Vuçiq proteston te Perëndimi për urat në Mitrovicë

Presidenti i Serbisë, Aleksandar Vuçiq, tha se Beogradi ka protestuar te fuqitë perëndimore, pasi Qeveria në detyrë e Kosovës ka vendosur gurë themelet për ndërtimin e dy urave të reja mbi lumin Ibër.

“Kanë bërë shumë gjëra dhe tani kemi parë që kanë vendosur gurë themele për dy ura, pa marrë pëlqimin e popullit serb dhe të njerëzve nga Mitrovica e Veriut, sepse kjo do të nënkuptonte eksod përfundimtar”, tha Vuçiq për televizionin Informer, transmeton Shërbimi i Ballkanit i Radios Evropa e Lirë.

Më 1 korrik, Qeveria në detyrë e Kosovës vendosi gurë themelet për ndërtimin e dy urave të reja mbi lumin Ibër, i cilin ndan Mitrovicën në pjesën jugore të banuar me shqiptarë dhe në pjesën veriore të banuar me serbë.

Njëra urë parashihet të jetë për këmbësorë dhe tjera për automjete.

Autoritetet kosovare thanë se projekti, me një vlerë prej rreth 3 milionë eurosh, ka për qëllim përmirësimin e qarkullimit dhe nxitjen e bashkëpunimit ndërmjet banorëve nga të dyja anët e lumit.

Megjithatë, reagimet në terren janë të ndryshme – disa e përkrahin këtë iniciativë, ndërsa të tjerët e shohin si të panevojshme.

Urat e reja do të vendosen në anën e majtë dhe të djathtë të urës kryesore, e cila është pjesë e Marrëveshjes Kosovë-Serbi për Lirinë e Lëvizjes, të arritur në kuadër të dialogut për normalizimin e marrëdhënieve në Bruksel.

Megjithatë, nga BE-ja i kanë thënë më herët Radios Evropa e Lirë se nuk janë të përfshirë në këtë projekt dhe as që janë të njoftuar për të.

Sipas BE-së, çdo vendim për ndërtimin e infrastrukturës mbi lumin Ibër duhet të merret me kujdes dhe në mënyrë gjithëpërfshirëse – duke i përfshirë plotësisht të gjitha komunitetet që preken nga kjo çështje./REL/

Vdes një person në QKUK

Një person ka ndërruar jetë në QKUK, ku ishte duke marrë trajtim mjekësor.

Viktima nga Mitrovica – jugu ndërroi jetë dje rreth orës 05:00, raporton IndeksOnline.

Sipas familjarëve, viktima kishte pësuar lëndime trupore.

Nga policia bëjnë të ditur se, më urdhër të prokurorit, trupi i pajetë i viktimës është dërguar në Institutin e Mjekësisë Ligjore, për obduksion.

Rasti i iniciuar si “Vdekje e dyshimtë” është duke u hetuar nga organet kompetente.

E dhimbshme: Ky është i riu që vdiq pas vetaksidentit Pejë

Një vetaksident me fatalitet ka ndodhur në orët e mesnatës në rrugën Pejë-Treboviq.

Një person ka vdekur derisa dy të tjerë janë lënduar rëndë.

Viktima është Metlind Neziri nga fshati Treboviq.

Nuk është fjalimi i Kurtit që bëri bujë, por veprimi i deputetit të tij

Kryeministrit në detyrë, Albin Kurtit, i është dhënë një fjalë rasti para finales së turneut të futbollit “Ali e Lutfi Grainca”.

Megjithatë, fjalimi i tij nuk e merr të gjithë vëmendjen. Ajo çka është interesant është “magjepsja” e deputetit Valon Ramadani gjatë kohës sa Kurti flet, shkruan Insajderi.

Në pamjet e publikuara nga turneu, Ramadani shihet duke e incizuar Kurtin me telefonin e tij personal, teksa ky i fundit flet.

