Nisma Socialdemokrate e Fatmir Limajt, në zgjedhjet e jashtëzakonshme parlamentare nuk ka arritur të kalon pragun, sipas Exit Poll-it të PIPOS.
Sipas PIPOS, Nisma ka marrë vetëm 1.1 përqind.
Kujtojmë se në zgjedhjet e kaluar Nisma ishte koalicion me Aleancën për Ardhmërinë e Kosovës (AAK), dhe kishte siguruar tre ulëse në Kuvendin e Kosovës.
Partia Demokratike e Kosovës do të mbajë sonte një konferencë për media.
Konferenca do të nisë nga ora 18:30 në selinë qendrore të partisë.
Kryeministri në detyrë i Kosovës, Albin Kurti u ka bërë thirrje qytetarëve të dalin për të votuar, kur kanë mbetur edhe pak deri në mbylljen e qendrave të votimit.
Kurti ka thënë se sa më e madhe pjesëmarrja në zgjedhje as më i madh është legjitimiteti i institucioneve të ardhshme të vendit.
“Janë më pak se dy orë e gjysmë nga koha kur do të mbyllën vendvotimet. Sa më e gjerë pjesëmarrja në zgjedhje aq më i madh legjitimiteti i institucioneve të ardhshme të vendit. Sot është dita kur secili prej nesh mund të jemi përcaktues për katër vitet e ardhshme. Prandaj, dilni dhe votoni, ftoni të gjithë miqtë, familjarët të dalin e të votojnë dhe në këtë mënyrë të bëhen pjesë e demokracisë dhe vendimmarrës. Dil dhe voto. Mos e le pa dalë. Mos e le për moment të fundit. Ju dua”, ka shkruar Kurti.
Reperi i njohur Gold AG, i cili njihet për përkushtimin e tij ndaj fesë islame dhe vlerave familjare, ka ndarë me ndjekësit një moment mjaft domethënës.
Përmes rrjeteve sociale, ai ka publikuar një fotografi ku shihen dy djemtë e tij, Guerili dhe Fronti, duke u lutur së bashku në shtëpi.
Në foto, djemtë e vegjël shfaqen të ulur mbi sexhade, të veshur me pizhame dhe me një përqendrim që ka rrëmbyer zemrat e ndjekësve.
Ky postim pasqyron edukatën fetare që çifti po përpiqet të përcjellë te fëmijët e tyre që në moshë të hershme, duke i bërë ata pjesë të ritualeve fetare.
Për Gold AG, familja dhe besimi mbeten shtyllat kryesore, gjë të cilën ai e dokumenton shpesh përmes teksteve të këngëve dhe postimeve në jetën private. /Prive By Liberta Spahiu
Blerand Stavilevci i Partisë Demokratike të Kosovës tha në një konfernecë për shtyp se të dhënat e tyre nga terreni u japin indikacione për “rezultat historik” të PDK-së.
Ai tha se “janë pozitive” të dhënat që po marrin dhe se “ka mbështetje për ndryshim”.
“Deri në këto momente, më pak se 4 orë nga mbyllja e vendvotimeve, të dhënat që po marrim nga terreni janë pozitive. Ka mbështetje për ndryshim.
Sipas të dhënave ëq kemi marrë, po skhon drejt një rezltati të mirë për PDK-në, të njl numri votash që për neve janë historike.
Nëse ende nuk e keni votuar, mos e lini votën në shtëpi.
Sot secili nga e ka në dorë përgjegjësinë e madhe, ju që ende nuk e keni votuar, dilni votoni”, tha ai.
Partia Demokratike ka thirrë konferencë për media në ora 15:15.
Në njoftim nuk është bërë e ditur arsyeja.
Dy persona kanë vdekur në Suedi pasi një stuhi e fuqishme dimërore përfshiu vendet nordike, duke shkaktuar ndërprerje të udhëtimit dhe energjisë elektrike.
Instituti Meteorologjik Suedez lëshoi alarme për erëra të forta për pjesë të mëdha të vendit që u godit nga stuhia Johannes.
Një burrë rreth të 50-ave vdiq pasi u godit nga një pemë në vendpushimin e skive Kungsberget në jug të vendit, raportuan mediat lokale dhe policia; ndërsa kompania rajonale e shërbimeve, Hemab, tha se një nga punonjësit e saj vdiq në një aksident “në fushë”.
Dhjetëra mijëra shtëpi në Suedi, Norvegji dhe Finlandë kanë mbetur pa energji elektrike.
Në Suedi, më shumë se 40,000 shtëpi u prekën nga ndërprerjet e energjisë elektrike dhe shumë shërbime hekurudhore u anuluan, raportoi agjencia suedeze e lajmeve TT.
Disa fluturime, shërbime hekurudhore dhe rrugore në pjesë të vendeve nordike janë anuluar.
Një përleshje mes votuesve raportohet të ketë ndodhur në Zhegër të Gjilanit.
Pamjet janë publikuar nga RTV Dukagjini.
Nuk dihen arsyet që kanë çuar deri tek ky veprim, megjithatë siç shihet në pamje, në rast kanë intervenuar zyrtarët policorë.
Prime i së shtunës i “Big Brother VIP Albania” është shoqëruar me emocione të forta, ku në qendër të vëmendjes ishte banori Mal Retkoceri.
Mali, djali i këngëtares Violetë Kukaj mori vendimin e prerë për të mos takuar babanë e tij, me të cilin ka plot 7 vite që nuk ka asnjë komunikim.
Pavarësisht mundësisë për një përballje pas gati një dekade, Mali u shpreh se nuk ishte gati për këtë hap sonte, por duke premtuar se një ditë do të takohen pa praninë e kamerave.
Ky vendim, ka gjetur menjëherë përkrahjen e palëkundur të familjes së tij jashtë shtëpisë.
Nëna e tij, Violetë Kukaj, ka reaguar përmes rrjeteve sociale duke u shprehur krenare për vendimin e Malit.
‘Lum nana për ty, zoti të rujtë’, shkroi Violeta në postimin e saj.
Ajo ka publikuar një foto të Malit ku shihet me një kurorë mbi kokë, veprim i cili shihet si një mesazh i qartë se familja është në një vijë me vendimin e Malit për të mbajtur distancë nga i ati.
Duke refuzuar takimin publik, ai tregoi se respekti për veten dhe për historinë e tij 7-vjeçare peshon më shumë se audienca e momentit, një qëndrim ky që u vulos me mbështetjen publike të nënës dhe motrës së tij.
Mbi 50 mijë qytetarë kanë votuar deri në orën 09:00 në zgjedhjet e parakohshme.
Sipas përditësimit të KQZ-së, 52,785 apo 2,64% është dalja e votuesve deri më tani.
Komunat me daljen më të madhe janë ato në veri.
Kurse, komunat me shumicë shqiptare me dalje më të madhe janë Prishtina e Fushë Kosova.
