Drama e re e Big Brother? Gjesti i bën “follow” Kaderit, Xheneta ‘shpërthen’ ndaj saj!

Pak ditë më parë, Prive raportoi se Gjesti, ish-banori i “Big Brother VIP Kosova 3”, ka bërë një veprim që nuk kaloi pa u vënë re, ai i ka bërë “follow” Kader Kicajt, një tjetër ish-banore e këtij formati nga sezoni i dytë.

Ky gjest, siç duket, nuk ka kaluar pa një reagim nga Xheneta.

Në postimin e fundit të Kaderit në Instagram, Xheneta ka komentuar me nota ironie e xhelozie duke shkruar:

“Pse kaq seksi Unë jom xheloze ”

Ndërkohë, përgjigjja e Kaderit ka qenë miqësore dhe shoqëruar me të qeshura:

“Hahahahhahaha Veç shok jemi” – është shprehur ajo, duke hedhur poshtë çdo aludim për diçka më shumë.

Por biseda nuk përfundoi me kaq. Xhenneta vijoi me një tjetër koment të shkurtër, por plot kuptim:

“Le le ”

Pas këtij “follow”-i të pafajshëm po fshihet një histori e re, apo thjesht po ringjallen tensionet e vjetra.

Kosova preket nga të nxehtit afrikan! Ja kur nisin ditët e nxehta verore

Duke filluar nga kjo fundjavë, e veçanërisht të dielën më 1 qershor, rajoni i Ballkanit, përfshirë Kosovën dhe veçanërisht Maqedoninë e Veriut, pritet të përfshihet nga një valë ajri të ngrohtë që vjen nga Afrika.

Kjo do të sjellë rritje të ndjeshme të temperaturave, duke sjellë temperaturat e ajrit të verës.

Në fundjavë, në Kosovë temperaturat do të shkojnë deri në 26 gradë, ngjashëm do të jetë edhe në Maqedoni.

Nga e diela, temperaturat në rajon do të jenë si të verës, duke u ngjitur në intervalin 20-28 gradë Celsius.

Këta janë PIN-at që nuk duhet t’i përdorni – mund të thyehen lehtësisht

Kodet PIN janë një ndër format më të zakonshme të mbrojtjes së pajisjeve dhe llogarive personale, si telefonat mobilë dhe kartat bankare. Por, shumë përdorues vazhdojnë të zgjedhin kode të lehta dhe të parashikueshme, duke e rrezikuar kështu sigurinë e tyre.

Sipas një raporti të publikuar nga Australian Broadcasting Corporation (ABC), shumë PIN-a me katër shifra janë aq të përdorur dhe të njohur, sa që një person mund të arrijë t’i zbulojë ato lehtësisht nëse gjen ose vjedh një pajisje.

PIN-i më i zakonshëm, sipas raportit, është 1234, i ndjekur nga 0000 dhe 1111. Po ashtu, shumë njerëz përdorin si PIN vitin e lindjes, çka shpjegon përhapjen e madhe të kodeve si 1986, 1984, 1990 e të ngjashme.

Për të shmangur rrezikun e thyerjes së kodit tuaj PIN, ekspertët rekomandojnë të mos përdorni këto kombinime të zakonshme: 1234, 1111, 0000, 1342, 1212, 2222, 4444, 1122, 1986, 2020, 7777, 5555, 1989, 9999, 6969, 2004, 1010, 4321, 6666, 1984, 1987, 1985, 8888, 2000, 1980, 1988, 1982, 2580, 1313, 1990, 1991, 1983, 1978, 1979, 1995, 1994, 1977, 1981, 3333, 1992, 1975, 2005, 1993, 1976, 1996, 2002, 1973, 2468, 1998, 1974.

