“Tre të dyshuarit për vrasjen e trefishtë në Gjilan mund të jenë në serbi”

Të dyshuarit për vrasjen e tre personave në Gjilan, Mefail Shkodra dhe djemtë e tij, ende nuk janë arrestuar nga Policia e Kosovës. Gjersa hetimet kanë hyrë në javën e dytë të tyre, njohës të këtyre çështjeve thonë se Shkodra i takon kategorisë së personave të përgatitur dhe mund të ketë gjetur një strehim në Serbi. Ata udhëzojnë që Policia e Kosovës të bashkëpunojë me EULEX-in.

Është bërë një javë qëkur në Gjilan ndodhi një vrasje e trefishtë pas disa gjuajtjeve me armë që dyshohen se erdhën si shkak i fajdeve.

Të dyshuarit kryesor për këtë rast, Mefail Shkodra dhe djemtë e tij, Engjulli dhe Edonisi nuk kanë arritur të lokalizohen ende nga Policia e Kosovës ani pse janë në kërkim tash e 7 ditë.

Të dielën, Drejtoria e Policisë në Gjilan ka deklaruar se po punohet intensivisht për kapjen e tyre.

Por, për njohës të çështjeve ku të përfshirë janë persona të kësaj natyre, lokalizimi i tyre s’është i lehtë.

“S’është e lehtë të gjendet persona të tillë sepse pas kryerjes së aktit, ata përgatitin terrenin dhe i shmangen komunikimit, jetojnë në situata tejet sekrete dhe për këtë paraqet vështirësi edhe tek organet e rendit. Me punë operative, me persona të caktuar zyrtar që nuk janë në uniformë punojnë në terren, komunikojnë për të ardhur deri te mundësia e gjetjes nëse janë brenda territorit”, ka thënë për Tv Dukagjinin Emrush Kastrati, ish-gjyqtar.

Me hetimet që po hyjnë në javën e dytë, Kastrati thotë se nuk duhet përjashtuar mundësia që të njëjtit të kenë kaluar në Serbi, për ç’ka, Policia e Kosovës, sipas tij, duhet të ndërmarrë veprime shtesë.

“Realisht dhe në formë potenciale ekziston mundësia që për shkak të pozitës gjeografike të Gjilanit dhe pjesës së Serbisë ku jeton komuniteti shqiptar, të njëjtit të kenë kaluar andej mirëpo, në rast se gjinden atje, mundësitë e bashkëpunimit me Serbinë janë të pamundshme sepse Serbia nuk bashkëpunon juridikisht me organet e Kosovës por mund të kryhet përmes EULEX për aq kohë sa ka vullnet edhe Serbia”, ka thënë Emrush Kastrati, ish-gjyqtar.

Për ish-hetues policorë, kërkimi i ndihmës nga EULEX-i mbetet mundësia e vetme.

“Meqenëse Policia e Kosovës dhe e Serbisë nuk kanë një bashkëpunim direkt dhe ky bashkëpunim bëhet përmes disa strukturave të Policisë së UMNIKU-t apo edhe Policisë së EULEX që të bahet një trysni përmes EULEX ose BE Serbisë, që t’i arrestojë dhe t’i ekstradojë në Kosovë. Përndryshe, mundësitë janë të kufizuara”, ka thënë Hilmi Canolli, ish-hetues në Policinë e Kosovës.

Mefail Shkodra ishte i dënuar nga Gjykata e Gjilanit për armëmbajtje pa leje, vjedhje e shërbimeve komunale e për shkaktim të rrezikut të përgjithshëm.

I njëjti së bashku me djalin e tij, i kërkuar gjithashtu, ishin arrestuar e më pas liruar gjatë vitit të kaluar për veprën penale të fajdes e detyrimit, për shkak se kishin paguar dorëzani. /Dukagjini

Goditet nga traktori, vdes një burrë

Një person ka vdekur mëngjesin e së dielës në Lipjan, pasi është goditur nga traktori, shkruan Zeri.info.

Sipas raportit ditor të Policisë së Kosovës, viktima nga pakujdesia e ka ndezur traktorin në mënyrë të parregullt derisa ishte në shpejtësi dhe si pasojë traktori ka lëvizur në mënyrë të pakontrolluar, duke e goditur viktimën.

Raporti i plotë i Policisë, pa ndërhyrje:

Vdekje aksidentale

Lipjan / 17.08.2025 – 10:45. Është raportuar se viktima mashkull kosovar ka mbetur pa shenja jete, pasi dyshohet se nga pakujdesia e ka ndezur traktorin në mënyrë të parregullt derisa ishte në shpejtësi dhe si pasojë traktori ka lëvizur në mënyrë të pakontrolluar, duke e goditur viktimën mashkull kosovar. Lidhur me rastin vdekja e viktimës është konstatuar në Emergjencën e qytetit, ndërsa njësitet policore kanë dalë në vendin e ngjarjes. Me vendim të prokurorit, trupi i pajetë është dërguar në IML për obduksion. /Zëri

Ky është serbi i arrestuar në Merdar për krime lufte ndaj civilëve shqiptarë

Një zhvillim i rëndësishëm ka ndodhur sot në pikën kufitare Merdar, ku është arrestuar Sinisa Spasiq rreth 59-vjeçar, i dyshuar për krime lufte kundër popullsisë civile gjatë luftës së fundit në Kosovë.

