Parashikimi i motit për nesër

Mëngjesi i së mërkurës fillon me intervale me diell, e përgjatë luginave të lumenjëve mund të formohen shkurtimisht kushte për mjegull. Nga mesdita zhvillohen vransira, që pasdite shoqërohen me rrebeshe shiu e bubullima. Duke shkuar orëve të mbrëmjes rrebeshet mund të përhapen më shumë në vend. Frynë erë verilindore e lehtë dhe mesatare 2-5m/s.

Në raste të zhvillimit të ndonjë stuhie mund të frynë me hove deri në 15m/s. Temperaturat maksimale shkojnë deri në 20C e 23C, derisa minimalet zbresin në 8C e 12C.

Kryesisht mot i paqëndrueshëm dhe i ndryshueshëm do të vazhdoj së paku deri në fundjavë. Do të ketë vransira, intervale me diell, si dhe rrebeshe më të shpesha me shi, e kryesisht orëve të pasdites të shoqëruara me bubullima. Temperaturat maksimale shkojnë deri në 18C e 20C, e në fundjavë pritet të zbresin në 17C e 16C. Minimalet zbresin në 8C e 10C. Frynë erë kryesisht juglindore e jugore 2-7m/s, e nga fundjava frynë erë veriore, të dielen me hove deri në 13m/s./Mendimi për motin

Bëhet e ditur, ja ku do ta shohim Gjestin nesër

Fituesi i “Big Brother VIP Albania 4”, Gjesti, nuk po humbet kohë për të qëndruar pranë publikut.

Ai do të jetë i ftuari special në episodin e ardhshëm të emisionit humoristik “Portokalli”.

Shfaqja do të transmetohet të mërkurën, ora 19:00, në studiot e Top Channel.

Pas një rrugëtimi të suksesshëm në shtëpinë më të famshme në Shqipëri, duket se Gjesti është gati për një kapitull të ri – mes televizionit dhe muzikës.

Egli harron Gjestin, reagon mbi thashethemet në rrjet

Ish finalistja e ‘Big Brother VIP Albania’, Egli Tako, ka reaguar për herë të parë pas përfundimit të spektaklit, duke shprehur falënderime të sinqerta për të gjithë ata që e kanë mbështetur gjatë periudhës së saj në emision.

Me një shkrim emocionues, Egli ka ndarë mendimet e saj me ndjekësit, duke u ndjerë jashtëzakonisht mirënjohëse për dashurinë e pakushtëzuar që kanë demonstruar për të. Ajo e përshkruan këtë periudhë si një kapitull të veçantë në librin e saj të jetës.

Ajo thekson se përfundimi i një aventure nuk do të thotë fundi i ëndrrave, por një fillim i ri, pasi ka mësuar shumë nga kjo eksperiencë. “Çdo fund, është një fillim i ri”,” shprehet ajo me entuziazëm, duke i ftuar ndjekësit të qendrojnë të lidhur me të për atë që do të sjellë në të ardhmen.

Egli gjithashtu ka paralajmëruar se shumë gjera të bukura do të vijnë në ditët në vijim, duke e mbajtur publikun në pritje. “Së shpejti, do të zbuloni shumë surpriza, dhe jam e sigurt që do t’ju gëzojnë,” shkruan ajo, duke ndezur kureshtjen e fansave.

Përveç falënderimeve, ajo ndau gjithashtu emocionet e saj më të thella. “Të gjithë jeni bekim për mua, dhe ju dua shumë secilin prej jush. Mezi pres të jem afër jush për gjithë dashurinë që më keni dhuruar,” tha Egli, duke e theksuar lidhjen e veçantë që ka krijuar me ndjekësit e saj.

Egli Tako është bërë e njohur për personalitetin e saj të fortë dhe karizmatik, dhe prezenca e saj në ‘Big Brother VIP Albania’ ka angazhuar më shumë se kurrë fansat. Ajo ka treguar se përtej çdo sfide, mbështetja e publikut është ajo që i dha forcë për të vazhduar.

Ajo e mbyll shkrimin me mendimin se çdo përvojë që kalon individi e bën më të fortë dhe më të gatshëm për atë që do të vijë. Një mesazh frymëzues që tregon sesi përvojat e jetës na formojnë dhe na ndihmojnë të rritemi.

