Fituesi i Big Brother VIP Albania, Gjesti, do të jetë sonte pjesë e emisionit “Goca dhe Gra”.
Së bashku me të, do të jenë edhe dy ish-banoret e BBVA, Loredana dhe Gerta.
Këto të fundit do të jenë paneliste të emisionit për këtë edicion.
Këngëtarja e njohur e muzikës popullore, Engjëllusha Salihu, ka ndarë me ndjekësit e saj një moment shumë të veçantë dhe plot dashuri – njëvjetorin e fejesës me partnerin e saj Mergimin.
Në një fotografi të publikuar në rrjete sociale, të ndarë nga fejesa e tyre, Engjëllusha ka shkruar:
“Gëzuar përvjetorin, dashuria ime”, duke kujtuar edhe një herë këtë datë simbolike të tyre.
Kujtojmë që Engjëllusha herë pas herë ndan momente të veçanta krah partnerit të saj.
Raportuesi për Kosovën në Parlamentin Evropian, Riho Terras, ka thënë se Kosova është në rrugë të mirë dhe se këtë e ka potencuar edhe raportin e tij.
Ai thotë se si pushteti, ashtu edhe opozita janë shumë të interesuar në integrimet evropiane. Por, thotë se këtë dëshirë e kanë edhe qytetarët e Kosovës.
Megjithatë, ai thotë se për të hartuar raporte të tilla duhet t’i shihen të gjitha anët dhe thotë se kanë identifikuar disa gjëra të cilat mund të përmirësohen.
“Liria e mediave njëra ndër to. Raporti ka dalë para se të publikohej ky raporti i fundit i Reporterëve pa Kufij, kemi parë se ka pasur probleme, rënia e Kosovës për 24 vende në këtë indeks është diçka që e dëshmon nevojën që Kosova ka për ta përmirësuar lirinë e medias, që është një ndër elementet bazike të sundimit të ligjit”, u shpreh Terras, raporton Klankosova.tv.
Ndër të tjera, ai thotë se kanë vënë re që Qeveria tashmë e dorëhequr e Kosovës po e lufton korrupsionin, por shton se “ka ende punë për t’u bërë”.
Terras tha se në raport është prekur edhe tema mbi dialogun ndërmjet Kosovës dhe Serbisë i cili, sipas tij nuk po shkon mirë, ndërsa shton se i njëjti është parakusht për integrimin evropian.
“E kuptoj qëndrimin e Kosovës dhe e kuptoj që Serbia nuk po e bën punën e saj por është e rëndësishme që dialogu të vazhdojë, është e rëndësishme për procesin si tërësi. Nuk më takon mua të vendos, unë thjesht raportoj për atë se në çfarë niveli e gjendje janë gjërat, por nga ana e Komisionit është caktuar tashmë një ambasador i ri, ambasadori Peter Sorensen i cili ka shumë përvojë në rajon dhe që ka top-detyrë t’i sjellë të dyja palët sërish në tavolinën e bisedimeve”.
“Nga ana e Parlamentit jemi duke e konsideruar mundësinë e fillimit të bisedimeve ndërmjet politikanëve, pra deputetëve, bisedime ndërmjet dy parlamenteve duke qenë se Parlamenti Evropian do të mund të ishte ndërmjetësues i këtyre bisedimeve por gjëja kryesore patjetër është ajo se përfaqësuesja e lartë Kallas dhe stafi i saj duhet të punojnë për këtë temë”, deklaroi për KlanKosova Riho Terras.
Sot është mbajtur tentativa e 17-të për konstituimin e Kuvendit, e cila, ashtu si herët e kaluara, ka përfunduar pa sukses.
Megjithatë, para fillimit të seancës, kamerat kanë kapur një moment interesant mes kandidates së Lëvizjes Vetëvendosje për kryetare të Kuvendit, Albulena Haxhiu, dhe liderit të kësaj partie, Albin Kurti.
Në pamjet e transmetuara shihet se, teksa Haxhiu hyn në sallën e Kuvendit dhe kalon përballë Kurtit, ky i fundit as nuk e përshëndet.
Minuta 47:50 në videon poshtë
Presidenti ukrainas Volodymyr Zelensky ka bërë thirrje për sanksione më të ashpra ndaj Rusisë, një qëndrim që duket se po merr mbështetje edhe nga presidenti amerikan Donald Trump, shkruan Gazeta Sinjali.
Trump tha se do të ishte i gatshëm për sanksione më të forta për të bërë presion ndaj Vladimir Putin. “Ne do të shohim se çfarë do të ndodhë – kjo do të jetë dërrmuese për Rusinë”, tha ai, transmeton SkyNews.
Ndërkohë, Rusia dhe Ukraina kanë rënë dakord për shkëmbimin e 1000 robërve të luftës nga secila palë. Nëse ky shkëmbim realizohet, do të jetë shkëmbimi më i madh i të burgosurve në më shumë se tre vjet, që kur Rusia nisi agresionin në Ukrainë në shkurt 2022.
Këngëtarja kosovare Leonora Jakupi çdo ditë e më shumë po impresionon me pamjen e saj.
Ajo ka ndarë një fotografi në Instagram dhe po duket për mrekulli, por më ndryshe se qe jemi mësuar ta shohim.
46 vjeçarja shfaqet e vishur me xhinse, bluzë të bardhë dhe një xhaketë me ngjyra.
