Nipi i Gani Gecit bashkohet me Gërvallën e Pecin në ‘GUXO’

Gjatë ditës së sotme njëri nga anëtarët e familjes Geci i është bashkuar Partisë Guxo.

Kështu ka bërë të ditur Donika Gërvalla përmes një njoftimi për media.

”Sot, në Partinë Guxo mirëpritëm Fatos Gecin, ekonomistin nga Drenica. Ai po bashkohet me familjen tonë politike, duke pasur guximin, idealizmin, patriotizmin dhe formimin institucionalist që e ka në asht, si pinjoll i denjë i familjes tradicionale e fisnike të Bajraktarit të Llaushës, djali i vëllait të madh nga Shtatë Vëllezërit Geci” ka shkruar Gërvalla.

Sipas Gërvallës, ‘Guxo’ është trashëgimtare e denjë dhe e vetme e Ibrahim Rugovës.

”Duke trashëguar traditën, familja e Fatosit dha provimin më të madhërishëm. Fillimisht, në rezistencën civile, pas kësaj si bashkëluftëtarë të Adem Jasharit e luftëtarë deri në çlirimin e vendit dhe në përpjekjen e përhershme për shtetndërtimin e Kosovës, gjithmonë duke qenë mbështetës të institucioneve të Kushtetutës së Kaçanikut dhe të Presidentit Ibrahim Rugova. Nga sot, rrugën për Kosovën, Fatos Geci do ta bëjë bashkë me Partinë Guxo, trashëgimtaren e denjë dhe të vetme të Ibrahim Rugovës”, ka shkruar Gërvalla

Kur mund të kemi zgjedhje në Kosovë, deklarohet Presidentja Osmani

Presidentja Vjosa Osmani, është prononcuar pas takimit që ka zhvilluar me liderët e partive lidhur me ngërçin e krijuar në Kuvend duke thënë se ka pasur disponim minimal dhe se atmosfera në takim s’ka qenë e tensionuar, shkruan Gazeta Express.

Ajo ka thënë se tek liderët ‘’vullnet ka’’.

‘‘Unë  përmenda që pavarësisht dallimit në qëndrimi diskutimi ka qenë me respekt të ndërsjellë dhe ka qenë konstruktiv. Kam pa lloj-lloj takimesh, në atmosfera të tensionuara, dhe ky nuk ka qenë i tillë. Tymi i bardhë do të dalë vetëm kur kemi konstituim të Kuvendit, akoma nuk jemi në atë pikë. Disponim minimal e thash në kontekstin që vullnet ka’’, ka deklaruar ajo.

Tutje, ajo është pyetur edhe nëse janë diskutuar zgjedhjet si mundësi e daljes nga situata aktuale duke deklaruar është fol se nëse shkohet shumë gjatë me situatën e njëjtë duhet që liderët të pajtohen për zgjedhje, porse, edhe për këtë çështje duhet konstituimi i Kuvendit fillimisht.

‘‘Sa i përket zgjedhjeve, të gjithë jemi pajtuar që siç e dini Kushtetua e parasheh që zgjedhje mund të ketë në disa raste;  Në qoftë se 2/3 e kuvendit vendosin të votojnë për shpërndarjen e Kuvendit; Në qoftë se dështojnë në zgjedhjen e qeveris; Në qoftë se ka pastaj votë mosbesimi ndaj qeverisë. Për momentin pa konstitumin të Kuvendit, nuk mund të shkohet të asnjëra nga këto opsione. Edhe në qoftë se partitë pajtohen që të shkojnë në zgjedhje, fillimisht duhet me u konstitu kuvendi.  U fol që në qoftë se shkohet shumë shumë gjatë, mund të vijmë në një pikë ku liderët duhet të ulën dhe të pajtohen për zgjedhje, mirëpo edhe për këtë parakusht është konstituimi i Kuvendit. Pa u pajtuar për konstituim të Kuvendit, nuk mund të pajtohen as për zgjedhje’’, ka deklaruar ajo.

Osmani deklarohet pas takimit me liderët politikë, pritet të ndërrmar këtë hap

Presidentja Vjosa Osmani është deklaruar pas takimit me liderët e partive politike, ku paralajmëruar se do të ketë takime të tjera.

Osmani tha se duke filluar nga java e ardhshme, mund t’i takojë edhe ndaras secalin lider nëse ka nevojë, shkruan Reporteri.net.

