Bora më e dendur në dekada mbulon Australinë

Disa qytete në Australinë lindore janë mbuluar nga bora më e dendur në dekada, ndërsa një stuhi e fortë goditi rajonin këtë fundjavë, duke shkaktuar përmbytje, trafik të ngadaltë dhe ndërprerje të energjisë elektrike për mijëra shtëpi.

Dje në disa zona u parashikua rreth 50 cm borë, ndërsa në të tjera u parashikuan më shumë se 10 cm shi, njoftoi Shërbimi Shtetëror i Emergjencave të Uellsit të Ri Jugor.

Kushtet u përmirësuan sot.

Disa pjesë të rajonit veriperëndimor të Anglisë së Re përjetuan nivelet më të larta të borës në 20 vjet, raportoi transmetuesi shtetëror Australian Broadcasting Corp, ndërsa Sydney Morning Herald raportoi se një zonë e shtetit fqinj të Queensland pati borën e parë në 10 vjet.

Shërbimet e emergjencës thanë se iu përgjigjën më shumë se 1,455 incidenteve dhe më shumë se 100 automjete mbetën të bllokuara nga bora, duke shtuar se stuhitë dëmtuan ndërtesa dhe lëshuan disa paralajmërime të mëdha për përmbytje.

Dhjetëra mijëra shtëpi e kaluan natën pa energji elektrike.

Kurti: Kanali i Ibër Lepencit po bëhet më i qëndrueshëm dhe më i sigurtë

Kryeministri në detyrë, Albin Kurti, ka bërë të ditur se po vazhdojnë investimet në infrastrukturën kritike të vendit, duke theksuar rëndësinë e projektit për rehabilitimin e kanalit Ibër-Lepenc.

Përmes një postimi në rrjetet sociale, Kurti ka ndarë pamje nga punimet që po zhvillohen në veri të vendit.

‘Investime jetike për infrastrukturën tonë kritike. Kanali i Ibër Lepencit po bëhet më i qëndrueshëm dhe më i sigurtë”, tha ai.

Ndërkohë, edhe ministrja në detyrë e Ekonomisë, Artane Rizvanolli, ka informuar se projekti për rehabilitimin e kanalit, me vlerë rreth 13 milionë euro, është afër përfundimit.

Sipas saj, ky projekt kishte filluar me një kontratë problematike, e cila për vite të tëra kishte arritur vetëm 10% zbatim.

“Për këtë projekt, Ibër Lepenci e kishte trashëguar një kontratë problematike që kishte zbatim për vetëm 10% për vite të tëra. Ndërsa, pas shkëputjes dhe rishpalljes, në dy vitet e fundit realizimi ka arritur rreth 90% dhe pritet të përfundojë gjatë muajve në vijim. Kanali prej 49km është me rëndësi jetike për furnizim me energji, ujë të pijshëm e ujitje për bujqësi. Nga 20km të pjesës së hapur të kanalit, 10km ku kishte më shumë nevojë tashmë po rehabilitohen përmes projektit të Ibër Lepencit me Bankën Botërore, përkrahur nga Qeveria e Republikës së Kosovës”, ka thënë ajo.

Gjesti ‘merr’ Eglin në Mitrovicë, fansat rindizen sërish

Në koncertin e mbrëmshëm në Mitrovicë, Gjesti është pritur me dashuri të madhe nga fansat, të cilët i dhuruan një palë syze të personalizuara me emrat “Gjesti” dhe “Egli”, të shkruar në secilin xham me një zemër mes tyre.

Artisti i vendosi syzet gjatë performancës dhe madje u pa me to edhe në prapaskenë, duke krijuar një moment që u shpërnda menjëherë në rrjete sociale.

Por kjo shfaqje publike dashurie ka rikthyer në vëmendje një detaj: Gjesti dhe Egli e kanë hequr njëri-tjetrin nga ndjekja në Instagram që prej disa ditësh.

Kjo ka bërë që ndjekësit të ndahen mes atyre që shpresojnë për një rikthim dhe të tjerëve që dyshojnë se raporti ka marrë fund, pavarësisht nostalgjisë së fansave.

Syzet mund të jenë një gjest i bukur… por a mjaftojnë për të ribashkuar zemrat. /Prive By Liberta Spahiu

Lajm i hidhur: Vdes në moshë të re hoxha Faton Musliu

Në moshë të re ka vdekur hoxha nga Presheva, Faton Musliu.

Lajmin e kanë bërë të ditur familjarë e tij.

Postimi i plotë i familjes:

“Të Allahut jemi dhe tek Ai do të kthehemi”
Njoftim nga Familja MusliuTë nderuar familjarë, miq dhe dashamirë,
Me pikëllim të thellë ju njoftojmë se ka ndërruar jetë:
Hoxha Faton Musliu
(Djali i Haxhi Adnan Musliut)Varrimi do të bëhet ditën e diel,
më 03.08.2025, pas namazit të drekës.Lusim Allahun e Madhëruar që ta mëshirojë të ndjerin dhe t’i japë durim e forcë familjes Musliu

Dhimbje e madhe, humb jetën 21-vjeçari nga Kosova në vendin e punës në Itali

Një punëtor 21-vjeçar ka vdekur në Villadossola, në provincën Verbano-Cusio-Ossola të Italisë.

Siç raportojn mediat italiane, bëhet fjalë pë Pashtrik Krasniqi, i riu me origjinë nga Kosova, që u godit nga rryma elektrike ndërsa punonte në një platformë në një lartësi prej 6 metrash.

Familjarët e të riut kanë reaguar në rrjete sociale për vdekjen e tij.

