Folksam në raportin e saj “sesa e sigurt është vetura?” ka listuar automjetet më të sigurta.
Në top listën janë disa modele e kompanisë, Volvo ndërsa pasohen prej Toyotas dhe Mercedesit.
Raporti i Folksam tregon gjithashtu se dallimi në siguri është jashtëzakonisht i madh midis modeleve të automobilave më të sigurta dhe më pak të sigurta dhe se rreziku për t’u plagosur rëndë ose për të vdekur si pasojë e një aksidenti trafiku është ulur në mënyrë drastike që nga vitet ’80.
Raporti “Sa e sigurt është vetura” bazohet në analizat e 184 mijë aksidenteve trafiku të testuara prej Folksamit, ku 55 modele veturash nga 383 morën rezultatet të larta për sa i përket sigurisë në aksidente, por vetëm shtatë prej tyre plotësojnë kriteret e Folksamit.
Sipas sondazhit të Folksamit, shumica dërrmuese e vozitësve kanë deklaruar se çmimi “Zgjedhja e mirë” i takon Volvos.
Për ta arritur këtë, Volvo Cars siguron që sistemet e sigurisë si frenimi automatik emergjent, paralajmërimi i përplasjes përpara, zbulimi i këmbësorëve dhe çiklistëve janë standarde në të gjitha automjetet e tij, ndërkohë që shumë konkurrentë ende i ofrojnë ato vetëm si opsione.
Veturat më të sigurta sipas vozitësve:
Volvo S80/V70 10-16 (48 për qind)
Toyota RAV4 15-18 (45 për qind)
Mercedes E-class 15-16 (44 për qind)
Volvo V40 12-19 (43 për qind)
Volvo S60/V60 10-18 (42 për qind)
Volvo S90/V90 16- (41 për qind)
Volvo XC60 08-17 (41 për qind)
Ndryshe, veturat më të reja në përgjithësi kanë një standard shumë më të lartë sigurie. Prandaj, një veturë e re mund të jetë po aq e sigurt apo edhe më e sigurt se një automjet i vjetër – por dallimet midis markave dhe modeleve të ndryshme janë të mëdha.
Nëse krahasojmë makinat e viteve 1981–90 me ato të viteve 2011–2020, rreziku i një dëmtimi personal është përgjysmuar me 60-70 për qind.
Historia e ‘aksidentit’ të Meriton Mjekiqit, fundjavën që lamë pas mori vëmendjen totalë në rrjetet sociale, për shkak se shumë ndjekës u shqetësuan për gjendjen shëndetësore të tij.
Vetë Milaim Zeka, ndau një video fill pas këtij momenti duke “ironizuar” audiencën dhe duke pohuar se kishte qenë në një makinë më Meritonin dhe se ai ishte shumë mirë. Pikërisht lidhur me këtë prononcim, Milaim Zeka u gjend sot në studion e ‘Ftesë në 5’ ku u shpreh: Isha në kontakt me Meritonin, para se ta vërtetoja nga Meritoni se lajmi ishte totalisht gënjeshtër, thashë atëherë po bëj dhe unë një gënjeshtër.
Ai shtoi se mediat duhet të verifikojnë lajmin përpara se ta ndajnë për një publik më të gjerë.
Ish-artisti nga Gjilani, Feronit Shabani, pas ndryshimeve drastike në jetën e tij si duket tani është në një hall të madh.
Ai është shprehur se momentalisht është duke u përballur me një padrejtësi të madhe që po i bëhet, shkruan lajmi.net.
Padrejtësi kjo sipas tij nga Gjykata e Gjilanit, andaj u ka bërë thirrje mediave dhe njerëzve që ta mbështetin.
Nga postimi i Feros shihet se gjendja e tij emocionale nuk duket të jetë edhe aq e mirë. E kjo është konfirmuar edhe nga vet ish-artisti.
“I thërras mediat që të më lajmërohen sepse jam në shqetësim të madh. Është duke mu bërë një padrejtësi e madhe prej organeve të ligjit zbatues, më saktësishtë Gjykata e Gjilanit. Jam i thyer emocionalisht shumë dhe jam në depresion të rëndë”, ka shkruar Fero.
Se për çfarë saktësisht bëhet fjalë Feroniti nuk ka dhënë detaje më shumë, andaj mbetet për ta kuptuar.
