Gani Geci: Dita më e mirë për Kosovën ishte arrestimi i Hashim Thaçit

Ish-deputeti i Kuvendit të Kosovës, Gani Geci, e ka cilësuar ditën e arrestimit të ish-presidentit Hashim Thaçi si “ditën më të mirë për Republikën e Kosovës”.

Sipas Gecit, Gjykata Speciale ka luajtur një rol vendimtar në parandalimin e ndarjes së Kosovës, për çka ai falënderon posaçërisht Shtetet e Bashkuara të Amerikës.

I plotë:

Të dashur miq,

Tani, faleminderit shumë Hashim Thaçit për formimin e Gjykatës Speciale, dhe po ashtu, faleminderit shumë Gjykatës Speciale që parandalove ndarjen e Republikës së Kosovës.

Edhe një herë:

Ne, populli shqiptar i Republikës së Kosovës, duhet të falënderojmë nga zemra të gjithë ata deputetë që e votuan Gjykatën Speciale.

Nuk duhet assesi t’i shajmë apo t’i urrejmë deputetët e PDK-së dhe të tjerët, sepse ndërin më të madh Republikës së Kosovës ia ka bërë pikërisht kjo Gjykatë Speciale.

Ne, viktimat, edhe mund t’ia falim Hashim Thaçit vrasjet politike për të cilat dyshohet se ishin krime kundër kundërshtarëve politikë  dhe ok në rregull, qe edhe po ia falim të gjitha.

Por kumunikaten 59 edhe Kosoven kur jo.

Por ndarjen e Kosovës nuk mund t’ia falim, as ne dhe as ata që e çliruan Republikën e Kosovës pra, Shtetet e Bashkuara të Amerikës.

Pikërisht dita më e mirë e Republikës së Kosovës ishte dita e arrestimit të Hashim Thaçit, në kohën kur ai ishte nisur drejt një takimi kokë më vete për ndarjen e Republikës së Kosovës.

Parandalimi i ndarjes së Kosovës ishte një rezultat i jashtëzakonshëm i kësaj Gjykate. Të tjerat janë shumë pak të rëndësishme për gjeneratat e ardhshme shqiptare që do të vijnë pas 50 apo 100 vitesh.

Ndarjen e Kosovës nuk e ndaloi Albini, që gjuante me gurë nëpër rrugët e Kosovës dhe shante krejt dynjanë, përfshirë edhe Amerikën.

Ndarjen e Kosovës e ndaloi Gjykata Speciale.

Ajo ndaloi marrëveshjen që kishin përgatitur Hashimi dhe Vuçiqi kokë më vete, të ndihmuar nga Baton Haxhiu dhe Edi Rama një marrëveshje që përfshinte ndarjen e Kosovës dhe shpërbërjen e Gjykatës Speciale.

Faleminderit shumë Amerikës:

1. Që e çliroi popullin e Kosovës dhe UÇK-në nga Serbia në vitin 1999.

2. Që e bëri Republikën e Kosovës të pavarur në vitin 2008.

3. Që i futi kriminelët serbë në listën e zezë në vitin 2019.

4. Që e shpëtoi Kosovën nga ndarja në vitin 2020.

5. Që e çliroi Kosovën nga kriminelët shqiptarë.

6. Që i çliroi serbët në veri nga kriminelët serbë.

7. Që ndërpreu bashkëpunimin me një komunist sorrosist si Albin Kurti.

Lutje për Amerikën:

Të lutem Amerikë parandalo Zajednicën e Hashimit dhe “Samoupravljenjen” e Albin , sepse kjo është e keqja e radhës që ia kemi bërë vetes përmes marrëveshjeve të Brukselit të vitit 2013 dhe 2023, si dhe marrëveshjes së Ohrit 2023 të Albinit.

Edhe një lutje për Amerikën:

Amerikë e dashur,

Qëndro përjetë në Bondstill.

Çlirona edhe prej halahulave e rabilalave taliban, se kanë nisur me u shumuar.

Edhe mos ia vini veshin këtij Albin sorrosistit – se ky kurgjë nuk din.

Krejt çfarë bën Amerika në Republikën e Kosovës, unë besoj se fundin e ka me bereqet, sepse ata janë shumë përpara me informata dhe gjithmonë mundohen ta parandalojnë të keqen që mund t’i ndodhë një vendi që vetë e çliruan nga zgjedha 100-vjeçare serbe.

