Ministri në detyrë i Bujqësisë, Faton Peci, njëherit kandidat për kryetar të Mitrovicës nga Vetëvendosje, ka publikuar një foto nga veriu.
Ai ka shkruar se në veri është jo veç freski, por ka edhe siguri, shkruan Reporteri.net.
“Freski, qetësi e siguri në Veri!”, ka shkruar ai.
Një ngjarje e rëndë ka ndodhur në familjen Zejnullahu të fshatit Banullë në Lipjan, pasi i riu Agon Zejnullahu ka humbur jetën në moshën 27-vjeçare, raporton GazetaDemos.
I njëjti dyshohet se ka humbur jetën në rrethana të dyshimta mëngjesin e sotëm.
Rastin e ka konfirmuar edhe vetë komuna, ku kryetari Imri Ahmeti i dërgoi telegram ngushëllime familjes.
“Kryetari i Komunës së Lipjanit, z. Imri Ahmeti, në emër të institucioneve komunale, shpreh ngushëllimet më të sinqerta për ndarjen nga jeta të Agon Zejnullahut nga fshati Banullë.
E nderuar familje Zejnullahu,
Me pikëllim të thellë morëm lajmin për humbjen e parakohshme të më të dashurit tuaj Agon Zejnullahut, Kjo ngjarje e rëndë ka prekur thellë jo vetëm familjen tuaj, por edhe gjithë qytetarët e Komunës së Lipjanit.
Në këto momente të dhimbshme, shpreh ngushëllimet më të sinqerta për familjen Zejnullahu, të afërmit, miqtë dhe të gjithë ata që patën fatin ta njohin Agonin”, thuhet në telegram.
Një burrë ka pësuar lëndime të rënda trupore pas një sulmi me thikë në Prizren.
Ngjarja ka ndodhur të dielën rreth orës 23:30, ku pas një mosmarrëveshjeje, viktima është goditur nga gruaja e tij.
Burri është dërguar për trajtim mjekësor, ndërsa e dyshuara ndodhet në kërkim nga policia.
Këngëtarja Egli Tako në imazhet e fundit është shfaqur ndryshe nga herët e tjera.
Ajo ka pozuar para kamerës e veshur me kostume tradicionale shqiptare, dimija dhe jelek, duke tërhequr vëmendjen e ndjekësve.
Që prej lidhjes me Gjestin dhe projekteve në muzik, Egli ka nisur të kalojë kohë më shumë në Kosovë.
Pikërisht për këtë arsye, fansat kanë mbushur komente duke thënë se “i shkon të jetë nuse në Pavlan”,në vendlindjen e Gjestit.
–
Një rast i rëndë ka ndodhur në Gjakovë.
Raportohet se gjatë procesit të lindjes një foshnjë ka ndërruar jetë. Sipas raportit policor rasti ka ndodhur ditën e djeshme rreth orës 12:30 minuta.
Policia bën të ditur përmes raportit se lidhur me rastin është njoftuar prokurori.
Po ashtu është bërë e ditur se rasti po hetohet nga ekipet relevante.
Rasti është cilësuar si HETIM I VDEKJES.
Instituti Hidrometeorologjik i Kosovës ka njoftuar se vala e të nxehtit afrikan do të vazhdojë të ndikojë mbi vendin sot edhe nesër, për t’u zëvendësuar nga një front i freskët që do të sjellë reshje, stuhi dhe rënie të ndjeshme të temperaturave.
Ndryshimi i madh pritet të ndodhë nga dita e mërkurë, kur një front i freskët atmosferik do të sjellë reshje shiu, breshër dhe shkarkime rrufesh
Sipas IHMK-së sot mbi vend do të ketë mot me diell dhe vranësira të pakta.
Temperaturat minimale do të lëvizin ndërmjet 12-18 gradë Celsius, ndërsa maksimalet e ditës parashihen të lëvizin ndërmjet 32-37 gradë Celsius. Do të fryjë erë nga drejtimi i verilindjes me shpejtësi 1-5m/s.
Sindikata e Pavarur e Minatorëve të Trepçës ka bërë të ditur se me dhimbje të madhe ka pranuar lajmin për ndarjen nga jeta të minatorit dhe anëtarit të kësaj sindikate, Rexhep Pllana.
I ndjeri ishte pjesë e Ndërmarrjes Trepça – Flotacion Stan-Tërg, ku njihej për përkushtimin dhe punën e palodhshme në shërbim të sektorit minerar.
Sindikata ka shprehur ngushëllime të sinqerta për familjen Pllana, bashkëpunëtorët dhe të gjithë kolegët minatorë, duke e cilësuar këtë një humbje të madhe për komunitetin e tyre.
Një ngjarje e rëndë ka ndodhur në orët e para të mëngjesit të sotëm në Lipjan, ku një person ka humbur jetën në rrethana të dyshimta pas një incidenti në rrugë.
Gazeta Sinjali mëson se viktima është një 27 vjeçar, i cili rreth orës 00:00, në rrugën “Haradin Bajrami”, ishte parë nën ndikim të alkoolit duke dalë në shiritin rrugor dhe duke sulmuar vetura dhe kalimtarë të rastit.
Në vendin e ngjarjes kanë dalë njësitë policore të cilat kanë vendosur situatën nën kontroll, ndërsa në lokacion ka arritur edhe emergjenca mjekësore. Megjithatë, mjekët kanë konstatuar se 27-vjeçari kishte ndërruar jetë.