Moderatorja e njohur Marina Vjollca ka festuar në mënyrë të bukur dhe emocionuese 35-vjetorin e lindjes së saj.
Për të shënuar këtë ditë të veçantë, Marina ka ndarë për herë të parë me ndjekësit e saj portretin e vajzës së saj, Marget, një moment që fansat e saj e prisnin me padurim.
Duke shfaqur një video të ngrohtë, ajo na sjell një çast intim mes nënës dhe vajzës, teksa ata ndodhen përballë tortës me numrin 35.
Marina, e cila ka qenë gjithmonë një figurë influencuese në median shqiptare, duket se ka gjetur një mënyrë për të festuar jetën e saj dhe njëkohësisht për të ndarë me ndjekësit e saj një pakicë të jetës private.
Videoja që ndau përmban momente të lumtura dhe emocionuese, duke e bërë atë një përvojë të paharrueshme për të gjithë ata që e ndjekin.
Reagimet e fansave kanë qenë të menjëhershme. Shumë prej tyre shprehën urime dhe mbështetje për Marinë, si dhe ndjenjat e dashurisë për të dyja, nënën dhe vajzën. Kjo video ka instinktivisht ndezur emocione të forta te ata që ndihen të lidhur me jetën e saj.
Rubrika “Social Top 5” e emisionit “Live From Tirana” ka publikuar renditjen e re javore të personazheve që kanë fituar (apo humbur) më shumë ndjekës në “Instagram”.
Në fokus këtë javë janë ish-banorët e “Big Brother VIP 4”, të cilët po vazhdojnë të tërheqin vëmendje edhe jashtë shtëpisë.
Në vend të pestë renditet Gjesti, i cili për herë të parë ka shënuar rënie në ndjekës, duke humbur 1 mijë, nga 610K në 609K. Rozana Radi qëndron e pandryshuar me 469 mijë ndjekës.
Kryesuesja absolute për këtë javë është Loredana Brati, e cila ka fituar 13 mijë ndjekës të rinj. Nga 149K javën e kaluar, tashmë ajo numëron 162 mijë ndjekës në profilin e saj.
Stuhitë e fuqishme me tornado kanë goditur rëndë dy shtete amerikane, Kentucky dhe Missouri, duke shkaktuar të paktën 16 viktima dhe dëme të mëdha materiale. Shifrat tragjike janë konfirmuar nga autoritetet lokale, ndërsa ekipet e kërkim-shpëtimit vazhdojnë operacionet në terren, shkruan Gazeta Sinjali.
Në Kentucky, tornadoja goditi rëndë Qarkun Laurel, në juglindje të shtetit, gjatë orëve të para të së shtunës, duke shkaktuar nëntë viktima. Zyrtarët lokalë paralajmëruan se numri i të vdekurve mund të rritet, pasi shumë persona mbeten ende të zhdukur dhe operacionet e shpëtimit janë në vijim.
Ndërkohë, shteti i Missouri është përballur me pasoja të rënda, ku janë raportuar shtatë viktima, pesë prej të cilëve në qytetin e St. Louis. Tornadoja që përfshiu këtë zonë shkatërroi mbi 5,000 ndërtesa, rrëzoi çati dhe dëmtimet në infrastrukturë lanë më shumë se 100,000 shtëpi pa furnizim me energji elektrike.
Sipas Shërbimit Kombëtar të Motit, tornadoja goditi St. Louis rreth orës 14:30 të premten, pranë Parkut Forest, afër Kopshtit Zoologjik dhe vendit historik ku u mbajtën Lojërat Olimpike të vitit 1904. Një ndër godinat e shkatërruara ishte edhe pjesa e Kishës së Krishterë Centennial, ku disa persona u shpëtuan, por fatkeqësisht një prej tyre nuk arriti të mbijetonte.
Në përgjigje të situatës emergjente, autoritetet kanë shpallur shtetrrethim në dy nga zonat më të prekura, i cili do të mbetet në fuqi deri në orën 06:00 të mëngjesit.
Kryetarja e bashkisë së St. Louis, Cara Spencer, reagoi me dhimbje ndaj situatës: “Do të kemi shumë punë për të bërë në ditët në vijim, por sonte jemi të përqendruar në shpëtimin e jetëve dhe mbajtjen e sigurisë.”
Stuhitë kanë prekur edhe pjesë të Illinoisit, duke përhapur kushte ekstreme moti që janë ndjerë deri në bregdetin e Atlantikut. Ndërsa komunitetet në këto shtete po përballen me pasojat e katastrofës natyrore, SHBA përjeton edhe një herë një moment të rëndë, me jetë të humbura dhe dëme të pallogaritshme.
Politologu, Nexhmedin Spahiu, ka zhvilluar takim në Beograd me ministrin e Jashtëm serb, Marko Gjuriq.
Përmes një postimi në rrjetet sociale, Spahiu bëri të ditur se takimi u realizua në zyrën e ministrit serb, transmeton Klankosova.tv.
E në një prononcim për “GazetaBlic”, Spahiu tha se ftesa i erdhi nga ministri serb Gjuriq, ku tregon se së bashku zhvilluan bisedë rreth një orë.
“Jam në një konferencë në Beograd. U ftova në një takim nga ministri Gjuriq dhe zhvilluam një bisedë një orëshe”, tha ai