Me fjalë të tilla të thella dhe motivuese, Egli Tako ka siguruar se do të vazhdojë të jetë pranë fansave të saj, duke e mbajtur gjallë komunikimin dhe lidhjen e veçantë që ka krijuar gjatë këtij rrugëtimi televiziv.

Ndërron jetë profesori i njohur universitar

Fakulteti i Edukimit dhe Sportit ka njoftuar sot vdekjen e profesorit Aziz Dujaka.

“Të nderuar profesorë, studentë, staf administrativ dhe të gjithë ju që jemi bashkë në shtëpinë tonë të përbashkët – Fakultetin e Edukimit Fizik dhe Sportit,
Me dhimbje të thellë ju njoftojmë se sot, më 22 prill 2025, është ndarë nga jeta profesori Aziz Dujaka.

Në emër të menaxhmentit, të studentëve dhe të tërë stafit akademik e administrativ, i shprehim ngushëllimet më të sinqerta Familjes Dujaka. Humbja e profesorit Dujaka është një dhimbje e madhe për të gjithë ne që patëm fatin ta njihnim dhe të bashkëpunonim me të.
Ngushëllime të përzemërta dhe kujtim i përjetshëm për të.
Për detajet e ceremonisë së varrimit do të njoftoheni me kohë” thuhet në njoftim.

Danja Koka shfaqet me të dashurin në festën pas Big Brother – FOTO

Pas përfundimit të edicionit të katërt të Big Brother VIP Albania, pjesëmarrësit u mblodhën në një festë madhështore për të shënuar suksesin e këtij sezoni. Atmosfera festive mblodhi jo vetëm ish-banorët, por edhe të ftuar të tjerë të njohur, raporton Gazeta Sinjali.

Një nga momentet më të përfolura të mbrëmjes ishte paraqitja publike e Danja Kokës së bashku me partnerin e saj, Redin.

Ndonëse gjatë qëndrimit në shtëpinë e famshme modelja kishte folur me shumë përzemërsi për lidhjen e saj, ajo kishte zgjedhur që jetën private ta mbante larg syrit të publikut.

Për herë të parë pas përfundimit të spektaklit, çifti u shfaq i buzëqeshur dhe i afërt në mesin e të ftuarve, duke hedhur poshtë çdo aludim për ndarje apo krizë në marrëdhënien e tyre.

Prania e tyre e përbashkët duket se ishte një përgjigje e heshtur ndaj thashethemeve që kishin qarkulluar gjatë javëve të fundit.

Çfarë po ndodh? Gresa Behluli shpërndan postime kundër Gjestit

Të shtunën, më 19 prill, u mbajt finalja e madhe e Big Brother VIP Albania 4, ku fitues doli Gjesti.

Por fitorja e tij nuk është pritur mirë nga të gjithë, shkruan Gazeta Infokus.

Në rrjete sociale kanë filluar reagimet, ku shumë ndjekës kanë thënë se Gjesti nuk e ka merituar çmimin e madh.

Në mesin e atyre që kanë reaguar në mënyrë indirekte është edhe Gresa Behluli, vajza e këngëtares së njohur Shkurte Fejza.

Gresa, në profilin e saj në “Facebook”, ka bërë “share” disa storie dhe postime që kritikojnë Gjestin – qoftë për sjelljet e tij gjatë qëndrimit në shtëpi apo për vetë fitoren.

Ende nuk dihet nëse ajo ka diçka personale me Gjestin, apo thjesht po pajtohet me mendimet që po qarkullojnë në publik.

Postimet e saj kanë tërhequr vëmendje dhe kanë ngjallur diskutime të shumta në rrjet.

Gjesti publikon foto, nuk pozoi me Eglin, por me dy vajza të tjera

Fituesi i “BBVA4”, Gjesti, natën e mbrëmshme ka shkuar në vendlindje, Pavlan.

Gazeta Imazhi siguroi fotografinë ku shihet, duke konsumuar ushqime tradicionale.

Për t’i vënë pikat mbi “i”, ndau një selfie ku shihet krahë Sara Hoxhës dhe Leda Hysës.

Sigurisht ndjekësit kanë pritur që ai të publikoi foto me Eglin por deri me tani nuk ka bërë një veprim të tillë.

