Trump tha se e ndali luftën, Kajtazi: Amerika ka një president të trentë – po ia futë kot

Egli Tako ‘ndez debat’ me deklaratën në një koncert: A ka shqiptarë në Kosovë apo vetëm kosovarë jeni?

Këngëtarja shqiptare, Egli Tako, ka qenë së fundmi e pranishme në një mbrëmje muzikore në një nga klubet e natës në Pejë.

Gjatë performancës së saj, Egli surprizoi të pranishmit duke kënduar edhe hitin e njohur “Mora fjalë” të ikonës së muzikës shqiptare, Shkurte Fejza.

Mirëpo, ajo që tërhoqi më shumë vëmendje dhe shkaktoi reagime në rrjete sociale ishte një deklaratë spontane nga këngëtarja, e cila gjatë koncertit u shpreh: “A ka shqiptarë në Kosovë, apo vetëm kosovarë jeni?”.

Kjo frazë, megjithëse mund të jetë thënë në mënyrë spontane ose pa ndonjë qëllim nxitës, preku një temë të ndjeshme që është diskutuar shpesh në arenën publike dhe veçanërisht në formate televizive si Big Brother, ku debati për identitetin kombëtar “shqiptar” apo “kosovar” ka qenë vazhdimisht temë përplasjesh.

Tako vijoi performancën e saj dhe u prit ngrohtësisht nga publiku në Pejë, duke dëshmuar se arti shpesh tejkalon kufijtë dhe dallimet.

Kjo shërben si kujtesë se çështjet e identitetit kombëtar mbeten të ndjeshme dhe kërkojnë kujdes në komunikim, sidomos nga figura publike me ndikim.

FSK e konfirmon se një prej ushtarëve që shkoi për trajnim në ShBA nuk u kthye më në Kosovë

Një ushtar i Forcës së Sigurisë së Kosovë, i cili kishte udhëtuar për trajnim në Shtetet e Bashkuara të Amerikës, ka vendosur të mos kthehet më në Kosovë, duke qëndruar atje tek të afërmit e tij, jashtë çdo autorizimi zyrtar.

Lajmi është konfirmuar nga zëdhënësi i FSK-së, Vëllazërim Qerimi, i cili ka sqaruar se ushtari në fjalë është larguar pa leje nga autoritetet kompetente gjatë kohës së trajnimit në SHBA. Ai shtoi se tashmë janë ndërmarrë hapat ligjorë për këtë rast, konform rregulloreve dhe legjislacionit në fuqi.

“Forca e Sigurisë së Kosovës ju njofton që pjesëtari në fjalë është larguar pa marrë leje nga autoritetet kompetente gjatë një trajnimi në SHBA. Gjithashtu ju njoftojmë që FSK ka inicuar procedurat ligjore për pjesëtarin në fjalë, sipas akteve ligjore dhe nënligjore në fuqi,” thuhet në përgjigjen zyrtare të Qerimit.

Megjithatë, zëdhënësi nuk ka dhënë detaje shtesë lidhur me rastet e mundshme të tjera të ngjashme, nëse ato ekzistojnë.

Ushtari që është larguar pa leje ishte një nga 152 pjesëtarët e FSK-së që në maj të këtij viti kishin udhëtuar drejt SHBA-së për të marrë pjesë në trajnimet elitare të “Joint Readiness Training Center (JRTC)”, një nga programet më të avancuara ushtarake në botë./Reporteri

Diana e “BBVK”, ndërron fenë? Publikon foto me kryq në në qafë

Banorja e Big Brother VIP Kosova, Diana Tahiri, ka habitur ndjekësit e saj me një postim të fundit në Instagram, ku shihet e veshur thjeshtë, elegante dhe me një zinxhir të hollë që mban një kryq të vogël argjendi.

Ky detaj i vogël, por i ngarkuar me simbolikë, ka tërhequr menjëherë vëmendjen e fansave, pasi deri më tani nuk dihej shumë për bindjet fetare të Dianës. Për shumëkënd kjo ka ardhur si një befasi, duke sjellë reagime të shumta në rrjetet sociale.