Zoti e bekoftë popullin amerikan dhe Amerikën.

Zoti e bekoftë popullin shqiptar të Kosovës, Shqipërisë dhe kudo që gjendet.

P.S

Tani si duket ky deshmitari i mbrojtjes z.Rubinë pas perfundimit te mandatit ne Qeverin Amerikane  paska qenë i paguar me para te taksapaguseve te Republikës së Kosovës për te lobuar për ndarjen e Kosvës hahahahaahah edhe njiher feminderit Gjyktes speciale per parandalimim e ndrjes se Republikës së Kosovës

Disa orë para mbajtjes së protestës, zëdhënësi i VV-së del kundër – Kritikon Hashim Thaçin

Disa orë para mbajtjes së protestës më të madhe kundër Gjykatës Speciale, Zëdhënësi i Lëvizjes Vetëvendosje, Arlind Manxhuka, e cilëson si të vonuar.

Në reagimin e ti,j Manxhuka nuk e përkrah mbajtjen e protestës dhe gjen hapësirë të shkruaj për deklarimet e Hashim Thaçin ndaj Gjykatës speciale duke i cilësuar si qëndrime të buta.

“⁠Në intervistën e tij nga Haga para një jave, ish presidenti dhe ish kryeministri Thaçi ishte tepër i butë me Gjykatën Speciale. Protestat nuk mund ta zëvendësojnë a kompenzojnë mungesën e qëndrimit të tij.,” ka thënë ai.

Ai ka theksuar se nuk mund të ndryshohet historia e Kosovës dhe lufta çlirimtare, as historiku i themelimit të Gjykatës Speciale.

“Kosova ka nevojë për gjykata normale që dalin pas vettingut dhe për një kryeprokuror të ri, e jo për gjykata speciale jotransparente, të cilat janë jashtë praktikave ndërkombëtare,” ka shtuar ai.

Reagimi i plotë:

Mbrojtja e Thaçit përballet me probleme financiare: Dy gjykime në të njëjtën kohë, e komplikojnë situatën

Hashim Thaçi ditë më parë i ishte drejtuar me kërkesë Gjykatës Speciale.

Kërkonte që procedura e tij për rastin e pengimit të drejtësisë të veçohet, pasi është e pamundur t’i përcjellë të dyja gjykimet, me avokatët e njëjtë.

Sipas parashtresës së Thaçit, me dy gjykime në të njëjtën kohë, cenohen të drejtat e njeriut. Madje, në parashtresën e ish-presidentit të Kosovës, thuhet se trajtimi i dy rasteve të të njëjtën kohë, ka barrë të madhe financiare, të cilën ai nuk po arrin ta përballojë.

“Formimi i një ekipi të dytë, tërësisht të ndarë, do të kërkonte resurse të konsiderueshme shtesë, që z. Thaçi nuk i ka. Menaxhimi i mbulimit të kostove për ndihmën ligjore nuk nënkupton edhe aftësinë për t’i paguar dy ekipe njëkohësisht. Rregullat e DHSK-së për ndihmë ligjore nuk ofrojnë zgjidhje të problemit, meqë z. Thaçi nuk është i varfër siç parashihet me legjislacion. Sidoqoftë, z. Thaçi ka ndarë tashmë mjetet që i ka në dispozicion nga rasti 06. Këto shpenzime nuk mund të reduktohen, veçanërisht gjatë kësaj pike kritike në rastin 06”, thuhet në parashtrimin e mbrojtjes së Thaçit.

Kujtojmë se për arsye financiare Hashim Thaçit i ishte larguar avokati Gregory Kehoe.

Gjithashtu, edhe Kadri Veseli kishte mbetur pa avokatin Ben Emmerson.

Megjithatë, është përgjigjur Kryeprokurorja e Hagës, Kimberli West.

Ajo i ka thënë Thaçit që nëse avokatët nuk arrijnë t’i menaxhojnë të dyja rastet, atëherë le të tërhiqen nga njëri rast.

