Zgjedhja e Hamzës si i pari i PDK-së, reagon sërish Enver Hoxhaj

Deputeti i Partisë Demokratike të Kosovës, Enver Hoxhaj ka thënë se çështja e konventës për kryetarin e partisë, për të cilën ai pati vërejte është e mbyllur.

Ai ka thënë se respekton se vendim e partisë dhe se tash do të jetë në përkrahje të partisë dhe kryetarit, Bedri Hamza në zgjedhjet e reja nacionale të 28 dhjetorit.

“Kur gara fillon jashtë, unë jam me PDK-në, jam me Bedriun. Për mua çështja e konventës është e mbyllur”, ka thënë Hoxhaj në Tëvë1.

Ai ka thënë se kryetari i ri i partisë, Bedri Hamza ka forcën, por edhe mbështetjen për ta quar PDK-në përpara.

Hoxhaj ka bërë të ditur se do të jetë pjesë e garës në zgjedhjet e jashtëzakonshme.

Anëtari i kryesisë së PDK-së, ka thënë se si parti janë të gatshme për zgjedhje.

“Si pari që është në opozitë dhe si parti që ka fitua disa palë zgjedhje dhe që kemi kapacitet politik dhe intelektual dhe profesional natyrisht që jemi të gatshme për zgjedhje. Kur je në opozitë, mendoj se ke një qartësi të qartësi të mirëfilltë për atë se cilat janë kërkesat e qytetarëve të Kosovës, cilat janë pritjet që i ka vendi dhe çfarë duhet të plasojë si platformë politike”, është shprehur Hoxhaj.

Lladrovci publikon foto me Bekim Jasharin, ka një mesazh…

Ramiz Lladrovci ka publikuar një foto me Bekim Jasharin, me ç’rast ka thkesuar se rruga me miq të dëshmuar, është më e lehtë.

“Bekimi bart pjesën e peshës së nderit dhe krenarisë së Jasharajve legjendarë, bashkë me vlerat që shënojnë lirinë tonë”, ka shkruar Lladrovci.

Rruga me miq të dëshmuar, është më e lehtë, ka deklaruar ai.

Surpremja refuzoi ankesën e PDK-së për rivotim, vjen reagimi i Pecit

Kryetari i Mitrovicës, Faton Peci ka reaguar pasi Gjykata Supreme ka vendosur që në këtë qytet të mos ketë proces të rivotimit.

Përmes një postimi në Facebook, Peci thotë se nga tash e tutje do të jetë kryetar i të gjithëve pa dallim, derisa shtoi se do të punojë me secilin qytetar që ka vizion dhe dëshirë për ta bërë Mitrovicën një vend më të mirë për të jetuar.

 

 

“Sot edhe një herë u dëshmua se procesi ishte i rregullt, andaj 18,235 herë faleminderit. Ky besim për mua nuk është vetëm nder, por edhe një përgjegjësi e thellë ndaj secilit prej jush. Faleminderit të gjithë qytetarëve që morët pjesë në këtë proces demokratik, pavarësisht bindjeve tuaja politike. Sot nuk fiton një individ, por fiton qyteti ynë. Fiton ideja se ndryshimi është i mundur kur qytetarët bashkohen për një qëllim të përbashkët. Tani fillon puna e vërtetë puna për qytetin tonë”.

“Besimin e kam marrë si njeri i punës, dhe kjo është ajo që i duhet më shumë Mitrovicës. Mitrovica është qytet i veçantë, me rol të veçantë në historinë tonë kombëtare, në zhvillimin ekonomik, në kulturën dhe sportin e Kosovës. Do të jem kryetar i të gjithëve, pa dallim. Do të dëgjoj çdonjërin dhe do të punoj me secilin që ka vizion dhe dëshirë për ta bërë Mitrovicën një vend më të mirë për të jetuar, punuar dhe ëndërruar”, ka shkruar kryetari i këtij qyteti.

 

 

Peci shton se Mitrovica ka energji, potencial dhe njerëz të jashtëzakonshëm.

“Detyra ime është t’i bashkoj këto, t’u jap drejtim dhe t’i kthej në zhvillim të vërtetë. Mitrovica është qyteti i minatorëve, atyre që i dhanë shumë Kosovës. Çdo ditë e tyre fillon me urimin “Me fat”, dhe le të jetë pikërisht fati që do ta shoqërojë punën tonë të përbashkët për qytetin. Le ta ndërtojmë Mitrovicën me zemër, me përkushtim dhe me dinjitet”, përfundoi ai.

