Kanë fe të ndryshme, nuk do besoni si reagon Sara kur Bardhi fillon ushqimin me ‘Bismilah’

Ish-banorët e njohur të Big Brother VIP Albania, Sara Gjordeni dhe këngëtari Bardhi, janë bërë protagonistë të një historie të veçantë që kalon përtej ekranit të reality show-t.

Pas përfundimit të spektaklit, ata kanë vendosur të ndajnë jetën e tyre së bashku dhe aktualisht janë në pritje të fëmijës së tyre të parë, një vajze që pritet të mbushë jetën e tyre me gëzim dhe lumturi.

Sara dhe Bardhi janë individë me besime fetare të ndryshme; Sara është e njohur për përkushtimin e saj ndaj besimit të saj, ndërsa Bardhi ndjek një rrugë tjetër shpirtërore. Ky dallim në besim nuk ka penguar lidhjen e tyre, madje ata kanë arritur të ndërtojnë një marrëdhënie të thellë dhe të mbështetur në respekt dhe dashuri të ndërsjellë.

Në një postim të fundit në rrjetet sociale, Sara ka ndarë një moment të veçantë që ka tërhequr vëmendjen e ndjekësve të saj. Në këtë postim, ajo ka ndarë një foto ku Bardhi shihet duke ngrënë ushqim, ndërsa para se të fillojë, thotë ‘Bismilah’ – një frazë që përdoret nga muslimanët për të shprehur falënderimin dhe nderimin ndaj Zotit para fillimit të një vakti. Përmes këtij postimi, Sara ka shprehur një përkrahje të veçantë dhe një dashuri të thellë për partnerin e saj.

“Unë e adhuroj këtë moment të vogël të ‘bismilah’ që ai thotë para se të hajë,” shkruan Sara në përshkrimin e saj, duke theksuar se ky akt i thjeshtë ka një rëndësi të veçantë për të, dhe se është një shenjë e respektit që ndihmon në forcimin e lidhjes së tyre.

Ky moment ka krijuar një valë pozitiviteti dhe interesimi në rrjetet sociale, duke e bërë të qartë se pavarësisht dallimeve në besim, dashuria dhe respekti janë forca që bashkojnë çiftet. Historia e Sara dhe Bardhit është një shembull i bukur i mënyrës se si individë me besime të ndryshme mund të ndajnë dhe të respektojnë njëri-tjetrin, duke ndihmuar në krijimin e një marrëdhënieje të fortë dhe harmonike./InfoKosova/

Policia shpall në kërkim një person, ia publikon foton

Njësiti i hetimeve të stacionit policor Qendra më Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e  personit që shihet në fotografi.

Personi i dyshuar kërkohen për përfshirje në një rast, Vjedhje grabitqare, që ka ndodhur në Prishtinë.

Të nderuar, për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192.

Zbulohen dy emrat e banoreve, që do të futën në BBVK-3

Edicioni i tretë i BBVK është afër.

Ka shumë emra që janë përfolur se do jenë pjesë e këtij reality-show.

Burime të Indeksonline bëjnë të ditur se këtë sezon, do jenë emra të dashur për publikun.

Aneta Beri, modelja kosovare që jeton dhe vepron në Londër.

Si edhe emri tjetër qe pritet të futet në shtëpi është edhe Rea Osmani e cila merret me estetikë.

‘Godet’ Gjergj Dedaj e krahason Albin Kurtin me Vuçiqin: Kanë simptoma të diktatorëve

Gjergj Dedaj, ka deklaruar se Kurti dhe Vuçiq, kanë simptoma të diktatorëve, pasi sipas tij të dy i takojnë ekstremit të majtë, transmeton gazeta “Kosova Sot Online”.

“Në kohët e fundit mund të them se Vuçiq, edhe në sinkronizim me Kurtin, ndoshta jo drejtëpërdrejt me u marrë vesh, por i bëjnë potezat sikur kur luajnë shah, do të thotë secili e bën potezin edhe i luajnë figurat në favor të politikave të tyre populiste, sepse të dy i takojnë ekstremit të majtë si dhe kanë simptoma të diktatorëve”, ka thënë Dedaj.

Më tej, Dedaj, është shprehur se Kosova nuk i ka pasur kurrë më të dobëta dhe të këqija marrëdhëniet ndërkombëtare dhe diplomatike.