Kurti nga radhët e zyrtarëve të ftuar për ta përcjellë turneun vjen i fundi, me prezencë të truprojeve.

Ndiqeni momentin nga minuta 01:39:00:

Në moshën 28-vjeçare, ndahet papritmas nga jeta aktorja e njohur

Industria e filmave për të rritur është në zi pas ndarjes nga jeta të aktores së njohur Kylie Page.

Ylli 28-vjeçar, e cila mori vëmendje edhe nga publiku i gjerë përmes dokumentarit të Netflix Hot Girls Wanted: Turned On, ndërroi jetë më 25 qershor në Los Angeles, ka konfirmuar Mjekësia Ligjore e Qarkut të Los Angeles për AVN.

Shkaku i vdekjes ende nuk është bërë i ditur, pasi hetimet janë në vazhdim.

Menjëherë pas lajmit të dhimbshëm, miqtë e afërt të Kylie kanë ndarë dedikime prekëse në rrjete sociale. Aktorja tjetër e industrisë, Leah Gotti, rrëfeu se miqësia e tyre kishte nisur që në moshën 18-vjeçare kur jetonin në të njëjtën “shtëpi modelesh”.

“E gjitha që mund të them është se ajo ishte një shpirt plot dritë,” tha Gotti për AVN më 26 qershor. “Ajo kishte një buzëqeshje që të infektonte me gëzim. E donte jetën dhe lirinë, dhe gjithmonë dinte të qeshte.”

Modelja e OnlyFans, Tommy Grey, ndau një dedikim emocional në Instagram, ku shkroi:
“Ne u rritëm bashkë, qindra milje nuk e kishin kurrë rëndësinë që kishte afërsia e zemrave tona. U bëmë gra bashkë – nëpërmjet të qeshurave, telefonatave të vona, ankthit, depresionit dhe netëve kur nuk mendonim se do ia dilnim deri në mëngjes.”

Edhe kompania e njohur e produksionit Brazzers, me të cilën Kylie kishte bashkëpunuar, reagoi në rrjetin X (ish-Twitter):
“Jemi thellësisht të pikëlluar nga lajmi për ndarjen nga jeta të Kylie Page. Ajo do të mbahet mend për të qeshurën, mirësinë dhe dritën që përhapte kudo që shkonte. Ngushëllimet më të sinqerta për familjen, miqtë dhe fansat e saj.”

Kylie nisi karrierën në industrinë e filmave për të rritur në vitin 2016 dhe u bë pjesë e dokumentarit Hot Girls Wanted: Turned On në 2017, ku u shfaq fillimisht nën emrin artistik Bonnie Kinz. Ajo tregoi se kishte vendosur ta ndryshonte emrin për të qenë më e vërtetë me veten:
“Desha të përdorja emrin tim të vërtetë, Kylie. Më pëlqen kjo që bëj. Është argëtuese.”

Vdekja e saj ka lënë një boshllëk të thellë tek ata që e njohën – një vajzë e re që solli buzëqeshje edhe në ditët më të errëta.

Vajza e Gold AG erdhi në jetë në një ditë me domethënie të veçantë për familjen e tij

Artisti i njohur nga Presheva, Gold AG, njofton se është bërë baba për herë të tretë.

Ai dhe partnerja e tij, Ermira, kanë mirëpritur një vajzë – që i kanë vënë emrin Emblema.

Ndërkohë, ata kanë bashkë edhe dy fëmijë të tjerë: Gueril dhe Front.

Më poshtë postimi i plotë i Gold AG (pa ndërhyrje):

“Falenderimi i takon Allahut, Krijuesit të qiejve dhe tokës, Furnizuesit e Mëshirëplotit që sot prap na furnizoi e na gëzoi me një dhuratë të çmueshme, me një vajzë.

Unë dhe Ermira u bëmë prind për herë të tretë, e Guerili e Fronti u bënë me një motër.

