Këngëtari i njohur nga Tetova, Shpat Kasapi, ka vdekur sot në moshën 40-vjeçare si pasojë e një sulmi në zemër.
Ai ndodhej në Itali bashkë me ish-bashkëshorten, Selvijen, për kurimin e djalit të tyre trevjeçar.
Po në moshë të njëjtë dhe po nga arresti kardiak, kishte vdekur edhe babai i Shpatit.
Për vdekjen e parakohshme të këngëtarit, kanë reaguar zemërthyer figura nga politika, shoubizi e qytetarë të thjeshtë.
Mendimi për motin – 25.11.2025
Reshje të shiut që përfshinë vendin gjatë natës, vazhdojnë orëve të mëngjesit të ditës së enjtë. Paradite parashihet të pushojnë, e mbetet mot kryesisht i vranët dhe i ftohtë nga mesdita. Temperaturat në rënie, zbresin deri në 1C e 4C, ndërkohë që pjesëve lindore e qëndrore të vendit, pasdite fillojnë edhe të reshurat e dëborës. Vetëm në pjesë më të ulëta, nga Dukagjini, do të jenë të përziera me apo vetëm të shiut. Frynë erë e ftohtë veriore e verilindore, e lehtë dhe mesatare 5-11m/s.
Reshjet e borës parashihet të vazhdojnë orëve të mëngjesit të ditës premtë duke formuar shtresë dëbore edhe pjesëve të ulëta. Lokalisht mund të vazhdojnë orëve të pasdites. Reshjet e dëborës rikthehen natën me kalimin në ditën e shtunë. Temperaturat mbesin të ulëta, ndërmjet -1C e 2C. Frynë erë e ftohtë veriore e lehtë dhe mesatare 4-10m/s. Të shtunën mbetet mot kryesisht i vranët, me vransira të ulëta. Ditën e diel gradualisht vransirat pritet të shpërndahen. Të hënën mbeten më shumë vransira, mirëpo temperaturat shënojnë një rritje deri në 8C e 9C. Era ndryshon drejtimin në jugore e juglindje, e frynë e lehtë 1-3m/s.
Këtë të dielë pritet një nga emisionet më të komentuara të sezonit në programin e Robert Berishës. E ftuar speciale është askush tjetër përveç ish-bashkëshortes së tij, këngëtares Nora Istrefi.
Nora ka zgjedhur të hyjë në studio nën tingujt e këngës së saj hit “Natën”. Detaji që nuk u ka shpëtuar ndjekësve është vargu specifik që dëgjohet në momentin e hyrjes: “A po të mungoj, oh natën natën”. Një zgjedhje e rastësishme apo një ngacmim për Robertin?
Momenti kulminant në promo është kur Roberti i zgjat një unazë Norës. Mes humorit dhe ngacmimeve që i karakterizojnë, ai dëgjohet t’i thotë:
“A je e lirë me 4 shtator se jam tu u martu?”
Edhe pse nga promo nuk kuptohet qartë i gjithë konteksti – nëse bëhet fjalë për ndonjë skeç, lojë apo thjesht humor i momentit brenda emisionit, ky fragment ka mjaftuar që rrjeti të “shpërthejë” në komente.
Për të mësuar se çfarë fshihet pas unazës dhe datës 4 shtator, na mbetet të presim të dielën.
Një ngjarje tejet e rëndë, pati tronditur Kosovën më 9 maj të këtij viti.
Në rrugën “B” në Prishtinë, në banesën e tij, ishte gjetur i vdekur dizajneri i njohur kosovar, Festim Isufi.
Në lidhje me rastin, detaje pati dhënë asokohe Policia e Kosovës, ku tregohej se e lënduar në këtë rast pati mbetur edhe gruaja e Festimit, Rina Maloku.
“Rreth orës 15:00 është raportuar për dy persona të lënduar në një ndërtesë në rrugën “B” në Prishtinë. Me të marrë informatën policia ka dalë në vendin e ngjarjes duke filluar menjëherë me ndërmarrjen e veprimeve hetimore me synim sqarimin e rrethanave të rastit. Në vendin e ngjarjes janë ftuar edhe mjekët emergjent të cilët kanë konstatuar vdekjen e njërit prej personave të lënduar, mashkull, 34 vjeç, ndërsa e lënduara femër, 30 vjeçare është dërguar për tretman mjekësor. Mbështetur në të dhënat fillestare, dyshohet se personat kanë pësuar lëndime nga një mjet i mprehtë, dyshohet thikë. Hetuesit policor po ndërmarrin të gjitha veprimet e duhura hetimore që do t’i kontribuonin hetimit të ngjarjes”, thuhej për rastin.
Mbi këtë ngjarje po atë ditë është deklaruar edhe Prokuroria, ku u tha se po bëhet gjithçka për të zbuluar rrethanat e ngjarjes.