“Ky krahasim është real sepse Kosova kurrë nuk ka qenë më e dobët dhe e lënduar në marrëdhëniet ndërkombëtare dhe diplomatike. Kurrë nuk mbahet mend në historinë tonë që i kemi pasur marrëdhëniet kaq të këqija me SHBA, me partnerët kryesorë të cilët e kanë bërë realitet dhe e kanë mbështet dhe e kanë realizuar projektin e lirisë dhe pavarësisë së Kosovës, pastaj edhe me NATO-n, edhe me BE-në, do të thotë kemi bërë fizkultura dhe ekzibicione shumë të liga”, ka shtuar ai.

“Masat” e Vuçiqit, reagon Kurti: Tri Kushtet e mia janë…

Kryeministri i Kosovës Albin Kurti tha se masat e presidentit serb Aleksandër Vuçiq, janë bërë në dëshpërimin e tij dhe nuk janë aspak paqësore.

Derisa fillimisht përmendi se kushtet që Kurti ka vënë kanë qenë racionale dhe paqësore.

“Së pari duhet të flisni për tri kushtet që i kam vënë unë e që janë kushte paqësore por edhe racionale, d.m.th janë dorëzimi te autoritetet e Kosovës si Milan Radoiçiq, nënshkrimi i marrëveshjes dhe tërheqja e letrës së ish-kryeministres Bërnabiq, e cila tha që nuk e pranon as Pavarësinë e Kosovës as ulëset në OKB për Kosovën dhe as nuk e respekton integritetin territorial, pra këto tri kushte janë paqësore dhe racionale, ndërkaq ato kërkesat e tij masat që bëhen nga një dëshpërim dhe paraqesin joracionalitet e nuk janë aspak paqësore por përkundrazi pjesë e fushatës agresive për konflikte të reja që padyshim se nuk kanë vend as në Kosovë as në rajonin”, u shpreh Kurti

Intervista e Kurtit për Al Jazeera-n thotë se e ka pranuar Asociacionin, por…

Kryeministri Albin Kurti e ka pohuar pranimin për zbatimin e Asociacionit të Komunave me Shumicë Serbe, por vetëm si “paketë”.

Në një intervistë për televizionin ndërkombëtar Al Jazeera, Kurti ka thënë se nuk është “kryeministër vetëm i shqiptarëve”, por i të gjithë komuniteteve etnike që jetojnë në Kosovë.

I pyetur nëse i ka thënë “po” apo “jo” Asociacionit…, shefi i Qeverisë së Kosovës tha se e ka pranuar themelimin e tij, por në paketën e Marrëveshjes së Ohrit.

“Natyrisht, Asociacioni i Komunave me Shumicë Serbe është diçka që e kam trashëguar nga paraardhësit e mi. Sidoqoftë, kjo është pjesë e Marrëveshjes Bazike tani. Neni 7 thotë se ‘Komuniteti serb duhet të ketë vetëmenaxhim’. Në anën tjetër, neni 10 thotë se “të gjitha marrëveshjet paraprake të nënshkruara duhet të zbatohen”. Pra, unë nuk po e mohoj atë, sidoqoftë vetëm si pjesë e një pakoje të normalizimit të marrëdhënieve mes Serbisë dhe Kosovës me njohje reciproke.”

“Nuk mund të zgjedhni nga 39 marrëveshjet paraprake, një që është e preferuara juaj, thuajse sikur të ishte një byfe suedeze, ku e zgjedhni ushqimin tuaj të preferuar, as ta vendosni para Marrëveshjes Bazike. Si paketë, unë thashë po”, tha ai.

Marrëveshja bazë, e cila përfshin edhe obligimin për themelimin e këtij asociacioni, është arritur në shkurt të vitit të kaluar, por nuk ka gjetur zbatim.

Kosova dhe Serbia janë në negociata për normalizimin e marrëdhënieve qysh në vitin 2011.

Verifikimi shtesë i llogarive për shtesat e fëmijëve, ministria del me sqarim

Ministria e Financave, Punës dhe Transfereve ka dalë me një njoftim rreth verifikimit shtesë për disa llogari të prindërve lidhur me shtesat për fëmijë.

Sipas njoftimit, ata që nuk kanë pranuar njoftimin nga eKosova e as email nga MFPT, atëherë s’ka nevojë të ndërmarrin ndonjë veprim.

