sonte në “Debat Plus” ka deklaur se është i bindur që Albin Kurti nuk do jetë më kryeministër, transmeton Demos.

“Unë një fakt e di që z.Kurti nuk do jetë më kryeministër, e kemi thënë edhe me datën 9 shkurt u vërtetu që nuk u bë kryeministë, jam i bindur që ky nuk do jetë më kryeministër i Kosovës”, tha ai.

Ai shtoi se AAK-ja asnjëherë nuk jetë pengesë për krijimin e institucioneve dhe se Kosova kurr nuk ka qenë më në kriz që nga paslufta.

Kosova mëson vazon nëse kualifikohet në Kupën e Botës

Federata Ndërkombëtare e Futbollit (FIFA) ka publikuar të martën vazot për shortin e Kupës së Botës 2026, që do të mbahet në SHBA, Meksikë dhe Kanada.

Kosova ende mban shpresa për të arritur në Botëror. “Dardanët” do të luajë në gjysmëfinale të play-offit evropian për kualifikim. Më 26 mars, Kosova përballet me Sllovakinë në Bratislavë.

Nëse triumfon, më 31 mars pret fituesin e ndeshjes Turqi-Rumani. Një fitore edhe në atë ndeshje do të siguronte kualifikimin historik për Kosovën.

Nëse kualifikohet, Kosova do të jetë në vazon e katërt për shortin, bashkë me fituesit e tri pla-offeve të tjera evropiane, dy ndërkontinentale dhe ekipet e Jordanisë, Kepit të Gjelbër, Ganës, Kuraçaos, Haitit dhe Zelandës së Re.

Vazoja e parë mban emra si Kanada, Meksikë, SHBA (si nikoqire), Spanja, Argjentina, Franca, Anglia, Brazili, Portugalia, Holanda, Belgjika dhe Gjermania.

Në vazon e dytë janë Kroacia, Maroku, Kolumbia, Uruguai, Zvicra, Japoni, Senegali, Iran, Koreja e Jugut, Ekuadori, Austria dhe Australia.

Sa i përket vazos së tretë, vend kanë zënë Norvegjia, Panamaja, Egjipti, Algjeria, Skocia, Paraguai, Tunizia, Bregu i Fildishtë, Uzbekistani, Katari, Arabia Saudite dhe Afrika e Jugut.

Shorti i Botërorit do të mbahet më 5 dhjetor në Washington dhe pritet të jetë një ceremoni madhështore, ku do të marrin pjesë delegacionet e të gjitha federatave të kualifikuara, por edhe atyre që janë ende në garë, përfshirë Kosovën.

Ky do të jetë edicioni i parë i Botërorit me 48 ekipe, të ndara në 12 grupe me nga katër ekipe secili. Dy të parët e çdo grupi kalojnë në 1/16 e finales, së bashku me tetë ekipet më të mira nga vendet e treta.

FIFA ka vendosur ndarjen në vazot duke marrë parasysh renditjen më të fundit në ranglistën botërore, në mënyrë që ekipet favorite të mos përballen që në fazat e para të turneut.

Përparim Rama: Nuk jam anëtar i LDK-së

Kryetari i Prishtinës, Përparim Rama, ka thënë se nuk është anëtar i Lidhjes Demokratike të Kosovës.

Ai ka thënë se LDK e ka ftuar si profesionist nga jashtë.

“Unë nuk jam anëtar i Lidhjes Demokratike të Kosovës. Unë jam me LDK’në nga fillimi. LDK ka punu jashtë partisë, më ka ftu si profesionist”, ka thënë Rama.

“Jam bashkë me ta. Do t’ju ndihmoj edhe në nivelin qendor, për të mirën e kryeqytetit. Jam kundër bllokadave”, deklaroi Rama

Përparim Rama akuzon Muratin: Ligji është thyer 100%, dikush prej tyre do të hyjë në burg

Kryetari i Komunës së Prishtinës, Përparim Rama, është shprehur i bindur se dikush do të përfundojë në burg pas kallëzimit penal që ka dorëzuar kundër Ministrit në detyrë, Hekuran Muratit dhe tre zyrtarëve të kësaj ministrie për mosalokimin e mjeteve nga të hyrat vetanake.