“Departamenti për Krime të Rënda, njofton opinionin publik, se sot, më datë 09.05.2025, rreth orës 03:00 në “Rrugën B” në Prishtinë, ka ndodhur një rast i rëndë, ku një (1) person mashkull ka humbur jetën, dhe trupi i pajetë është dërguar për obduksion në Institutin e Mjekësisë Ligjore. Prokurori kujdestar ka dalë në vendin e ngjarjes së bashku me njësitet relevante të Policisë së Kosovës, dhe ka urdhëruar ndërmarrjen e veprimeve të menjëhershme hetimore për ndriçimin e plotë të rastit. Lidhur me këtë rast, Prokuroria ka iniciuar procedurë penale me kallëzim penal si ‘’Hetim mbi vdekjen’’, për të sqaruar rrethanat e kësaj ngjarje. Prokuroria Themelore në Prishtinë, është duke ndërmarrë të gjitha veprimet e nevojshme hetimore për zbardhjen e plotë të rrethanave të këtij rasti tragjik”, thuhej në njoftimin e Prokurorisë.
Të njëjtën ditë, e lënduar kishte mbetur edhe bashkëshortja e Festim Isufit, tiktokerja, Rina Maloku. Ajo kishte dal e përgjakur dhe kishte kërkuar ndihmë në ordinancën dentare “Alba Dent”, e më pas ajo kishte pranuar tretman mjekësor, por që ishte lënduar lehtë.
Që nga maji e deri më sot, nuk janë dhënë detaje të tjera që mund të tregonin rrjedhën e kësaj ngjarjeje.
Sot, Prokuroria Themelore në Prishtinë, ka thënë për lajmi.net se e kanë pranuar raportin e autopsisë dhe se në lidhje me vdekjen tragjike të Festim Isufit kanë intervistuar disa persona.
Ata kanë treguar po ashtu se bashkëshortja e Festim Isufit, Rina Maloku nuk është e dyshuar.
“Lidhur me pyetjen tuaj, ju njoftojmë se Prokuroria Themelore në Prishtinë ka pranuar raportin e autopsisë dhe ka intervistuar disa persona. Nga të dhënat e deritanishme rezulton se nuk ekzistojnë dyshime të bazuara lidhur me këtë rast”,thuhet në përgjigje.
Përpos kësaj, u tha se Prokuroria po pret edhe disa prova shtesë, që do ndihmojnë në zbardhjen e plotë të çështjes.
“R.M. nuk është e dyshuar dhe ndaj saj nuk është nxjerrë aktvendim për fillimin e hetimeve. Megjithatë, Prokuroria është ende në pritje të disa provave shtesë, të cilat do të ndihmojnë në zbardhjen e plotë të çështjes”.
Menjëherë pasi ndodhi rasti, qytetarët në Kosovë kishin zhvilluar pista të ndryshme se si kishte mundur të ndodhte ngjarja. Ata shpesh e kishin fajësuar dhe e kishin shfaqur si të dyshuar bashkëshorten e Festim Isufit, Rina Malokun, e cila që kur ka ndodhur ngjarja kishte reaguar vetëm njëherë dhe më nuk kishte qenë aktive në rrjete sociale.
Në një reagim prekës në Instagram, Rina, bashkëshortja e ndjerë e Festimit, të nesërmen, më 10 maj, ka publikuar një fotografi me të në InstaStory, duke i dhënë lamtumirën me fjalë të dhimbshme: “Prehu i qetë jeta jem, humbja jote e papritshme na ka lënë me dhimbje të papërshkrueshme. Të du e të kujtoj si njeri të mirë, të buzëqeshur si ishe”.
Dyshime se në këtë rast ka qenë i përfshirë edhe një person i tretë, ka nxitur vëllai i viktimës, Lulzim Isufi.
“Sipas informatave që kam vetë unë personalisht, pa prokurori, pa asgjë, me sa e di unë, këtu është i përfshirë një i tretë. Ama pa qenë 100 për qind i sigurt, nuk mund të them më shumë”, ishte shprehur ai pak pasi kishte ndodhur rasti.
Vëllai i stilistit të njohur theksoi më tej: “Besoj që edhe prokuroria e di që ka edhe të tjerë të përfshirë. Ne nuk i përzihemi prokurorisë çka bën, por me sa kam informacion, është edhe një i tretë i përfshirë. Kam thënë që po dyshoj, mirëpo tani në bazë të informacioneve që kam, po besoj që kjo është e sigurt”.
Rina dhe Festimi, që të dy kanë qenë dy personazhe të njohura dhe aktive në media sociale. Festim Isufi ka qenë emër i njohur në dizajn, duke sjell gjithnjë vepra të reja shumë kreative.
Partia Demokratike e Kosovës ka mbajtur sot mbledhjen e rregullt të Kryesisë, të udhëhequr nga kryetari Bedri Hamza, në të cilën është diskutuar dhe vendosur për organizimin e partisë në kuadër të zgjedhjeve të përgjithshme të 28 dhjetorit.