Ajo çka dihet është se kohët e fundit ish-reperi Fero ka qenë në qendër të vëmendjes, për deklaratat dhe vendimet që ka marrë në jetën e tij.
Pasi doli nga burgu, ai vendosi të hiqte dorë nga muzika dhe të ktheheshe në një besimtar të devotshëm të fesë islame. Ai kishte fshirë fotot nga rrjetet sociale dhe i ka kërkuar fansave që mos e dëgjojnë më muzikën e prodhuar prej tij. Gjithashtu Fero ishte shprehur i penduar për çdo gjë që ka bërë në të kaluarën dhe i ka kërkuar falje të gjithë personave që mund të ketë lënduar.
Nënkryetari i Kuvendit të Kosovës, Enver Hoxhaj, e ka quajtur Kurtin demagog dhe gënjeshtar.
Gjatë një interviste në emisionin Frontal në T7, Hoxhaj që është deputet në Kuvendin e Kosovës ka thënë se me veprimet e tij, Kurti po e rrezikon demokracinë.
“Demokracia rrezikohet prej një fenomeni. Në fillet e saj, tema kryesore ka qenë se a mund të ketë demagogë, që në situata të caktuara mund ta udhëheqin vendin në një formë të tillë dhe e humbë karakterin e mirëfilltë. Pra tema kryesore ka qenë që a mundën demagogët që në një situatë të shërbejnë si model i demokratit dhe demokracia t’i humb parametrat që ka”, ka thënë Hoxhaj.
I pyetur a është Kurti një demagog Hoxhaj tha se këtë ia ka thënë atij edhe në Kuvend kryeministrit të Kosovës. “Dhe tash në një kohë të tillë i besojnë dikujt që është demagog që përhap gënjeshtar të mesme që njerëzit janë të prirur t’i besojnë. Këtë i kam thënë edhe në të kaluarën edhe në Kuvend”, ka thënë Hoxhaj në Frontal.
Kadrie Canolli, një nga emrat më të përfolur të skenës publike, ka tërhequr sërish vëmendjen me postimin e saj më të fundit në rrjetet sociale.
Këngëtarja dhe influencuesja e njohur u shfaq vetëm me një robdishan të bardhë, duke treguar thjeshtësinë dhe elegancën në të njëjtën kohë.
Në këtë foto, Kadrieja duket tejet e relaksuar, duke mbajtur një qëndrim të qetë dhe duke transmetuar një atmosferë intime dhe komode.
Robdishani i saj, me dizajn të butë dhe material të lehtë, nxjerr në pah bukurinë natyrale dhe sharmin e saj.
Përkundër thjeshtësisë së veshjes, ajo mbetet po aq joshëse dhe plot stil, si gjithmonë.
Postimi ka ngjallur reagime pozitive nga ndjekësit e saj, të cilët kanë përgëzuar Canollin për paraqitjen dhe vetëbesimin që ajo shfaq në çdo foto.
Kadrie, e cila është e njohur për stilin e saj të sofistikuar dhe aftësinë për të kombinuar elegancën me modernitetin, nuk zhgënjen kurrë me zgjedhjet e saj të modës.
Kjo paraqitje e fundit e Kadrie Canollit dëshmon edhe një herë se ajo di të sjellë në qendër të vëmendjes elegancën dhe bukurinë e saj të natyrshme, edhe kur zgjedh diçka kaq të thjeshtë si një robdishan, duke e bërë të duket si një yll i vërtetë.
Shefja e Grupit Parlamentar e Lëvizjes Vetëvendosje, Mimoza Kusari-Lila ka thënë se pavarësisht viteve në Kosovë, ende nuk ka një adresë partiake e cila përfaqëson identitet liberal politik.
Ajo në DPT te Fidani, përmendi specifikisht vite nga karriera e saj, ndër to edhe PDK-në, për të cilën tha se ajo çdo gjë mund të jetë, por veç liberale jo.
”Në jetën publike në Kosovë, jam që 21 vite. Është e rëndësishme me marrë me formësu prezencën politike”.
”Edhe tash kur kemi qenë na kanë thënë ju të Vetëvendosjes”.
”Edhe kryeministri Kurti, përkundër dallimet nuk janë vrejtë në opinion me ne, e kanë ditë që ne përfaqësojmë një identitet politik”.