O Allah o Zoti im bëje rob falenderues dhe bëje më të mirë se sa ne e mendojmë.

Çika e babit o gëzimi jonë, babi emrin po ta lo EMBLEMA, ruje dhe duje dhe dije që je gjë e çmuar dhe e paprekshme si emblema me tri shkronjat e arta.

Paç shëndet e gjitha të mirat e Zotit bijë, e dije që deri sa të kem jetë do të jem krah i joti.

Emblema e babit me këtë datë lindi edhe gjyshi yt që ti nuk e ke në këtë botë, por kur të rritesh do ta kuptosh se sa e deshi këtë flamur që ja jep hijeshinë emblemës.

Qofshim krenar me ty e mira e babit.Faleminderit o Zot për të mirat e Tua të pafundme”.

Trump jep shpresë për Gazën – zbulon kur mund të ndodhë armëpushimi

Presidenti i Shteteve të Bashkuara, Donald Trump, ka thënë se shpreson që një armëpushim në Gaza do të arrihet “dikur javën e ardhshme”.

Para tre ditëve, kreu i Shtëpisë së Bardhë u tha gazetarëve se një marrëveshje do të arrihej “brenda javës së ardhshme”, raporton gazeta “The Times of Israel”.

Trumpi thotë se do të diskutojë për Gazën dhe për “suksesin e madh që e patëm me Iranin” gjatë vizitës së kryeministrit izraelit, Benjamin Netanyahu, javën e ardhshme në Shtëpinë e Bardhë.

 

 

“Ne duam që t’i kthejmë pengjet”, – shtoi amerikani.

Edhe rreth 50 pengjeve ndodhen ende në Gaza, ndërsa më pak se gjysma besohet se janë ende gjallë.

“Takime sy me sy”: Presidentja Osmani ndërron formatimin e takimeve me liderët, nesër i takon…

Presidentja e Kosovës, Vjosa Osmani, do të aktivizohet serish për zgjidhjen e ngërçit politik.

Shefja e shtetit nesër do të takojë liderët e partive politike me qëllim të gjetjes së një zgjidhje për konstituimin e Kuvendit dhe tejkalimin e krizës politike.

Ndryshe nga hera e fundit, kësaj radhe presidentja Osmani liderët do t’i takojë në mënyrë individuale.

Ajo do të bisedojë sy me sy me kryetarët e partive politike për gjetjen e një zgjidhje.

Kryetari i PDK-së, Memli Krasniqi, ka konfirmuar se nesër do të ketë takim te presidentja Vjosa Osmani.

Ai ka treguar se cili do të jetë qëndrimin i PDK-së në këtë takim.

“Qëndrimi ynë është ai që kemi pasur gjithmonë. Ka dy tre muaj që mundohemi me gjetë zgjidhje me ofru kompromise, për të dal nga kjo situatë. Nesër prapë do të jem tek preisdetja. Këtë e shoh pozitive në kuptimin e angazhimit, por s’di çka të them për mundësinë e rezultatit. Sepse bllokada është prodhim i kryeneqësisë politike të VV-së“, ka thënë Krasniqi.

Pas Krasniqit, Osmani do ta takojë kryetarin e LDK-së, Lumir Abdixhiku.

Kurse, në ora 16:00, Osmani do ta takojë liderin e AAK-së, Ramush Haradinaj.

Ndërsa, takimet me liderët e partive të komuniteteve pakicë Osmani do t’i organizojë një ditë më pas.

Deputetja nga komuniteti boshnjak, Duda Balja, ka konfirmuar se ka marrë një ftesë nga presidentja Vjosa Osmani.

Ajo ka treguar se takimi me Osmanin do të mbahet të enjten në ora 11:30.

Me qëllim të daljes nga kriza, presidentja Osamni kishte takuar liderët politik edhe më 15 maj. Aso kohe ajo liderët i kishte takuar në një takim të përbashkët.