Osmani përgëzoi liderët e partive, për siç tha, qasjen e tyre konstruktive.

“Tani unë dua që t’i përgëzoj të gjithë liderët pjesëmarrës për qasjen e tyre konstruktive gjatë këtij takimi, sado që kishin qëndrime të ndryshme në shumicën dërmuese të temave, megjithatë me qasje konstruktive. Secili prej tyre treguan vullnet të mirë që të gjendet një zgjidhje përpara dhe të konstituohet Kuvendi sa më parë”, tha Osmani.

Sipas saj, “ekziston një disponim minimal”, për çka tha se është e bindur se do të rritet me kalimin e kohës, që tha se shpreson shumë se s’do të jetë kohë e gjatë.

Osmani tha se mund ta çojë këtë çështje në Kushtetuese, por se aktualisht do të presin. Ajo tha se këtë e ka përmendur edhe në takim dhe se s’ka pasur kundërshtim për këtë.

“Kam shprehur gatishimëirnë pas diskutimeve që të shohim rrugën përpara në qoftë se është e nevojshme, mirëpo për momentin mendoj që duhet të vazhdojnë përpjekjet për krijim me vetë vullnetin e partive, Nëse zvarrityet shumë, janë disa opsione. Një opsion është vetë deputetët ta shfrytëzojnë këtë të drejtë. Mënyra tjetër është që unë si president ti drejtohem Gjykatës Kushtetuese”, shtoi ajo.

Thirrje tronditëse nga gazetari Nexhat Behluli: Kërkon ‘eliminimin’ e 10 gazetarëve nga Kosova!

Gazetari nga Lugina, Nexhat Behluli, ka bërë një postim katastrofal në Facebook, ku ka bërë thirrje për eliminimin e 10 gazetarëve të Kosovës.

Ai i ka quajtur ata “kancer i shtetit të Kosovës”.

“Nëse vetëm pak ja keni haberë profesionit të gazetaris e keni kuptu si funksionojnë këta profiterat medial, njëri prej tyne e publikon një Lajm tendencioz, të gjithë pas e publikojnë të njejtin Lajm vetëm ja ndryshojnë titullin. Nëse njërit prej ktyne ju zbulohet naj aferë, të gjithë këta tjerët pastaj i dalin në mbrojtje ! Këta janë kancer i shtetit të Kosovës dhe çka është më e keqja shumë jan forcu, nuk nalen, e vetmja mundësi me ja nal hovin e zullumit është sikur Bullgaria dhe Rumania qysh i ka  eliminu kriminelët në prag të antarsimit në BE”, ka shkruar ai.

Më poshtë gjeni postimin e tij:

Zbulohet se çfarë tha Kurti në takim me Presidentën dhe liderët politikë

Kryetari i Lidhjes Demokratike të Kosovës, Lumir Abdixhiku, është deklaruar pas takimit të mbajtur sot nga Presidentja e vendit me liderët e partive parlamentare, në përpjekje për të gjetur një zgjidhje për ngërçin politik që ka përfshirë vendin, transmeton IndeksOnline.

 

 

 

Abdixhiku tha se nga takimi nuk doli asnjë gatishmëri për të dalë nga situata aktuale, duke theksuar se Vetëvendosje nuk ofroi asnjë ide apo propozim konkret për zgjidhjen e krizës.

“Nuk u dha gatishmëri që të dilet nga situata. Gjendja e tanishme është pa asnjë iniciativë nga VV. Nga ta nuk ka brengë e as urgjencë që kjo çështje të zgjidhet”, tha Abdixhiku, i cili kritikoi ashpër qasjen e partisë në pushtet.

Ai bëri të ditur se kishte propozuar formimin e një qeverie uniteti për një kohë të caktuar, ide e cila sipas tij u prit mirë nga pjesëmarrësit, përjashtuar partinë e parë – VV-në.

 

 

“Jam i lumtur që kishte reflektim nga partitë tjera. Por VV nuk ka asnjë ide si të dilet nga kjo situatë. Ky ngërç politik është i dëshmueshëm”, shtoi ai.

Kreu i LDK-së njoftoi se pas këtij takimi, do të mblidhet kryesia e partisë për të vendosur për hapat e mëtejshëm.