“Procedimi me Rastin 12 në përputhje me Ligjin dhe Rregullat nuk do të shkelë të drejtat e THAÇI-t, as nuk do të ndikojë në aftësinë e tij për të përgatitur një rast mbrojtjeje (aktualisht hipotetik) në Rastin 06. Shqetësimi kryesor i ngritur nga THAÇI, dhe nga i cili rrjedhin të gjitha shqetësimet e tjera, është se për shkak se Avokatët e tij po punojnë në dy raste, kjo rezulton në përfaqësim të pamjaftueshëm. Nëse Avokatët e Specializuar besojnë se nuk mund ta përfaqësojnë në mënyrë adekuate THAÇI-n në të dyja rastet, zgjidhja është e qartë: Avokatët duhet t’i përmbahen detyrimeve të tyre profesionale dhe të tërhiqen nga një çështje. Një i akuzuar nuk gëzon të drejtën për të pasur të njëjtin avokat në dy raste të dallueshme, dhe përfaqësimi paralel i kërkuar nuk është i justifikuar”, thuhet në parashtresën e kryeprokurores së Hagës, raporton Nacionale.

Si rezultat, kryeprokurorja ka kërkuar nga Gjykata Speciale që ta rrëzojnë kërkesën e Thaçit.

“Mocioni i Thaçit që kërkon ndarjen e Aktakuzës dhe shtyrjen e procedurave aktuale deri në mbylljen e çështjes Thaçi etj. është tërësisht i pajustifikuar dhe duhet të refuzohet. Në mënyrë të ngjashme, Mocioni i Mbrojtjes së Përbashkët që kërkon ndarjen e Aktakuzës duhet të refuzohet. Faktet themelore dhe të Akuzuarit mbivendosen, dhe veprimet dhe sjelljet e akuzuara në Aktakuzë janë të lidhura dhe të ndërthurura ngushtë, duke formuar një seri krimesh të lidhura, të tilla që të Akuzuarit duhet të gjykohen së bashku”, thuhet më tutje.

Sërish, West tha se dy procedurat janë të ndara, por megjithatë, lidhen me rastin kryesor.

“THAÇI ka të drejtë për një gjykim të drejtë brenda një kohe të arsyeshme, dhe për të pasur kohë të mjaftueshme për të përgatitur një mbrojtje me Avokat të Specializuar sipas zgjedhjes së tij. Megjithatë, THAÇI nuk ka të drejtë për të njëjtin Avokat të Specializuar në rrethana kur ai përballet me dy procedura të ndara dhe shumë të ndryshme. Nuk ka një të drejtë të tillë në tekstet ligjore të DHSK-së, Kushtetutën e Republikës së Kosovës ose Konventën Evropiane të të Drejtave të Njeriut, dhe THAÇI nuk ofron asnjë autoritet ligjor për qëndrimin e tij. E vetmja jurisprudencë e argumentuar si mbështetëse është rasti Mladić. Megjithatë, dhe siç u përmend më lart, konteksti specifik i rastit në Mladić ishte plotësisht i dallueshëm nga skenari aktual”, thuhet në parashtrim.

Thaçi bashkë me Bashkim Smakaj, Isni Kilaj, Fadil Fazliun e Hajredin Kuçin, po akuzohen për pengim të drejtësisë.

Katër vjet nga arrestimi i ish-krerëve të UÇK-së, a po vjen fundi i gjykimit të madh në Hagë?

Fundi i vitit të ardhshëm ose fillimi i 2026-ës, mund të shënojë përfundimin e procesit gjyqësor ndaj ish-krerëve të Ushtrisë Çlirimtare të Kosovës të cilët Zyra e Prokurorit të Specializuar i akuzon për krime të pretenduara të luftës, vlerësojnë monitoruesit e këtij procesi.

Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim në Hagë – qyteti holandez ku Gjykata Speciale e ka selinë – që prej nëntorit të vitit 2020.

Numri i dëshmitarëve të prokurorisë në atë që njihet si gjykimi i madh ka mbërritur njëqindëshin. Prokuroria atje ka hequr dorë nga dëgjimi i disa dëshmitarëve dhe i ka pranuar disa dëshmi me shkrim.

Të premten më 1 nëntor, ZPS njoftoi se nuk do të mbështetet më në dëshmitë e dymbëdhjetë dëshmitarëve. Gjithashtu u bë e ditur se ZPS-ja do t’i paraqesë deklaratat e tetë dëshmitarëve me shkrim në vend të dëshmive të drejtpërdrejta në gjykatë.