Rama tha se bëhet fjalë për 35 milionë euro që i janë bllokuar komunës që ai e udhëheq.

Ai tha se Murati mund t’i shmanget një skenari të tillë duke u arsyetuar se është ministër në detyrë, por se në fund barra do të bie tek zyrtarët.

“E thejnë ligjin edhe qind për qind dikush prej tyre do të hy në burg. Ky nuk e ka këtë problem sepse mundet teknikisht me i ik burgut sepse thotë jam në detyrë, e këta tjerët e kanë përgjegjësi. Edhe i përdorë, edhe i shti në burg”, ka deklaruar Rama.

Sipas Ramës, bllokimi i këtyre mjeteve është i jashtëligjshëm.

“Është pikërisht Ministri Hekuran Murati dhe zyrtarët aty që i bllokojnë të hyrat vetanake të kryeqytetit e që janë 35 milionë. Po i bllokojnë jashtëligjshëm. I teket Ministrit në detyrë e zyrtarëve që s’kanë çare pa e dëgju që me i blloku fondet e kryeqytetit. Lojë që po zgjatë qe nëntë muaj”, ka thënë Rama në RTV Dukagjini.

Sa i përket situatës me punëtorët e Trafikut Urban, Rama ka thënë se Muratit as që i intereson kjo pjesë.

Tha se i ka bllokuar edhe fonde të tjera, teksa pjesëmarrja e tij në protestën e punëtorëve tha se erdhi me ftesë të tyre.

“I kanë bllokuar edhe fondet e tjera, edhe fondin për investime kapitale e shumë fonde tjera që na kanë pamundësu me i kry punët në kryeqytet, e me na qit neve keq që me i fitu zgjedhjet. Ministrit në detyrë nuk i intereson, pa asnjë emocion sillet ndaj protesuesve. Më ftuan dhe u bashkangjita”.

Ai tha se punëtorët kanë punuar me muaj të tërë pa pagesë, me shpresën se pas zgjedhjeve do të paguhen.

Sa i përket konferencës që mbajti Murati mbrëmë, Rama ka thënë “Si ka fytyrë me gënjy”.

Gjatë kësaj dite pritet të bie borë në Kosovë

Mendimi për motin – 25.11.2025

Kryesisht me vransira karakterizohet moti ditën e mërkurë në vend, me reshje të dobëta shiu që shfaqen kohëpaskohe, më të shpesa paradite dhe më vonë gjatë mbrëmjes. Ditën herë herë mund të ketë intervale të shkurta me diell. Temperaturat mbeten ende të larta, me minimale prej 7C e 10C, ndërsa maksimalet shkojnë deri në 11C e 14C. Orëve të mëngjesit frynë erë më e theksuar jugore e juglindore 4-11m/s, me hove deri në 15m/s, relieveve malore.

Ditën e enjtë me depërtimin e frontit të ftohtë, reshjet e shiu shndërrohen në dëborë edhe pjesëve të ulëta të vendit, me mundësi që të formojnë shtresë dëbore gjatë natës me kalimin në ditën e premtë. Temperaturat të enjten në rënie, zbresin deri në 2C, ditën e duke shkuar nga mbrëmja në -1C. Reshje bore e shiu vazhdojnë ditën e premtë, që pushojnë më vonë deri në mbrëmje. Në disa pjesë reshjet mund të jenë në formë shiu të akullt. Temperaturat mbesin të ulëta, me maksimale prej 1C e 2C. Era ndryshon drejtimin të enjten nga krahu verior dhe frynë me intenzitet mesatarë 5-11m/s.

Të shtunën mbetet mot kryesisht i vranët, por pa të reshura. Ndërsa të dielen ultësirave ka gjasa që mjegulla që formohet orëve të mëngjesit të mbetet edhe përgjatë ditës. Temperaturat minimale zbresin deri në -2C, e ato maksimale parashihet të arrinë vlera prej 6C, mirëpo shkaku i mjegullës më të qëndrueshme në ultësira, në këto pjesë mund të mbeten fare pranë 0C.