Ish-ministri i Brendshëm: Veprimet në veri mund të rrezikojnë pavarësinë

Ish-ministri i Brendshëm, Ilmi Zeka, ka deklaruar se veprimet e fundit në veri të Kosovës mund të nxisin ndërkombëtarët të ndërmarrin hapa që rrezikojnë pavarësinë e vendit.

Sipas Zekës, zgjidhjet që po kërkohen për situatën e tensionuar në veri mund të jenë edhe në kundërshtim me ligjet e Kosovës.

“Problemi në atë pjesë është paksa më i veçantë. Unë kam një dozë të frikës sikur atje jemi duke shkuar në një rrugë që në një të ardhme të afërt do të jetë një zgjidhje e pakryer, zgjidhje që ndoshta mekanizmat ndërkombëtar, duke u nisur prej KFOR-it e të tjerët, që të bëjnë veprime të cilat bien ndesh me ligjet e Kosovës, por do të bien ndesh edhe me pavarësinë e Kosovës. Kjo është frikë personale e imja që, mbas krejt rrethanave 23-4 vite, unë e kam parë se kjo është një frikë reale që mund të vijë në atë shkallë”, ka deklaruar Zeka në emisionin FIVE.

Ai gjithashtu ka theksuar se retorika e liderëve ndërkombëtarë, si presidenti francez, dhe reagimet e shpejta të ambasadave, veçanërisht asaj të SHBA-së, janë një sinjal që duhet të kuptohet seriozisht nga Qeveria e Kosovës.

Sipas Zekës, kjo tregon se Kosova po humbet miqtë dhe aleatët ndërkombëtarë.

“Ju vetëm shikoni ngjarjet e fundit ose diplomacinë, e shihni se çfarë fjalor presidenti francez ishte, janë mesazhe, nëse duam t’i kuptojmë si kosovarë. Edhe reagimet e shpejta të tyre si nga ambasada e SHBA-së, e shteteve të tjera. Faji është tek ne, tek qeveritarët tanë, pse kanë arritur ta sjellin në këtë shkallë qeverinë amerikane, franceze e të tjerë që të reagojnë qoftë edhe për një çështje krejt temë që është në Kosovë. Kemi filluar t’i humbim miqtë, deri ku do të shkojë nuk e di… Në këto tri vitet e fundit nuk kemi lënë, nuk kemi aleat e as miq,” ka thënë Zeka.

‘I famshmi’, Safet Gjici shfaqet sërish, ja çfarë bën tani

Ish kryetari i bashkisë së Kukësit, Safet Gjici, i ka kërkuar gjykatës së lartë që ta shpallë të pafajshëm.

Në rekursin që TCH e disponon, Gjici pretendon se ka rënë më kurthin e kundërshtarëve politikë dhe se afera seksuale e kryer me Alma Kaçin nuk është as shpërdorim detyre dhe as korrupsion.

 

Safet Gjici i thotë gjykatës se kreu marrëdhënie me Kacin me dëshirën e saj dhe se video regjistrimi i bërë publik nuk ka cenuar asnjë marrëdhënie juridike përpos asaj morale dhe etike që ish kryebashkiaku i Kukësit kujton se është ndëshkuar tashmë.

 

Aktori i njohur turk zgjedh Shqipërinë për pushime, fotografohet në Vlorë me bashkëshorten

Aktori i njohur turk, Erkan Petekkaya, ka zgjedhur përsëri Shqipërinë si destinacionin e tij të preferuar për pushime, duke u fotografuar në qytetin bregdetar të Vlorës nën shoqërinë e bashkëshortes së tij.

Aktori, i cili ka fituar zemrat e publikut shqiptar përmes rolit të tij të paharrueshëm si Xhihan në serialin shumë të dashur “Fate të Kryqëzuara,” duket se ka një lidhje të veçantë me këtë vend.

Petekkaya është parë të relaksohet në një nga resortet më luksoze të jugut, ku ai dhe bashkëshortja e tij kanë shijuar plazhet e kristalta dhe mikpritjen e ngrohtë shqiptare.

Kjo nuk është hera e parë që ai viziton Shqipërinë; në vitin 2019, ai gjithashtu kishte kaluar disa ditë pushimi në vendin tonë, duke përfshirë dhe një vizitë në Kosovë.

Kthimi i tij në Shqipëri dëshmon për dashurinë e tij ndaj kulturës dhe natyrës shqiptare, dhe përforcon imazhin e tij si një personazh që vlerëson dhe respekton vendet e Ballkanit.

Pushimet e tij të qeta dhe të mbushura me momente romantike në Vlorë janë një dëshmi e lidhjes së veçantë që ai ka krijuar me këtë vend, duke e bërë Shqipërinë një zgjedhje të përsëritur për pushimet e tij.