Çështja e ZPS-së është paraparë të mbyllet në prill të vitit të ardhshëm, për t’i hapur pastaj rrugë asaj të mbrojtjes. Avokatët në Kosovë dhe monitoruesit vlerësojnë se ky proces është tejzgjatur.

Artan Çerkini, avokat i akredituar nga Specialja, thotë për KosovaPress, se ka hapësirë për reduktim më të madh të numrit të dëshmitarëve.

“Me sa jam në njohuri janë larguar 11 dëshmitarë dhe atë me vetë kërkesën e Prokurorisë së Specializuar, natyrisht se kjo do të ndikoj në masë të konsiderueshme, nuk mund të them në masë të madhe në shpejtimin e procedurës, pasi që edhe dëgjimi i dëshmitarit merr kohë dhe nëse prokuroria heq dorë nga dëgjimi i dëshmitarit dhe kjo nënkupton se koha për të prokuroria paraqitjen e provave do të jetë më e shkurt dhe për rrjedhojë edhe procedura do të jetë më efikase.

Konsideroj se këtu ka hapësirë ende të reduktohet numri i dëshmitarëve ngase gjykata duhet të kujdeset për zbatimit të gjykimit brenda një afati të arsyeshëm. Ndërsa, tani e katër vite të pandehurit janë në paraburgim pa vendim gjyqësor të formës së prerë për fajësinë e tyre….04’24 Nëse mbrojtja nuk ka shumë prova për të prezantuar, atëherë fillimi i vitit 2026, mund të jetë një kohë e arritshme për të pasur një epilog gjykimi në shkallë të parë”, shprehet avokati, Çerkini.

Duke folur për këtë proces, monitoruesi nga Fondi për të Drejtën Humanitare në Kosovë, Amer Alija beson që deri në fund të vitit të ardhshëm ndaj ish-krerëve të UÇK-së do të ketë një vendim të prerë të shkallës së parë.

“Del që pjesërisht apo tërësisht 50% e dëshmitarëve të propozuar nga Prokuroria deri në këtë moment, kanë dhënë dëshmi nëpër seanca të mbyllura.. Sigurisht që procesi është duke shkuar kah fundi por sigurisht që do të marrë kohë edhe pjesa e mbrojtjes se sa do të jetë numri i dëshmitarëve që do të dëgjohet…Në rast se vazhdojmë me këtë ritëm dhe me këto kufizime që i ka dhënë këto kufizime trupi gjykues, unë prej që kah fundi i vitit të ardhshëm mund të ketë një vendim të shkallës së parë, por çdo gjë varet nga propozimet, numri i dëshmitarëve, nga provat të cilat do të administrohen gjatë shqyrtimit kryesore.

Besoj që sa më shpejt që të kryhet ky proces, është më mirë edhe për palët në procedurë për arsye se të akuzuarit që disa vite janë duke u mbajtur në masën e sigurisë të paraburgimit dhe sigurisht që jo çdoherë është e rekomandueshme të aplikohet masa e paraburgimit kur ekzistojnë edhe masat më të buta. Por, sigurisht që këto kushte të caktimit të masës gjithmonë i vlerëson trupi gjykues”, thotë Alija.

E Astrit Kolaj nga Instituti i Kosovës për Drejtësi, thotë për KosovaPress, se shkurtimi i kohëzgjatjes së këtij procesi gjyqësor nuk duhet t’i dëmtojë palët në procedurë.

“Tani prokuroria është duke marrë veprime të cilat dërgojnë në një përfundim të procesit më shpejt, ka vepruar në dy drejtime duke u tërhequr nga dëshmia e një pjesë të dëshmitarëve dhe një pjesë të dëshmitarëve tjerë është duke i deponuar dhe ka deponuar dëshmi me shkrim dhe nuk do të ftohen ata që të jenë pjesë e dëshmisë drejtpërdrejtë…. Sa më shumë që është e mundur të shkurtohet koha e përfundimit të procesit, mirëpo në asnjë mënyrë që mos të veprohet në qëllim të shkurtimit të kohës dhe të tjetër anë të dëmtohen palët në procedurë dhe të kemi një shkelje të palëve në procedurë vetëm me qëllim të shkurtohen afatet për përfundimin e gjykimeve”, thotë ai.

Një pjesë e madhe e këtij procesi gjyqësor ka kaluar në seanca të mbyllura për publikun dhe me dëshmitarë të mbrojtur.

