Lajmi i Fundit
Raportohet se këta mund të jenë katër kandidatët e LDK-së për deputetë në Kuvend
Arrestohet polici që përdhunonte gra
Ndahet nga jeta ish-ushtari i UÇK-së
Incidenti në veri, reagon Kurti
Dëshmia e Granit Plavës: Naimi më thojke ‘gjuj gjuj’, m’i jepi…
“𝐏𝐃𝐊 𝐞̈𝐬𝐡𝐭𝐞̈ 𝐥𝐚𝐫𝐠 𝐳𝐠𝐣𝐢𝐝𝐡𝐣𝐚 𝐦𝐞̈ 𝐞 𝐦𝐢𝐫𝐞̈ 𝐧𝐞̈ 𝐤𝐞̈𝐭𝐨 𝐳𝐠𝐣𝐞𝐝𝐡𝐣𝐞”, 𝐢𝐬𝐡-𝐦𝐛𝐞̈𝐬𝐡𝐭𝐞𝐭𝐞̈𝐬𝐢 𝐢 𝐊𝐮𝐫𝐭𝐢𝐭 𝐛𝐞̈𝐧 𝐭𝐡𝐢𝐫𝐫𝐣𝐞 𝐩𝐮𝐛𝐥𝐢𝐤𝐞 𝐭𝐞̈ 𝐯𝐨𝐭𝐨𝐡𝐞𝐭 𝐁𝐞𝐝𝐫𝐢 𝐇𝐚𝐦𝐳𝐚
Plagoset me armë zjarri një person
Gjykata e Beogradit merr vendimin për ish-ushtarin e UÇK-së
Mbështetësit e Vuçiqit rrahën veteranin serb të luftës në Kosovë
Buxhovi “godet” anaIistët: Çdo natë me të njëjtat paIIavra e shurdhojnë miIetin
Krasniqi dhe Hamza falënderojnë mërgimtarët në Gjermani:Me ju – Kosova mundet ma mirë (Video)
Gazeta Imazhi LAJME
Krasniqi dhe Hamza falënderojnë mërgimtarët në Gjermani:Me ju – Kosova mundet ma mirë (Video)

Kryetari i Partisë Demokratike të Kosovës, Memli Krasniqi dhe kandidati për kryeministër i kësaj partie, Bedri Hamza kanë falënderuar mërgimtarët në Gjermani për mbështetjen dhe pritjen madhështore në vikend.

Përmes një video-adresimi ata i janë drejtuar mërgatës. “Mërgimtarë të dashur jemi bashkë me Bedriun këtu që t’ju falënderojmë për pritjen madhështore gjatë kësaj fundjave në Gjermani”, është shprehur Krasniqi. Hamza i ka cilësuar tubimet në Gjermani si impozante.

“I falënderoj nga zemra, me mbështetjen e tyre Kosova mundet ma mirë. I ftoj dhe i pres që të takohemi në vikendin e ardhshëm bashkë në Zvicër”, ka thënë Hamza.

Për më shumë klikoni këtu https://www.facebook.com/reel/8961828777200418

Krasniqi: Unë në veri kam shkuar para Kurtit, pa polici dhe pa përcjellje
Gazeta Imazhi LAJME
Krasniqi: Unë në veri kam shkuar para Kurtit, pa polici dhe pa përcjellje

Kryetari i PDK-së, Memli Krasniqi, ka komentuar vizitën e kryeministrit Albin Kurti në veri.

Ai ka thënë se për një gjë të tillë kryeministrin e kishte ftuar një vit më parë.

Në një intervistë për “Periskop”, ai ka thënë se veri ka shkuar para kryeministrit dhe pa përcjellje.

“Po e vërtetë kam thënë në seancë në qershor të vitit 2023, por ai nuk shkoj i pari më është dasht me shku mua i pari tre ditë pas deklaratës, me i vizitu komunate Zveçanit edhe Zubin Potokut. Nuk e kam lënë me aq kam shkuar përsëri në nëntor, e Kurti ende nuk kishte shkuar. Normal une kur kam shkuar kam shkuar pa polic, pa përcjellje sepse ne jemi opozitë neve nuk na ruajnë 200 policë si Albin Kurtin.”, ka thënë Krasniqi.

Krasniqi kujton Triumf Rizën në përvjetorin e vdekjes: Nuk do të të harrojmë kurrë, shok i dashur
Gazeta Imazhi LAJME
Krasniqi kujton Triumf Rizën në përvjetorin e vdekjes: Nuk do të të harrojmë kurrë, shok i dashur

Kreu i Partisë Demokratike të Kosovës, Memli Krasniqi, në 17-vjetorin e vdekjes së policit Triumf Riza, ka thënë se mungesa e tij është e përhershme dhe plagë që nuk shërohet.

Ndër të tjera, përmes një postimi në Facebook, Krasniqi për Rizën tha se ishte një forcë e natyrës me vullnet të hekurt, i vendosur për të bërë gjëra të mëdha në jetë.

“Triumfi i barti me krenari këto cilësi në karrierën e tij me Policinë e Kosovës, ku u bë një nga oficerët më të përkushtuar dhe më të aftë, duke luftuar pa u lodhur kundër krimit të organizuar. Por, më 30 gusht 2007, një ditë e paharruar përgjithmonë në kujtimet tona, Triumfi na u vodh në një akt frikacak dhe tinëzar, që shkatërroi jetë të shumta. Mungesa e tij është një plagë që nuk shërohet kurrë, veçanërisht për familjen e tij, e cila vazhdon të mbajë peshën e kësaj humbjeje. Drejtësia, fatkeqësisht, ende nuk ka sjellë përmbylljen që ne të gjithë e kërkojmë me insistim”, shkroi Krasniqi.

“Triumf, trashëgimia jote jeton përherë. Nuk do të të harrojmë kurrë, shok i dashur!”.