Në këtë mbledhje, kryesia ka miratuar formimin e Shtabit Qendror Zgjedhor, i cili do ta udhëheqë procesin organizativ dhe koordinues të fushatës.
“Me vendim të Kryesisë, shtabi do të udhëhiqet nga ish-kryetari i Partisë Demokratike të Kosovës, Memli Krasniqi, i cili me përvojën, integritetin dhe profesionalizmin e tij, do të garantojë një organizim efikas dhe dinamik drejt fitores”, thuhet në njoftimin e PDK-së.
Poashtu, Kryesia ka vendosur që pas zgjedhjes së Bedri Hamzës, Kryetar i PDK-së, Arian Tahiri të jetë Ushtrues Detyre i Kryetarit të Degës në Mitrovicë.
Kryesia ka mbështetur edhe koalicionin e Partisë Demokratike të Kosovës me Grupin e Deputetëve të Familjes.
“PDK hyn në këto zgjedhje me unitet të plotë, me struktura të mobilizuara dhe me besim në projektin e saj për një qeverisje të përgjegjshme, stabile dhe në shërbim të qytetarëve. Partia Demokratike e Kosovës do të vazhdojë t’i informojë mediat dhe opinionin publik për secilin hap të mëtejmë të procesit zgjedhor”, thuhet në njoftimin për media
Ish kryetari i PDK’së, Memli Krasniqi, ka reaguar pasi është caktuar shef i Shtabit Qendror Zgjedhor për zgjedhjet e 28 dhjetorit.
Ai ka thënë se këto zgjedhje janë mundësi për t’i rikthyer vendit normalitetin, stabilitetin dhe zhvillimin.
“Sot, me vendim të Kryesisë së Partisë Demokratike të Kosovës, kam marrë përsipër përgjegjësinë për të udhëhequr fushatën zgjedhore të partisë, si Shef i Shtabit Qendror Zgjedhor, në rrugën tonë drejt fitores më 28 dhjetor. Këto zgjedhje janë mundësi për t’i rikthyer vendit normalitetin, stabilitetin dhe zhvillimin. PDK hyn në këtë proces më e përgatitur, e bashkuar dhe shumë e gatshme për t’i dhënë vendit drejtimin që meriton.”
Ai ka thënë se në këtë fushatë do të jetë plotësisht në shërbim të fushatës së PDK’së, ekipit e strukturave.
Krasniqi shtoi se nuk do të jetë pjesë e listës zgjedhore.
“Në këtë fushatë, do të jem plotësisht në shërbim të fushatës sonë, të ekipit, të strukturave dhe të fitores sonë të përbashkët. Prandaj, pas shtatë mandateve si deputet i Kuvendit të Kosovës, këtë herë kam vendosur që të mos jem pjesë e listës tonë zgjedhore. Ky është një vendim i qëllimshëm, që më lejon t’i përkushtohem tërësisht organizimit dhe udhëheqjes së fushatës dhe mbështetjes së plotë për Kryetarin dhe kandidatin tonë për Kryeministër, Bedri Hamza. Ecim bashkë, me besim dhe vendosmëri, për një Kosovë ma të mirë për të gjithë!”
Ish e fejuara e Shpatit, modelja shqiptare Aferdita Dreshaj, shpreh ngushëllime për vdekjen e këngëtarit.
Ajo ka deklaruar: Pusho në paqe Shpat! Ngushëllime familjarëve, miqve dhe komunitetit të artit shqiptar!
Partia Demokratike e Kosovës ka zyrtarizuar sot koalicionin me Eman Rrahmanin nga Lista për Familjen, një figurë politike që më herët ishte pjesë e Lëvizjes Vetëvendosje, shkruan Insajderi.
Rrahmani, në kohën kur shërbente si deputet i VV-së, kishte bërë një deklaratë të bujshme në rrjetet sociale për ata që i bashkoheshin PDK-së. Në qershor të vitit 2019 ai kishte shkruar:
“Kush ka hy me PDK’në, i lagur ka dal.”
Kryetari i PDK-së, Bedri Hamza njofton se kanë lidhur koalicion me Listën për Familjen.
Hamza në një konferencë për media tha se, bashkëpunimi do të jetë para dhe pas zgjedhjeve.
Personazhi i njohur në rrjetet sociale, Endrit Kuçi, i njohur edhe si Andrea, ka ndarë një video që këngëtari Shpat Kasapi ia kishte dërguar pas arritjes në Itali.
“Të përshëndesim nga Bergamo”, dëgjohet ndër të tjera duke thënë Shpati.
“Dhe më the hajde se të kam ardhur në shtëpi”, ka shkruar Kuçi sipër videos.
Ai është shprehur i tronditur me lajmin për vdekjen e Shpat Kasapit.