“Nuk jemi të interesuar të vazhdojmë me cirkun e çdo 48 orëve me seanca pa përmbajtje. I bëj thirrje Presidentes që sa më shpejt ta shqyrtoi mundësinë që këtë çështje ta dërgojë në Gjykatën Kushtetuese”, deklaroi Abdixhiku.

Duke vënë theksin në përgjegjësinë e partisë së parë për formimin e shumicës, Abdixhiku tha se ishte i habitur nga qëndrimi i kryeministrit Kurti.

“Ajo që më habiti më së shumti ishte deklarata e Kurtit se nuk ka asgjë urgjente. Fakti që ai nuk e kupton se është urgjente zgjidhja e kësaj çështjeje është shumë shqetësuese”.

Ai theksoi se LDK nuk do t’i tradhtojë kurrë votuesit e saj, ndërsa përsëriti akuzat se partia e parë ka bllokuar vendin.

“E ftojmë partinë e parë që të ofrojë zgjidhje dhe të dalim nga kjo situatë”, përfundoi ai./

Nxirrni rrobat dimërore – Nesër borë e shi, temperaturat pritet të zbresin deri në 3C

Edhe dita e sotme po vijon me diell dhe vranësira të herëpashershme, si dhe me rritje të temperaturave, ku maksimalet pritet të ngjiten deri në 24°C.

Megjithatë, një ciklon i fuqishëm nga Afrika Veriore ka filluar gradualisht të lëvizë drejt rajonit tonë, duke sjellë shtim të vranësirave gjatë orëve të pasdites dhe mbrëmjes, të cilat pritet të gjenerojnë reshje të pakta lokale, shkruan Meteo Kosova, transmeton Insajderi.

Të premten, ky ciklon do të kalojë përmes Greqisë, duke sjellë reshje intensive në pjesën më të madhe të rajonit, përfshirë edhe vendin tonë. Si rrjedhojë, të premten do të mbajë mot kryesisht i vranët dhe me reshje shiu, të cilat lokalisht dhe herë pas here pritet të jenë intensive.

Ndërkohë, masa të ftohta dhe të fuqishme ajrore me origjinë polare do të shkaktojnë një rënie të ndjeshme të temperaturave për këtë periudhë të vitit. Gjatë orëve të pasdites, në zonat e ulëta, temperaturat parashikohen të zbresin në 3 apo 4°C, nga 12–13°C sa pritet të jenë në mesnatë.

Këto masa të ftohta gjithashtu do të sjellin reshje të dendura bore në zonat malore, ku temperaturat mund të zbresin deri në -3°C. Reshje bore priten edhe zonat e larta malore në Mal të Zi.

Pra, edhe pse jemi në mesin e muajit maj, këto ndryshime ekstreme të motit do të ngjajnë më shumë me fundin e nëntorit apo dhjetorit.

Reshjet më intensive pritet të jenë në Shqipëri, Maqedoninë e Veriut dhe Greqi, ku do të ketë edhe shkarkesa rrufesh, sidomos në jug të Shqipërisë dhe në Greqi.

Muhaxheri për takimin me presidenten: Nëse s’ka zgjidhje, LVV t’ia lëshojë rrugën të dytit!

Kryetari i komunës së Pejës, Gazmend Muhaxheri, ka thënë se presin që presidentja Vjosa Osmani, të ofrojë ndonjë alternativë për zgjedhjen e ngërçit në Kuvend. 

Ai ka thënë se Lëvizja Vetëvendosje duhet të lirojë rrugë nëse nuk mundet që t’i formojë institucionet e reja.

“I takon të parit me u mundu me e ba zgjedhjen dhe besojë që ka kohë me reflektu, por nëse nuk mundet duhet me lëshu rrugë me ia dhanë mundësin partisë së dytë”, ka thënë Muhaxheri.

Tutje, Muhaxheri në “Politiko” ka thënë se alternativa e tyre është që të bëhet një transitore dhe pastaj me u përgatit për zgjedhje vitin e ardhshëm.

Adri e Iliriana po bëhen prindër për herë të parë?

Çifti simpatik Adri e Ilirjana ditë më parë lansuan këngën e re.

“Ne ja dolëm”, titullohet kënga e cila është vizualizuar me videoklip, shkruan Indeksonline.

Në këtë këngë të bukur, duket se dyshja na dha një lajm të ëmbël.

Thuhet se Iliriana është në pritje të fëmijës së parë, bashkë me Adrin.

Sidoqoftë mbetet të shihet ditëve në vazhdim nëse ky lajm do të konfirmohet.

