Çfarë ndodhi – Një futbollist largohet menjëherë nga lista e Shqipërisë

Keidi Bare nuk do të jetë pjesë e Kombëtares për ndeshjet e nëntorit. Edhe pse mesfushori kuqezi ishte në listën e grumbullimit që kishte vendosur Sylvinho, mesfushori nuk e mposht dot dëmtimin.

Është trajneri i Real Zaragoza, Victor Fernandez që ka treguar për gjendjen e Bares. Ai thotë se mesfushori shqiptar nuk po kryen as stërvitje, teksa grumbullimi me Shqipërinë nuk mund të mendohet.

“Mendonim se ndoshta do të kthehej Keidi Bare, por nuk ka bërë asnjë stërvitje me grupin. Situata me gjurin e tij po përmirësohet, por nuk është në gjendje as për të qenë i grumbulluar”, është shprehur trajneri i Zaragozës.

Edhe pse shansi i erdhi, duket se fati nuk donte që Keidi Bare të vishte fanellën kuqezi, gjë të cilën për herë të fundit e ka bërë në muajin mars. Kështu, 27-vjeçari do të mungojë edhe në sfidat kundër Çekisë dhe Ukrainës.

Sylvinho publikon listën e Kombëtares, rikthime të mëdha

Kombëtarja shqiptare do të luajë dy ndeshjet e fundit në Grupin B1 të UEFA Nations League në stadiumin “Air Albania” ndaj Çekisë (16 nëntor, 20:45) dhe Ukrainës (19 nëntor, 20:45).

Kuqezinjtë do të nisin grumbullimin zyrtar nga dita e hënë, ndërsa trajneri Silvinjo ka publikuar sot listën me lojtarët e thirrur për dy ndeshjet e nëntorit.

Tekniku kuqezi ka vendosur të grumbullojë katër portierë Thomas Strakosha, Elhan Kastrati, Alen Sherri dhe Simon Simoni.

Në mbrojtje janë Ivan Balliu, Elseid Hysaj, Mario Mitaj, Andi Hadroj, Ardian Ismajli, Berat Gjimshiti, Arlind Ajeti, Marash Kumbulla dhe Enea Mihaj.

Në mesfushë Ylber Ramadani, Kristjan Asllani, Amir Abrashi, Qazim Laçi, Feta Fetai, Jasir Asani, Taulant Seferi, Nedim Bajrami, Arbër Hoxha dhe Keidi Bare.

Në sulm Ernest Muçi, Indrit Tuci, Mirlind Daku, Myrto Uzuni dhe Rey Manaj.

Grumbullimi i lojtarëve do të nisë që të dielën në Tiranë me futbollistët që do të përfundojnë më herët impenjimet me skuadrat e tyre, ndërsa përgatitjet zyrtare nisin të hënën.

Edon Zhegrova tregon ekipin e tij të preferuar

Edon Zhegrova është një nga lojtarët më të ndjekur në botë. 

Anësori i djathtë i Lille, i cili asistoi Jonathan David në barazimin 1-1 kundër Juventusit të martën, foli ekskluzivisht për gianlucadimarzio.com.

Zhegrova tha se i pëlqen futbolli italian, teksa e përmendi ekipin e Milanit.

“Më pëlqen futbolli italian, i ndjek gjithmonë skuadrat tuaja të mëdha si Milani dhe i shikoj edhe ndeshjet e Juves. Pastaj në Kosovë ka shumë tifozë të Milanit, Interit dhe Juves. Unë në Serie A një ditë? Pse jo? Më pëlqen shumë Milani”, tha Zhegrova.

Zvicra fton katër shqiptarë për ndeshjen ndaj Serbisë dhe Spanjës

Kombëtarja e Zvicrës ka zbuluar listën e futbollistëve për dy ndeshjet e muajit nëntor.

Trajner, Murat Yakin ka publikuar emrat e lojtarëve për ndeshjen ndaj Serbisë dhe Spanjës.

Në këtë listë bëjnë pjesë katër lojtarë shqiptarë, ndryshe nga hera e kaluar ku ishin vetëm dy.

Tani për këto dy ndeshje janë ftuar lojtarët shqiptarë, si: Granit Xhaka, Ardon Jashari, Andi Zeqiri dhe Albian Hajdari.

Ndeshja ndaj Serbisë zhvillohet në Zurich me datën 15 nëntor, kurse ajo ndaj Spanjës në Tenerife me datën 18 nëntor.

Dalin në shitje biletat për ndeshjen Kosovë – Lituani, këto janë çmimet

Kanë dalur në shitje biletat për ndeshjen Kosovë – Lituani.

Ndeshja është e vlefshme për Ligën e Kombeve, dhe zhvillohet me 18 nëntor, në stadiumin ”Fadil Vokrri” në Prishtinë, më fillim nga ora 20:45, shkruan IndeksOnline.

Biletat mund t’i blini online në: https://eu.ebileta.al/biglietteria/listaEventiPub.do

Çmimet e biletave në sektoriet Jug dhe Veri janë nga 5 euro, në Lindje 10 euro, Perendim 20 euro ndërsa ato VIP kushtojnë 80 euro.

