Magazine PRO

Arbërie Veliu-Maqedonci, bashkëshortja e deputetit të VV-së, Ejup Maqedonci, ka dal në mbrojtje deputetes Shqipe Selimi-Mehmeti, e cili dje nuk ka votuar për kryeparlamentare Donika Gërvalllën.

Derisa udhëheqësit e VV-së kanë heshtur ndaj fyerjeve që deputetja Selimi ka marrë nga komentuesit e shumtë në rrjetet sociale, Arbërie Veliu-Maqedonci e ka duartrokitur veprimin e bashkëshortes së Rexhep Selimit për mosvotimin e Donika Gërvallës, e cila vazhdimisht ka fyer ish-krerët e UÇK-së.

Në statusin e deputetes Selimi, ku ajo tregon arsyet e mosvotimit të Gërvallës, Veliu-Maqedonci ka komentuar, duke shprehur respekt për ish-ushtaren e UÇK-së.

Edhe Arbërie Veliu-Maqedonci ka qenë ushtare e UÇK-së. Madje, ajo gjatë luftës është njohur me bashkëshortin Ejup Maqeodnci, i cili aktualisht është ministër në detyrë i Mbrojtjes dhe në zgjedhjet e 9 shkurtit është zgjedhur deputet i VV-së.

Një aksident tragjik ka ndodhur mëngjesin e sotëm në fshatin Gjurgjevik i Madh të Klinës, ku një person ka humbur jetën, ndërsa pesë të tjerë kanë mbetur të lënduar.

Lajmin për Sinjalin e ka konfirmuar zëdhënësi i Policisë për rajonin e Pejës, Fadil Gashi.

“Në aksident janë të përfshira një autobus i udhëtarëve dhe një veturë, gjashtë persona janë dërguar për tretman mjekësor në emergjencë të Spitalit Rajonal të Pejës, por njëri nga të lënduarit nga mjeku kujdestar e ka konstatu vdekjen. Për rastin është njoftuar Prokurori i Shtetit.”, tha ai.

Për këtë ka shkruar edhe Spitali i Përgjithshëm i Pejës përmes një njoftimi.

“Spitali i Përgjithshëm në Pejë njofton opinionin publik se, si pasojë e një aksidenti trafiku të ndodhur në fshatin Dollc të Klinës, në Emergjencën e Spitalit është sjellë një person pa shenja jete. Gjithashtu, deri më tani kemi pranuar 5 persona të lënduar nga ky aksident, të cilët po trajtohen dhe po marrin kujdesin e nevojshëm nga ekipet tona shëndetësore”, thuhet në njoftim.

Spitali i Pejës ka shtuar se për çdo informacion shtesë lidhur me gjendjen e pacientëve, do të informojë opinionin publik me kohë.

Ngritja e çmimeve të shumë produkteve është shqetësim për qytetarët. Edhe evidencat e Agjencisë së Statistikave, krahasuar me periudhën e njëjtë kohore, pasqyrojnë rritje të çmimeve në shumë produkte bazë për jetesë. Ndërkohë, njohës të ekonomisë vënë në pah se për standardin e jetesës në Kosovë, çmimet aktualisht janë të larta, duke paralajmëruar valë të re të shtrenjtimit.

Çmimet e një pjese të produkteve ushqimore, veshjeve, të veglave e pajisjeve shtëpiake, si dhe të shumë mallrave të tjera, gjatë muajve të fundit kanë shënuar rritje.

“Nuk po mundemi t’i vërejmë se dita-ditës po ngrihen çmimet”, tha një qytetar.

“Shtrenjtë janë gjërat në krahasim me rrogat që i kemi, sidomos me të ardhurat e pensionistëve, por po na ndihmojnë fëmijët tanë, se ndryshe gjysma e pensionit na shkon për terapi”, shtoi një tjetër qytetar.

Sipas Agjencisë së Statistikave të Kosovës, krahasuar me korrikun e vitit të kaluar, sivjet çmimi i kafesë dhe çajit është rritur për 16,9%, i mishit për 12,7%, i pemëve 12,3%, i perimeve për 10,7%, ndërsa ai i vajrave dhe yndyrave për 9.9%.

Ngritje kanë pësuar edhe çmimet e produkteve të tjera si qumështi, djathi, vezët, lëngjet e pijet alkoolike.

Njohës të ekonomisë vënë në pah se për standardin e jetesës në Kosovë, çmimet aktualisht janë të larta.