Nesër do të mbyllen hyrjet kryesore të Prishtinës

Të enjten e 29 majit hyrjet kryesore të Prishtinës do të mbyllen për dy orë nga bizneset, në shenjë proteste ndaj liberalizmit të tregut të energjisë elektrike, që pritet të hyjë në fuqi më 1 qershor.

Në një kërkesë për bizneset, Oda Ekonomike e Kosovës ka njoftuar se për dy orë do të ketë protestë paqësore, teksa ka paralajmëruar se ato do të vazhdojnë deri në plotësim të kërkesave të bizneseve që të shtyhet dalja në treg të lirë dhe që të niset dialogu për të gjetur zgjidhje të pranueshme që tranzicioni të ndikojë sa më pak në sektorin privat.

Nga ora 10:00 deri në orën 12:00 do të bllokohen këto hyrje të Prishtinës.

Lokacionet e bllokimit:

Hyrja nga Veterniku – Hyrja nga Gjilani – do të bllokohet hyrja nga Albi Mall e poshtë Veternikut – Kështu bllokohen të gjitha hyrjet (Ferizaj, Gjilan, Aeroport)

Hyrja nga Fushë-Kosova – Hyrja nga Mitrovica – do të bllokohet hyrja prej rrethit të Madh te Lakrishtja (Dukagjini tower) – Kështu bllokohen të gjitha hyrjet nga Mitrovica dhe Fushë-Kosova

Hyrja nga Podujeva – Hyrja në lagjen e Vranjevcit – te ish-Humanisti – Udhëkryqi te banka Raiffeisen – bllokohen hyrje-daljet nga Podujeva, por edhe lëvizjet nga Dragodani në drejtim të Shkabaj/Orlloviq.

Rrugët do të bllokohen nga automjetet e kompanive që do të preken nga vendimi për dalje në treg të lirë.

Nëse kërkesat nuk plotësohen, Oda Ekonomike ka paralajmëruar protesta me kohëzgjatje deri në 4 orë dhe bllokim të plotë të hyrjeve në Prishtinë.

“Në mungesë të reagimit institucional: protesta do të vazhdojë çdo ditë, gjatë gjithë ditës, deri në reflektim dhe veprim konkret nga institucionet përgjegjëse”, thuhet në njoftim.

Zyra e Rregullatorit të Energjisë nuk ka sqaruar se si do të ndikojë në tarifat e energjisë dalja në treg të hapur e konsumatorëve me mbi 10 milionë euro qarkullim ose me mbi 50 punëtorë. Por sipas Odës Ekonomike, në treg të lirë janë ofertat me çmime prej 200 për qind më të larta.

Dy javë pas tragjedisë, Rina bëri këtë veprim sot

Pas më shumë se dy javësh nga vdekja tragjike e dizajnerit të njohur Festim Isufi, bashkëshortja e tij, Rina Maloku, është parë sot pranë banesës ku çifti jetonte bashkë.

Sipas raportimit të Indeksonline, ajo ka shkuar për të marrë gjësende personale, kjo është hera e parë që ajo shfaqet publikisht që nga dita e varrimit, ku ishte e pranishme.I pranishëm në vendin e ngjarjes është parë edhe avokati Arianit Koci.

Ndërkaq, sipas raportit të autopsisë, Isufi kishte 7 plagë në trup, të gjitha në zonën e qafës dhe fytit.

Përveç Isufit i cili me profesion ishte disenjator, e lënduar nga ngjarja pati mbetur edhe Rina Maloku-Isufi, e cila është intervistuar ditë më parë nga hetuesit e Policisë së Kosovës në kuadër të hetimeve që po vazhdojnë për të zbardhur rrethanat e plota të ngjarjes.

Burime të IndeksOnline tutje bëjnë me dije se familja Isufi ende nuk ka pranuar raportin mjekoligjor

Sot është një ndër artistët më të njohur shqiptar, a e njihni personazhin në foto? (FOTO LAJM)

Butrint Imeri është padyshim një ndër figurat më të pëlqyera të showbizz-it. Këngëtari, i cili e nisi karrierën muzikore që në moshë të re, ka ditur të depërtojë në treg duke arritur një sukses të jashtëzakonshëm.

