Kurti lajmërohet nga Amerika, e gjatë për të sot paska qenë dita!

Mbrojtësi shqiptar debuton me fanellën e Arsenalit

Arsenal është duke luajtur ndeshjen e Carabao Cup ndaj Boltonit, ku momentalisht është duke triumfuar me rezultat 5-1.

Pjesë e këtij suksesi është edhe futbollisti shqiptar, Maldin Kacurri, shkruan Gazeta Express.

Ai është 18-vjeçar dhe luan në pozitën e qendërmbrojtësit.

Ky futbollist bëri debutimin e tij sonte me ekipin e parë të “Topçinjve”, ku u inkuadrua në lojë në minutën e 70-të, në vend të mbrojtësit italian Riccardo Calafiori.

Ahmeti zbulon “të pa thënat” para se VV-ja të ndahet: Albini i ka thënë Molliqajt se Shpendi është spiun i Amerikës

Ish-pjesëtari i Lëvizjes Vetëvendosje, Shpend Ahmeti, ka kritikuar kryeministrin Albin Kurti për qasjen të cilën e ka ndaj SHBA-ve.

Ai ka treguar një moment gjatë ndarjes me Lëvizjen Vetëvendosje.

Ahmeti tha se në një takim të deputetëve të LVV-së më kryesinë, Dardan Molliqaj i kishte thënë Kurti se “a na ke thënë që Shpend Ahmeti është spiun i amerikanëve”.

Sipas Ahmetit, “SHBA-ja e kanë dërguar atë për ta prishur Vetëvendosjen”.

“Kur jemi dalë ne prej Vetëvendosjes, ka qenë mbledhja e deputetëve me kryesinë dhe Dardan Moliqaj kur u kap i tha Kurtit ti a na ke thëne 8 vjet që Shpendi është spiun i amerikanëve që na kanë çu me prish Vetëvendosjen”, ka thënë Ahmeti në Pressing të T7.

Ky është moti për nesër

Nesër në Kosovë pritet të kemi mot kryesisht me diell dhe mjaft i ngrohtë, me vranësira të pakta lokale. Temperaturat do të shënojnë rritje dhe ajo maksimale parashihet deri në 27 gradë Celsius.

Në Shqipëri, Maqedoninë e Veriut, Luginë të Preshevës dhe Mal të Zi nesër pritet të mbajë mot kryesisht me diell, vranësira të pakta lokale dhe me rritje të temperaturave deri në 30 gradë Celsius në viset më të ngrohta të rajonit.

Shkarkimi i zëvendesministrit serb, kjo është arsyeja

Radoica Radomiroviq, zëvendësministër për Komunitete dhe Kthim është shkarkuar nga kjo pozitë, më shumë se një vit pasi u emërua nga kryeministri Albin Kurti.

Këtë e konfirmoi vet ai, i cili tha se “sapo mora një e-mail nga Zyra e Kryeministrit që më kanë liruar nga detyra”.

“Krejtësisht e pritshme”, ka shtuar Radomiroviq, i cili ditë më parë njoftoi dorëheqjen nga partia teksa bëri të ditur pakënaqësitë e fundit në lidhje me ndarjen e fondeve nga eprori i tij, Nenad Rashiq, për veriun e Kosovës.

Sipas tij, Nenad Rashiq po e akuzon për bashkëpunëtor të shërbimeve të Serbisë, që sipas tij është “absurde”.

“Bomba po gjuhen mbi kolegët e mi në veri, kolegët e mi ndalohen në Serbi, a këto shoqëruesit e afërt të tij lëvizin lirshëm nëpër Serbi”, tha Radomiroviq, duke iu përgjigjur këtyre akuzave që, siç thotë ai, Nenad Rashiqi ka shtruar ndaj tij te Qeveria e Kosovës.

Radomiroviq e ka shtruar një pyetje, që sipas tij, duhet ta shtrojë publiku dhe të kërkojë qartësim për paratë e ministrisë që shkojnë të një OJQ që udhëhiqet nga një person me emrin Milan Dabiq.

Ai thotë se është krejtësisht në lidhje personale, interesi e përfitimi me Nenad Rashiqin.

“Autoritetet kompetente duhet të adresojnë çështjen e granteve të ministrisë. Ato po ashtu duhet të adresojnë çështjen se kush janë këto OJQ që i marrin grantet e ministrisë. Po ashtu, kush është Milan Dabiqi dhe pse dhe si punon ai me ato para të ministrisë”.

“Edhe vetë Rashiqit do t’i duhet të jep llogari për shumë çështje. Praktikisht nuk e ka më askënd në kabinet, të gjithë kanë hequr dorë nga ai”.

Protesta e tij ndaj Rashiqit thotë se ka të bëjë me shpërputhjen në ndarjen e fondeve, ku prej 7 milionë eurove, vetëm 180 mijë janë ndarë për veriun e Kosovës.