Gjykimi ndaj Thaçit dhe të tjerëve nisi në prill të vitit 2023. Hashim Thaçi, Kadri Veseli, Jakup Krasniqi dhe Rexhep Selimi janë deklaruar të pafajshëm për të gjitha akuzat. /KP/

Ish-Kryeministri Boris Johnson në librin e ri përmend Thaçin: Kosova në periudhë të vështirë, ai u detyrua…

Ish-kryeministri i Britanisë së Madhe, Boris Johnson, ditë më parë ka botuar një libër me memoaret e karrierës së tij si kryeministër britanik. Në librin që mban titullin “Unleashed”, Johnson ka përmendur shumë burrështetas botërorë.

Johnson aty shkruan edhe për marrëdhëniet e tij shumë të mira me ish-presidentin e Kosovës, Hashim Thaçin.

Ai shkruan se me presidentin Thaçi ruan kujtime shumë të mirë në takimet e shumta që kanë zhvilluar.

“Unë pata një pritje shumë të ngrohtë nga presidenti Hashim Thaçi dhe kam mbajtur gjithmonë marrëdhëniet më miqësore me të”, shkruan ish-kryeministri britanik në librin e tij.

Në librin “Unleashed” që ka dalë në shitje në fillim të kësaj jave, Johnson flet për një periudhë shumë të vështirë që gjendet Kosova, pasi Thaçi u detyrua që të jepte dorëheqje si President i Kosovës.

Ish-presidenti Hashim Thaçi kishte zhvilluar shumë takime me ish-kryeministrin britanik Johnson në Londër, New York dhe në vende të tjera të botës.

 

 

Paraqitet në seancë një dëshmitar tjetër në rastin “Thaçi”

Në Dhomat e Specializuara të Kosovës në Hagë, të mërkurën ka filluar dëshminë dëshmitari i 90-të i Zyrës së Prokurorit të Specializuar (ZPS), i cili mban kodin W4422 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Dëshmia e këtij dëshmitari është duke u dëgjuar tërësisht në seancë të mbyllur dhe nuk u lexua ndonjë përmbledhje siç ndodh zakonisht për dëshmitarët e prokurorisë, raporton “Betimi për Drejtësi“.

Sipas kryetarit të trupit gjykues, Charles Smith III, ky dëshmitar është duke dëshmuar përmes video-lidhjes.

Përpara se të vazhdohet me dëshminë e këtij dëshmitari, gjyqtari Smith kërkoi që të diskutohet për kërkesën e ZPS-së që dëshmitari me kodin W04590 të dëshmojë përmes video-lidhjes.

Në emër të mbrojtjes së të gjithë të akuzuarve, avokatja e Veselit, Ann Rowan tha se nuk kanë kundërshtime që të vazhdohet me video-lidhje me këtë dëshmitar, por sipas saj arsyet e paraqitura në kërkesë nuk përmbushin kriteret përkatëse të Rregullores.

Pasi nuk pati kundërshtime, gjyqtari tha se edhe dëshmia e dëshmitarit W04590 do të dëgjohet përmes video-lidhjes.

Ja kur pritet të përfundojë gjykimi ndaj ish-krerëve të UÇK, flasin nga Specialja

Zëdhënësi i Dhomave të Specializuara të Kosovës në Hagë, Michael Doyle, ka thënë se Prokuroria pritet t’i thërrasë të gjithë dëshmitarët e saj ndaj ish-krerëve të UÇK-së që po gjykohen në Hagë, deri në prillin e vitit të ardhshëm.

Doyle ka thënë se në rastin kundrejt Hashim Thaçit, Kadri Veselit, Rexhep Selimit dhe Jakup Krasniqit, deri më tani 85 dëshmitarë kanë dëshmuar, ose në sallën e gjyqit ose përmes një video-lidhjeje, dhe 69 të tjerë me formë shkrimi.

Ai tutje ka deklaruar se pas dëshmitareve të Prokurorisë, Mbrojtja do të fillojë t’i thërrasë dëshmitarët e saj, sipas tij, dikur në vitin e ardhshëm.

