Ndodh edhe kjo: Infermieri theret me thikë nga kolegu i tij

Një infermier i Spitalit rajonal të Tiranës “Shefqet Ndroqi” dyshohet se e ka plagosur me thikë kolegun e tij brenda vendit të punës. 

Policia e Shtetit ka njoftuar se rasti ka ndodhur të martën, ndërsa autori me inicialet D.Ç. është ende në kërkim.

“Rreth orës 11:20, në ambientet e një spitali shtetëror, dyshohet se gjatë një konflikti për motive të dobëta, shtetasi D.Ç., rreth 32 vjeç, ka goditur me mjet prerës shtetasin M. O., rreth 37 vjeç, të dy punonjës të spitalit”, thuhet në njoftimin e Policisë.

Infermieri i lënduar nga arma e ftohtë thuhet se është nën kujdesin e mjekëve.

Shërbimet e Policisë po punojnë për kapjen e të dyshuarit.

Gjykimi ndaj Thaçit dhe të tjerëve në Hagë, ky është zhvillimi i fundit

Në Dhomat e Specializuara të Kosovës (DhSK) në Hagë, Zyra e Prokurorit të Specializuar (ZPS) ka dorëzuar dosjen paraprake në rastin ndaj Hashim Thaçit, Bashkim Smakajt, Fadil Fazliut, Isni Kilajt dhe Hajredin Kuçit.

Sipas dokumentit të dorëzuar më 19 shtator, Prokuroria ka dorëzuar një përmbledhje që përmban përmbledhje të provave që ata synojnë që të paraqesin për të vërtetuar akuzat në aktakuzë.

Veç kësaj, aty thuhet se Prokuroria ka dorëzuar edhe listën e dëshmitarëve që ata synojnë t’i thërrasin ose që do të mbështeten gjatë gjykimit.

Po ashtu, aty thuhet se dosja paraprake përmban edhe listën e materialeve të propozuara që Prokuroria synon t’i paraqes në gjykim.

Hashim Thaçi ndodhet në Qendrën e Paraburgimit në Hagë që nga nëntori i vitit 2020. Ai është duke u gjykuar për krime lufte, si dhe vitin e kaluar i është ngritur aktakuza kundër administrimit të drejtësisë.

Lidhur me rastin kundër administrimit të drejtësisë, Bashkim Smakaj, Fadil Fazliu dhe Isni Kilaj u arrestuan më 5 dhjetor 2024 në Kosovë dhe u transferuan në objektin e paraburgimit në DhSK, më 6 dhjetor 2024 në bazë të aktakuzës së konfirmuar dhe fletarrestimeve të lëshuara nga Haga.

Ndërsa, Thaçit i është dorëzuar fletarrestimi në objektin e paraburgimit në Hagë më 5 dhjetor 2024, gjithnjë sipas njoftimit të DhSK-së.

Kurse, Hajredin Kuçit i është dorëzuar aktakuza e konfirmuar dhe fletëthirrja për t’u paraqitur para gjykatëses së procedurës paraprake për paraqitjen e parë, e cila u mbajt 9 dhjetor.

Sipas aktakuzës, Thaçi individualisht dhe përmes veprimeve të përbashkëta me grupet; Grupi Fazliu (Fadil Fazliu dhe Fahri Fazliu), Grupin Smakaj (Bashkim Smakaj, Blerim Shala dhe Artan Behrami) si dhe Grupin Kilaj (Isni Kilaj dhe Vllaznim Kryeziu), kanë ndjekur një model të sjelljes për të penguar personat zyrtarë në kryerjen e detyrave zyrtare.

Në aktakuzë thuhet se Thaçi ka udhëhequr dhe marrë pjesë në këto përpjekje përmes vizitave të tij në objektet e paraburgimit gjatë kohës sa ishte i paraburgosur në kuadër të gjykimit të tij për krime lufte dhe krime kundër njerëzimit.

Aty thuhet se anëtarët e Grupit Fazliu, Grupit Smakaj dhe Grupit Kilaj u koordinuan për të ndikuar në dëshmitarët e ZPS-së gjatë vizitave jo të priveligjuara të datave 2 korrik, 9 shtator dhe 6 tetor 2023.

Si rrjedhojë, ndaj Thaçit rëndojnë tri akuza për pengim të personit zyrtar në kryerjen e detyrave zyrtare, tri për shkelje të fshehtësisë së procedurës dhe katër akuza për mosbindje ndaj gjykatës.