Arbër Rexhaj: VV dhe Kurti nuk ia kanë bërë as edhe një dëm Kosovës

Deputeti i Lëvizjes Vetëvendosje, Arbër Rexhaj në “Politiko”  tha se Albin Kurti nuk i ka bërë asgjë të keqe Republikës së Kosovës, përveç asaj që është munduar t’i bëjë mirë, shkruan Gazeta 10.

“Albin Kurti nuk i ka bë keq Republikës së Kosovës sa i përket dëmeve të cilat ka mundur me shumë sukses t’ia bëj Serbia sikur të ishte dikush tjetër. E para, ne kemi investu aq shumë në Ministrnë e Mbrojtjes, në Ministrinë e Brendshme duke u përkujdes që çdo cep i Republikës së Kosovës, me pasë të drejtë qytetari me shku edhe me vizitu. Unë shoh video shpesh të Listës Serbe, të Vuçiqit ku kanë ardhë në Kosovë, si në bahqe të vet, e tash ti Matoshi kur ma ke pa Vuçiqin në Kosovës, mu përgjigj, kur ka qenë Vuçiqi,” shtoi tutje Rexhaj./Gazeta10

E gjetën dhe e dorëzuan në Polici kuletën me para, Presidentja Osman nderon tre fëmijët nga Ferizaj

Presidentja e Kosovës, Vjosa Osmani, ka pritur sot në takim tre fëmijë, të cilët  dje u bënë shembull i ndershmërisë dhe përgjegjësisë qytetare. Në Ditën Botërore të Fëmijëve, Presidentja nderoi Diar Terziun, Anik Terziun dhe Rajana Terziun, pasi ata gjetën një kuletë me para dhe e dorëzuan në polici.

Osmani tha se akti i tyre është dëshmi e vlerave të larta morale dhe një frymëzim për të gjithë fëmijët në vend.

Ajo u ndau mirënjohje të veçantë, duke theksuar se sjellja e tyre pasqyron shembullin më të mirë të edukimit, integritetit dhe qytetarisë aktive.

“Fëmijët tanë kanë forcën të na tregojnë rrugën e duhur. Sot, këta tre heronj të vegjël e dëshmuan këtë,” u shpreh Presidentja, duke shtuar se ngjarja vjen si simbol i asaj që duhet të kultivohet tek gjeneratat e reja: sinqeriteti, besimi dhe respekti ndaj të tjerëve.

 

Haxhiu: VV-ja synon fitore të madhe më 28 dhjetor “që të mos shantazhohet më”

Ish-ministrja e Drejtësisë, Albulena Haxhiu, ka folur rreth zgjedhjeve të jashtëzakonshme të shpallura nga Presidentja Vjosa Osmani për më 28 dhjetor.

Sipas saj, qytetarët duhet ta votojnë LVV-në, që ajo të ketë pavarësinë dhe të mos ketë më shantazhe nga subjektet tjera politike.

“Unë besoj që tashmë qytetarët e kanë parë që nga muaji prill deri dje, se sa është e rëndësishme që LVV të mos varet prej subjekteve tjera politike. Të cilat kanë kërkesa në shpërputhje me fuqinë politike. Kanë fuqi politike aq sa qytetarët iu kanë dhënë në zgjedhjet e 9 shkurti, por kërkesat i kanë shumë të mëdha. Prandaj në mënyrë që VV-ja të mos shantazhohet në të ardhmen nga asnjë subjektet politike, jo se ne duam të qeverisim vetëm, sepse e kemi dëshmuar edhe kemi qenë në koalicion më herët në koalicion me LDK-në edhe kemi pasur vullnet para seancës konstituive të 15 prillit që të takohemi me LDK për një koalicion të mundshëm.

Por që mendoj që është e rëndësishme që të mos varemi nga këto subjekte politike. Të cilat vetëm për shkak të inateve që kanë me VV-në dhe me Albin Kurtin e lanë edhe vendin ma buxhet, edhe e lanë vendin ma marrëveshje ndërkombëtare, i lanë punëtorët RTK-së pa paga. Vetëm për shkak të kapriçove të tyre politike. Ata nuk udhëhiqen nga parimet…”, ka thënë Haxhiu.