Kosovari në ShBA futet me armë të mbushur në aeroplan, arrestohet -Pamje

Një ngjarje e pazakont ndodhi më 15 prill në aeroportin O’Hare të Chicagos, ku Besnik Ismajlaj, një shtetas me origjinë shqiptare dhe banues në St. Charles, Illinois, arriti të kalojë kontrollin e sigurisë me një armë zjarri në çantën e dorës, pa u vënë re nga agjentët e Administratës për Sigurinë e Transportit Ajror (TSA).

Sipas informacionit të dhënë nga policia, 53-vjeçari kishte me vete një pistoletë gjysmë-automatike Glock 9mm, të cilën e futi në avion pa kaluar ndonjë kontroll të rreptë. Incidenti ndodhi gjatë një ndërrimi turni të agjentëve të sigurisë, që mund të ketë kontribuar në këtë gabim.

Pamjet e publikuara nga kamera trupore e policisë tregojnë momentin kur oficerët e policisë së Chicagos hipin në avion dhe e nxjerrin Ismajlajn nga klasa e parë, ku ai ishte ulur qetësisht, pa u bërë ndonjëshqetësim.

Pas arrestimit të tij, Ismajlaj u dërgua për intervistim dhe është duke u hetuar për shkeljen e ligjeve të sigurisë ajrore.

Kur oficerët e pyetën nëse e dinte pse ndodheshin aty, Ismajlaj u përgjigj: “Po, është në çantën time.” Më tej, në video ai dëgjohet duke thënë: “E harrova,” teksa vendoset në pranga dhe shoqërohet jashtë avionit, shkruan “The New York Post”.

Sipas deklaratave zyrtare, një agjent i TSA-së e kishte vënë re armën gjatë kontrollit me rreze X, por para se të mund të reagonte, Ismajlaj kishte marrë çantën dhe ishte larguar drejt portës së fluturimit. Një udhëtar tjetër që ndodhej në radhë dha përshkrimin e personit që mbante armën, gjë që ndihmoi në identifikimin dhe kapjen e tij.

Pas arrestimit, Besnik Ismajlaj u ngarkua me akuzën për kundërvajtje, për mbajtjen e armës së fshehur në një aeroport. Në video shihet gjithashtu momenti kur oficerët e policisë e fusin në furgon dhe e dërgojnë në një dhomë mbajtjeje, ku i lexohen të drejtat e tij sipas ligjit Miranda.

Ismajlaj pritet të dalë para gjykatës më 9 qershor 2025, për t’u përballur me akuzat dhe procedurat e mëtejshme ligjore që lidhen me këtë incident.

Dalin në shitje biletat për ndeshjën Shqipëri-Serbi, ja si mund t’i siguroni

Për të gjithë tifozët kuqezi që presin me padurim përballjen e shumëpritur Shqipëri–Serbi, tashmë janë hapur aplikimet për biletat online.

Federata Shqiptare e Futbollit ka konfirmuar se biletat për këtë supersfidë mund të rezervohen përmes platformës zyrtare ebileta.al dhe çdo person mund të aplikojë për maksimumi 4 bileta.

Ja çfarë duhet të bëni për të siguruar një vend në stadium:

1. Hyni në platformën ebileta.al

2. Zgjidhni eventin për ndeshjen Shqipëri–Serbi

3. Zgjidhni sektorin ku doni të uleni dhe më pas numrin e biletave (maksimumi 4 për përdorues)

4. Bëni log in me profilin tuaj ose krijoni një nëse nuk keni

5. Konfirmoni të dhënat tuaja personale

6. Vendosni emrat e personave në bileta dhe bëni “Booking Confirm”.

Afatet dhe procesi i përzgjedhjes:

Afati i aplikimeve do të zgjasë deri më 30 maj.

Pas mbylljes së aplikimeve, do të zhvillohet një përzgjedhje e rastësishme dhe automatike, përmes shortit elektronik.

Blerja dhe marrja e biletave:

Të përzgjedhurit do të marrin një link unik për të kryer pagesën online, gjatë periudhës 30 maj – 2 qershor 2025.

Pas konfirmimit të pagesës, biletat elektronike do të dërgohen automatikisht në adresën e regjistruar të e-mailit.

FSHF thekson se bileta mund të transferohet vetëm një herë. Çdo transferim i mëtejshëm do ta bëjë biletën të pavlefshme.