Ndërsa, Kilaj, Smakaj dhe Fazliu akuzohen për tentativë të pengimit të personave zyrtarë në kryerjen e detyrave zyrtare dhe mosbindje ndaj gjykatës. Kurse, Kuçi i ka dy akuza për mosbindje ndaj gjykatës. /BetimipërDrejtësi

Votat për formimin e qeverisë, kështu përgjigjet Kurti

Kryeministri në detyrë i Kosovës, Albin Kurti, nuk ka pranuar t’u përgjigjej pyetjeve të gazetarëve nëse partia e tij, Vetëvendosje ka zhvilluar takime me partitë e tjera për të siguruar votat për formimin e qeverisë.

Ai tha se gjenden në Poliklinikë Specialistike, duke mos iu përgjigjur pyetjes konkrete.

Kurti u pyet gjatë përurimit të Poliklinikës Specialistike në Podujevë.

Vendimi i Gjykatës Kushtetuese për konstituimin e kuvendit pritet në fund të muajit shtator. Deri atëherë, gjykata ka vendosur masë të përkohshme, përmes së cilës ua ndalon deputetëve të ndërmarrin veprime si dhe ndalon zhvillimin e ndonjë procedure për formimin e Qeverisë së re të Kosovës.

E papritur: PDK-ja dhe NISMA bashkojnë forcat…

Dega e PDK-së në Lipjan dhe ajo e Nismës kanë nënshkruar marrëveshje për zgjedhjet lokale në Lipjan.

Sipas kësaj marrëveshjeje, Nisma do ta mbështesë kandidaturën e Shukri Bujës për kryetar të komunës. Në një postim në Facbook, kandidati i PDK-së për kryetar të Lipjanit ka thënë se ky bashkim është i ndërtuar mbi themelin e lavdishëm e të përbashkët, si edhe kontributin në radhët e UÇK-së.

E rëndë: Ky është njëri nga personat që humbi jetën në aksidentin me dy të vdekur në Klinë

Një aksident i rëndë trafiku me fatalitet është regjistruar në orët e para të mëngjesit të sotëm në rrugën Pejë–Prishtinë, në fshatin Zajm të Klinës, raporton Gazeta Sinjali.

Burime të sigurta bëjnë me dije se rreth orës 05:00, një veturë Audi A6 ngjyrë hiri, që drejtohej nga Veton Kastrati, 33-vjeçar duke lëvizur nga Peja drejt Prishtinës, ka humbur kontrollin dhe për shkak të mos përshtatjes së shpejtësisë ka kaluar në shiritin e majtë të rrugës.

Si pasojë, Audi është përplasur me një minibus Mercedes që po vinte nga drejtimi i kundërt, e më pas është shtyrë dhe goditur nga një kamion transportues mallrash Man.

Nga përplasja e fuqishme, drejtuesi i veturës, Veton Kastrati, dhe një pasagjer në Audi kanë humbur jetën në vendin e ngjarjes. Vdekjen e tyre e ka konfirmuar mjeku kujdestar i autoambulancës. Ndërkohë, dy persona të tjerë, A. B. dhe F. M. kanë pësuar lëndime trupore.

Në vendin e ngjarjes kanë dalë të gjitha njësitë relevante, përfshirë edhe Prokurorin e Shtetit, i cili ka urdhëruar që trupat e pajetë të dërgohen në IML për obduksion.

Nuk i mbijetoi plagëve: Vdes në QKUK personi i qëlluar me armë zjarri

Një person ka humbur jetën në Qendrën Klinike Universitare të Kosovës (QKUK), pasi po trajtohej prej disa ditësh nga plagët e marra me armë zjarri.

Rasti kishte ndodhur më 18 shtator 2025, në fshatin Debelldeh të Vitisë, rreth orës 14:25.

Viktima, ishte dërguar me urgjencë në QKUK, ku pavarësisht trajtimit mjekësor, nuk ka arritur të mbijetojë.

Sipas raportit 24-orësh, me vendim të prokurorit trupi i pajetë është dërguar në Institutin e Mjekësisë Ligjore për obduksion.

Në puntatën e parë, Eglit ia kujtojnë martesën me Gjestin!

Puntata e parë e emisionit të ri të Egli Takos “Yes Day” ka shkaktuar një reagim të fortë nga ndjekësit, duke sjellë në pah momente të papritura dhe emocionale.

Ky emision, i cili premton të sjellë ngjarje të ndryshme dhe surpriza, ka arritur të kapë vëmendjen e publikut që nga fillimi. Një nga momentet më të diskutueshme ishte përmendja e martesës së Egli Takos me Gjestin, një temë që duket se është ende e freskët në mendjet e fansave.