“Ngritja e çmimeve rrezikon kategorinë e familjeve me asistencë sociale, të pensionistëve, por edhe ata që janë të punësuar në sektorin publik, por gjithashtu edhe në sektorin privat, sepse rritja e pagës ndodhë rrallë, ndërsa inflacioni rritet për çdo muaj, që për ekonominë e konsumatorëve në Kosovë është e papërballueshme”, tha Jakup Bellaqa, njohës i ekonomisë.

Sipas Bellaqës, muajt në vijim pritet një valë e re e rritje së çmimeve, kjo për shkak të daljes së bizneseve të mëdha në treg të lirë të energjisë.

“Pasojat do të jenë më të mëdha, sepse do të zvogëlohet rritja ekonomike, do të zvogëlohet brutoprodukti, që faktikisht do t’i kushtojë ekonomisë së Kosovës”, shtoi Bellaqa.

Shumë biznese të mëdha në vend kanë paralajmëruar ngritje të çmimeve të produkteve, duke e arsyetuar këtë me shpenzimet për energji elektrike, që vlerësohet se mund të rriten 100 për qind./rtk/

Ministri i Jashtëm polak, Radosław Sikorski, ka reaguar ndaj incidentit të mbrëmshëm, kur një dron ushtarak u rrëzua në lindje të Polonisë, ndërsa ministri i Mbrojtjes pohon se bëhet fjalë për një dron me origjinë ruse.

Siç ka bërë të ditur ai në rrjetin social X, bëhet fjalë për “një tjetër shkelje të hapësirës sonë ajrore nga lindja”, gjë që sipas tij, konfirmon se misioni më i rëndësishëm i Polonisë brenda NATO-s është mbrojtja e territorit të saj.

Sikorski tha se do të dorëzohet një protestë zyrtare “kundër autorëve të incidentit”, pa përmendur shtetin që besohet të jetë përgjegjës për ngjarjen.

Ministri i Jashtëm polak, Radosław Sikorski, ka reaguar ndaj incidentit të mbrëmshëm, kur një dron ushtarak u rrëzua në lindje të Polonisë, ndërsa ministri i Mbrojtjes pohon se bëhet fjalë për një dron me origjinë ruse.

Siç ka bërë të ditur ai në rrjetin social X, bëhet fjalë për “një tjetër shkelje të hapësirës sonë ajrore nga lindja”, gjë që sipas tij, konfirmon se misioni më i rëndësishëm i Polonisë brenda NATO-s është mbrojtja e territorit të saj.

Sikorski tha se do të dorëzohet një protestë zyrtare “kundër autorëve të incidentit”, pa përmendur shtetin që besohet të jetë përgjegjës për ngjarjen.

Zëvendëskryeministri i Polonisë dhe ministri i Mbrojtjes, Władysław Kosiniak-Kamysz, beson se droni që shpërtheu gjatë natës në Poloni është me origjinë nga Rusia, raporton theguardian.

“Rusia po provokon përsëri vendet e NATO-s pas incidenteve me dronë që ndodhën në Rumani, Lituani dhe Letoni”, tha ai.

“Kjo po ndodh në një moment veçanërisht të rëndësishëm, ndërsa zhvillohen bisedimet për paqe. Po ndodh në një kohë kur ka shpresë se lufta e nisur nga Rusia – një luftë kundër shtetit ukrainas, por edhe një luftë që kërcënon sigurinë e vendeve të NATO-s – ka një mundësi të përfundojë”, pohoi ministri.

Kujtojmë se mbrëmë një objekt i paidentifikuar ra në një fushë misri në vendbanimin Osiny, në qarkun Łuków, në rajonin Lubelszczyzna të Polonisë, dhe policia gjeti në vendin e ngjarjes mbetje të djegura metalike dhe plastike.

Propozimet e Lëvizjes Vetëvendosje për kryetar të Kuvendit të Kosovës nuk kanë kaluar as pas tentimit të 55-të për konsituimin e Kuvendit.

Në seancën e sotme, Vetëvendosje propozoi dy kandidate, Albulena Haxhiun dhe Donika Gërvallën. Por, asnjëra nga to nuk mori votat e mjaftueshme.

Haxhiu e Gërvalla morën nga 57 vota për dhe 56 kundër, ndërkaq tre deputetët e NISMA-s abstenuan.

Mirëpo, nga votimi i sotshëm u vërejt një ndryshim. Nga 56 vota “për” sa kishte zakonisht Lëvizja Vetëvendosje, sot VV-ja mori një votë më shumë.

Deputeti nga Partia Liberale Egjiptiane, Veton Berisha, ndryshoi qëndrimin e tij.