Kraki thotë se Kurti është armiku i përbashkët i Listës Serbe, PDK, LDK dhe AAK

Deputeti i VV’së Nezir Kraki vazhdoi me justifkimin e zgjedhur të shmangies së temës të dështimit të përsëritur të formimit të qeverisë me retorikën e zgjedhur të tentimit të njollosjes së subjeteve politike ish opozitare.

Kraki të mërkurën në emisionin DPT Fidani të Klan Kosova (televizion të cilën e bojkotojnë gjoja se VV) arsyetimin për dështimin e kanë se janë njejtë me Listën Serbe.

“Armiku i përbashkët i Listës Serbe, PDK-së, LDK-së dhe AAK-së është Albin Kurti”” tha Kraki dhe konsideron se qëndrimi i Simic të cilin e shprehu në Kuvend të mërkurën është i njejti me ata të partive ish opozitare tani.

Vetëvendosja kritikohet tashmë për retorikën agresive si një taktikë e prezantimit të vetes si një viktimë pas dështimit të formimit të institucioneve.

Isa Mustafa: Kadri Veseli tha më mirë shkojë vet në Speciale, sesa me i qu shokët

Ish-kryeministri Isa Mustafa në një intervistë foli për procesin gjyqësor në Hagë, shkruan Demos.

Ai deklaroi se ish-kryetari i PDK-së i kishte thënë se “më mirë shkojë vet në Speciale, sesa me i qu shokët”.

Deklarata e plotë:

VIDEO

Vendos Surpremja: Kjo komunë në rinumërim

Gjykata Supreme e Kosovës ka pranuar ankesën e kandidatit të AAK-së për asamblist në Komunën e Istogut, Avni Gashi, dhe e ka kthyer çështjen në Panelin Zgjedhor të Ankesave dhe Parashtresave në rivendosje.

Supremja ka vlerësuar se rinumërimi i votave në vendvotimet e identifikuara në ankesë është i domosdoshëm për të vërtetuar rezultatin e saktë të zgjedhjeve dhe për të garantuar integritetin e procesit zgjedhor.

“Në rivendosje, PZAP, udhëzohet që të shqyrtoj edhe njëherë udhëzimet e dhëna nga kjo gjykatë, pretendimet ankimore të ankuesit, provat e deponuara dhe të procedojë tutje në hetimin e këtyre pretendimeve përkatëse që të sigurojë që mos të cenohet integriteti i procesit zgjedhor dhe secila votë të shkojë në destinimin e synuar dhe mos të ketë devijim të vullnetit të qytetarëve. Nga theksimet si më lartë dhe në bazë të nenit 118 paragrafi 4, të Ligjit për Zgjedhjet e Përgjithshme në Republikën e Kosovës, u vendos si në dispozitiv të këtij aktvendimi”, thuhet në vendimin e Supremes.

Gashi kishte kërkuar të rinumërohen votat në vendvotimet në shkollën fillore “Hysni Zajmi, 0606/03, 0606/04 dhe 0606/05, si dhe në shkollën “Trepça” në Banjë të Pejës, 0602/02, 0602/03, 0602/05, 0602/06, 0602/07, si dhe të rishikohen votat me postë në komunën e Istogut.

PZAP e kishte refuzuar këtë ankesë, por Supremja ka kthyer rastin në rivendosje.

Gashi ka marrë 194 vota në zgjedhjet për asamble dhe ishte i katërti nga më të votuarit nga radhët e AAK-së. AAK-ja i ka fituar dy ulëse.

Musliu për Osmanin: Sot e nxorre sheshit se je këmbë e kokë nën urdhrat e Dejonës

Ish-deputetja e PDK-së, Ganimete Musliu ka komentuar vendimin e presidentes së vendit, Vjosa Osmani që zgjedhjet të mbahen me datën 28 dhjetor, duke i përmbushur kërkesën VV-së dhe Guxo-së.

Musliu në postimin e saj tha se Vjosa Osmani po vepron nën urdhëratë e zyrtares ë VV-së, Dejona Mihali, transmeton lajmi.net.

“Vazhdimisht kemi pasur të drejtë. Sot përfundimisht e nxore sheshit që je këmbë e kokë nën urdhërat e Dejones. Presidente e Dejones.”, shkroi Musliu në postimin e saj në Facebook.