Vlen të përmendet sezoni i verës që sapo kaluam, ku Butrinti dominoi top listat me “Lot”, dueti me Taynën së fundmi. Teksa po shijon suksesin e kësaj kënge dhe të projektit tjetër “Lej kto rrena”, Imeri ka paralajmëruar hite të tjera.

Por ndërsa fansat po presin për projektin e radhës, ai ka tërhequr vëmendjen me disa imazhe të papublikuara më parë. Butrinti është kthyer pas në kohë dhe ka ndarë disa foto kur ka qenë fëmijë.

Serbët protestojnë në Leposaviq

Para palestrës sportive në Leposaviq, të cilën organet komunale të Kosovës e morën dje nga organet paralele serbe nën juridiksionin e tyre dhe ndërruan bravën e derës hyrëse, sot është mbajtur një protestë.

Rreth orës 10:00, aty u mblodhën përfaqësues të klubeve sportive serbe, të cilët deri dje aty ushtronin me fëmijët.

Atyre iu bashkuan edhe qytetarë të tjerë për të përkrahur protestën, transmeton Paparaci.

Një nga përfaqësuesit e klubit sportiv ka deklaruar: „Jemi këtu të tregojmë pakënaqësinë për mbylljen e palestrës dhe “mohimin e të drejtës” që fëmijët tanë të merren me sport“, raporton Kossev

Në protestë morën pjesë edhe fëmijët, prindërit e tyre dhe trajnerët.

Në afërsi të objektit, si dhe përpara tij, ndodheshin patrulla të Policisë së Kosovës.

Të tubuarit, në shenjë pakënaqësie, fishkëllenin dhe thërrisnin „Ua“.

Siç konfirmoi një nga të pranishmit për KoSSev, protesta sapo ka përfunduar. Megjithatë, para palestrës sportive kanë mbetur ish-punëtorët e organeve ilegale serbe.

Rina Maloku braktis banesën ku jetonte me Festim Isufin, i tërheq gjësendet personale (pamje)

Paraditen e së mërkurës në përcjellje të Policisë së Kosovës, Rina Maloku-Isufi ka tërhequr gjësendet e saj personale nga banesa ku jetonte me bashkëshortin e saj, Festim Isufi, i cili vdiq tragjikisht më 9 maj, në banesën e tyre në kryeqytet.

Derisa, Rina bënte tërheqjen e gjësendeve të pranishëm kanë qenë ekipet e hetuesisë si dhe familjarë të Isufit, shkruan IndeksOnline.

I pranishëm në vendin e ngjarjes është parë edhe avokati Arianit Koci.

Tutje, sipas raportit të autopsisë, Isufi kishte 7 plagë në trup, të gjitha në zonën e qafës dhe fytit.

Përveç Isufit i cili me profesion ishte dizejnator, e lënduar nga ngjarja pati mbetur edhe Rina Maloku-Isufi, e cila është intervistuar ditë më parë nga hetuesit e Policisë së Kosovës në kuadër të hetimeve që po vazhdojnë për të zbardhur rrethanat e plota të ngjarjes.

Burime të IndeksOnline tutje bëjnë me dije se familja Isufi ende nuk ka pranuar raportin mjeko- ligjor.

E rëndë: Ky është mërgimtari që humbi jetën tragjikisht në Itali, ishte duke shkuar në punë

Ai vdiq menjëherë teksa po shkonte në punë, i goditur nga makina e një studenti që kishte dalë jashtë kontrollit. Edmond Gjoci, 39 vjeç, banues në Tuoro të Italisë, i martuar dhe baba i një vajze 5-vjeçare, po ecte në buzë të rrugës rajonale 71 në Riccio.