“Në rastin kundrejt Hashim Thaçit, Kadri Veselit, Rexhep Selimit dhe Jakup Krasniqit, Prokuroria është duke paraqitur e saj rast e duke thirrur dëshmitarët e saj. Prokuroria ka thënë se synojnë t’i thërrasin dëshmitarët e tyre deri në prill të vitit 2025. Pra, ne jemi në mes të këtij procesi. 85 dëshmitarë kanë dëshmuar, ose në sallën e gjyqit ose përmes një video-lidhjeje , dhe 69 të tjerë kanë dëshmuar vetëm në një me formë shkrimi. Kështu që, pasi Prokuroria të përfundojë paraqitjen e rastit të saj, Mbrojtja do ta këtë mundësinë për të kundërshtuar rastin. Presim që dikur vitin e ardhshëm, Mbrojtja të fillojë t’i thërrasë dëshmitarët e saj”.

Doyle ka shtuar se një ndër prioritetet e gjykatësve është përshpejtimi i procesit gjykues, ndërsa ka thënë se zvogëlimi i listës së dëshmitarëvë të Porkurorisë, për disa herë tashmë, është pozitiv për procesin.

“Një prej punëve kryesore të trupit gjykues është që procedurat janë të drejta dhe të shpejta. Kjo përfshin edhe dhënien e afateve kohore, për të cilat Prokuroria ka thënë se ju nevojitet kohë deri në prill të vitit 2025. Gjyqtarët po mundohem që gjykimi të përshpejtohet dhe duke i kërkuar Prokurorisë që ta shpejtojnë rastin sa më shumë që është e mundur, prandaj ka edhe zvogëlim të numrit të dëshmitarëve”, ka thënë ai.

Tutje, ai ka thënë se njerëzit ta kuptojnë se Dhomat të Specializuara të Kosovës në Hagë janë krijuar për krimet e akuzuara brenda juridiksionit, si pjesë e sundimit të ligjit të Kosovës, ku ka disa pika kontrolli dhe balanci.

Si dëshmi për këtë, ai e ka marrë apelin e Pjetër Shalës dhe Salih Mustafës. Siç ka thënë ai për Ekonomia Online, në rastin e Mustafës, të cilit i’u zbrit dënimi nga 26 në 15 vjet, “e kemi parë se sistemi i gjykimit këtu është i njëjtë si me atë të Kosovës”

“Në rastin e Pjetër Shalës, i cili është dënuar për krime lufte arbitrare, torture dhe vrasje, dhe i dënuar me 18 vjet burgim, dënim të cilin e ka apeluar. Shala është dënuar për disa ngjarje në një fabrikë metalesh në Kukës të Shqipërisë, për tortura dhe vrasje, në një qendër paraburgimi, kundër shqiptarëve dhe serbëve që kanë dalë kundër UCK-së. Ky është verdikti i parë, të cilin ai e ka apeluar”.

“Fokusi është që njerëzit ta kuptojnë se Dhomat të Specializuara të Kosovës në Hagë janë krijuar për krimet e akuzuara brenda juridiksionit, si pjesë e sundimit të ligjit të Kosovës. Pra, mënyra se si funksionon është se Prokuroria​ sjell akuzat kundër dikujt për lufte krime, krime kundër njerëzimi apo ndërhyrje dëshmitare dhe pastaj gjyqtarët kanë fokusi të sigurojnë një gjykim të paanshëm dhe të drejtë”.

“E pamë në rastin e Salih Mustafës, se sistemi i gjykimit këtu është i njëjtë si me atë të Kosovës, ku ka disa pika kontrolli dhe balanci. Në rastin e Mustafës, trupi gjykues i ka shqiptuar një dënim prej 26 vjetësh burgim, pastaj në apel u tha se ky dënim nuk është në përputhje me dënimet e llojit të njëjtë dhe dënimi u ul në 22 vjet. Pas një apelimi tjetër në Gjykatës Supreme, u gjet se Dhoma e Apelit e kishte anashkaluar një hap në arritjen e vendimit të tyre që duhej të konsideronin një dënim më të butë. Tani, Mustafës i është dhënë një dënim edhe më i vogël, prej 15 vjetësh. Kështu që mendoj se ​është vërtetë e rëndësishme për t’u theksuar se gjyqtarët janë aty për të marrë çështjet që vijnë nga Prokuroria dhe të sigurojnë gjykime të drejta”, ka përfunduar Doyle.