Kjo nuk është hera e parë që një simbol i tillë shkakton diskutime publike: më herët një gjerdan me kryq tek Anita Haradinaj u komentua gjatë nga publiku, ndërsa së fundmi edhe Dua Lipa është parë me një kryq të ngjashëm, duke nxitur biseda për mënyrën si figurat publike e tregojnë besimin e tyre përmes detajeve të vogla.

Mbyllet pishina e Gërmisë, kjo është arsyeja

Sport Marketing Prishtina ka njoftuar se pishina e Gërmisë do të jetë e mbyllur për pesë ditë, nga data 15 korrik deri më 19 korrik, kjo për shkak të inspektimit detal të pompave të filtrimit të ujit si dhe kryerjes së analizave të ujit në përputhje me udhëzimet e Institutit të Shëndetit Publik.

Sipas njoftimit zyrtar, pishina do të rihapet të shtunën, më 20 korrik 2025.

“Ju falënderojmë për mirëkuptim!”, thuhet në fund të njoftimit nga Sport Marketing Prishtina.

Specialja: Mund të japim dënime deri në burg të përjetshëm

Gjyqtari i Dhomave të Specializuara të Hagës, Kai Ambos, ka theksuar në shpalljen e vendimit ndaj Pjetër Shalës, se mund të japin edhe burgim të përjetshëm.

Kjo në kundërshtim të plotë me aktgjykimet e Gjykatave në Kosovë, ku dënimi më i lartë nuk shkon mbi 15 vjet.

“Paneli i Apelit gjykon se duke pasur parasysh aktgjykimin e Gjykatës Kushtetuese në rastin Mustafa, shakllëzimi më i butë i dënimit sipas legjislacionit vendor është 5 deri në 15 vjet burgim në pajtim me Kodin Penal të Jugosllavisë, të ndryshuar me rregulloren e UNMIK-ut. Sido që të jetë ky shkallëzim i dënimit sipas kodit vendor, nuk kufizon Gjykatën Speciale të jap dënim më të lartë, deri në burg të përjetshëm. Paneli nuk gjykon se është bërë shkelje e parimit të ligjshmërisë lidhur me dënimet. Së dyti, në lidhje me faktorët që u morën parasysh, Paneli i Apelit, gjykon se z.Shala nuk evidentoi gabime dhe rrëzon kundërshtimet me to. Sa i takon argumentit të z.Shala se ai nuk kishte rol udhëheqës në FMK, Paneli i Apelit konstaton se trupi gjykues gaboi kur nuk i dha peshë se z.Shala nuk kishte rol komandues në vrasjen e paligjshme. Paneli rrëzon të gjitha pretendimet e tjera për faktorët lehtësues”, tha ai.

Mbesa e Shyhrete Behlulit ‘zyrtarizon’ lidhjen me djalin e biznismenit të njohur (Foto)

Dasma e Engjëllusha Salihut ishte një tjetër moment me rëndësi për familjen.

Kjo pasi, një nga bukuroshet më të komentuara në rrjet, në një formë le të themi që konfirmoi raportin e saj për të cilin flitet tash e një kohë të gjatë.

Ata erdhën krah njëri-tjetrit në event.

Mbesa e këngëtares, Elira u shfaq krah partnerit të saj Albit, një prej djemve të familjes së njohur e të suksesshme Humolli.

Çifti simpatik janë prej kohësh bashkë dhe definitivisht shkëlqejnë krah njëri-tjetrit. /Prive/

 Shiko foton:

Tjetër skandal në polici: Katër zyrtarë pezullohen pas dy rasteve shqetësuese

Inspektorati Policor i Kosovës në dy raste të ndara ka rekomanduar suspendimin e katër zyrtarëve policorë.

Rasti i parë ka të bëjë me një incident të ndodhur të dielën e 13 korrikut në Ferizaj, ku një i mitur dyshohet se ishte sulmuar dhe kanosur me armë nga një person që ishte prezantuar si zyrtar policor. Kur njësitet relevante kanë dalë në vendinm e ngjarjes kanë identifikuar policin i cili ishte jashtë detyrës zyrtare dhe i njëjti është vetëparaqitur në stacion policor.

Rasti ndaj tij po hetohet në drejtim të veprës penale “Lëndim i lehtë trupor”.