”Edhe sot, nuk ke identitet të theksuar politik të partive në kuptimin liberal të fjalës. Ka qenë AKR-ja pjesë e së cilës kam qenë, mandej tash zyrtarisht tash në familjen europiane janë PDK-ja, po janë përfaqësues ose bartës së identitetit të PDK-së që tashmë dihen prej periudhës kur është formu kjo parti, që gjithçka munden me qenë veç liberalë jo, në kuptimin e prezantimit të vlerave liberale. Sepse munden me qenë konservativë, munden me qenë ndoshta të qendrës së majtë, por diçka liberal nuk i shoh”.
”Për mu është shumë e rëndësishme me ekzistu një adresë e partisë liberale e mirëfilltë në Kosovë. A kemi me mbrri si Alternativë me marrë identitetin e plotë, dhe me pasë shtrirje, unë tash e kuptoj se në këto katër vite, unë pak kam bo për identitetin liberal edhe të subjektit që përfaqësoj por edhe në përgjithësi për vlerat liberale”.
Thirrjet e presidentit të Serbisë, Aleksandar Vuçiq, për riintegrimin e serbëve në veri të Kosovës, u mirëpritën nga Bashkimi Evropian si një lëvizje pozitive, por nuk u komentuan fare nga kryeministri i Kosovës, Albin Kurti.
Kryetari i Kuvendit të Kosovës, Glauk Konjufca, i cili vjen nga partia e Kurtit, tha para gazetarëve se një veprim i tillë do të ishte antikushtetues.
Anëtarja e kabinetit të Kurtit, ministrja e Jashtme, Donika Gërvalla, tha se Vuçiq, me kërkesat e tij, synon të vazhdojë “instrumentalizimin e serbëve” të Kosovës.
Pse serbët i braktisën institucionet dhe çka kërkoi Vuçiq?
Qindra pjesëtarë të komunitetit serb në veri dhanë dorëheqje nga institucionet e Kosovës, përfshirë komunat, policinë, gjykatat dhe prokurorinë, në nëntor të vitit 2022.
Kjo pasoi indinjatën e tyre me një vendim të Qeverisë së Kosovës për t’i zëvendësuar targat serbe të makinave me targa të Kosovës.
Nga ajo kohë, kryetarët e komunave Mitrovicë e Veriut, Zveçan, Zubin Potok dhe Leposaviq, u zëvendësuan me udhëheqës shqiptarë, pasi komuniteti shumicë serb në zonë i bojkotoi zgjedhjet.
Në gjykata, prokurori dhe polici, punonjësit serbë nuk u kthyen.
Në një adresim më 13 shtator në Beograd, presidenti i Serbisë, Vuçiq, parashtroi disa kërkesa për Kosovën – mes tjerash: kthimin e serbëve në Drejtorinë Rajonale të Policisë së Kosovës për veriun, kthimin e gjyqtarëve dhe prokurorëve serbë në funksionet e tyre, si dhe shpalljen dhe mbajtjen e “zgjedhjeve lokale, të lira dhe demokratike” në veri.
Ndryshe, popullata serbe në veri të Kosovës – e dirigjuar nga Serbia dhe strukturat e saj paralele në vend – vështirë u bindet vendimeve të institucioneve të Kosovës.
Për pasojë, zona shndërrohet shpesh në vatër tensionesh.
Integrimi i pjesëtarëve të komunitetit serb në institucionet e Kosovës ka qenë pjesë e disa marrëveshjeve që Kosova dhe Serbia kanë arritur në dialogun për normalizimin e marrëdhënieve.
Duke komentuar kërkesat e Vuçiqit, Konjufca tha se ai po tenton të ruajë në Kosovë “atë që nuk e ka më”.
“Ai, faktikisht, po e kërcënon Republikën e Kosovës përmes konferencës së tij për shtyp, mirëpo ky është një kërcenim, i cili, ta them të drejtën, nuk na bën shumë përshtypje. Ne nuk frikësohemi, nuk shqetësohemi, sepse në atë pjesë të vendit janë institucionet e Kosovës, janë institucionet e sigurisë, janë institucionet politike, janë komunat që funksionojnë…”.
“Është shans i humbur i qytetarëve që kanë mendime të tjera për të marrë pjesë në procesin politik edhe për të qenë bashkëpjesëmarrës në procesin politik. Pas kësaj që ka ndodhur, vendi e ka marrë një drejtim të ri”, tha Konjufca.