“Shyqyr është Hashim Thaçi gjallë se Albini për vota i kish ndërtu permendore”

Në “Pressing” të T7, të mërkurën është folur edhe për shatoren e ish-presidentit Ibrahim Rugova që i është ngritur në Podujevë, komunë e qeverisur nga Lëvizja Vetëvendosje.

Aty kishte marrë pjesë edhe kryeministri i Kosovës, Albin Kurti.

Për këtë, Ilir Mirena, duke cituar një postim të një qytetari në Facebook, tha se “fatmirësisht Hashim Thaçi është gjallë se përndryshe edhe atij Albin Kurti do t’ia ngriste një përmendore.

“Dikush e kish pas shkru një status, tha Albin Kurti nuk len metodë pa përdorur për me mbledhur vota, nuk e ka gajle. Fatmirsisht tha Hashim Thaçi është gjallë, se përndryshe do t’ia ngriste një përmendore”, ka thënë Mirena.

Më pas, këtë e komentoi edhe Besian Mustafa dhe Visar Azemi nga Lidhja Demokratike e Kosovës (LDK).

Mustafa beson se Albin Kurtin “e ka kapur panika”, dhe kështu dëshiron të përfitojë duke përdorur figura historike.

“Albin Kurti me informacionet nga tereni është në panikë të fortë, ndaj po tenton me përvetësu figurën e Ibrahim Rugovës, njeri e ka themelu LDK-në, nëse dikush ka të drejtë me u thirr në figurën e Rugovës, natyrisht që ka secili shqiptar, por nëse dikush e ka këtë të drejtë në vija politike ajo është LDK-ja që mund të thirret në trashëgimin e tij”, ka thënë Mustafa.

E Visar Azemi tha se si Hashim Thaçi edhe Albin Kurti është kthyer te Rugova, përkundër se e kanë nënçmuar.

“Te Rugova është kthy edhe Hashim Thaçi,  edhe Albin Kurit, gjithë ata që e kanë nënçmu e përqesh, kanë ardhur prapë te idetë dhe vizioni i tij”, ka thënë Azemi. /Gazeta Express

Dëshmitari Rrustem Tetaj: Sa herë vinte Thaçi në kazermë, kërkonte të largohej fotografia e Rugovës

Dëshmitari Rrustem Tetaj teksa foli për takimet me Hashim Thaçin në Kazermën e Prapaqanit, tha se sa herë shkonte tashmë i akuzuari atje, ata kishin nga pak probleme.

“Sa herë ka ardhë Hashim Thaçi ne kemi pas pak probleme në kazermën e Prapaqanit bash mu për këtë se ishin dy fraksione. Kishin divergjenca të mëdhaja në mes, a në realitet ishim një Ushtri”, tha Tetaj.

Përpara kësaj, dëshmitari tha se në zyrën e tij e ka pasur një fotografi të Ibrahim Rugovës, raporton “Betimi për Drejtësi”.

“Ka qenë fotografia e Rugovës, kështu që asokohe ka qenë më shumë aktuale që të merren me Ibrahim Rugovën dhe anëtarët e Lidhjes Demokratike të Kosovës sesa vetë me ushtrinë ose me organizimin e ushtarëve të Ushtrisë Çlirimtare të Kosovës”, tha Tetaj.

 

 

Ai shtoi se ka pasur presion në atë kohë që asgjë të mos jetë në emër të Ibrahim Rugovës.

“Presioni ka qenë që kurgja mos me qenë në emër të dr. Ibrahim Rugovës. Kur them asgjë them që as fotografia, njerëzit që ishin anëtarë të LDK-së. Megjithëse atëherë sa më kujtohet, të gjithë ne ishim ushtarë”, tha dëshmitari.

Gjithashtu, dëshmitari tha se në atë zonë, atë kohë ishin dy fraksione që vepronin por që në realitet të gjithë ishin ushtarë.

“Me të thënë të drejtën aty ishte biseda që ishin dy fraksione si Ushtri Çlirimtare të Kosovës dhe Forca të Armatosura të Kosovës me emrin FARK. Ishte presion largimi nga FARK-u dhe të jemi pjesëtarë të Ushtrisë Çlirimtare të Kosovës a në realitet ishim të gjithë ushtarë. Më tepër kanë qenë ato pyetjet, tani nuk më kujtohet më shumë por e di që ndërhyrja ka qenë në lidhje me Forcat e Armatosura të Kosovës me emrin e quajtur FARK”, tha ai.