Videoja ku tregon që aktori po kalon pushimet në Vlorë

Parim Olluri: Sveçla e Drejtori i Policisë duhej të dilnin në Aktash, mungesa e tyre i inkurajon banditët

Gazetari Parim Olluri duke diskutuar në Pressing në T7 për konfliktin “Sekiraqa-Capat”, që përfundoi me vrasjen e Premtim Gashit dhe plagosjen e pesë të tjerëve, tha se mungesa e ministrit Xhelal Sveçla dhe Drejtorit të Policisë në vendin e ngjarjes në Aktash – përçon “mesazh inkurajimi për bandidët”.

“Mungesa e Xhelal Sveçlës, ministrit të MPB-së edhe e Drejtorit të Policisë në vendin e ngjarjes është mesazh i keq. Ishte dashtë që të dy me qenë aty e me përçu mesazh që shteti është i interesuar me i luftu grupet e tilla dhe mos me leju që njerëz të tillë me përça Prishtinën”, tha Olluri në Pressing, transmeton Express.

“Mungesa e tyre i inkurajon bandidët që mi ripërsëritë veprat e njëjta”, tha Olluri.

“Kemi pas shumë raste që besoj që grupet banditeske janë inkuraju, e ki rastin e Sekiraqës ka ikë dhe nuk e dim nëse është t’u e lyp dikush…Njeriu më i famshëm i botës së krimit u arratis…”, deklaroi Olluri.

“Të pret plu***i në mes të ballit”, kërcënohet me jetë dy herë brenda pak muajsh, Zeqiri: Policia po merret me rastin

Kryetari i Zubin Potokut, Izmir Zeqiri, ka njoftuar se është kërcënuar me jetë dy herë brenda tre muajve të fundit.

Siç tregoi në profilin e tij, kërcënimi i është bërë nga një person me emrin Stefan Markov i cili paraqitet të jetë “oficer i MUP-it të Serbisë i angazhuar në Kosovë”,

“Izmir Zeqiri, fryje nënën shqiptare ta q****, të pret plumbi në mes të ballit. Këtu jemi, ju presim juve b***lëpirës të KFOR-it dhe NATO-s. Do të marrësh plumbin, edhe pak, kush të ftoi në festimin e maturës, o bandë terroriste okupatore, e kam mbajtur mirë në mend turirin tënd”, janë mesazhet që ka pranuar kryetari.

Postimi i plotë i kryetarit të Zubin Potokut

Ky i fundit ka treguar për Gazetën Sinjali se tashmë me rastin po merret Policia.

“Kjo është hera e dytë që unë jam kërcënuar nga ky profil. Një herë në maj, por atë kohë s’e kam bërë publike shkaku i hetimeve. Tash edhe me rastin e dytë po merret Policia”, ka thënë Zeqiri për Gazetën Sinjali.

Ai tutje ka treguar se herën e parë kërcënimi i ka ardhur nga jashtë Kosovës, ndërsa për këtë herë nuk e di.

Pavarësisht kësaj, Zeqiri ka treguar se nuk ndihet i frikësuar duke thënë “këtu jam dhe do të jem dem baba dem”.

Sondazh i ri: Ja kush do ti fitoj zgjedhjet në SHBA

Mediumi “The Telegraph” përmes një sondazhi ka parashikuar se zgjedhjet presidenciale të këtij viti në SHBA do t’i fitojë Kamala Harris, pasi kishte mbledhur më shumë vota nga shtetet swing, sesa kundërshtari i saj politik, Donald Trump.

Zëvendëspresidentja ka fituar mjaft shtete të fushëbetejës për ta çuar atë në Shtëpinë e Bardhë në zgjedhjet e nëntorit.

Një sondazh i kryer në shtatë shtete swing [janë ato vende ku asnjëra parti nuk ka bazë të fortë elektorale] për “The Telegraph” nga “Redfield & Wilton Strategies” zbuloi se Harris parashikohet të fitojë shtetet kyçe të Pensilvanisë, Wisconsin dhe Michigan, të cilat do t’a ndajnë asaj 270 delegatë të kolegjit elektoral.

Trumpi parashikohet të fitojë shtetet swing të “Rripit të Diellit” të Arizonës, Gjorgjas dhe Karolinës së Veriut, ndërsa dyshja janë të barabartë me 47 për qind të votave në Nevada.

Sondazhi, po ashtu zbulon se mbështetja e Trumpit në Karolinën e Veriut, një shtet që ai fitoi në vitin 2020, është ulur me dy pikë që nga sondazhi i fundit i “The Telegraph” përpara Konventës Kombëtare Demokratike muajin e kaluar.

Gjetjet tregojnë se Harris ka ngushtuar epërsinë e Trumpit në shumicën e shteteve, pas vendimit të Bidenit për t’u tërhequr nga gara presidenciale më 21 korrik.

Përleshja “Sekiraqa – Capat” , Olluri: Policia dështoi, nuk ua konfiskoi armët, nuk e arrestoi djalin e Sekiraqes

Gazetari Parim Olluri duke diskutuar në Pressing në T7 për konfliktin “Sekiraqa-Capat”, që përfundoi me vrasjen e Premtim Gashit dhe plagosjen e pesë të tjerëve, u shpreh se policia ka dështuar në këtë rast, sepse siç thotë ai “nuk e arrestuan djalin e Salih Sekiraqës dhe as nuk i konfiskuan armët, kur familjet kishin konflikte që nga muaji mars”.