Sipas njoftimit të përbashkët të Prokurorisë Speciale të Kosovës dhe Policisë së Kosovës, i dyshuari është ndaluar për 48 orë dhe po hetohet për krime të kryera më 6 prill 1999, në komunën e Vushtrrisë, rajoni i Mitrovicës. Hetimet tregojnë se krimet janë kryer në mënyrë të organizuar nga njësi të MUP-it serb, ku Spasiq shërbente si rezervist aktiv.

Arrestimi është bërë nga hetuesit e Drejtorisë për Hetimin e Krimeve të Luftës, të cilët në bashkëpunim me Prokurorinë Speciale janë duke ndërmarrë të gjitha veprimet e nevojshme ligjore. Brenda afatit ligjor, ndaj tij do të parashtrohet kërkesë për caktimin e masës së paraburgimit në Gjykatën Themelore të Prishtinës.

Spasiq ishte përfshirë në kallëzimin penal të dorëzuar më 22 qershor 2022 në Prokurorinë Speciale, ku figuron ndër të dyshuarit për masakrat ndaj shqiptarëve në Vushtrri.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Mot i ndryshueshëm javën e ardhshme, reshje shiu e diell

VIDEO/ Pamje të rënda, momenti kur njerëzit e Vuçiqit tërheqin zvarrë të riun dhe e godasin shkop

Brutaliteti i regjimit në Beograd ndaj protestuesve sa vjen e po rritet në kohën kur kreu i shtetit Aleksandar Vuçiq paralajmëron ndërhyrjen e ashpër të shtetit pas protestave në shumë qytete të Serbisë, të cilat po mbahen pas shembjes së një tende hekurudhore më 1 nëntor 2024 në Novi Sad, ku gjetën vdekjen 16 persona.

Një video nga Serbia është postuar në rrjetet sociale që tregon njerëz të afërt me shtetin serb  duke zvarritur një të ri, dhe më pas njëri prej tyre e godet me shkop në shpinë.

Rasti ka ndodhur në kryqëzimin e Resavska dhe Nemanjina në Beograd, gjatë një proteste të premten.

Rrahja ndodh jo shumë larg pjesëtarëve të policisë, dhe njerëzit që përdorën dhunë janë anëtarë të Njësisë së Sigurisë për Persona dhe Objekte të Caktuara (JZO). Njësia drejtohet nga komandanti Marko Kricak, i cili vetë është filmuar duke vrapuar pas qytetarëve me një shkop teleskopi në dorë ditët e fundit.

Që nga fillimi i protestave studentore në Serbi, anëtarët e JZO-së kanë qenë më shpesh në rrugë, ku arrestojnë dhe rrahin studentët, sipas mediave serbe.

Në muajt e fundit, anëtarët e kësaj njësie shpesh janë përballur me akuza se veprimet e tyre shkojnë përtej ligjit.

Video këtu!!

Kurti: Krenar që kemi krijuar një ambient që nxit mirëqenien e qytetarëve

Hulumtimi i Qendrës Amerikane të Kërkimeve “Gallup ka nxjerr se Kosova kryeson në matjet globale për përmirësim të mirëqenies.

Kryeministri në detyrë i Kosovës, Albin Kurti është shprehur krenar që si qeveri kanë arritur të krijojnë një ambient që sipas tij, nxit mirëqenien e të gjithë qytetarëve.

“Në indeksin e këtij viti të Gallup Life Evaluation, Kosova dallohet si vendi me rritjen më të madhe në mirëqenien e raportuar. Në vitin 2014, vetëm 11% e popullsisë deklaronin se po përparonin; vitin e kaluar kjo shifër u rrit në 51%, që përfaqëson më shumë se gjysmën e popullsisë. Si qeveri, jemi krenarë që kemi krijuar një ambient që nxit mirëqenien e të gjithë qytetarëve”, ka shkruar Kurti në “X”.

Vuçiqi kërcënon protestuesit: Përgjigjja do të jetë ndryshe prej asaj që keni parë deri tash

Presidenti serb, Aleksandar Vuçiq i ka kërcënuar protestuesit. Në një postim në Facebook ai ka shkruar se “djegia e vendit” nuk do të zgjasë shumë.

Vuçiq ka thënë se përgjigja e shtetit do të jetë krejt ndryshe nga ajo që është parë deri tani.

Sipas tij, do të përdorin gjithçka kanë në dispozicion për të vendosur ligj dhe rend.

“Ne duhet të mbrojmë vlerat e jetës normale dhe të denjë.  Përgjigja e shtetit do të jetë e ndryshme nga ajo që keni parë deri më tani. U premtoj qytetarëve të Serbisë se djegia nuk do të zgjasë shumë. Ne do të përdorim gjithçka që kemi në dispozicion për të rivendosur ligjin, paqen dhe rendin. Për sa kohë që marr frymë dhe ndërsa gjaku rrjedh në venat e mia, do t’i sfidoj ata dhe do të luftoj për Serbinë! Do të luftoj për popullin, qytetarët e Serbisë dhe ne do të fitojmë”, ka shkruar ai.