Deputeti Albin Kurti duket se është bërë nervoz me deputetin Xhelal Sveçla.

Kështu së paku tregojnë disa pamje sot nga salla e Kuvendit.

Duke u futur në seancë Sveçla i flet ndërsa Kurti nuk i bashkëpërgjigjet me kontakt: përkundrazi, kthehet me shpërfillje dhe i çet shpinën.

Sveçla sërish e ndjek nga pas duke i folur, por Kurti nuk i jep komunikim.

Deputetja e VV-së, Shqipe Mehmeti-Selimi, e ka konfirmuar se nuk e ka votuar Donika Gërvallën për kryetare të Kuvendit.

Ajo e ka pranuar se vota e saj nuk lidhet me motive partiake, por me postimet e Donika Gërvallës kundër Rexhep Selimit.

“Në përgjigje të interesimit të madh të mediave dhe opinionit publik lidhur me arsyen se pse nuk mora pjesë në votim gjatë seancës së sotme, dëshiroj të sqaroj se mospjesëmarrja ime nuk lidhet me motive partiake. Ajo ka të bëjë me një postim të datës 7 shkurt dhe 25 mars 2020, të cilin po e bashkëngjis në këtë shkrim”.

“Këtë shpjegim po e bëjë për hir të transparencës dhe respektit ndaj opinionit, mediave dhe në veçanti, përkrahësve e votuesve të Lëvizjes Vetëvendosje. I falënderoj për mirëkuptimin kolegët, aktivistët dhe votuesit e Lëvizjes”, ka shkruar ajo.

Deputetja e LDK-së, Hykmete Bajrami, ka thënë se është e gatshme t’i kthejë pagat për 52 seancat që Gjykata Kushtetuese i ka shpallur të pavlefshme.

“Nëse ish kërku, i kishim kthyer”, tha Bajrami kur u pyet nga gazetarja e Klan Kosova, Arbreshë Uka mbi këtë çështje.

Nënkryetarja e LDK-së tha se për këtë çështje duhet të merret përgjigje në Ministrinë e Financave apo edhe në administratën e Kuvendit.

Gjykata Kushtetuese, në aktgjykimin e datës 8 gusht, ka konstatuar se të gjitha seancat e mbajtura gjatë 30 ditëshit, të shpallen të pavlefshme.

“II. TË KONSTATOJË, njëzëri, që deputetët e zgjedhur të Kuvendit të Republikës së Kosovës nuk kanë zbatuar Aktgjykimin e 26 qershorit 2025, të Gjykatës Kushtetuese të Republikës së Kosovës në rastin KO124/25, dhe rrjedhimisht të gjitha seancat e mbajtura nga data 27 qershor deri më 26 korrik 2025 shpallen të pavlefshme”, ka thënë Gjykata Kushtetuese në këtë aktgjykim.

Deputetja e Lëvizjes Vetëvendosje, Shqipe Selimi-Mehmeti,  që është bashkëshortja e Rexhep Selimit, nuk e ka votuar sot Donika Gërvallen për kryetare të Kuvendit të Kuvendit.

Në seancën e sotme, Selimi nuk ka marrë pjesë fare në procesin e votimit për Donika Gërvallen për kryetare të Kuvendit.

Në pamjet që shihen nga Kuvendi, deputetja e VV-së në momentin e votimit shihet duke pirë ujë dhe nuk i shikon fare kolegët e saj derisa votonin për Gërvallën.

Deputeti i Listës Guxo, Faton Peci, ka mallëngjyer me një deklaratë pas dështimit të zgjidhjes kryetare të Donika Gërvallës, bashkëkryetares së partisë së tij.

Peci me anë të një shkrimi në ‘Facebook’ ka deklaruar se PDK, LDK, AAK dhe Lista Serbe dolën kundër që Donika Jusuf Gërvalla të zgjidhet kryetare e Kuvendit, shkruan Insajderi.

“Dita e sotme do të mbetet në memorien time për gjithë jetën.  Jo vetëm për dorën e ngritur kundër Albulena Haxhiut, por sepse pashë me sytë e mi, në sallën e Kuvendit, dorën e ngritur në kor nga PDK, LDK, AAK dhe Lista Serbe, kundër që Donika Jusuf Gërvalla, mbesa e Nënës Ajshe të jetë Kryetare e Kuvendit të Republikës

Të bashkuar kundër formimit të qeverisë, kundër mbiemrit Gërvalla, që është simbol i krenarisë dhe vulë e historisë”.