KEDS tregon se në cilat vende do të ketë ndërprerje të rrymës të dielën

Kompania për Distribuimin e Energjisë Elektrike në Kosovë (KEDS) ka njoftuar se të dielën, më 03.08.2025, do të kryhen punime të domosdoshme për siguri të sistemit energjetik.

Si rezultat i kësaj, në disa lokalitete të rajonit të Prishtinës do të ketë ndërprerje të rrymës.

Ky është orari i ndërprerjeve:

Nga TS 110/35/10[kV] Palaj do të ndërprehet:

LP 10kV J05 Prelluzha (kodi: 18024003) nga ora 10:00 deri 13:00

Vendet: Fidanishte, Fidanishte Kastriot, Hashanët, Elektro monti, Palaj. Stanovci i Ulët, Prilluzhë, Lumi i Madh, Gllavotin, Bivolak ,Zhilivodë,Strovc dhe Bequk.

Arsyeja: Punime sipas pëlqimit elektro-energjetik.

2.

Nga TS 220/35/10(20)kV Podujeva do të ndërprehet nga ora 10:00 deri 16:00:

1.TS 10/04kV Besiana (kodi: 14000004022)

2.TS 10/04kV JAHA COMPANY (kodi: 14000004357)

Vendet: Rr. 21.Nazim Gafurri dhe JAHA COMPANY.

Arsyeja: Punët që duhet të kryhen sipas pëlqimit elektro-energjetik.

‘Shihe ti tash’ – Mërgimtari pasi e ndali policia: E mbytën një, tash mbytëm edhe mu se ja keni nis

Një mërgimtar ka xhiruar veten pasi u ndalua nga Policia e Kosovës në trafik ku pretendon për keqtrajtim të tij nga zyrtarët policor me dramë të jashtëzakonshme, aq sa thotë që jeta iu paska rrezikuar, transmeton Gazeta Metro.

Në një video që e publikoi portali KosovaSot të shtunën jo vetëm që shfaqet i pakënaqur me keqtrajtimin e pretenduar në atë xhirim por edhe lëshon deklarata të pamatura për Policinë e Kosovës.

“Unë jam evropian, s’jam tu ni i sigurt n’Kosovë. E mbytën një, tash mbytëm edhe mu se ja keni nis, rend po mytni…”

Në xhirim nuk vërehet ndonjë trajtim jashtë rutinës nga zyrtarët policor. E as nuk pengohet të xhirojë ky individ deri në momentin kur i drejtohet kamera zyrtarit për t’ia zbuluar identitetin. Çka vërehet është se ishte një ndalim rutinë për  kundërvajtje në trafik nga aq sa duket nga xhirimi./gazetametro,net

Kur profesori përdor gjuhë përçarëse, Latifi i quan taliban kritikët e Sunny Hill

Suksesin e festivalit Sunny Hill në Prishtinë nuk e kanë parë me sy të mirë qarqe ekstremiste islamiste në Kosovë, që është sinjal i mirë siç e konsideron profesori Blerim Latifi, transmeton Gazeta Metro.

Latifi e preu shkurt e direkt se pak brengoset për këto qendrime të këtyre qarqeve duke e dalluar edhe shkëputjen kulturore që e kanë me vendin ku jetojnë

“Nata e parë e Sunny Hill Festival. Çfarë dhimbje e fortë koke për talibanët që flasin shqip, por truri u punon me skema t’Kabulit” – shkruan Latifi të shtunën me batutën e n=nkuptuar se do të vuajnë edhe dy të tjera.

Festivali u konsiderua një kulm i skenës argëtuese kosovare të pas luftës me pjesëmarrje jo vetëm të figurave të njohura të skenës botërore por edhe të vizitorëve nga jashtë Kosove.

Promovimi i pozitiv Kosovës u vlerësua nga të gjithë në vend dhe ka vëmendje edhe nga jashtë me mbulim të mediave prestigjioze.

E rëndë: Foshnja dërgohet pa shenja jete në spital

Policia ka njoftuar se një foshnje është sjellë pa shenja jete në repartin e emergjencës. Rasti ka ndodhur në fshatin Dugajevë të Klinës.

Lajmin për Periskopin e ka konfirmuar zëdhënësi i Policisë së Kosovës për rajonin e Pejës, Fadil Gashi.

“Mjeku kujdestar ka konstatuar se fëmija ka ardhur pa shenja jete”, tha ai.

Gashi ka treguar se Policia ka ndërmarrë të gjitha veprimet e nevojshme hetimore dhe ka njoftuar menjëherë Prokurorinë për rastin.

Presidenti kroat shpërthen ndaj Izraelit: Nuk kemi punë me një shtet të tillë

Kroacia ka ndërprerë çdo formë bashkëpunimi ushtarak me Izraelin, sipas një urdhri të lëshuar nga Presidenti Zoran Milanoviç, i cili vepron edhe si Komandant Suprem i Forcave të Armatosura.

Raporti i transmetuar nga RTL njofton se dy muaj e gjysmë pas seancës së Këshillit të Mbrojtjes më 23 maj, Forcat e Armatosura Kroate nuk kanë zhvilluar asnjë aktivitet të përbashkët me ushtrinë izraelite.

Ky urdhër presidencial u njoftua për Kryeministrin gjatë seancës shtetërore dhe ka ndalur edhe tregtinë e armëve me Izraelin, ndërsa takimet e planifikuara për shkëmbim përvojash janë anuluar.

Në një prononcim të fundit, presidenti Milanoviç u shpreh ashpër:

“Ne nuk duhet të kemi të bëjmë fare me një vend të tillë, është një politikë kriminale”.

Ministria kroate e Mbrojtjes ka konfirmuar edhe ajo publikisht që nuk ka asnjë bashkëpunim ushtarak aktual me Izraelin, duke respektuar vendimin zyrtar të Komandantit Suprem.