VINI RE!
Procedura se si blihet bileta online:
Fillimisht ju duhet të regjistroheni në platformë.
Mandej zgjidhni tribunën e stadiumit dhe më pas e selektoni ulësen e preferuar.
Pasi t’i zgjedhni biletat, vazhdoni me pagesën online.
Pasi të përfundon blerja online, ju duhet të pritni deri të gjenerohet bileta si dhe fatura juaj.
Biletën do ta pranoni gjithashtu në email (kontrolloni edhe folderin SPAM gjithashtu).
Bileta patjetër duhet të jetë e printuar në formatin A4, printimi duhet të jetë i kualitetit të lartë.
Biletat janë të personalizuara (Në stadium mund të hyjë vetëm një person me një biletë pa marrë parasysh moshën).

Shënim: Personat që rastësisht pas blerjes së biletës nuk e marrin atë nëpërmjet emailit, atëherë atë mund ta gjejnë përmes kodit në linkun e mëposhtëm:

https://eu.ebileta.al/biglietteria/trans/restore.do

Kryendeshja e javës në Champions League, Interi pret Arsenalin, ky kanal e transmeton

Stadiumi “Giusseppe Meazza” në Milano, sonte është arena e kryendeshjes së javës në UEFA Champions League.

Italianët dhe anglezët ende nuk kanë humbur në edicionin e ri të Ligës së Kampionëve, pasi kanë regjistruar nga dy fitore e një barazim, raporton Klankosova.tv

Është interesant fakti se “Zi-kaltërtit” barazuan në udhëtim te një ekip i Premier Ligës, Manchester City, kurse “Topçinjtë” i kanë ndarë pikët në transfertën te Atalanta e Serie A. Të dyja ndeshjet ishin mbyllur pa gola.

Por nëse kthehemi në retrospektivë, duelet ndërmjet skuadrës së qytetit italian të modës dhe asaj nga kryeqendra e Anglisë, kanë prodhuar gola me bollëk.

Pikërisht ndërmjet këtyre dy ekipeve ka ndodhur edhe njëra prej rikthimeve më të mëdha në kompeticionin kryesor të futbollit në Evropë, njofton Klankosova.tv.

Më 17 shtator të vitit 2005, Inter e shpartallonte Arsenalin midis Londrës, duke e mposhtur para tifozëve të tyre me rezultat 0-3.

Por tronditje edhe më të madhe se “Gunners”, pësojnë “Nerazzurët” rreth dy muaj më vonë, kur më 25 nëntor të po atij viti, Arsenali i udhëhequr nga legjendat franceze, në fushë Thierry Henry, e në bankinë, Arsen Wenger, deklasonte në shtëpi Interin me rezultat 1-5.

Ky duel i rivalëve të vjetër transmetohet në platform e Art Motion, në kanalin e parë të Radio Televizionit të Kosovës.

Qeveria merr vendim, aprovon ndërtimin e dy stadiumeve

Qeveria e Republikës së Kosovës ka mbajtur mbledhje elektronike, të 229-tën, ku ka marrë disa vendime për projekte kapitale.

Mbledhja e 229-të e Qeverisë duket e frytshme për sportin kosovar, pasi aty janë aprovuar disa projekte të rëndësishme.

Projektet sportive për ndërtimin e stadiumeve dhe rinovimin e disa prej tyre tashmë kanë marrë aprovim në mbledhjen elektronike.

Qeveria e Kosovës ka aprovuar projektet kapitale si projekte kapitale shumë-vjeçare, ndërtimin e ‘Stadiumit të Qytetit’ në Pejë dhe ndërtimin e ‘Stadiumit të qytetit’ në Ferizaj.

Përveç ndërtimit, Qeveria ka aprovuar edhe projektet për rinovimin e stadiumit “Përparim Thaçi” në Prizren dhe renovimin i ‘Stadiumit të Qytetit’ në Vushtrri;

Qeveria e Republikës së Kosovës ka mbajtur mbledhje elektronike në të cilën ka:

–     Aprovuar projektet kapitale si në vijim si projekte kapitale shumë-vjeçare:

Ndërtimi i Stadiumit të Qytetit në Pejë;

Renovimi i Stadiumit “Përparim Thaçi” në Prizren;

Ndërtimi i Stadiumit të Qytetit në Ferizaj;

Renovimi i Stadiumit të Qytetit në Vushtrri;

Lille përballë Juventuesit, mësohet vendimi i trajnerit për Zhegrovën

Lille do të përballet me skuadrën e Juventusit në kuadër të xhiros së katër të Ligës së Kampionëve.

Ylli i Përfaqësues së Kosovës, Edon Zhegrova, do të jetë startues në këtë ndeshje.

Takimi do të nisë nga ora 21:00, teksa para fillimit të takimit janë publikuar formacionet startuese.

Boksieri shqiptar shumë i fortë për boksierin serb, e mposht pas 6 rundeve

Boksieri shqiptar nga Prizreni, Armend Xhoxhaj, ka mposhtur në 6 raunde, rivalin e tij serb, Milosav Saviq.

Ky meç u zhvillua në Chemnitz të Gjermanisë.

Xhoxhaj, dominoi tërë meçin ndaj kundërshtarit të tij, duke arritur suksesin e radhës në boksin profesionist.

Pas triumfit, ai festoi me flamurin kuqezi.

TË NGJASHME:

I jashtëzakonshëm edhe Roberto Bakaj, boksieri shqiptar fiton meçin me nokaut

Ish-lojtari i Valencias vdiq nga përmbytjet katastrofike në Spanjë