“Qeveria dëshiron të integrojë veriun e Kosovës dhe t’i ndihmojë qytetarët, dhe ju do të pajtoheni që 180 mijë janë qesharakisht pak”, tha ai.

Ai thotë se Milan Dabiq “është Alfa dhe Omega i parasë në ministri. Është ky që vendos kush merr grantet. Krejt paratë e OJQ-ve shkojnë te ai”, tha ai për Nacionalen.

Haziri për deklaratën e Hovenierit: Shuplakë diplomatike e Amerikës për Qeverinë Kurti

Nënkryetari i LDK-së, Lutfi Haziri, vlerëson se qeveria Kurti mori edhe një shuplakë diplomatike nga Amerika. Duke cituar ambasadorin amerikan Hovenier, Haziri tha se kjo tregon sa të shqetësuar janë miqtë e Kosovës me qeverinë aktuale.

Sipas Hazirit, deklarata e Hovenier vjen si shkak i veprimeve të qeverisë.

“Se në çfarë shkalle qeveria Kurti i ka degraduar raportet me mikun më të madh të shqiptarëve, Shtetet e Bashkuara të Amerikës, tregon deklarata e sotme e ambasadorit Hovenier, i cili e citoi babanë e tij, këshilla e të cilit ishte: “Mos p…… në dyer të klubit që doni të hyni”. Kjo tregon edhe njëherë sa të shqetësuar janë miqtë tanë me këtë qeveri që mbeti tash e tri vjet pa miq. Kjo qeveri, jo vetëm në derë të klubit, por ka p…… edhe në derë të mikut. Kjo deklaratë deklaratë vjen për shkakt të kontrollit mbi polici, mosrespektimit të të drejtave për pakica si zotim dhe arsyetim i pranimit të Republikës tonë, moskoordinit me aleatët e mosmbajtjes së fjalës e obligimeve”, deklaroi Haziri në profilin e tij në FB.

Reagimi i tij i plotë:

Edhe një ‘shuplakë’ diplomatike e Amerikës për qeverinë Kurti

Në 1-vjetorin e sakrificës së policit Afrim Bunjaku dhe reagimit të Policisë së Kosovës të cilët parandaluan dhe eliminiuan kërcnimin më të madh terrorist në Republikën e Kosovës, vjen një shuplakë diplomatike e Amerikës për qeverinë Kurti.

Se në çfarë shkalle qeveria Kurti i ka degraduar raportet me mikun më të madh të shqiptarëve, Shtetet e Bashkuara të Amerikës, tregon deklarata e sotme e ambasadorit Hovenier, i cili e citoi babanë e tij, këshilla e të cilit ishte: “Mos p…… në dyer të klubit që doni të hyni”.

Kjo tregon edhe njëherë sa të shqetësuar janë miqtë tanë me këtë qeveri që mbeti tash e tri vjet pa miq. Kjo qeveri, jo vetëm në derë të klubit, por ka p…… edhe në derë të mikut. Kjo deklaratë deklaratë vjen për shkakt të kontrollit mbi polici, mosrespektimit të të drejtave për pakica si zotim dhe arsyetim i pranimit të Republikës tonë, moskoordinit me aleatët e mosmbajtjes së fjalës e obligimeve.

Në anën tjetër, Prokuroria Speciale me durim dhe profesionalizëm faktuan këtë sulm dhe ngritën aktakuzë ndaj 46 pjesëmarrësve që organizuan dhe u munduan të zbatojnë një zbarkim deri të lumi Ibër, por u ndalën, u vranë, u burgosën dhe të tjerët ikën.

Drejtësia dhe Gjykata duhet të tregohet e drejtë dhe zbardh deri në fund këtë plan, inkriminimin dhe rolin e shtetit serb fqinji verior i Republikës. Drejtësia vonon, por del në dritë. Kurrë mos guxoni t’ia mësyni se nuk mund të ikni prapa më

Koha po vjen tuj ardhë!

Albin Kurti shkarkon zëvendësministrin serb

Zëvendësministri për Komunitete dhe Kthim, Radoica Radomiroviq është shkarkuar nga detyra.

Burime të Tëvë 1 kanë thënë se ajo është shkarkuar për shkak të refuzimit të bashkëpunimit me kryetarin e Leposaviqit, Lulzim Hetemi.

“Dite me pare Radomiroviq është shkarkuar pasi qe nuk ka bashkëpunuar me kryetarin e Komunës se Leposaviqit, Lulzim Hetemi deri sa edhe e ka kërcënuar me një padi ne Gjykate”, ka thënë ky burim.

Lajmi për shkarkimi e tij për Tëvë1 është konfirmuar edhe nga Qeveria e Kosovës.

Emri i Radoica Radomiroviqit është përfolur në media, opinion e nga opozita se ka qenë pjesë e forcave serbe gjatë luftës në Kosovë.

Sezoni i ri i “Përputhen” nis pa të, merr vëmendje komenti i Olsa Muhametit

Sezoni i gjashtë i “Përputhen” startoi në 23 shtator me moderatore Megi Pojanin.