Një djalosh i ri, pjesëmarrës në emision, e shfrytëzoi mundësinë për të përmendur këtë ngjarje të rëndësishme, duke thënë: “Egli, kam zgjedhur ‘Sara Event’ sepse më ka pëlqyer shumë dasma jote në ‘Big Brother Vip’.” Kjo deklaratë shkaktoi duartrokitje të forta nga publiku, duke treguar se tema është ende e njohur dhe e dashur për shumë.

Megjithatë, ky moment i papritur duket se e vuri në siklet Egli Takon, e cila përpiqej të mbante një qëndrim sportiv përballë situatës. Ajo u përpoq të kalonte këtë moment me qeshje, por ishte e qartë se ndjenja e sikletit ishte e pranishme.

Reagimet e publikut në rrjetet sociale ishin të shumta, me shumë ndjekës që shprehën mendimet e tyre për këtë moment. Disa e shihnin si një shenjë të dashurisë dhe mbështetjes për Egli Takon, ndërsa të tjerë e konsideronin si një ndërhyrje të panevojshme në emision.

Ky episod i “Yes Day” ka hapur një diskutim të gjerë mbi marrëdhëniet dhe mënyrën se si ato ndikojnë në jetën e personazheve publikë. Martesa e Egli Takos me Gjestin është një nga ato tema që gjithmonë do të tërheqë vëmendjen e publikut.

Me këtë episod, Egli Takos ka arritur të krijojë një atmosferë të ngrohtë dhe interesante, duke e bërë emisionin e saj një platformë për të diskutuar tema të rëndësishme dhe personale. Ajo ka treguar se është e gatshme të përballet me çdo situatë, pavarësisht se sa e vështirë mund të jetë ajo.

“Valë njohjesh” për Palestinën: Edhe një shtet i fuqishëm e njeh zyrtarisht

Belgjika ka ndërmarrë hapa për të njohur shtetin e Palestinës, duke ndjekur vende të tjera, si Franca, Mbretëria e Bashkuar, Australia.

“Përmes kësaj iniciative, ne vazhdojmë të mbështesim të drejtën ndërkombëtare, në veçanti të drejtën e popujve për vetëvendosje”, tha të hënën kryeministri belg Bart de Vives në një konferencë në Nju Jork për të promovuar zgjidhjen me dy shtete, të thirrur nga Franca dhe Arabia Saudite.

Konferenca synonte t’u jepte një shtysë të re përpjekjeve diplomatike për të zgjidhur konfliktin në Lindjen e Mesme, në bazë të një zgjidhjeje me dy shtete – e cila parashikon që Izraeli dhe një shtet palestinez i pavarur dhe demokratik të jetojnë krah për krah në paqe.

“Zgjidhja me dy shtete nuk është e vdekur”, theksoi kryeministri belg. “Është e plagosur, por ringjallja e saj është e mundur dhe duhet të bëhet për të mirën e të dy popujve”, shtoi ai./

Përparim Rama u thotë mirëmëngjesi me një “selfie” me gruan

Kryetari i Prishtinës, Përparim Rama, ditën e sotme e ka nisur me shumë energji

Në Facebook publikoi një “selfie” me gruan e tij, Kristalen, shkruan Indeksonline.

Ai theksoi se këto çaste i japin energji dhe frymëzim për të mënuar për Prishtinën.

“Mirëmëngjesi, Prishtinë!

Sot e nisa ditën me një kafe të këndshme bashkë me Kristalen. Këto çaste të thjeshta më japin energjinë dhe frymëzimin për të menduar për qytetin tonë.

Uroj që secili prej jush ta fillojë ditën me buzëqeshje dhe me besim në të ardhmen që po e ndërtojmë së bashku”, shkroi ai./Indeksonline/

Aksidenti i rëndë me dy të vdekur në Klinë, mësohen detaje të reja, janë nga ky qytet

Një aksident i rëndë trafiku ka ndodhur sot në orën 05:00 të mëngjesit, ku kanë humbur jetën dy persona.

Viktimat janë nga Komuna e Deçanit.

Lajmin për Indeksonlinen e ka konfirmuar zëdhënësi i policisë për rajonin e Pejës, Fadil Gashi.

“Aksidenti ka ndodhur në ora 05:00 të mëngjesit, ku si pasojë mbetën dy persona të vdekur. Viktimat janë nga Deçani”, tha ai.