Një “Lancia Y” u përplas mbi të dhe e rrëzoi përtokë si një birilë. Në tragjedinë që ndodhi këtë mëngjes në orën 7:45, ekziston hija e një shpërqendrimi fatal, kur fatet e një nxënësi 19-vjeçar të shkollës së mesme nga zona dhe një punëtori ferme u kryqëzuan në mënyrën më të tmerrshme.

I riu, i nënshtruar testeve, rezultoi negativ për alkool dhe çdo substancë tjetër. Kështu, midis hipotezave që po shqyrtohen nga Karabinierët, përveç sëmundjes së papritur, një avarie motorike ose një ngjarjeje të paparashikuar, ekziston edhe mungesa e përqendrimit gjatë drejtimit të automjetit.

Ndoshta për një kontroll të parëndësishëm, për të parë celularin, ose për diçka tjetër. Por për momentin nuk ka asgjë të sigurt në hetimin e hapur në mënyrë të pashmangshme nga prokuroria për vrasje rrugore. Përveç se, në fakt, këmbësori humbi jetën menjëherë dhe makina e vogël gri përfundoi jashtë rrugës pas përplasjes. Ai gjithashtu goditi një tabelë anës rrugës.

Që nga rindërtimi i parë i dinamikës, studenti e përshkonte të gjithë karrexhatën në mënyrë diagonale: vinte nga ana e Terontolës dhe po shkonte në drejtim të Cortonës. Makina dhe telefoni celular u sekuestruan. 39-vjeçari nga Trasimeno, me origjinë nga Shqipëria, por që jetonte në Tuoro prej rreth dhjetë vitesh, një person i thjeshtë dhe i njohur, vuri re vetëm automjetin që po shkonte drejt tij, por pa shmangur përplasjen fatale. Ai nuk arriti ta shpëtonte veten.

Ishte në buzë të rrugës së ngarkuar, pasi kishte mbërritur me autobus nga shtëpia: kishte një takim për të shkuar në punë, me sa duket në Pergo. Kur mbërritën makina mjekësore Alfa 3 dhe ambulanca, Edmond Gjoci ishte tashmë i vdekur.

Pas intervistimit disa orësh, reagon Peci: Mbi qiellin e kësaj toke e këtij populli, ka Zot!

Ministri në detyrë i Bujqësisë, Faton Peci, ka reaguar pas intervistimit disa orësh që e pati dje nga organet hetuese.

“Jam i bindur që epilogu i këtij procesi do të jetë i njohur për ju sikurse është i njohur për rreth 30 mijë fermerë, që përfitojnë në baza vjetore subvencione dhe grante e që njëherit janë dëshmitarët më të vëmendshëm në çdo cep të Kosovës. Ata, më së miri e dinë se në funksion të kujt, e kam kryer detyrën zyrtare”, ka shkruar ai.

Postimi i plotë:

Të dashur qytetarë, miq e familjarë;

U jam mirënjohës për shprehjen e shqetësimit si dhe për solidaritetin e treguar gjatë ditës së djeshme, me rastin e intervistimit tim nga organet e rendit dhe drejtësisë.

Me theks të vecantë, ju drejtohem 133,987 qytetarëve që më kanë dhuruar gjënë më të shenjtë; besimin!

Jam i bindur që epilogu i këtij procesi do të jetë i njohur për ju sikurse është i njohur për rreth 30 mijë fermerë, që përfitojnë në baza vjetore subvencione dhe grante e që njëherit janë dëshmitarët më të vëmendshëm në cdo cep të Kosovës. Ata, më së miri e dinë se në funksion të kujt, e kam kryer detyrën zyrtare.

Çdo shkronjë, fjalë, si në të shkruar ashtu edhe e thënë, është e qasshme për secilin që ka interesim.

Kosova, si vend i bekuar ka një popull të mrekullueshëm, e mbi qiellin e kësaj toke e këtij populli, ka Zot!