Një aksident i rëndë trafiku mes dy veturave ka ndodhur rreth orës 19:20 në fshatin Rufc të Lipjanit.
Zëdhëndsja e policisë për rajonin e Prishtinës, Flora Ahmeti për Gazeta Imazhi, njoftoi se si pasojë e aksidentit kanë pësuar lëndimë 7 persona.
“Sot rreth orës 19:20 kemi pranuar informatën se në fshatin Rufc të Lipjanit, ka ndodhur një aksident trafiku.
Në këtë aksident kanë qenë të përfshira dy automjete.
Si pasojë e aksidentit lëndime trupore kanë pësuar 7 persona.
Me rastin po merret njësiti i trafikut rrugor”, ka thënë Ahmeti për Imazhin.