Në vendin e ngjarjes kanë dalë: Hetuesit policorë, Njësitë relevante, dhe Prokurori i krimeve të rënda, i cili ka urdhëruar që të kryhen veprimet e nevojshme hetimore, përfshirë kontrollin e kamerave të sigurisë që mbulojnë zonën.
Lidhur me rastin është intervistuar edhe një dëshmitar i cili ka deklaruar se ishte sulmuar nga viktima para se ky i fundit të ndërronte jetë.
Me vendim të Prokurorit të Shtetit, rasti është cilësuar si “Hetim mbi vdekjen – Trup i pajetë”, ndërsa trupi i të ndjerit është dërguar në IML për obduksion.
Hetimet janë në vazhdim.
Ka ndërruar jetë një 19 vjeçar në QKUK i cili ishte aksidentuar në Dubravë të Istogut më 29 qershor.
IndeksOnline ka mësuar së viktima është, Gentrit Metaj.
Lajmin për vdekjen e tij për IndeksOnline e ka konfirmuar Fadil Gashi, zëdhënës në policinë e Pejës, i cili shtoi se trupi i pajetë është dërguar për obduksion.
“Ka ndërruar jetë njëri prej të aksidentuarve me datën 29 qershor në fshatin Dubravë të Istogut. Viktima ka qenë duke u trajtuar në QKUK. Në orët e pasdites jemi njoftuar se ka vdekur. Me urdhër të prokurorit, trupi i pajetë është dërguar në IML për obduksion”, tha Gashi.
Analisti dhe eksperti i sondazheve, Shenoll Muharremi, ka parashikuar një skenar të mundshëm të “tërmetit politik” në rast se në pranverën e vitit 2026 mbahen zgjedhje të jashtëzakonshme në Kosovë.
Sipas tij, nëse vazhdon dhe konfirmohet trendi aktual i rënies prej 0.87 pikë përqindje në muaj, Lëvizja Vetëvendosje (LVV) mund të shkojë drejt një rezultati prej rreth 29.5% deri në mars të vitit 2026. Në këtë rrethanë, në rast të mbajtjes së zgjedhjeve, kjo parti mund të dalë humbëse, për shkak të humbjes së vazhdueshme të përkrahjes krahasuar me kulmin që kishte në vitin 2021 me 50.2%.
Muharremi thekson se tri matjet e fundit Omnibus (shtator, dhjetor dhe mars) do të jenë kyçe për të konfirmuar ose jo këtë trend të rënies. Ai shton se këto janë supozime të bazuara në potencialin aktual politik dhe analizat e fundit, dhe për këtë arsye duhet të interpretohen me kujdes.
Sipas tij, nëse LVV dhe kryeministri Albin Kurti nuk ndryshojnë drejtimin aktual dhe vazhdojnë me bllokada dhe paralizë institucionale – për të cilën 80% e qytetarëve e fajësojnë Vetëvendosjen sipas matjeve Omnibus – atëherë gjasat janë të larta që kjo parti të pësojë një “korrigjim” elektoral dhe të stabilizohet në nivelet prej 20%-25%.
Muharremi vlerëson se nga kjo rënie mund të përfitojnë dy partitë e tjera të mëdha, veçanërisht LDK. Ai përkujton se kur LVV ra në nivelin 32% në shtator të vitit 2022, LDK arriti ta tejkalojë PDK-në dhe të pozicionohej si partia e dytë.
Një faktor tjetër potencialisht transformues sipas tij është rikandidimi i presidentes Vjosa Osmani me një ekip ose subjekt të ri politik. Ai vlerëson se kjo hyrje e re në garë mund të ndikojë drejtpërdrejt në elektoratin e LDK-së dhe të LVV-së, duke sjellë një rrotullim të skenës politike.
Në këtë kontekst, Muharremi thekson se PDK mund të jetë në pozitën më të favorshme, për sa kohë që pjesëmarrja e Vjosa Osmanit në zgjedhje do të ndikojë negativisht te LDK, duke ia ulur mbështetjen ndoshta deri në pesë pikë përqindje.
Ai sugjeron se nëse LDK arrin të integrojë Vjosa Osmanin brenda partisë dhe të fuqizojë Hykmete Bajramin, ka potencial të bëhet partia e parë. Megjithatë, ai shpreh dyshime për realizimin e këtij skenari, duke përmendur rezistencën e brendshme ndaj rikthimit të Osmanit si dhe pozicionimin jo të favorshëm të Hykmete Bajramit në listat e mëparshme.
Nga ana tjetër, Muharremi vë në dukje se për PDK-në të përfitojë nga ky zhvillim, duhet të plotësohen disa parakushte:
Të përshpejtojë reformat e brendshme, sidomos në aspektin programor dhe fuqizimin e grave dhe të rinjve;
Të ofrojë zgjidhje reale për sfidat kryesore të vendit si energjia, inflacioni, migrimi, diplomacia dhe investimet – fusha në të cilat aktualisht nuk po ofron alternativa të qarta;
Të nominojë Bedri Hamzën si kandidat për kryeministër, i cili sipas matjeve të fundit gëzon dyfishin e përkrahjes krahasuar me partinë e tij dhe perceptohet si figura më e matur për të udhëhequr qeverinë në kushte të vështira ekonomike.
Analisti përmbyll se e ardhmja politike mbetet e pasigurt dhe varet nga shumë faktorë, por nëse asgjë nuk ndryshon në mënyrë dramatike dhe këto kushte përmbushen, skenari i ndryshimeve të mëdha politike në vitin 2026 mbetet shumë i mundshëm