“Lidhur me rastin e parë fillimisht Policia e Kosovës kishte pranuar informacion mbrëmë (13.07.2025) për një incident në një fshat të Ferizajt ku dyshohej se një i mitur ishte sulmuar dhe kanosur me armë nga një person me rroba civile e që është prezantuar si zyrtar policor. Njësitet policore kanë dalë në vendin e ngjarjes kurse më vonë personi i dyshuar është identifikuar si zyrtar policor (jashtë detyrës zyrtare) dhe i njëjti është vet-paraqitur në stacion policor pas incidentit.

Në interes të hetimit IPK i ka rekomanduar Policisë suspendimin për zyrtarin në fjalë kurse rasti do të trajtohet në procedurë të rregullt në koordinim me Prokurorinë Themelore në Ferizaj me dyshimin për veprën penale “Lëndim i lehtë trupor”, thuhet në njoftimin e IPK-së.

Rasti tjetër ka të bëjë me suspendimin e tre zyrtarëve policorë të përfshirë në një rast në rrugën “Muharrem Fejza” në kryeqytet me 30 qershor dhe të njëjtit po hetohen për veprën penale “Keqtrajtim gjatë ushtrimit të detyrës zyrtare ose autorizimeve publike”.

“Në rastin tjetër, IPK në interes të hetimit ka rekomanduar suspendimin për tre zyrtarë policorë kurse incidenti ku dyshohet se janë të përfshirë si të dyshuar zyrtarët raportohet të ketë ndodhur para mesnatës më 30.06.2025 në rrugën “Muharrem Fejza” në Prishtinë.

Hetimet lidhur me këtë rast ndaj tre zyrtarëve policorë janë duke u zhvilluar në koordinim me Prokurorinë Themelore në Prishtinë në procedurë të rregullt më dyshimin për veprën penale “Keqtrajtim gjatë ushtrimit të detyrës zyrtare ose autorizimeve publike”, thuhet në njoftimin e IPK-së.

“882 milionë euro të bllokuara për shkak të moskonstituimit të kuvendit”

Ismet Kryeziu nga Instituti i Kosovës për Demokraci (IKD) ka ngritur shqetësimin se vendi tash e tre muaj ndodhet pa Kuvend funksional, çka po sjell pasoja të drejtpërdrejta për qytetarët.

Sipas tij, për shkak të kësaj bllokade institucionale, Kosova nuk po arrin të përfitojë nga fondet e Planit të Rritjes së Bashkimit Evropian.

“882 milione euro te bllokuara per shkak te nje Kuvendi qe nuk po behet. Dem i interesave te ngushta partiake”, ka shkruar Kryeziu në një postim në Facebook.

Plani i Rritjes së BE-së për Ballkanin Perëndimor parasheh disbursimin e këtyre fondeve, por ato mund të kalojnë vetëm pasi të ratifikohen marrëveshjet përkatëse në Kuvendin e Kosovës.

Pa funksionalizimin e tij, procesi mbetet i bllokuar.

“Një aferë tradhtie me një të afërm…”- Naim Murseli merr në pyetje vëllain e Liridona Ademajt

Naim Murseli, i akuzuari kryesor për vrasjen e Liridona Ademajt, ka marrë në pyetje vëllain e tashmë të ndjeres, Leonard Ademaj, i cili po dëshmon në seancën gjyqësore të së hënës.

Murseli ka pyetur Leonard Ademajn nëse motra e tij është ankuar në raport me të përgjatë 12 viteve martesë, shkruan Insajderi.

Ademaj ka thënë se disa muaj para se të ndodhte tragjedia, familja e tij ishte njoftuar për një aferë tradhtie nga ana e Naim Murselin me një të afërme të saj.

Murseli ka pyetur edhe se në çfarë ore kishte qenë në morg bashkë me Kushtrim Kokallën, por që Ademaj ka thënë se s’e di saktë orën.

Pjesë nga intervistimi:

Naim Murseli: E kam një pyetje për Leonardin. Për 12 vjet martesë, a ju është ankuar ndonjëherë motra juaj për mua apo për raportin tonë?

Leonardi: Jo nuk është anku. Përveç që para disa muajve para se të ndodhte… Është prekur shumë për një aferë tradhtie e Naimit me të afërmen e saj… por që ajo vetë e kishte zgjidhë këtë dhe ne nuk e kemi kundërshtuar qëndrimet e saj.