 

 

Ndahet nga jeta ish-kryetari i Prishtinës

Ka ndërruar jetë akademiku dhe ish-kryetari i parë i Prishtinës pas luftës, Salih Gashi, një figurë e njohur e jetës akademike dhe politike në Kosovë, shkruan Gazeta Sinjali.

Lajmi për vdekjen e tij është bërë i ditur nga kryetari aktual i Prishtinës, Përparim Rama, i cili përmes një postimi ka shprehur ngushëllime dhe ka theksuar rëndësinë e kontributit të Gashit në ndërtimin e institucioneve dhe zhvillimin e kryeqytetit në një periudhë të vështirë.

“Me dhimbje të thellë morëm lajmin për ndarjen nga jeta të akademikut Salih Gashi – kryetarit të parë të Prishtinës pas luftës nga radhët e LDK-së dhe profesor i Fakultetit të Shkencave Matematike-Natyrore të Universitetit të Prishtinës”, ka shkruar Rama, duke shprehur ngushëllime për familjen, miqtë, bashkëpunëtorët, komunitetin akademik dhe gjithë qytetarët e Prishtinës.

Efekti i shtrenjtimit të rrymës, kafeja në Kosovë pritet të bëhet…

Pas vendimit të rritjes së çmimit të energjisë elektrike për rreth 16 % për të gjitha kategoritë e konsumatorëve, po paralajmërohet edhe ngritja e çmimit të produkteve ushqimore. Por jo vetëm.

Pas këtij vendimi të ZRRE-së, po paralajmërohet edhe ngritja e çmimit të kafes nëpër kafiteri.

Naim Llapashtica, menaxher i një kafiterie ka thënë se nga 1 maji, çmimi i kafesë pritet të rritet prej 1 euro në 1euro e 50 cent.

“Nuk është hera e parë që po shtrenjtohet rryma me këtë qeveri edhe qetash bajagi është një tarifë koxha e naltë. Tek ne bizneset ka me ndiku ma shume ka mundësi që disa edhe do të shuhen se nuk munden me përballu. Rritja e çmimit të energjisë sigurisht që do të reflektoj edhe në rritjen e çmimeve të mënyve tona. Psh, kafeja nga 1euro tek ne do të shtrenjtohet në 1.50 cent”., tha për rtv21 Naim Llapashtica, menaxher i një kafiterie.

Vendimi për shtrenjtimin e energjisë elektrike është duke u kundërshtuar në masë të madhe tash e pothuajse tre muaj nga qytetarët, bizneset, organizata joqeveritare si dhe nga vet presidentja e vendit, Vjosa Osmani. Madje në shenjë pakënaqësie u organizuan edhe tri protesta, të cilat po vazhdojnë të hasin në vesh të shurdhër.

Kërkesa për shtrenjtimin e energjisë elektrike fillimisht kishte nisur nga muaji shkurt, prej kur kompanitë për shpërndarje dhe furnizim me rrymë KOST, KEDS dhe KESCO dërguan në Zyrën e Rregullatorit për Energji një kërkesë për ndryshim të tarifave. Kjo gjë nisi të bëhej edhe më serioze kur kjo e fundit vlerësoi këtë kërkesë dhe tha se parashikon një rritje mesatare të tarifave për rreth 16%.

Egli i dërgon puthje motrës së Gjestit, reagimi i kësaj të fundit trondit rrjetin, bëhet viral

Spektakli i madh i finales së “Big Brother VIP Albania” nuk ka zhgënjyer as këtë vit  jo vetëm për emocionet dhe të papriturat, por edhe për momentet që ndezën rrjetin.

Një nga skenat më të përfolura ndodhi mes Eglit dhe motrës së Gjestit, shkruan Kosovarja.

Gjatë transmetimit live, kamerat kapën momentin kur Egli i dërgon një puthje nga larg, në dukje një gjest miqësor ose ndoshta më shumë… Por ajo që askush nuk priste ishte reagimi i saj: e ftohtë, indiferente dhe me një kthesë shpine që foli më shumë se mijëra fjalë.

Ky moment është bërë viral brenda pak minutash.

Videoja po qarkullon në TikTok, Instagram e Twitter, ndërsa komentet vërshojnë nga të gjitha anët.