Këtë vit, Qeveria e Kosovës ndërmori disa hapa – si heqja e dinarit serb nga përdorimi dhe mbyllja e strukturave paralele serbe – në përpjekje për të shtrirë sa më shumë autoritetin e saj në veri.
Vendimet hasën në kritikat e aleatëve perëndimorë, të cilët i cilësuan si hapa të pakoordinuar dhe me rrezik për rritjen e tensioneve.
Kërkesat e fundit të Vuçiqit, BE-ja tha se janë pozitive dhe i bëri thirrje edhe Prishtinës, edhe Beogradit që të angazhohen në mënyrë konstruktive në dialogun për normalizimin e marrëdhënieve.
“Ne e mirëpresim gatishmërinë e shprehur nga presidenti Vuçiq për të vazhduar angazhimin në dialogun e lehtësuar nga BE-ja”, tha zëdhënësi i BE-së, Peter Stano, për REL-in.
Derisa kryenegociatorët e Kosovës dhe të Serbisë, Besnik Bislimi dhe Petar Petkoviq, e konfirmuan shkuarjen në Bruksel më 17 shtator, për një takim të mundshëm të përbashkët, një rund i ri i bisedimeve mes Kurtit dhe Vuçiqit nuk duket në horizont.
Për herë të fundit ata u takuan më 14 shtator, 2023.
Dragan Nikolliq nga Leposaviqi shpreson se do të mund të kthehet në Policinë e Kosovës, të cilën, siç thotë ai, e la “nën presion” në nëntor të vitit 2022 pas dy dekadash punë në këtë institucion.
“Lajmi që duhet të largoheshim nga institucionet atëherë më goditi shumë, ende sot nuk mund të pajtohem me këtë”, thotë Nikoliq për Radion Evropa e Lirë (REL).
Tani, pas kërkesës së presidentit të Serbisë, Aleksandar Vuçiq, që serbët të kthehen në institucionet e Kosovës, Dragani thotë se ndihet “i tradhtuar dhe i përdorur”.
Dorëheqja e qindra serbëve nga institucionet në veri të Kosovës u iniciua nga Lista Serbe – partia më e madhe e serbëve në Kosovë, e cila ka mbështetjen e Beogradit – për shkak të përpjekjes së Qeverisë së Kosovës për të hequr nga përdorimi targat e automjeteve të lëshuara nga Serbia me emrat e qyteteve të Kosovës.
Kjo dorëheqje kolektivisht nga institucionet e Kosovës, përfshirë Policinë dhe organet gjyqësore, u mbështet nga Beogradi zyrtar, duke siguruar kompensime mujore për të gjithë ata që “mbetën pa punë”. Pasuan kriza të shumta në veri, ndërsa situata kulmoi më 24 shtator 2023 kur një grup i armatosur serbësh sulmoi policinë në Banjskë pranë Zveçanit, duke vrarë një polic. Që atëherë, autoritetet e Kosovës kanë mbyllur disa institucione serbe që funksiononin në veri të vendit sipas sistemit të Serbisë.
Vuçiq më 13 shtator kërkoi kthimin e serbëve në Policinë e Kosovës dhe organet gjyqësore, si dhe mbajtjen e zgjedhjeve të parakohshme në katër komunat në veri, në mënyrë që në krye të tyre të vijnë serbë.
“Viktima të presioneve dhe politikës”
Dragan Nikolliq ishte një nga katër serbët nga Kosova që autoritetet serbe i arrestuan në prill të vitit 2023, duke i akuzuar se ishin pjesë e një “grupi të organizuar kriminal që synonte ndryshimin e dhunshëm të pushtetit, përkatësisht rrëzimin e rendit kushtetues të Republikës së Serbisë në veri të Kosovës”.
Ai u lirua për shkak të mungesës së provave dhe ndërkohë filloi të punojë si shofer në Ministrinë për Komunitete dhe Kthim në Qeverinë e Kosovës. Megjithatë, shpreson ende se do të mund të jetë përsëri polic.
Ai shton se rikthimin në Policinë e Kosovës e dëshirojnë edhe kolegë të tij, dhe konsideron se serbët në Kosovë janë “viktima të presioneve dhe të politikës së dikujt”.
Çfarë tjetër ka paralajmëruar apo kërkuar Vuçiqi?