Protestat u shkaktuan fillimisht nga shembja e një stacioni hekurudhor në Novi Sad në nëntor të vitit të kaluar që vrau 16 persona.

Ndërsa demonstratat kundër korrupsionit kanë tërhequr qindra mijëra protestues, ato kishin qenë kryesisht paqësore deri në përplasjen e së mërkurës, kur besnikët pro-qeveritarë organizuan kundërdemonstrata.

Të shtunën në mbrëmje, policia u vendos përsëri në një numër qytetesh, përfshirë Beogradin, ndërsa njerëzit morën pjesë në demonstrata për të kërkuar zgjedhje të parakohshme.

Zyrat dhe flamujt që përfaqësonin partinë SNS të Vuqiçit kanë qenë në qendër të zemërimit të protestuesve.

Protestuesit gjithashtu thyen dritaret e selisë së Partisë Radikale Serbe, një partnere e koalicionit të SNS-së.

Befason mërgimtari: Gjithë këto kerre që vijnë prej diasporës janë me kredite

Rrahim Neziraj për “GazetaDemos”, foli për jetën personale dhe atë profesionale këtë javë.

Neziraj tregoi për sfidat e jetës larg Kosovës dhe punën e karrierën e tij.

Mërgimtari shtoi se “Gjithë këto kerre që vijnë prej diasporës janë me kredite”.

Deklarata e plotë:

Situatë alarmuese në Beograd – Studentët nisin grumbullimet, Vuçiq dërgon autokolonën me makina të blinduara

Në disa qytete të Serbisë, studentët dhe qytetarët kanë nisur të grumbullohen nëpër sheshe për të vijuar protestën kundër Vuçiq, sot në mbrëmje në ditën e pestë të saj.

Në Novi Sad protesta është thirrur në sheshin para rektoratit me moton “Po bien mbeturinat – populli sundon”, ndërsa banorët e Nishit po mblidhen për të nisur protestën në orën 21:00 te Crveni Pevac.

Në Novi Bečej, në veri të Serbisë, qytetarët për herë të parë kanë bërë thirrje të protestojnë para ambienteve të SNS, Partia Progresive Serbe e udhëhequr nga Aleksandër Vuçiq për këtë arsye një kordon policor ruan godinën.

Ndërkohë Vuçiq ka dërguar një kolonë makinash policie drejt Beogradit të ri (zonë administrative e qytetit të Beogradit) ndërsa 4 studentë u ndaluan sot pasdite dhe ndodhen në ambientet e komisariatit të policisë.

Protesta janë thirrur dhe në Krushevac dhe Leskovac.

Protestat e fundit janë nxitur nga disa incidente në qyteza të Vojvodinës, më 12 gusht, kur mbështetësit qeveritarë i kanë sulmuar protestuesit me fishekzjarrë.

Situata është përshkallëzuar edhe nga veprimet e zyrtarëve policorë atë ditë, të cilët protestuesit i kanë akuzuar se nuk kanë bërë asgjë për t’i parandaluar sulmet.

Policia në anën tjetër, i ka hedhur poshtë këto akuza, dhe ka thënë se ajo i ka parandaluar disa trazira të mëdha.

Shpërthim në objektin e kandidatit të Listës Serbe në Veri

Vetëm pesë orë më parë, zjarrfikësit lokalizuan një zjarr që kishte shpërthyer në një objekt, i cili sipas informatave jozyrtare lidhet me Milosh Peroviçin, zyrtar i Listës Serbe dhe kandidat i kësaj partie në zgjedhjet lokale.

Skena e zjarrit këtë mëngjes ishte e rrethuar me shirita të verdhë. Dëmet materiale në ndërtesë janë të dukshme dhe ndihet era e djegies.

Siç u bindëm në terren, në afërsi të objektit ku shpërtheu zjarri është i angazhuar një automjet i Policisë së Kosovës.

Policia ka konfirmuar për Zubin Potok INFO se informacionin për zjarrin e kanë pranuar sot në mëngjes, në orën 04:20, përcjell Jepi Zë.

“Ka djegur kati i parë i shtëpisë, ku ndodhet shtypshkronja. Askush nuk është lënduar, por janë shkaktuar dëme materiale. Deri më tani nuk ka të dyshuar,” tha Policia e Kosovës për Zubin Potok INFO.

VIDEO

ZP INFO mëson jozyrtarisht se policia dyshon që zjarri është vënë qëllimisht, por janë duke pritur fjalën përfundimtare nga ekspertët.

Për kujtesë, automjeti në pronësi të Milosh Peroviçit, në kohën kur ai ushtronte detyrën e zëvendësministrit të Punës dhe Mirëqenies Sociale në Qeverinë e Kosovës, ishte djegur në qendër të Zubin Potokut, herët në mëngjesin e 17 majit të vitit 2019.