Pas takimit me Albin Kurtin, Memli Krasniqin, Lumir Abdixhikun dhe Ramush Haradinaj, ajo kishte përgëzuar ata për konstruktivitetin.

“Dua t’i përgëzoj liderët për qasjen e tyre konstruktive në këtë takim, sado që kishin qëndrime të ndryshme në shumicën dërrmuese të temave. Secili prej tyre tregoi vullnet të mirë për një zgjidhje përpara, që të konstituohet kuvendi sa më parë”, kishte thënë Osmani.

Ajo kishte paralajmëruar se nëse është e nevojshme do t’i takonte sërish deputet.

Shtyhet gjykimi ndaj Naim Murselit, kjo është arsyeja

Dy seanca të planifikuara në Gjykatën Themelore në Prishtinë, në gjykimin ndaj Naim Murselit, Kushtrim Kokallës dhe Granit Plavës, janë anuluar për shkak se Instituti i Psikiatrisë Forenzike ka kërkuar kohë shtesë për ekzaminimin psikiatrik të të akuzuarit Murseli.

Naim Murseli, Granit Plava, Kushtrim Kokalla dhe Tom Dodaj, ngarkohen për rastin e vrasjes së Liridona Ademajt më 29 nëntor 2023, raporton “Betimi për Drejtësi“.

“Instituti i Psikiatrisë Forenzike ka kërkuar kohë shtesë për ekspertim. Trupi gjykues ka vendosur të zgjasë afatin për ekspertimin e të akuzuarit Naim Murseli”, konfirmoi për “Betimi për Drejtësi” gjykatësja Fatime Dermaku.

Kështu, seancat e planifikuara për 2 dhe 9 korrik 2025, janë anuluar.

Në seancën fillestare të mbajtur më 31 janar 2025, Naim Murseli u deklarua i pafajshëm për vrasjen e bashkëshortes së tij Liridona Ademajt, Granit Plava nuk u deklarua rreth fajësisë, kurse Kushtrim Kokalla tha se nuk deklarohet pa u konsultuar me mbrojtjen. Ndërsa, fajtor u deklarua i akuzuari Tom Dodaj. Ky i fundit, pasi pranoi fajësinë u dënua me 5 vjet burgim dhe 5 mijë euro gjobë.

Publikoi fotografi me të nga pushimet nga Dubai, Xheneta Fetahu thotë se nuk ka qenë kurrë i dashuri i saj

Ish-banorja e Big Brother VIP Kosova 3, Xheneta Fetahu, ka sqaruar së fundmi zërat që qarkulluan rreth jetës së saj personale, pas publikimit të një fotografie me një djalë, që u supozua gjerësisht si i dashuri i saj.

Gjatë një live në rrjete sociale, modelja tha se postimi i saj ishte i qëllimshëm, por jo për të konfirmuar një lidhje romantike.

Sqaroi se kishte marrë shumë mesazhe në lidhje me personin në fjalë dhe vendosi të publikonte një video për të ndalur thashethemet.

“Atë fotografinë që e kam publikuar me atë djalin e ri, që kam thënë është i dashuri im, thjesht e kam bërë… në atë kohë kam marrë mesazhe shumë për personin në fjalë. Thjesht kam dashur të mbyllet si muhabet dhe e kam hedhur atë video”, tha ajo.

Në një reagim më të drejtpërdrejtë ndaj komenteve dhe perceptimeve të publikut, Xheneta shtoi: “Ju jeni aq të prapambetur dhe të paaftë për të kuptuar. Unë nëse kisha pasur të dashur, kisha hedhur video nonstop me të”.

Deklaratat e saj kanë nxitur diskutime në rrjete sociale, ndërkohë që duket se Xheneta po përpiqet të mbajë distancë nga zërat dhe ndërhyrjet në jetën e saj private.

Me personin në fjalë në momentin kur postoi fotografinë ka qenë në pushime në Dubai.