Autoritetet e Kosovës që nga fillimi i vitit 2024 kanë mbyllur disa institucione të Serbisë, me arsyetimin se funksionimi i tyre cenon kushtetutshmërinë e Kosovës. Disa prej tyre janë: Organet e Përkohshme Komunale, Fondi për Sigurimin Pensional dhe Invalidor, Banka e Kursimeve Postare dhe zyrat e Postës së Serbisë në veri të Kosovës.
Presidenti i Serbisë, Aleksandar Vuçiq, ndër të tjera, më 13 shtator tha se rreth 5.800 punëtorë të institucioneve serbe të mbyllura në Kosovë do të vazhdojnë të marrin rregullisht pagat e tyre dhe paralajmëroi një rritje të mundshme.
Ai deklaroi se institucionet serbe në Kosovë “nuk do të shuhen, as nuk do të mbyllen”, por që “me qëllim të zbutjes së veprimeve të njëanshme dhe të pakoordinuara të regjimit kosovar”, në vendet Rudnicë dhe Ribariq në Serbi, afër kufirit me Kosovën, do të hapet një zyrë ku serbët do të kenë qasje në shërbime të mbrojtjes sociale dhe do të ofrohen shërbime shtetërore dhe administrative që, sipas tij, janë esenciale për qytetarët.
Gjithashtu, një nga masat është që territori i Kosovës do të shpallet “zonë e veçantë për mbrojtje sociale”, me çka do të sigurohet ndihmë financiare për serbët e papunë. Serbia nuk e njeh pavarësinë e Kosovës, e cila u shpall në vitin 2008.
Presidenti i Serbisë më 13 shtator, gjithashtu, paralajmëroi investime të reja nga Beogradi në Kosovë, me vlerë dhjetëra milionë euro. Serbia nga buxheti i saj për vitin 2024 ka ndarë rreth 140 milionë euro për Kosovën, që është rreth 11 milionë euro më shumë se në vitin 2023.
“Me para nuk mund të na kompensohet dëmi”
Zdravko nga Leposaviqi thotë se masat dhe kërkesat e paraqitura nga presidenti i Serbisë janë joreale dhe se me para nuk mund të kompensohet “dëmi” shkaktuar anëtarëve të komunitetit serb.
Me “dëm” ai nënkupton mbylljen e institucioneve të Serbisë në Kosovë dhe ardhjen në pushtet të kryetarëve shqiptarë në katër komunat në veri, pasi serbët bojkotuan zgjedhjet, sërish me thirrjen e Listës Serbe.
“Kjo është si kur e gjuan topin në mur dhe ai të kthehet”, shprehet Zdravko për REL.
Për Goran Milenkoviqin, aktivist politik nga Leposaviqi, këto masa dhe kërkesa janë “keqpërdorim i popullit dhe mashtrim i opinionit publik.”
“I gjithë ky është mashtrim, në të cilin askush nuk beson më”, shton ai, duke shprehur bindjen se të gjitha ngjarjet e fundit janë “pjesë e një marrëveshjeje” ndërmjet Prishtinës dhe Beogradit, që veriu të integrohet plotësisht në sistemin e Kosovës.
Çfarë thonë serbët në jug të Ibrit?
“Fjalë boshe”.
Kështu i komenton 38-vjeçarja Ivana nga komuna e Graçanicës masat e presidentit të Serbisë, Aleksandar Vuçiq, për anëtarët e komunitetit serb në Kosovë.
Ajo është e punësuar në një nga institucionet arsimore serbe në territorin e kësaj komune me shumicë serbe në jug të Ibrit. Në një deklaratë për Radio Evropa e Lirë, ajo vlerëson se Beogradi zyrtar mund t’i ofrojë komunitetit serb vetëm ndihmë financiare, pasi “mbrojtja institucionale po zhduket ngadalë”.
“Ai (presidenti i Serbisë, Aleksandar Vuçiq) nuk ka më çfarë të ofrojë, përveç ndihmës financiare, për t’i mbajtur njerëzit këtu”, thotë ajo.
Në periudhën pas luftës, Serbia i zhvendosi institucionet e saj në zonat ku jetojnë anëtarët e komunitetit serb, përfshirë të gjitha institucionet shëndetësore dhe arsimore. Përndryshe, të punësuarit në shëndetësi dhe arsim marrin të ashtuquajturën shtesë kosovare, përkatësisht 50 për qind shtesë mbi pagën bazë.