“Prej muajit mars ka pas një gjuajtje me armë drejt shtëpisë së Salih Sekiraqës dhe prej marsit deri në shtator nuk kemi asnjë njoftim të policisë që janë kryer bastisje në shtëpitë e tyre, nuk kanë njoftu se janë konfisku armë. I bjen që policia nuk e ka kry punën mirë…”, deklaroi Olluri.

“Pse prej marsit deri në shtator është në arrati djali i Salih Sekiraqës, që i bie një dështim i Policisë së Kosovës, që nuk ka arritë me arrestu një njeri që është i përfshirë në një rast të famshëm në Kosovë”, tha Olluri.

Ndërsa, fajësoi shtetin për vrasjen e Premtim Gashit, duke thënë se nuk e “mbajtën në paraburgim dhe nuk e ri-edukuan”.

“E ndërprenë paraburgimit për shkak të sjelljeve të mira dhe kjo në dokumentin shtetëror nuk figuron fare se qysh është liru ky person dhe ky person shkon drejt vdekjes, që në një formë i bie që edhe shteti është bashkëfajtor në vdekjen e tij sepse nuk ka arritë me majtë brenda Qendrës së Paraburgimit, me caktu dënimin për të dhe me ri-eduku sepse atë rol e ka shteti”, tha Olluri në Pressing, transmeton Express.

“Mënyra qysh punohet në raste të tilla është nxitje për kriminelët në Prishtinë”, u shpreh ai tutje.

“Policia dhe prokuroria e ka ditë që këto dy familje janë në hasmëri, e ka ditë që secili prej tyre në dy anët është recidivist i kryerjes së veprave penale. Policia dhe prokuroria e ka ditë që një person recidivist është duke e hap një lokal, ndërsa një person i taborit tjerët është liru para dy jave, në këtë rast duhet policia e prokuroria mi pas këta persona nën përgjim…”, shtoi Olluri.

Grupe nacionaliste serbe organizohen për t’i bllokuar pikat kufitare me Kosovën

Pas veprimeve të fundit të qeverisë së Kosovës në mbylljen e pesë komunave paralele serbe në katër komunat veriore, në grupe të ndryshme në “Telegram”, po bëhet thirrje për bllokimin e pikave kufitare, Bernjak, Jarinjë dhe pika të tjera që lidhin Serbinë me Kosovën. Njohësit e sigurisë thonë se këto veprime janë tendencë e Serbisë për të prishur situatën e sigurisë që aktualisht është e qetë në komunat veriore.

Mbyllja e komunave paralele serbe në katër komunat veriore, nuk u ka pëlqyer komunitetit serb.

Kurti dhe Maqedonci takohen me Gorgun, diskutojnë për mundësinë e prodhimt të municionit

Sot gjatë ditës, kryeministri i Republikës së Kosovës, Albin Kurti, bashkë me ministrin e Mbrojtjes, Ejup Maqedonci, mirëpritën Presidentin e Agjencisë së Industrisë së Mbrojtjes së Republikës së Turqisë, Haluk Gorgun, të shoqëruar nga ekipi i tij dhe ambasadori i Turqisë në Kosovë, Sabri Tunç Angılı.

Fillimisht, kryeministri Kurti shprehu falënderimin e tij për bashkëpunimin në fushën e mbrojtjes, veçanërisht sa i përket ngritjes së kapaciteteve të Forcës së Sigurisë së Kosovës. Ai tha se Republika e Kosovës do të vazhdojë blerjen e pajisjeve ushtarake nga Turqia, e cila mbetet një prej partnerëve kryesor të Kosovës.

Në takim gjithashtu u diskutua rreth mundësive të bashkëpunimit në zhvillimin e industrisë së mbrojtjes, përkatësisht atë të prodhimit të municionit, dhe për kushtet që vendi ynë ofron për investitorë potencialë nga Turqia.

Sallahu: Mali i Zi e Maqedonia po na thonë si ta bëjmë sikur ju Ligjin për Byronë

Zëvendësministri i Drejtësisë, Blerim Sallahu, ka thënë se ka shtete në rajon që po i kërkojnë Kosovës t’i mësojnë se si bëhet Ligji për Byronë e pasurisë së pajustifikueshme.

“Po na shkrun Mali I Zi dhe Maqedonia qysh me bë sikurse ju. Jemi model. Të paktën në hartim në dimensionin që e kemi sot jemi model, ende se kemi fut në praktikë. Po na shkruajnë shumë shtete për këtë gjë”, tha ai.

Tutje ai tregoi se kush është subjekt i këtij ligji

“Mbi 25 mijë euro. Secili person që merr pare nga buxheti, do të jetë subject I këtij projektligji. Edhe ata që e kanë përfundu mandatin Brenda 10 viteve, kanë të drejtë të futen në hetim, pesë vitet e fundit nëse ki dispropocion të konfiskohet pasuria”, tha ai.