“Në kuadër të programit për shtesat për fëmijë, është një numër i caktuar i prindërve, llogaria e të cilëve është përzgjedhur për verifikim shtesë për t’u siguruar se ata dhe fëmijët e tyre jetojnë në Kosovë. Të gjithë këta prindër kanë pranuar njoftimin në eKosova dhe në email adresat e tyre, me hapat e nevojshëm për të kompletuar verifikimin shtesë dhe për të ri-aktivizuar llogarinë e shtesave për fëmijë.

Nëse ju nuk keni pranuar njoftimin e tillë nga eKosova e as email nga MFPT, atëherë nuk keni nevojë të ndërmerrni ndonjë veprim. Programi i shtesave për fëmijë vazhdon si zakonisht, dhe ju do të pranoni shtesat sikurse çdo muaj në llogarinë tuaj.”

“Sulmi u nxit nga Vuçiq” – Shtëpia ku u hodh koktej molotovi në veri ishte ndërtuar nga Qeveria

Një koktej molotiv është hedhur sot në një shtëpi në veri të Mitrovicës, saktësisht në Zveçan.

Kjo shtëpi është në pronësi të një shqiptari, ndërsa në lidhje me rastin është deklaruar edhe ministri për Komunitete dhe Kthim, Elbert Krasniqi.

Krasniqi tha se rasti ka ndodhur rreth orës 00:30 gjatë mesnatës kur një patrullë policore ka identifikuar se ka tym në një shtëpi të ndërtuar nga Qeveria e Kosovës.

Ai tha se zjarri është fikur dhe dëmet janë sanuar.

Ministri theksoi se fatmirësisht nuk ka asnjë person të lënduar përpos dëmeve materiale.

Po ashtu ai deklaroi se kjo s’është hera e parë që ka sulme të tilla, por kjo s’është hera e fundit që do të ndërtohen shtëpi të reja.

Në lidhje me rasti pati një deklarim edhe nga Policia e Kosovës, ku u tha se njësitë policore po punojnë në drejtim të ndriçimit të rastit.

“Rreth orës 00:30 patrulla Policore e cila ka qenë në patrullim ka vërejt tym në një shtëpi te Kroi i Vitakut. Kur është afruar afër policia ka vërejtur derën e hyrjes e cila ishte duke u djegur. Zjarri është fikur nga patrulla, ndërsa dëme ka pësuar dera e hyrjes së kësaj shtëpie. Dyshojmë se kemi të bëjmë me zjarrvënie dhe që ky zjarr është shkaktuar nga koktej i molotovit. Për momentin nuk kemi të dyshuar apo të arrestuar, ndërsa policia po punon në drejtim të ndriçimit të rastit”.

Sulmohet me molotov shtëpia e një shqiptari në veri

Është sulmuar me molotov shtëpia e një shqiptari në veri të Mitrovicës. Lajmi është konfirmuar për “Indeksonline” nga zv.drejtori i policisë për rajonin e veriut, Veton Elshani.

“Rreth ores 00:30 patrullapPolicore e cila ka qenë në patrulim ka verejtë tym në një shtepi te Kroi i Vitakut. Kur është afruar afër policia ka vërejtur derën e hyrjes e cila ishte duke u djegur.

Zjarri eshte fikur nga patrulla, ndërsa dëme ka pësuar dera e hyrjes së kësaj shtëpie.

Dyshojmë se kemi të bëjmë me zjarrëvënie dhe që ky zjarr është shkaktuar nga koktej i molotovit.

Për momentin nuk kemi të dyshimt apo të arrestuar, ndërsa policia po punon në drejtim të ndriqimit të rastit”, ka thënë ai. /Indeksonline/

Vetëdorëzohet në Polici personi i cili kërkohej prej vitit 2016

Një person është vetëdorëzuar në Policinë e Kosovës, pasi ndaj tij ishte lëshuar urdhërarresti për shkak të veprës penale “përgatitje e veprave terroriste”.

Në njoftimin policor thuhet se ai kërkohej për rastin e datës 9 nëntor 2016, derisa u dorëzua të hënën në Prishtinë.

Me vendim të prokurorit, i dyshuari është dërguar në mbajtje.

“Prishtinë 09.11.2016. Në lidhje me rastin, më 16.09.2024 është vetë-dorëzuar në polici i dyshuari mashkull  kosovar, ndaj të cilit  ishte lëshuar urdhër arrest nga gjykata. Me vendim të prokurorit, i dyshuari është dërguar në mbajtje”, thuhet në njoftimin e plotë.