Bukuroshja bëri një postim në Instagram, ku u shpreh se, “Kam një plan të guximshëm prej të dehuri – Dua t’ju bëj të dashuroheni” dhe vëmendje mori komenti i Olsa Muhametit, e cila u largua si autore e këtij programi muaj më parë.

“Suksese.

Bëje siç di ti”- ishte komenti i Olsës, duke hedhur poshtë aludimet se mund të ketë hatërmbetje me stafin e “Përputhen”.

Shiko foton:

A po ‘sanksionohet’ Policia e Kosovës nga SHBA-ja? Anulohen trajnimet

Disa trajnime të ndryshme të Policisë së Kosovës që janë kryer deri së fundmi në bashkëpunim me Ambasadën Amerikane, po raportohet se janë anuluar. Këto informacione as nuk janë pohuar por as mohuar nga Ministria e Punëve të Brendshme, ndërsa Policia e Ambasada e SHBA-së nuk ka kthyer përgjigje.  

Këto po vlerësohen si zbatim i asaj çka paralajmëroi ambasada amerikane, se veprimet e Qeverisë në veri do të ndikojnë në natyrën e bashkëpunimit me MPB-në dhe vartësit e saj.

Njësitë Speciale të Policisë së Kosovës për një kohë nuk do të jenë pjesë e trajnimeve ndërkombëtare të organizuara e mbështetura nga SHBA-ja.

Siç raporton Tv Dukagjini, krejt kjo është bërë si formë sanksionimi për veprimet e Qeverisë dhe Policisë në veri të Kosovës, kur mbylli komunat paralele serbe.

“Veprimet e Qeverisë do të ndikojnë edhe në cilësinë dhe natyrën e bashkëpunimit tonë me Ministrinë e Punëve të Brendshme dhe elementët vartës të saj”,kishte paralajmëruar atë kohë Ambasada amerikane në Prishtinë.

Se zyrtarët policorë janë lënë jashtë këtyre trajnimeve, nuk është pohuar por as mohuar nga Policia e as nga Ministria e Punëve të Brendshme.

Merr tjetër kthesë drama Fero-Arbenita — deklarata e papritur e avokates së modeles

Drama mes Feronit Shabanit, dikur i njohur me emrin artistik ‘Fero’ dhe ish-gruas së tij, Arbenita Ismajlit, në lidhje me kujdestarinë e vajzës së tyre, duket se nuk ka marrë fund, pavarësisht se zhvillimet e fundit dhanë përshtypjen për të kundërtën.

Kanë kaluar veç pak ditë prej një deklarate publike të ish-reperit, përmes së cilës ai pretendonte se ka marrë kujdestarinë e vajzës.

Sipas asaj që la të kuptohej Fero, vajza do të qëndronte përgjatë javës me të, e në fundjavë me nënën e saj Arbenitën.

Një vendim në formën e tillë, natyrisht se gëzoi Feron pasi që ishte ky i fundit që pretendonte se Arbenita e ka marrë pa lejen dhe pa dijeninë e tij vajzën jashtë Kosovës, e madje hidhte edhe aludime të tjera se asaj ia kanë falsifikuar pasaportën, vetëm e vetëm që ai të ketë kontakt sa më pak me të.

“Jetoj që shumë kohë pa vajzën time.

Po më bëhet padrejtësi.

Vajza më është kidnapuar, ia kanë falsifikuar pasaportën – nuk e di ku është.

Një njeri i shkatërruar në një mijë mënyra”, deklaronte Shabani, para se të dilte me vendimin se ka fituar kujdestarinë e vajzës.

Por kjo çështje duket se nuk e ka marrë vulën përfundimtare. Kështu të paktën thuhet nga pala e Arbenitës.

Avokatja e saj, Blinera Osmani, në një prononcim për Telegrafin, ka thënë se nuk qëndron fakti se klientes së saj i është marrë kujdestaria e vajzës.

Kjo për shkak se siç thotë Osmani, është kundërshtuar vendimi për kërkesën për mbrojtje emergjente nga ana e Feronit Shabanit, andaj ende s’ka vendim të prerë për kontestin mes dy palëve.

“Kujdestaria ende nuk i është marrë klientes time sepse vendimi për kërkesën për mbrojtje emergjente që është bërë prej babait të vajzës është kundërshtuar, kështu që derisa nuk kemi një formë të vendimit të prerë nuk e konsiderojmë që është marrë kujdestaria e vajzës”, tha Osmani për Telegrafin.

Me fjalë të tjera, mbrojtja e modeles po pret vendimin e gjykatës mbi ankesën që kanë parashtruar për vendimin.

“Ne brenda afatit ligjor e kemi dërguar kundërshtimin tonë dhe testin brenda shtatë ditëve sipas afatit ligjor që përcakton ligji për të marrë vendim mbi ankesën tonë”, tha tutje avokatja Osmani.