Ndërsa, pensionistja Lilana Llaziq beson se këto masa sociale do të kenë shumë rëndësi për të rinjtë e papunë në Kosovë.
“Më mirë të marrin diçka sesa asgjë. Unë i besoj Vuçiqit, e dëgjova me vëmendje dhe besoj se do ta kemi më mirë”, thotë ajo.
“Masa të rreme ose të pamjaftueshme”
Tridhjetëvjeçari Nikolla nga Graçanica, i cili nuk dëshiron që t’i publikohen të dhënat e tjera të tij personale, frikësohet se masat e Serbisë janë vetëm “të rreme” dhe se po çojnë drejt mbylljes së të gjitha institucioneve serbe në Kosovë.
“Deri tani nuk është treguar se mund të presim diçka të mirë”, thotë ai për REL-in.
Zvonko Mihajloviq nga Shtërpca beson se Serbia e ka detyrim t’i mbrojë interesat e serbëve në Kosovë, dhe se masat dhe kërkesat e presidentit të Serbisë janë të pamjaftueshme.
“Fokusi duhet të shkojë në një drejtim tjetër. Është e kotë të flasim për ndihmën financiare për serbët që jetojnë në Kosovë, por çfarë do të bëjmë me ata që janë detyruar të largohen nga Kosova (personat e zhvendosur) dhe duan të kthehen?! Sipas mendimit tim, kjo është përparësi”, thotë ai.
Momçilo Illiq, mësues matematike në pension dhe ish-drejtor i një shkolle fillore në komunën e Prizrenit që funksiononte sipas sistemit serb, beson se pa ndihmë financiare nga Serbia, serbët nuk mund të mbijetojnë në Kosovë.
Kur pyetet nëse është optimist, ai buzëqesh dhe thotë: “Koha do ta tregojë këtë”.
“Duhet të jemi të durueshëm. Jemi në një situatë ku po diskriminohemi (nga autoritetet kosovare), kjo diskriminim ndihet në çdo hap”, thotë Illiq.
Për të, një formë “diskriminimi” është edhe fakti që autoritetet kosovare ndaluan përdorimin e dinarit në fillim të vitit, duke e bërë të pamundur që ai të tërheqë pensionin e tij që merr nga buxheti i Serbisë.
Stojanoviq: Populli po paguan çmimin e politikave të gabuara
Branimir Stojanoviq nga Lëvizja Popullore Serbe vlerëson se masat që Serbia ka marrë, janë kryesisht “një kërkesë” ndaj autoriteteve të Kosovës që të lejojnë kthimin e serbëve në institucione, dhe se “asgjë nuk do të ndryshojë në terren”.
Sipas tij, serbëve në Kosovë në këtë moment u nevojitet një vetorganizim më i mirë për t’i zgjidhur problemet “e shkaktuara nga Lista Serbe”.
Branimir Stojanoviq
“Ka ndodhur kolapsi i një politike të gabuar dhe tani njeriu i zakonshëm po e paguan çmimin; nuk do ta paguajnë politikanët apo funksionarët… Taktika e Listës Serbe ‘hesht derisa të kalojë’ do të rezultojë me atë që (kryeministri i Kosovës Albin) Kurti do t’i mbyllë të gjitha institucionet serbe”, thotë Stojanoviq për REL-in.
Ai thotë se Lista Serbe duhet të mbajë përgjegjësi, pasi ka marrë vendime që i kanë sjellë serbët e Kosovës në një “pozitë të palakmueshme”.
Lista Serbe nuk është prononcuar lidhur me kërkesat e Vuçiqit.
Sa u përket masave sociale, Stojanoviq thotë se mbijetesa në thelb nuk është çështje parash, por “gjendje shpirtërore e popullit tonë, që është krejtësisht i demoralizuar dhe i zhgënjyer me kushtet në të cilat jeton”
Kryeministri i Kosovës, Albin Kurti, deri më tani, nuk ka dhënë ndonjë koment në lidhje me fjalimin e Vuçiqit, ndërsa kryetari i Kuvendit të Kosovës, Glauk Konjufca, i cili vjen nga partia e Kurtit, ka thënë se kthimi i serbëve në institucione “do të ishte antikushtetues”. /REL
