Në Qendrën Komunale të Numërimit në Mitrovicë janë verifikuar 74.29 për qind të vendvotimeve.
Nga 74.29% të vendvotimeve të procesuara në garën për kryetar të Komunës së Mitrovicës, Arian Tahiri i Partisë Demokratike të Kosovës (PDK) prin me 50.04 për qind të votave të fituara.
Kundërkandidati i tij nga Lëvizja Vetëvendosje, Faton Peci numëron 45.75 për qind, tregojnë rezultatet e votave të verifikuara në QKN në Mitrovicë.
Gëzim Plakolli i Lidhjes Demokratike Kosovës (LDK) numëron 3.41 për qind të votave.
Në garën për Kuvendin Komunal, pas procesimit të 74 për qind të votave, PDK-ja kryeson me 41 për qind të votave, e pasuar nga Vetëvendosje me 22 për qind./Indeksonline/